E News

പ്രാദേശികം

ഈരാറ്റുപേട്ട നഗരോത്സവം സർവ്വ കക്ഷി യോഗം ചേർന്നു.

Enews 4 December,2024

ഈരാറ്റുപേട്ട .നഗരസഭ നടത്തിവരാറുള്ള നഗരോത്സവം ഡിസംമ്പർ 27മുതൽ ജനുവരി 5 വരെ ഈരാറ്റുപേട്ട പി ടി എം എസ് ഓഡിറ്റോറിയത്തിൽ വെച്ച് നടത്തുന്നതാണ്. കലാ സാംസ്‌കാരിക വികസന സാഹിത്യ യുവജന വനിത സമ്മേളനങ്ങൾ നൃത്ത സന്ധ്യ ഗാനമേള മെഗാ ഷോ ഗസ്സൽ ഉൾപ്പെടെയുള്ള കലാ പരിപാടികളും ആധുനികവും വൈവിധ്യവും പുതുമയുമാർന്ന അഡ്വഞ്ചർ പാർക്കുകൾ ഫുഡ്‌ ഫെസ്റ്റിവൽ പുതുമയാർന്ന വ്യാപാര സ്റ്റാളുകൾ റോബോട്ടിക് ഷോ ഉൾപ്പെടെയുള്ള വിവിധ പരിപാടികളാണ് നാഗരോത്സവവുമായി ബന്ധപ്പെട്ട് ഈരാറ്റുപേട്ട നഗര സഭ ഒരുക്കിയിരിക്കുന്നത് നാഗരോത്സവവുമായി ബന്ധപ്പെട്ട് പ്രാഥമിക ആലോചന യോഗവും സ്വാഗത സംഘ രൂപീകരണവും ഈരാറ്റുപേട്ട നഗരസഭ കൗൺസിൽ ഹാളിൽ വെച്ച് ചേർന്നു.. ഈരാറ്റുപേട്ടയിലെയും സമീപ ഗ്രാമപഞ്ചായത്തുകളിലെ പ്രസിഡന്റുമാർ ഉൾപ്പെടെയും രാഷ്ട്രീയ സാമൂഹിക കലാ സാംസ്കാരിക മേഖലകളിലെ പ്രമുഖ വ്യക്തിത്വങ്ങൾ പങ്കെടുത്ത യോഗം അഡ്വ. സെബാസ്റ്റ്യൻ കുളത്തുങ്കൽ എം എൽ എ ഉൽഘാടനം ചെയ്തു. നഗര സഭ ചെയർപേഴ്സൺ അധ്യക്ഷത വഹിച്ച യോഗം വൈസ് ചെയർമാൻ അഡ്വ. മുഹമ്മദ്‌ ഇല്യാസ് സ്വാഗതം ആശംസിച്ചു പ്രോഗ്രാം കോർഡിനേറ്റർ കെ സുനിൽകുമാർ പദ്ധതി വിശദീകരണം നടത്തി. പൂഞ്ഞാർ തെക്കേക്കര പഞ്ചായത്ത്‌ പ്രസിഡന്റ്‌ ജോർജ് മാത്യു, തലനാട് പഞ്ചായത്ത്‌ പ്രസിഡന്റ് രജനി സുധാകരൻ, വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ സുഹാന ജിയാസ് പാർലിമെന്റ് പാർട്ടി ലീഡർമരായ അനസ് പാറയിൽ, അബ്ദുൾ ലത്തീഫ് സജീർ ഇസ്മായിൽ,വിവിധ രാഷ്ട്രീയ കക്ഷി നേതാക്കളായ കെ എ മുഹമ്മദ്‌ ഹാഷിം, അനസ് നാസ്സർ, അഡ്വ. ജെയിംസ് വലിയ വീട്ടിൽ,കെ എസ് നൗഷാദ്, റഫീഖ് പട്ടരുപറമ്പിൽ.ഹസീബ് വെളിയത്ത്, ഇസ്മായിൽ കീഴേടം, എം എം മനാഫ്,വിവിധ സാമൂഹിക സാംസ്കാരിക മേഖലകളിൽ ഉൾപ്പെട്ട ഷരീഫ് പൊന്തനാൽ,പി കെ നസീർ സക്കീർ താപി,പി പി എം നൗഷാദ്, മുഹ്സിൻ പഴയമ്പള്ളിൽ, നഗര സഭ ഉദ്യോഗസ്ഥരായ അസ്സിസ്റ്റന്റ് എഞ്ചിനീയർ കാവ്യ എം എസ്, സുപ്രണ്ട് നാൻസി കെ വർഗീസ്‌, ക്ലീൻ സിറ്റി മാനേജർ രാജൻ ടി, ജെ എച്ച് ഐ ജെറാൾഡ് മൈക്കിൽ,എന്നിവർ ആശംസകൾ അർപ്പിച്ച യോഗത്തിൽ ഈരാറ്റുപേട്ട നഗരസഭ സെക്രട്ടറി ജോബിൻ ജോൺ കൃതജ്ഞത പറഞ്ഞു.

