E News

പ്രാദേശികം

കളഞ്ഞ കിട്ടിയ സ്വർണ്ണം തിരികെ നൽകി വ്യാപാരി മാതൃകയായി

Enews 20 January,2025

ഈരാറ്റുപേട്ട .മാർക്കറ്റ് റോഡിൽ വച്ച് ഒരു പവൻ തൂക്കമുള്ള തീക്കോയി സ്വദേശിനിയായ ജയമോളുടെ സ്വർണ്ണ കൊലുസ് നഷ്ടപ്പെട്ടു. മാർക്കറ്റ് റോഡിലെ വ്യാപാരിയായ നടയ്ക്കൽ കാട്ടാമല അബ്ദുൾ ലത്തീഫിന് സ്ഥാപനത്തിന് മുന്നിൽ നിന്ന് കൊലുസ് ലഭിക്കുകയും ചെയ്തു. അദ്ദേഹം അത് ഈരാറ്റുപേട്ട പോലീസിന് കൈമാറുകയും ചെയ്തു ഈരാറ്റുപേട്ട പൊലീസ് സ്റ്റേഷനിലെ പി ആർ ഒ. രാധാകൃഷ്ണൻ എസ് ഐ, എഎസ് ഐ തങ്കമ്മ, എഎസ് ഐ രമ, എസ് സി പി ഓ ഷാജി ചാക്കോ എന്നിവരുടെ സാന്നിധ്യത്തിൽ കൊലുസ് ലത്തീഫ് ജയമോൾക്ക് പിന്നീട് കൈമാറുകയും ചെയ്തു.

പ്രാദേശികം

മദ്രസ ഫെസ്റ്റ് കോട്ടയം ജില്ലാ തല മത്സരം സംഘടിപ്പിച്ചു

enews 19 January,2025

ഈരാറ്റുപേട്ട: കേരള മദ്രസ എജുക്കേഷണൽ ബോർഡിനു കീഴിൽ രജിസ്റ്റർ ചെയ്ത കോട്ടയം ജില്ലയിലെ മദ്രസാ വിദ്യാർഥികളുടെ ഖുർആൻ ഫെസ്റ്റ് സംഘടിപ്പിച്ചു. ഈരാറ്റുപേട്ട അൽമനാർ സ്‌കൂളിൽ നടന്ന മത്സരത്തിൽ അൽ മദ്രസത്തുൽ ഇസ്ലാമിയ കുമ്മനം ഓവറോൾ ജേതാക്കളായി. അൽ മദ്രസത്തുൽ ഇസ്ലാമിയ കാഞ്ഞിരപ്പളി രണ്ടും അൽ മനാർ ഹോളിഡേ മദ്രസ ഈരാറ്റുപേട്ട മൂന്നും സ്ഥാനം കരസ്ഥമാക്കി. മത്സര വിജയികൾക്കും ഓവറോൾ ചാമ്പ്യന്മാർക്കും സമ്മാനങ്ങൾ വിതരണം ചെയ്തു. നേരത്തെ ജില്ലാടിസ്ഥാനത്തിൽ നടന്ന ഖുർആൻ എക്‌സിബിഷനിൽ ഒന്നും രണ്ടും മൂന്നും സ്ഥാനങ്ങൾ നേടിയ അൽ മദ്രസത്തുൽ ഇസ്ലാമിയ കുമ്മനം, അൽ മദ്രസത്തുൽ ഇസ്ലാമിയ കാഞ്ഞിരപ്പളി, അൽ മനാർ ഹോളിഡേ മദ്രസ ഈരാറ്റുപേട്ട എന്നിവർക്കും വേദിയിൽ സമ്മാനങ്ങൾ നൽകി. സമാപന സമ്മേളനം ഐ.ജി.ടി സെക്രട്ടറി കെ.എം. സക്കീർ ഹുസൈൻ ഉദ്ഘാടനം ചെയ്തു. കേരള മദ്രസ എജുക്കേഷണൽ ബോർഡ് ജില്ലാ പ്രസിഡന്റ് ഷാക്കിർ ഹുസൈൻ അധ്യക്ഷത വഹിച്ചു. പ്രിൻസിപ്പൽ കൗൺസിൽ മുൻ പ്രസിഡന്റ് അബ്ദുൽ റഷീദ് സ്വാഗതം പറഞ്ഞു. കെ.എം.ഇ.ബി ജില്ലാ വൈസ് പ്രസിഡന്റ് മുഹമ്മദ് അസ്ലം സമാപനം നിർവഹിച്ചു.

പ്രാദേശികം

തണൽ വാർഷിക സംഗമം ഇന്ന്

Enews 18 January,2025

ഈരാറ്റുപേട്ട :ദൈവത്തിൻ്റെ കരുണാകടാക്ഷങ്ങൾ നാം ഏവരിലും വർഷിക്കുമാറാകട്ടെ. ജീവകാരുണ്യ പ്രവർത്തന രംഗത്ത് തുല്യതയില്ലാത്ത പ്രവർത്തനങ്ങളാണ് തണലിൻ്റെ നേതൃത്തിൽ ഈരാറ്റുപേട്ടയിൽ നടന്ന് വരുന്നത്. 2019 ൽ ചാരിറ്റി മേഖലയിൽ നമ്മുടെ നാട്ടിൽ ആദ്യമായി സ്ഥാപിച്ച ഡയാലിസിസ് സെൻ്ററോടു കൂടിയാണ് തണലിൻ്റെ പ്രവർത്തനം ഈരാറ്റുപേട്ടയിൽ ആരംഭിക്കുന്നത്. കഴിഞ്ഞ ആറ് വർഷത്തിനിടയിൽ നിരവധി സ്ഥാപനങ്ങൾ തണലിൻ്റെ കീഴിൽ ഈരാറ്റുപേട്ടയിൽ ആരംഭിക്കാൻ കഴിഞ്ഞു. സാമ്പത്തികമായി പ്രയാസപ്പെടുന്ന നിത്യരോഗികളെ സഹായിക്കുക എന്നതാണ് തണലിൻ്റെ പ്രധാന ലക്ഷ്യം. ഈരാറ്റുപേട്ട തണലിന് സ്വന്തമായി ഒരു ആസ്ഥാന മന്ദിരം നിർമിക്കുന്നതിനുള്ള പരിശ്രമങ്ങൾ നടന്നുവരുന്നു.ഏറെ താമസിക്കാതെ അതിൻ്റെ നിർമ്മാണം ആരംഭിക്കാൻ കഴിയും പൊതു സമൂഹത്തിൽ നിന്നും ലഭിക്കുന്ന ശക്തമായ പിന്തുണയും സഹായങ്ങളും കൊണ്ടാണ് തണിലിന് ഇതൊക്കെ സാധ്യമായത്. അതിനുള്ള നന്ദിയും കടപ്പാടും എല്ലാവരോടും ഈ അവസരത്തിൽ അറിയിക്കുന്നു. *

പ്രാദേശികം

*കേരള സർക്കാർ ജോലിക്ക് അപേക്ഷിക്കുന്നതിനായി സിജി ഈരാറ്റുപേട്ട യൂണിറ്റ് കോംപീറ്റൻസി ബൂത്ത് ഒരുക്കുന്നു

Enews 17 January,2025

ഈരാറ്റുപേട്ട : പി.എസ്.സി പരീക്ഷകൾക്കായി സൗജന്യമായി വൺ ടൈം രജിസ്ട്രഷൻ ചെയ്യുന്നതിനും വിവിധ തസ്തികകളിലേക്ക് അപേക്ഷിക്കുന്നതിനും സിജി ഈരാറ്റുപേട്ട യൂണിറ്റിൻ്റെ നേതൃത്വത്തിൽ ബൂത്ത് ആരംഭിച്ചു. 20/1/ 2025 വൈകിട്ട് 7.00 മുതൽ മക്ക മസ്ജിദിന് എതിർവശത്ത് കരുണ ക്ലിനിക്കിൻ്റെ തൊട്ടടുത്തുള്ള സിജി ഓഫീസിൽ ബൂത്ത് പ്രവർത്തിക്കുന്നതാണ്. 19/1/25 ൽ നടക്കൽ മുല്ലൂപ്പാറ ജലാലിയ മസ്ജിദിൽ രാവിലെ 10.00 മണി മുതൽ ഉച്ചക്ക് 1.00 മണിവരെ ബൂത്ത് പ്രവർത്തിക്കും. ഉദ്യോഗാർത്ഥികൾ ആധാർ, എസ്.എസ് .എൽ .സി കോപ്പി , യോഗ്യതാ സർട്ടിഫിക്കറ്റുകൾ എന്നിവ കൊണ്ടുവരണം. കൂടുതൽ വിവരങ്ങൾക്ക്: 9747087471, 8606184414 .

