ഈരാറ്റുപേട്ട .എമർജിങ് ടൂ പവർ ലീഡ് വൺ .എന്ന പ്രമേയത്തിൽ എസ്.ഡി.പിഐ പൂഞ്ഞാർ നിയോജക മണ്ഡലം കമ്മിറ്റി ലീഡർഷിപ്പ് ട്രെയിനിംഗ് പ്രോഗ്രാം നടയ്ക്കൽ ഫൗസിയാ ഓഡിറ്റോറിയത്തിൽ ജില്ലാ പ്രസിഡൻറ് മുഹമ്മദ്സിയാദ് ഉത്ഘാടനം ചെയ്തു. മണ്ഡലം പ്രസിഡൻ്റ് ഹലിൽ തലപള്ളിൽ അദ്ധ്യക്ഷതവഹിച്ചു. അൻസിൽ പായിപ്പാട്, അഡ്വ സി.പി. അജ്മൽ, സി.എച്ച് ഹസീബ് ,സഫിർ കുരുവനാൽ, മുനിസിപ്പൽ കൗൺസിലർമാരായ അബ്ദുൽലത്തീഫ് ഫാത്തിമ മാഹിൻ നസീറസുബൈർ, ഫാത്തിമഷാഹുൽ, നൗഫിയ ഇസ്മായിൽ എന്നിവർ സംസാരിച്ചു.
ഈരാറ്റുപേട്ട: ആരോഗ്യ കേരളത്തിന് അക്യുപങ്ചറിൻ്റെ കൈതാങ് - 'സനാഷ്യയോ 25' എന്ന സന്ദേശത്തിൽ അക്യുപങ്ചർ ഫെഡറേഷൻ കേരള സംസ്ഥാന കമ്മിറ്റിയുടെ ആഭിമുഖ്യത്തിൽ സംഘടിപ്പിക്കുന്ന പ്രചാരണ കാംപയിനിൻ്റെ സംസ്ഥാനതല ഉദ്ഘാടനം ഈരാറ്റുപേട്ടയിൽ പൂഞ്ഞാർ എം എൽ എ അഡ്വ സെബാസ്റ്റ്യൻ കുളത്തുങ്കൽ ഉദ്ഘാടനം ചെയ്തു. ആധുനിക മെഡിക്കൽ സംവിധാനങ്ങളിൽ ഗുണത്തോടൊപ്പം ദോഷവും ഉണ്ടായി കൊണ്ടിരിക്കുകയാണ്. മരുന്നുകൾ, ചികിത്സകൾ എന്നിവ വ്യാപാര വസ്തുവായി മാറിയിരിക്കുന്നു. ഇത് ചികിത്സയുടെ ചെലവ് വർദ്ധിപ്പിക്കുകയും, പലർക്കും അത് ലഭ്യമാക്കുകയെന്നത് അസാധ്യമാക്കുകയും ചെയ്യുന്നു. പല മരുന്നുകളും ചികിത്സകളും ഗുണത്തോടൊപ്പം പാർശ്വഫലങ്ങളും ഉണ്ടാക്കുന്നു. ചിലപ്പോൾ ഈ പാർശ്വഫലങ്ങൾ പ്രധാന രോഗത്തേക്കാൾ കൂടുതൽ ഗുരുതരമാക്കുന്ന സാഹചര്യമുണ്ടാക്കുകയാണ്. ഈ സാഹചര്യത്തിൽ അക്യുപങ്ചർ ചികിൽസാ രീതിയുടെ പ്രാധാന്യം വർധിക്കുകയാണെന്ന് അദ്ദേഹം പറഞ്ഞു. യാതൊരുവിധ പാർശ്വഫലങ്ങളില്ലാത്ത അക്യൂപങ്ചർ ചികിൽസാരീതി കൂടുതൽ ഫലപ്രദമാണെന്നും അതിന് എല്ലാ വിധ പിന്തുണ നൽകുന്നതായും ഗവൺമെൻ്റ് തല ഇടപെടലുകൾ നടത്തുന്നതിന് മുൻകൈ എടുക്കുമെന്നും അദ്ദേഹം കൂട്ടി ചേർത്തു. എ എഫ് കെ സംസ്ഥാന വൈസ് പ്രസിഡൻ്റ് മുഹ്സിന അയ്യൂബ് അധ്യക്ഷത വഹിച്ചു. സംസ്ഥാന പ്രസിഡൻ്റ് ഉമർ ഗുരുക്കൾ കോട്ടക്കൽ മുഖ്യ പ്രഭാഷണം നടത്തി. ഈരാറ്റുപേട്ട മുൻസിപ്പൽ ചെയർപേഴ്സൺ സുഹ്റ അബ്ദുൽ ഖാദർ മുഖ്യാതിഥിയായിരുന്നു. കൗൺസിലർ അബ്ദുൽ ലത്തീഫ്, എഎഫ് കെ കോട്ടയം ജില്ല പ്രസിഡൻ്റ് ഷാജഹാൻ പൊൻകുന്നം, സെക്രട്ടറി റഫീക്ക ദിലീപ്,അബൂബക്കർ മാസ്റ്റർ,ജസീൽ കണ്ണൂർഎന്നിവർ സംസാരിച്ചു.കേരളത്തിലെ വിവിധ പ്രദേശങ്ങളെ കേന്ദ്രീകരിച്ച് ശാരീരികവും മാനസികവുമായ രോഗങ്ങളെ കൊണ്ട് ബുദ്ധിമുട്ടുന്നവർക്കും ജീവിത ശൈലീ രോഗങ്ങളായ പ്രമേഹം, ബ്ലഡ് പ്രഷർ, തൈറോയ്ഡ്, കൊളസ്ട്രോൾ എന്നിവയിൽ സൗജന്യ ചികിത്സാക്യാമ്പുകൾ, ബോധവൽക്കരണ ക്ലാസ്സുകൾ, വ്യായാമ പരിശീലന ക്യാമ്പുകൾ, പാചകകളരി, ലഘുലേഖ വിതരണം, കുടുംബസദസ്സുകൾ തുടങ്ങിയ പരിപാടികളാണ് കാംപയിനിൽ നടത്താൻ ഉദ്ദേശിക്കുന്നത്. കാംപയിനിൻ്റെ ലോഗോ പ്രകാശനവും എം എൽ എ നിർവഹിച്ചു.
അരുവിത്തുറ : അരുവിത്തുറ കോളേജിൽ ഇന്റേണൽ ക്വാളിറ്റി അഷ്വറൻസ് സെല്ലിന്റെ ആഭിമുഖ്യത്തിൽ നിർമ്മിത ബുദ്ധി വികസനം പ്രമേയമാക്കി അഞ്ചു ദിവസം നീണ്ടുനിന്ന ഫാക്കൽറ്റി ഡെവലപ്മെന്റ് പ്രോഗ്രാം പൂർത്തിയായി. ആർട്ടിഫിഷ്യൽ ഇൻറ്റലിജൻസ് ഇൻ റിസർച്ച് ആൻഡ് അക്കാഡമിക്സ് എന്ന വിഷയത്തെ ആസ്പദമാക്കി സംഘടിപ്പിക്കപ്പെട്ട പ്രോഗ്രാമിൽ കേരളത്തിൽ അങ്ങോളം ഇങ്ങോളമുള്ള വിവിധ വിദ്യാഭ്യാസ സ്ഥാപനങ്ങളിലെ ഇരുന്നൂറിലധികം അധ്യാപകർ പങ്കെടുത്തു.നവംബർ 25 മുതൽ അഞ്ചുദിവസങ്ങളിലായി നടത്തപ്പെട്ടപ്രോഗ്രാമിന്റെ ആദ്യ ദിനത്തിൽ കോളേജ് ഓഫ് എൻജിനീയറിങ് പൂഞ്ഞാർ പ്രിൻസിപ്പൽ ഡോ. എം വി രാജേഷ് എഫ് ഡി പി ഉദ്ഘാടനം ചെയ്ത് അധ്യാപകരുമായി സംവദിച്ചു. എഫ് ഡി പി യുടെ രണ്ടാം ദിനത്തിൽ ഉഴവൂർ സെൻറ് സ്റ്റീഫൻസ് കോളേജ് ലൈബ്രറിയൻ ജാസിമുദ്ദീൻ ,എ ഐ ഇൻ റിസർച്ച് എന്ന വിഷയത്തിൽ ക്ലാസുകൾ നയിച്ചു. എഫ് ഡി പി യുടെ മൂന്നാം ദിനത്തിൽ കാഞ്ഞിരപ്പള്ളി അമൽജ്യോതി കോളേജ് ഓഫ് എൻജിനീയറിങ്ങിലെ അസിസ്റ്റൻറ് പ്രൊഫസർ ഡോ.റൂബി മാത്യു , എ ഐ ടൂൾസ് ഇൻ അക്കാദമിക് എന്ന വിഷയത്തെ ആസ്പദമാക്കി സംസാരിച്ചു. പ്രോഗ്രാമിന്റെ നാലാം ദിനത്തിൽ കാഞ്ഞിരപ്പള്ളി അമൽജ്യോതി കോളേജ് ഓഫ് എൻജിനീയറിങ്ങിലെ അസിസ്റ്റൻറ് പ്രൊഫസർ ഡോ അമൽ എം ആർ , എ ഐ പ്രോംറ്റ് എഞ്ചിനീയറിങ് എന്ന വിഷയത്തിൽ ക്ലാസുകൾ നയിച്ചു. പ്രോഗ്രാമിന്റെ സമാപന ദിവസം ഡോ.ഷൈലേഷ് ശിവൻ, അസിസ്റ്റൻറ് പ്രൊഫസർ കുസാറ്റ് റെസ്പോൺസിബിൾ എ ഐ ആൻഡ് ഡേറ്റാ സയൻസ് എന്ന വിഷയത്തിന്മേൽ ക്ലാസുകൾ നയിച്ചു.കോളേജ് പ്രിൻസിപ്പൽ പ്രൊഫ ഡോ സിബി ജോസഫ്, കോളേജ് ബർസാർ ഫാ ബിജു കുന്നക്കാട്ട്, വൈസ് പ്രിൻസിപ്പൽ ഡോ ജിലു ആനി ജോൺ ഐ ക്യു എ സി കോഡിനേറ്റർ ഡോ സുമേഷ് ജോർജ്, നാക്ക് കോഡിനേറ്റർ ഡോ. മിഥുൻ ജോൺ തുടങ്ങിയവർ പ്രോഗ്രാമിന് നേതൃത്വം നൽകി.
.jpeg)
ഈരാറ്റുപേട്ട : നഗരസഭ കുഴിവേലി ഡിവിഷൻ ഉപതെരഞ്ഞെടുപ്പിലെ യു ഡി എഫ് സ്ഥാനാർത്ഥി റൂബിന നാസറിൻ്റെ തെരഞ്ഞെടുപ്പ് പ്രചരണാർത്ഥം നാളെ കുഴിവേലി വെട്ടിയ്ക്കൽ ഗ്രൗണ്ടിൽ തെരഞ്ഞെടുപ്പ് കൺവൻഷൻ നടക്കും. കെ പി സി സി ജന. സെക്രട്ടറി പി എ സലിം, മുസ്ലിം ലീഗ് ഇടുക്കി ജില്ലാ പ്രസിഡൻ്റ് കെ എം എ ഷുക്കൂർ എന്നിവർ സംബന്ധിക്കുമെന്ന് യു ഡി എഫ് മണ്ഡലം ചെയർമാൻ പി എച്ച് നൗഷാദ്, കൺവീനർ റാസി ചെറിയവല്ലം എന്നിവർ അറിയിച്ചു.
.jpg)
പൂഞ്ഞാർ: കേരള സർക്കാരിൻറെ ഭൂജല വകുപ്പ് കോട്ടയം ജില്ലാ ഓഫീസും കോളേജ് ഓഫ് എൻജിനീയറിങ്ങ് പൂഞ്ഞാറും ചേർന്ന് ഭൂജല സംരക്ഷണവും പരിപോഷണവും എന്ന വിഷയത്തിൽ ഏകദിന ശില്പശാല നടത്തി. ഫലപ്രദമായ ഭൂജല സംരക്ഷണവും പരിപോഷണവും പൊതുജന പങ്കാളിത്തത്തോടുകൂടി മാത്രമേ നടപ്പിലാക്കാൻ സാധിക്കുകയുള്ളൂ എന്ന ആശയത്തിൽ ഊന്നിയാണ് ഈ പരിപാടി സംഘടിപ്പിച്ചത്. കോളേജിൽ നടന്ന ശില്പശാല കോട്ടയം ജില്ലാ പഞ്ചായത്ത് മെമ്പർ പി.ആർ. അനുപമ ഉദ്ഘാടനം ചെയ്തു. ഭൂജല വകുപ്പ് ജില്ലാ ഓഫീസർ ഉദയകുമാർ ആർ അധ്യക്ഷനായിരുന്നു. ഗവൺമെൻറ് കോളേജ് നാട്ടകം ജിയോളജി വകുപ്പ് മേധാവി പ്രൊഫ. ദിലീപ് കുമാർ പി.ജി. 'ഭൂജല സംരക്ഷണവും പരിപോഷണവും' എന്ന വിഷയത്തിൽ ക്ലാസ് നയിച്ചു. അസിസ്റ്റൻറ് എക്സിക്യൂട്ടീവ് എൻജിനീയർ സനൽ ചന്ദ്രൻ സ്വാഗതവും കോളേജ് പ്രിൻസിപ്പാൾ ഡോ. എം.വി. രാജേഷ് ആശംസയും, ഹൈഡ്രോ ജിയോളജിസ്റ്റ് മനോജ് എം നന്ദിയും പറഞ്ഞു.
ഈരാറ്റുപേട്ട : സിനിമകളിലും സീരിയലുകളിലും മാത്രം കണ്ട് പരിചയമുള്ള കോടതികളും കോടതി നടപടികളും നേരിൽ കണ്ട വിദ്യാർത്ഥികൾ അമ്പരപ്പിൻ്റെ ലോകത്തായി.ജഡ്ജിമാരെയും കോട്ടും സ്യൂട്ടുമണിഞ്ഞ അഭിഭാഷകരെയും വാദികളെയും പ്രതികളെയും കേസ് ഫയലുകൾ നിറഞ്ഞ കോടതി മുറികളെയും കണ്ട വിദ്യാർത്ഥികൾ എല്ലാം സസൂക്ഷ്മം വീക്ഷിച്ചു. ഇത് ഞങൾ സിനിമകളിലും മറ്റും കണ്ടത് പോലെയല്ലല്ലോ എന്നായി ചില കമൻ്റുകൾ.മീനച്ചിൽ താലൂക്ക് ലീഗൽ സർവീസസ് കമ്മറ്റിയുടെ നേതൃത്വത്തിൽ കോടതികളെയും കോടതി നടപടികളെയും വിദ്യാർത്ഥികൾക്ക് പരിചയപ്പെടുത്തുന്ന സംവാദ എന്ന പരിപാടിയുടെ ഭാഗമായി ഈരാറ്റുപേട്ട ഗവ.ഹയർ സെക്കണ്ടറി സ്കൂളിലെ വിദ്യാർത്ഥികൾ പാലായിലെ വിവിധ കോടതികൾ സന്ദർശിക്കുകയായിരു ന്നു.താലൂക്ക് ലീഗൽ സർവീസസ് കമ്മറ്റി ചെയർമാനും കുടുംബക്കോടതി ജഡ്ജിയുമായ അയ്യൂബ് ഖാനുമായി കുട്ടികൾ സംവദിച്ചു.എന്താണ് പൊതു താൽപര്യ ഹർജി,തങ്ങളുടെ വിദ്യാഭ്യാസത്തെയും ഭാവിയെയും നശിപ്പിക്കുന്ന ലഹരി മാഫിയയിൽ നിന്നും രക്ഷപ്പെടാൻ നിയമങ്ങൾക്ക് എങ്ങനെ ഇടപെടാൻ കഴിയും തുടങ്ങി വിവിധ ചോദ്യങ്ങൾ അവർ ജഡ്ജിയോട് ചോദിച്ചു. അഡ്വ.ആർ ഹരി മോഹൻ നിയമബോധവൽകരണ ക്ലാസെടുത്തു. സൈക്യാട്രിക് സോഷ്യൽ കൗൺസലർ സജിത എസ്.മോട്ടിവേഷൻ ക്ലാസ് നൽകി.ലീഗൽ സർവീസസ് കമ്മറ്റി സെക്രട്ടറി സോണിയ ജോസഫ്,ലീഗൽ സർവീസ് പ്രതിനിധി വി. എം.അബ്ദുള്ള ഖാൻ,അധ്യാപകരായ സിന്ദുമോൾ കെ. എസ്.,ജോബിൻ സി.എന്നിവർ സംവാദ പരിപാടിക്ക് നേതൃത്വം നൽകി. സംവാദയിൽ പങ്കെടുത്ത വിദ്യാർത്ഥികൾക്ക് ബാഡ്ജുകളും നിയമ പുസ്തകങ്ങളും ജഡ്ജി വിതരണം ചെയ്തു.
ഈരാറ്റുപേട്ട : കുഴിവേലി ഉപതെരഞ്ഞെടുപ്പ് അടുത്തതോടെ കളം സജീവമാക്കി മുന്നണികൾ . യു ഡി എഫ് , എൽ ഡി എഫ് മുന്നണികൾക്ക് പുറമേ എസ് ഡി പി ഐ യും മത്സര രംഗത്തുണ്ട്.യു ഡി എഫിനായി മുസ്ലിം ലീഗിലെ റൂബിന നാസർ, എൽ ഡി എഫിനായി ഇൻഡ്യൻ നാഷണൽ ലീഗിലെ ഷൈല റഫീക്ക് എസ് ഡി പി ഐയുടെ തസ്നിം അനസ് എന്നിവരാണ് മത്സര രംഗത്തുള്ളത്. പരമ്പരാഗത യു ഡി എഫ് സീറ്റായ കുഴിവേലി ഇത്തവണയും നിലനിർത്തുമെന്ന ഉറച്ച വിശ്വാസത്തിലാണ് യു ഡി എഫ്. ഇതിനായി മുമ്പ് രണ്ട് വട്ടം വാർഡിനെ പ്രതിനിധീകരിച്ച അഡ്വ വി പി നാസറിൻ്റെ ഭാര്യ റൂബിനയെയാണ് യു ഡി എഫ് രംഗത്തിറക്കിയിരിക്കുന്നത്. നാസറിൻ്റെ ബന്ധങ്ങളും അനുഭവ പരിചയങ്ങളും സ്ഥാനാർത്ഥിക്ക് മുതൽകൂട്ടാവുമെന്നും വൻഭൂരിപക്ഷത്തിൽ വാർഡ് നിലനിർത്തുമെന്നും യു ഡി എഫ് നേതാക്കൾ പറയുന്നു. അതേസമയം, പ്രവർത്തനങ്ങൾ കൂടുതൽ മെച്ചപ്പെടുത്തുമെന്നും ഇക്കുറി കുഴിവേലി സീറ്റ് പിടിച്ചെടുക്കുമെന്നും എൽ ഡി എഫ് ക്യാമ്പ് ഉറപ്പിച്ചു പറയുന്നു. ഇൻഡ്യൻ നാഷണൽ ലീഗ് കോട്ടയം ജില്ലാ സെക്രട്ടറി പി എസ് റഫീക്കിൻ്റെ ഭാര്യ ഷൈലയെയാണ് എൽ ഡി എഫ് ഇതിനായി രംഗത്തിറക്കിയിരിക്കുന്നത്. കഴിഞ്ഞ വർഷം ഒറ്റക്കു നിന്നു പിടിച്ച119 വോട്ടിൻ്റെ ആത്മവിശ്വാസത്തിലാണ് എസ് ഡി പി ഐ സ്ഥാനാർത്ഥി തസ്നി അനസ്. ഇക്കുറി വാർഡ് പിടിച്ചെടുക്കുമെന്നാണ് എസ് ഡി പി ഐ അവകാശവാദം. തെരഞ്ഞെടുപ്പ് തീയതി അടുത്തതോടെ മൂന്ന് മുന്നണികളുടെയും പ്രചാരണം ശക്തമായി.
ഈരാറ്റുപേട്ട: അക്യുപങ്ചർ ഫെഡറേഷൻ സംസ്ഥാന കമ്മറ്റിയുടെ ആഭിമുഖ്യത്തിൽ " ആരോഗ്യ കേരളത്തിന് അക്യുപങ്ചറിന്റെ കൈത്താങ്ങ് എന്ന പ്രമേയത്ത് ആസ്പദമാക്കി ഒരു വർഷം നീണ്ടു നിൽക്കുന്ന ഹെൽത്ത് ക്യാമ്പയിൽ നാളെ ഈരാറ്റുപേട്ടയിൽ നടക്കും. രാവിലെ 10 ന് നടയ്ക്കലിൽ വച്ച് നടക്കുന്ന സമ്മേളനത്തിൽ ഫെഡറേഷൻ സംസ്ഥാന വൈസ് പ്രസിഡന്റ് മുഹ്സിന അയ്യൂബിന്റെ അദ്ധ്യക്ഷതയിൽ ചേരുന്ന യോഗത്തിൽ സെബാസ്റ്റ്യൻ കുളത്തുങ്കൽ എം.എൽ.എ.ഉൽഘാടനം ചെയ്യും ചടങ്ങിൽ മുനിസിപ്പൽ ചെയർപേഴ്സൻ സുഹുറ അബ്ദുൽ ഖാദർ മുഖ്യാതിഥിയായിരിക്കും. വാർഡ് കൗൺസിലർ അബ്ദുൽ ലത്തീഫ് ഫെസറേഷൻ ജില്ല പ്രസിഡന്റ് ഷാജഹാൻ പൊൻകുന്നം, ഫെഡറേഷൻ സംസ്ഥാന സെക്രട്ടറി ജുനൈദ് മമ്പാട്, ജില്ലാ സെക്രട്ടറി റഫീക്ക് ദിലീപ് എന്നിവർ പ്ര സംഗിക്കും ഒരു വർഷം നീണ്ടു നിൽക്കുന്ന ക്യാമ്പയിനിൽ ആരോഗ്യ ബോധവൽക്കരണ ക്ലാസ്സുകൾ, സൗജന്യ ക്യാമ്പുകൾ വ്യായാമ പരിശീലനം, പാചക കളരികൾ കുടുംബ സംഗമങ്ങളും സംഘടിപ്പിക്കുമെന്ന് ഭാരവാഹികളായ മുഹ്സിന അയ്യൂബ്, ഷാജഹാൻ പൊൻകുന്നം, റഫീക്ക ദിലീപ് ,ഷക്കീല ബീവി, അബ്ദുൽ ലത്തീഫ് എന്നിവർ അറിയിച്ചു