പ്രാദേശികം

ഈരാറ്റുപേട്ട നഗരസഭാ അറിയിപ്പ് ദിവസ വേതനം 1118 രൂപ വരെ; തൊഴിലുറപ്പിന് രജിസ്റ്റർ ചെയ്യാം

enews 3 December,2024

ഈരാറ്റുപേട്ട. നഗരസഭ പരിധിയിൽ താമസിക്കുന്ന പതിനെട്ടു വയസ് പൂർത്തിയായ തൊഴിലുറപ്പ് ജോലി ചെയ്യാൻ താല്പര്യമുള്ള ആളുകൾക്ക് തൊഴിൽകാർഡ് നഗരസഭയിൽ നിന്നും നൽകുന്നതാണ്. താല്പര്യമുള്ളവർ നഗരസഭ അയ്യങ്കാളി നഗര തൊഴിലുറപ്പ് പദ്ധതി സെക്ഷൻ ആയി ബന്ധപ്പെടേണ്ടതാണെന്ന് നഗരസഭാ സെക്രട്ടറി അറിയിക്കുന്നു. തൊഴിലാളികളുടെ നിലവിലെ വേതനം : അവിദഗ്ധ തൊഴിലാളികൾ - 333/- വിദഗ്ധ തൊഴിലാളികൾ - 1000- 1118/- അർദ്ധവിദഗ്ധ തൊഴിലാളികൾ - 973/- രൂപ

പ്രാദേശികം

നഗരസഭാ ബസ് സ്റ്റാന്റ് കെട്ടിടം പൊളിച്ചു മാറ്റാൻ സർക്കാർ അനുമതി

enews 3 December,2024

ഈരാറ്റുപേട്ട: ജീർണാവസ്ഥയിലായ ഈരാറ്റുപേട്ട നഗരസഭാ ബസ് സ്റ്റാന്റ് കം ഷോപ്പിംഗ് കോംപ്ലക്സ് പൊളിച്ചു മാറ്റാൻ സർക്കാർ അനുമതി ലഭിച്ചതായി നഗരസഭാ ചെയർപേഴ്സൻ സുഹ്റ അബ്ദുൽ ഖാദർ അറിയിച്ചു. ബസ് സ്റ്റാന്റ് കോംപ്ലക്സ് പൊളിച്ച് മാറ്റി പുതിയത് നിർമിക്കണമെന്ന ആവശ്യം ഉയർന്നു തുടങ്ങിയിട്ട് നാളുകളായെങ്കിലും നടപടികൾ ഒന്നും ഉണ്ടാകാതിരുന്നത് വ്യാപക വിമർശനത്തിന് ഇടയാക്കിയിരുന്നു. പ്രതിപക്ഷ പാർട്ടികൾ ഇത് തെരഞ്ഞെടുപ്പുകളിലും പ്രചാരണ വിഷയമായി ഏറ്റെടുത്തിരുന്നു. കെട്ടിടം പൊളിക്കുന്നതിന് അനുമതി ലഭിക്കാത്തതാണ് തുടർ പ്രവർത്തനങ്ങൾക്ക് തടസ്സം എന്നായിരുന്നു ഭരണാധികാരികൾ പറഞ്ഞിരുന്നത്. എന്നാൽ അവസാനം അതിനുള്ള തടസ്സം നീങ്ങിയിരിക്കുകയാണ്. ഇതു പ്രകാരം ബസ് സ്റ്റാന്റ് ഉടൻ പൊളിച്ചു നീക്കുന്നതിനുള്ള ടെൻഡർ നടപടികൾ ആരംഭിക്കുമെന്ന് ചെയർപേഴ്സൻ അറിയിച്ചു. നിലവിൽ ബസ് സ്റ്റാന്റിൽ പ്രവർത്തിക്കുന്ന വ്യാപാരികൾക്ക് കെട്ടിടം ഒഴിയുന്നതിനായി ഒരു മാസത്തെ സാവകാശം അനുവദിച്ചിട്ടുണ്ട്.9.25 കോടി രൂപയുടെ വിശദമായ പ്രോജക്ട് റിപ്പോർട്ട് തയാറാക്കിയിട്ടുണ്ടെന്നും 66 ഷട്ടറുകളുൾപ്പെടുന്ന പുതിയ ബസ് സ്റ്റാന്റ് കോംപ്ലക്സാണ് വിഭാവന ചെയ്യുന്നതെന്നും ഈ ഭരണ സമിതിയുടെ കാലാവധിയിൽ തന്നെ പൊളിച്ച് പുതിയ കെട്ടിടത്തിന്റെ പണി ആരംഭിക്കാൻ കഴിയുമെന്നും ചെയർപേഴ്സൻ അറിയിച്ച

പ്രാദേശികം

കൊട്ടുകാപ്പള്ളി റോഡ് പുനർനിർമ്മിക്കാൻ കരാറുകാരന് നഗരസഭയുടെ ഉത്തരവ്

Enews 2 December,2024

ഈരാറ്റുപേട്ട: പണി പൂർത്തിയാക്കി മാസങ്ങൾക്കകം കുണ്ടും കുഴിയുമായി മാറിയ നഗരസഭയിലെ 17-ാം ഡിവിഷനിലെ കൊട്ടുകാപ്പള്ളി റോഡ് സ്വന്തം ചെലവിൽ പുനർ നിർമിക്കണമെന്ന് കരാറുകാരന് നഗരസഭാ നിർദേശം. റോഡ് തകർന്നത് സംബന്ധിച്ച് മാധ്യമങ്ങൾ റിപ്പോർട്ട് ചെയ്തിരുന്നു. ഇതിനെ തുടർന്നാണ് റോഡ് പുനർനിർമ്മിക്കാൻ നഗരസഭാ അസിസ്റ്റന്റ് എഞ്ചിനീയർ കരാറുകാരനായ പ്ലാത്തോട്ടത്തിൽ ജോമി മാത്യുവിന് നവംമ്പർ 27 ന് ഉത്തരവ് നൽകിയത്. ഏതാനും മാസങ്ങൾക്ക് മുമ്പ് എം.എൽ.എ ഫണ്ടിൽനിന്ന് അനുവദിച്ച അമ്പത് ലക്ഷം രൂപ ഉപയോഗിച്ചാണ് റോഡ് ടാർ ചെയ്തത്. പ്രദേശവാസികളുടെ ഏറെ കാലത്തെ മുറവിളിക്കൊടുവിലാണ് കഴിഞ്ഞ ഫെബ്രുവരിയിൽ ടാറിംഗ് നടത്തി റോഡ് ഉദ്ഘാടനം ചെയ്തത്. റോഡിന്റെ തുടക്ക ഭാഗം ഏതാണ് മുഴുവനായി തകർന്നു കിടക്കുകയാണ്. മറ്റു ഭാഗങ്ങളിലും നിരവധി സ്ഥലങ്ങളിൽ ഇതിനകം കുഴികൾ രൂപപ്പെട്ടു കഴിഞ്ഞു. ടാറിംഗ് നടത്തി ഒരു മാസം തികയുന്നതിന് മുമ്പെ തന്നെ റോഡ് തകർന്നു തുടങ്ങിയതായി നാട്ടുകാർ പരാതിപ്പെട്ടിരുന്നു. പ്രദേശത്തെ ഏറ്റവും പഴക്കം ചെന്നതും, ഈരാറ്റുപേട്ട മുനിസിപ്പാലിറ്റിയെയും പൂഞ്ഞാർ ഗ്രാമപഞ്ചായത്തിനെയും തമ്മിൽ ബന്ധിപ്പിക്കുന്ന ലിങ്ക് റോഡുമായ നടയ്ക്കൽ - അയ്യപ്പൻ റോഡിന് ഒന്നരകിലോമീറ്ററോളം ദൈർഘ്യമുണ്ട്. എന്നാൽ അര കിലോമീറ്ററിന് മുകളിൽ വരുന്ന മുനിസിപ്പാലിറ്റിയിലെ 8, 17, 18, 19 വാർഡുകളിൽ കൂടി കടന്നുപോകുന്ന നടയ്ക്കൽ - കൊട്ടുകാപ്പള്ളിഭാഗം തകർന്നു കിടക്കാൻ തുടങ്ങിയിട്ട് വർഷങ്ങൾ കഴിഞ്ഞതിനെ തുടർന്നാണ് അഡ്വ. സെബാസ്റ്റ്യൻ കുളത്തുങ്കൽ എം.എൽ.എയുടെ ആസ്തി വികസനഫണ്ടിൽ നിന്നും 50 ലക്ഷം രൂപ അനുവദിച്ച് റീ ടാറിംഗ് പണികൾ നടത്തിയത്. റോഡ് സുരക്ഷിതമാക്കുന്നതിനായി ഈരാറ്റുപേട്ട മുനിസിപ്പാലിറ്റിയുടെ 14 ലക്ഷം രൂപ കൊണ്ട് ഓടകൾ നിർമ്മിക്കുകയും നാട്ടുകാരുടെ സഹായത്തോടെ റോഡിന് വീതി കൂട്ടുകയും ചെയ്തിരുന്നു.

പ്രാദേശികം

മുദ്രപ്പത്ര ക്ഷാമം പരിഹരിക്കാൻ ഇ സ്റ്റാമ്പിംഗ് പ്രഖ്യാപനം നടപ്പായില്ല

Enews 1 December,2024

ഈരാറ്റുപേട്ട .ചെറിയ തുകയ്ക്കുള്ള മുദ്രപ്പത്രങ്ങളുടെ ക്ഷാമം പരിഹരിക്കാൻ ഇ സ്റ്റാമ്പിംഗ് പദ്ധതി നടപ്പാക്കാനുള്ള തീരുമാനം മന്ദഗതിയിൽ കോട്ടയം ജില്ലയിൽ ആയിരം രൂപയ്ക്കു താഴെയുള്ള മുദ്രപ്പത്രങ്ങൾ ഏറെ നാളായി ലഭിക്കുന്നില്ല. ജില്ല യിലെ സ്റ്റാമ്പ് മെമ്പർമാരുടെ പക്കൽഉണ്ടായിരുന്ന പത്രങ്ങളും തീർന്ന് ദിവസങ്ങളായി. പഞ്ചായത്തുകളിൽ നിന്നും മറ്റും ധനസഹായം ലഭിക്കുന്നതിനുള്ള ഉടമ്പടിക്ക് 200 രൂപ യുടെ പത്രവും വിവിധ സർട്ടിഫിക്കറ്റുകൾക്കും സത്യവാങ്‌മൂലത്തിനുമുള്ള 50 രൂപ പത്രങ്ങൾ പോലും ലഭിക്കുന്നില്ല. വാടക ഉടമ്പടി യ്ക്കും മറ്റു കരാറുകൾക്കുമുളള മുദ്ര പ്പത്രം കിട്ടാതായതോടെ 1000 രൂപയുടെ പത്രം വാങ്ങി ഉപയോഗിക്കണമെന്ന അവ സ്ഥയാണ്. ധനനസഹായവും മറ്റും കിട്ടേണ്ട പാവങ്ങളായണ് ചെറിയ തുകയ്ക്കുള്ളപത്രം ഇല്ലാതാ യതോടെ ഏറെ ദുരിതത്തിലാത് ഞായറാഴ്‌ച മുതൽ ഇ സ്റ്റാമ്പിംഗ് നടപ്പിലാക്കിയെന്ന് പ്രഖ്യാപനം ഉണ്ടായെങ്കിലും ചെറിയ തുകയ്ക്കുള്ള പത്രങ്ങൾ ലഭ്യമല്ലെന്നാണ് വെണ്ടർമാർ പറയുന്നത്. ട്രഷറിക ളിൽ അന്വേഷിച്ചാലും വ്യക്തമായ മറുപടി ലഭിക്കുന്നില്ല. മുദ്രപ്പത്ര ക്ഷാമം പരിഹരി ക്കാൻ നടപടി സ്വീകരിക്കണമെന്ന് ഐ.എൻ.റ്റി.യു.സി റീജിയണൽ പ്രസിഡൻ്റ് നാസർ പനച്ചിയിൽ എരുമേലി ആവശ്യപ്പെട്ടു

പ്രാദേശികം

അരുവിത്തുറ കോളേജിൽ അന്തർദേശീയ കോൺഫറൻസ്

enews 1 December,2024

ഈരാറ്റുപേട്ട : സയൻസ്, സോഷ്യൽ സയൻസ്, ടെക്നോളജി മേഖലകളിലെ സമീപകാല മുന്നേറ്റങ്ങളെ ആസ്പദമാക്കി അരുവിത്തുറ സെൻറ് ജോർജ് കോളേജ് ഇന്റേണൽ ക്വാളിറ്റി അഷ്വറൻസ് സെല്ലിന്റെ ആഭിമുഖ്യത്തിൽ ദിദ്വിന അന്തർദേശീയ കോൺഫറൻസ് ഐക്രാസ്റ്റ് 2024 സംഘടിപ്പിക്കുന്നു.ഡിസംബർ 3 ,4 തീയതികളിലായി കോളേജിൽ വെച്ച് നടത്തപ്പെടുന്ന കോൺഫറൻസിന്റെ ഉദ്ഘാടനം ഡിസംബർ മൂന്നാം തീയതി രാവിലെ 10 മണിക്ക് ശ്രീനിവാസ രാമാനുജൻ ഇൻസ്റ്റിറ്റ്യൂട്ട് ഫോർ ബേസിക് സയൻസസ് ഡയറക്ടറും സി എസ് ഐ ആർ നിസ്റ്റ് ചീഫ് സയൻ്റിസ്റ്റുമായ ഡോ.സി എച്ച് സുരേഷ് ഉദ്ഘാടനം ചെയ്യും.കോളേജ് മാനേജർ റവ ഫാ സെബാസ്റ്റ്യൻ വെട്ടുകല്ലേൽ അധ്യക്ഷത വഹിക്കുന്ന ഉദ്ഘാടന സമ്മേളനത്തിൽ കോളേജ് പ്രിൻസിപ്പാൾ പ്രൊഫസർ ഡോക്ടർ സിബി ജോസഫ് കോഴ്സ് കോഡിനേറ്റർ റവ ഫാ ബിജു കുന്നക്കാട്ട് വൈസ് പ്രിൻസിപ്പാൾ ഡോ ജിലു ആനി ജോൺ , ഐ ക്യു എ സി കോഡിനേറ്റർ ഡോ സുമേഷ് ജോർജ് തുടങ്ങിയവർ സംസാരിക്കുന്നതാണ്. കേരളത്തിനകത്തും പുറത്തുമുള്ള സയൻസ് സോഷ്യൽ സയൻസ് മേഖലയിലെ വിദഗ്ധർ ചെയർ ചെയ്യുന്ന തുടർന്നുള്ള സെഷനുകളിൽ നിരവധി സ്ഥാപനങ്ങളിൽ നിന്നുള്ള അധ്യാപകരും ഗവേഷണ വിദ്യാർത്ഥികളും ഗവേഷണ പ്രബന്ധങ്ങൾ അവതരിപ്പിക്കുന്നതാണ്.

പ്രാദേശികം

സിജി പരിശീലന പരിപാടി നടത്തി

enews 1 December,2024

സിജിക്ക് വേണ്ടി പുതിയ പ്രവർത്തകരേയും പരിശീലകരെയും കണ്ടെത്തുന്നതിന് 1/12/24 ൽ അൽമനാർ സ്കൂളിൽ സിജി ജില്ലാക്കമ്മിറ്റി " സി -ഇണ്ടക്ഷൻ" എന്ന പേരിൽ ഒരു പരിശീലന പരിപാടി നടത്തി. സിജിയുടെ മാസ്റ്റർ ട്രെയിനർമാരായ അമീൻ ഒപ്ടിമ ,അബിൻ സി ഉബൈദ് എന്നിവർ ക്ലാസുകൾ നയിച്ചു..പ്രഫ. എ.എം റഷീദ്, എം.എഫ് അബ്ദുൽ ഖാദർ, നിഷ എ.എം , പി.പിഎം നൗഷാദ്, റബീസ്, സാജിദ് എ. കരീം ,അമീർ ചാലിൽ , എന്നിവർ നേതൃത്വം നൽകി. 30 പേർ പരിശീലനം നേടി.

പ്രാദേശികം

ഹജ്ജ് പരിശീലന ക്ലാസ് ഈരാറ്റുപേട്ടയിൽ നാളെ

enews 1 December,2024

ഈരാറ്റുപേട്ട.കേരള സംസ്ഥാന ഹജ്ജ് കമ്മിറ്റിക്കുകീഴിൽ ഹജ്ജിന് അവസരം ലഭിച്ച കോട്ടയം ജില്ലയിലെ ഹാജിമാർക്കുള്ള ഹജ്ജ് സാങ്കേതിക പഠന ക്ലാസ്സ് നാളെ ചൊവ്വാഴ്ചരാവിലെ 9 മണിമുതൽ 1 മണിവരെ ഈരാറ്റുപേട്ട വെട്ടിപറമ്പ് സെഞ്ച്വറി സ്റ്റാപ്പൽസ് കൺവെൻഷൻ സെന്ററിൽ വച്ച് നടക്കും. ഹജ്ജ് കമ്മിറ്റി മെമ്പർ കെ. നൂർ മുഹമ്മദ് നൂർഷ അധ്യക്ഷത വഹിക്കുന്ന യോഗത്തിൽ എം എൽ എ അഡ്വക്കേറ്റ് സെബാസ്റ്റ്യൻ കുളത്തുങ്കൽ സാങ്കേതിക പഠനക്ലാസ് ഉദ്ഘാടനം ചെയ്യുന്നതും ഹജ്ജ് കമ്മറ്റി മുൻ മെമ്പർ മുസമ്മിൽ ഹാജി, ഈരാറ്റുപേട്ട പുത്തൻപള്ളി ചീഫ് ഇമാം അലി ബാഖവി തുടങ്ങിയവർ സംസാരിക്കും. സംസ്ഥാന ഹജ്ജ് കമ്മറ്റി ഫാക്കൽറ്റി എൻ പി ഷാജഹാൻ പരിശീലന ക്ലാസിന് നേതൃത്വം നൽകും ഹജ്ജ് കമ്മിറ്റി വഴി ഹജ്ജിനുപോകാൻ അവസരം ലഭിച്ചവരും വെയിറ്റിംഗ് ലിസ്റ്റിൽ 3000 വരെ ഉള്ളവരും നിർബന്ധമായും ഹജ്ജ് ക്ലാസിൽ പങ്കെടുക്കണമെന്ന് ജില്ലാ ട്രെയിനർ ഷിഹാബ് പുതുപ്പറമ്പിൽ അറിയിച്ചു കൂടുതൽ വിവരങ്ങൾക്ക് 9447548580 എന്ന നമ്പറിൽ ബന്ധപ്പെടണം

പ്രാദേശികം

Follow Us

Popular News