പ്രാദേശികം

മുസ്ലിം ഗേൾസ് സ്കൂൾ ഇന്റർ സ്കൂൾ ക്വിസ് മത്സരം നടത്തി

Enews 16 January,2025

ഈരാറ്റുപേട്ട. മുസ്‌ലിം ഗേൾസ് ഹയർ സെക്കണ്ടറി സ്കൂളിന്റെ ഡയമണ്ട് ജൂബിലി ആഘോഷങ്ങളുടെ ഭാഗമായി എൽ . പി , യു .പി , ഹൈസ്കൂൾ വിഭാഗം കുട്ടികൾക്കായി ഇന്റർ സ്കൂൾ ക്വിസ് മത്സരം നടത്തി . എൽ .പി വിഭാഗത്തിൽ മാധവി പി രാമൻ , സിദ്ധാർഥ് എം അഭിലാഷ് ( എസ് ജി എം യു പി എസ് ഒളയനാട് ) ഒന്നാം സ്ഥാനവും , ദിയ ഷഫീഖ് , എഡ്വിൻ ജോസഫ് ( സെന്റ് മേരീസ് എൽ പി സ്കൂൾ അരുവിത്തുറ ) രണ്ടാം സ്ഥാനവും , ഔൻഷി എസ് , ക്രിസ ചാൾസ് ( സെന്റ് മേരീസ് എൽ പി സ്കൂൾ തീക്കോയി ) മൂന്നാം സ്ഥാനവും , യു . പി വിഭാഗത്തിൽ പത്മ വി എം , ഹരിത സുരേഷ് (സെന്റ് എഫ്രേംസ് യു പി സ്കൂൾ ചിറക്കടവ് ) ഒന്നാം സ്ഥാനവും സൈറ സാലിഹ് , അക്ഷര പ്രസാദ് ( എസ് എച്ച് എച്ച് എസ് പങ്ങട ) രണ്ടാം സ്ഥാനവും ടെയ്സ് എം സന്തോഷ് , ലക്ഷ്മി നന്ദന ( സെന്റ് മേരീസ് എച്ച് എസ് സ്കൂൾ തീക്കോയി ) മൂന്നാം സ്ഥാനവും , ഹൈസ്കൂൾ വിഭാഗത്തിൽ തോമസ് ബിനു , ഗീതിക ബോസ് ( സെന്റ് ആന്റണീസ് പബ്ലിക് സ്കൂൾ ആനക്കല്ല് ) ഒന്നാം സ്ഥാനവും , അദ്വൈത് ബിനോയ് നായർ , അക്ഷയ് ടി അജീഷ് ( എസ് എം വി എച്ച് എസ് എസ് പൂഞ്ഞാർ ) രണ്ടാം സ്ഥാനവും ഹിബ തസ്‌നീം , ആദിത്യൻ അനീഷ് ( ഗ്രേസി മെമ്മോറിയൽ എച്ച് എസ് പാറത്തോട് ) മൂന്നാം സ്ഥാനവും കരസ്ഥമാക്കി .പ്രോഗ്രാമിന്റെ സുതാര്യത കാക്കുന്നതിനായി ആതിഥേയരായ ഈരാറ്റുപേട്ട മുസ്‌ലിം ഗേൾസ് ഹയർ സെക്കണ്ടറി സ്കൂൾ ക്വിസ് മത്സരങ്ങളിൽ പങ്കെടുത്തില്ല . വിജയികൾക്ക് ക്യാഷ് അവാർഡും ട്രോഫിയും സർട്ടിഫിക്കറ്റും വിതരണം ചെയ്തു .

പ്രാദേശികം

ഗൈഡൻസ് സ്ഥാപനങ്ങളുടെ വാർഷികത്തിന് തുടക്കമായി

enews 16 January,2025

പൂഞ്ഞാർ .ഗൈഡൻസ് സ്ഥാപനങ്ങളുടെ വാർഷികത്തിന് തുടക്കമായി...മൂന്ന് ദിവസം നീണ്ടു നിൽക്കുന്ന പ്രോഗ്രാമാണ് സംഘടിപ്പിക്കുന്നത്. ഗ്രാൻ്റ് പേരൻ്റ്സ് മീറ്റ് ഈരാറ്റുപേട്ട പുത്തൻ പള്ളി ചീഫ് ഇമാം PB അലി മൗലവി ഉദ്ഘാടനം ചെയ്തു... വിദ്യാഭ്യാസ രംഗത്ത് ഗൈഡൻസ് സ്ഥാപനങ്ങൾ നൽകുന്ന സംഭാവനകളെ അദ്ദേഹം അഭിനന്ദിച്ചു.പുതിയ കാലഘട്ടത്തിൽ രക്ഷിതാക്കളുടെ ഉത്തരവാദിത്വം ഏറെ വർദ്ധിച്ചിരിക്കുകയാണ്.കുട്ടികൾക്ക് ധാർമിക വിദ്യാഭ്യാസം പകർന്ന് നൽകണം. മദ്യത്തിനും മയക്ക് മരുന്നിനും എതിരെ വീടുകളിൽ നിന്ന് തന്നെ ബോധവത്കരണ പരിപാടികൾ ആരംഭിക്കണം.കുട്ടികളുടെ ഗ്രാൻ്റ് പേരൻ്റ്സിന് അതിൽ ