അരുവിത്തുറ: അരുവിത്തുറപ്പള്ളി മുന്നോട്ടുവച്ച സാമൂഹിക, സാംസ്കാരിക, ആത്മീയ, ഭൗതിക മുന്നേറ്റമായ സഹദാ കർമ്മ പരിപാടിയുടെ ഭാഗമായി 22 പാവപ്പെട്ട കുടുംബങ്ങൾക്ക് ഭവനം പൂർത്തിയാകുന്നു. 2023 ഒക്ടോബർ 14, ശനിയാഴ്ച 3.00 pm ന് ഈ സ്നേഹഭവനങ്ങളുടെ വെഞ്ചരിപ്പ് പാലാ രൂപതയുടെ അഭിവന്ദ്യ പിതാവ് മാർ ജോസഫ് കല്ലറങ്ങാട്ട് നിർവഹിക്കും.
അരുവിത്തുറ പെരുന്നിലം ഭാഗത്ത് പള്ളി വാങ്ങിയ രണ്ടര ഏക്കർ സ്ഥലത്താണ്
എല്ലാ സൗകര്യങ്ങളോടും കൂടി 10 സെൻറ് സ്ഥലം വീതമുള്ള 22 വീടുകൾ പൂർത്തിയാക്കപ്പെട്ടിരിക്കുന്നത്. 650 sq. Ft വിസ്തീർണ്ണമുള്ള വീടുകൾക്ക് ഏകദേശം 10 ലക്ഷം രൂപ ചിലവഴിച്ചു. ഓരോ ഭവനങ്ങളുടെയും സ്വകാര്യത പരിഗണിച്ചുമാണ് നിർമ്മാണം. ഈ 22 ഭവനങ്ങൾക്കു പുറമെ 10 ഭവനങ്ങളുടെ നിർമാണവും പദ്ധതിയിലുണ്ട്. പാലാ രൂപത ഹോം പ്രോജകമായി ചേർന്നാണ് വീടുകൾ ഒരുക്കിയിരിക്കുന്നത്.
സഹദാ ഗാർഡൻസ് എന്ന് പേരിട്ടിരിക്കുന്ന ഭവന പദ്ധതി, അരുവിത്തുറ പ്രദേശത്തെ സുമനസുകൾ സംഭാവനയായി നൽകിയ ഒരു കോടി രൂപയും ബാക്കി പള്ളിയിൽ നിന്ന് നേരിട്ട് ചിലവഴിച്ചും എതാണ്ട് എട്ട് മാസം കൊണ്ടാണ് പൂർത്തിയായത്. ശുദ്ധജലത്തിനായി കുളവും പൊതുവായ മൈതാനവും വാഹന പാർക്കിങ്ങ് സൗകര്യവും ഏർപ്പെടുത്തിയിട്ടുണ്ട്.
2019 ൽ വികാരിയായി നിയമിതനായ ഫാ. ഡോ. അഗസ്റ്റിൻ പാലയ്ക്കപ്പറമ്പിൽ നടത്തിയ ഭവന സന്ദർശനങ്ങളിൽ നിന്നാണ് സ്വന്തമായി ഭവനമില്ലാത്തവരുടെ ദുരിതവും ദുഃഖവും നേരിട്ട് കണ്ട് മനസിലായത്. ഈ സന്ദർശനത്തിൽ നിന്നാണ് സഹദാ ഗാർഡൻസ് എന്ന സ്വപ്ന പദ്ധതിയുടെ ആശയം ഉയർന്നു വരുകയും അത് പൂവണിയുകയും ചെയ്തത്. കൈക്കാരന്മാരുടെയും കമ്മിറ്റിയംഗങ്ങളുടെയും അസി. വികാരിമാരുടെയും സഹദാ നിർലോഭമായ സഹകരണം കൊണ്ടാണ് ഈ ദൗത്യം പൂർത്തിയായത്.
മുതലുള്ള
വികാരി ഫാ. അഗസ്റ്റിൻ പാലയ്ക്കുപറമ്പിലിനോടൊപ്പം സഹവികാരിമാരായ ഫാ. ജോയൽ പണ്ടാരപ്പറമ്പിൽ, ഫാ.ജോസഫ് മൂക്കൻ തോട്ടത്തിൽ, ഫാ. ജോസഫ് കദളിയിൽ, ഫാ. സെബാസ്റ്റിൻ നടുത്തടം, കോളേജ് ബർസാർ ഫാ. ബിജു കുന്നയ്ക്കാട്ട്, കൈക്കാരന്മാരായ കെ.എം. തോമസ് കുന്നയ്ക്കാട്ട്, ജോസ് കുട്ടി കരോട്ടുപുള്ളോലിൽ, പ്രിൻസ് പോർക്കാട്ടിൽ, ടോം പെരുന്നിലം, സഹദാ ജനറൽ കൺവീനർ ഡോ. റെജി വർഗീസ് മേക്കാടൻ, ഡോ. ആൻസി വടക്കേച്ചിറയാത്ത്, ജെയ്സൺ കൊട്ടുകാപ്പള്ളിൽ, ജോൺസൺ ചെറുവള്ളിൽ, ജോണി കൊല്ലംപറമ്പിൽ, ഡോൺ ഇഞ്ചേരിൽ തുടങ്ങിയവർ നേതൃത്വം നൽകുന്നു.
പത്രസമ്മേളനത്തിൽ വികാരി ഫാ. ഡോ. അഗസ്റ്റിൻ പാലയ്ക്കുപറമ്പിൽ അസി. വികാരിമാരായ ഫാ. ജോയൽ പണ്ടാരപ്പറമ്പിൽ, ഫാ. ജോസഫ് മൂക്കൻ തോട്ടത്തിൽ, ഫാ. ജോസഫ് കദളിയിൽ,കൈക്കാരന്മാരായ കെ.എം. തോമസ് കുന്നയ്ക്കാട്ട്, ജോസ് മണവാട്ടി കരോട്ടുപുള്ളോലിൽ, പ്രിൻസ് പോർക്കാട്ടിൽ, ടോം പെരുന്നിലത്ത്, സഹദാ ജനറൽ കൺവീനർ ഡോ. റെജി വർഗീസ് മേക്കാടൻ, സഹദാ കൺവീനർ ജെയ്സൺ കൊട്ടുകാപ്പള്ളിൽ, ഡോൺ ഇഞ്ചേരിൽ എന്നിവർ പങ്കെടുത്തു.
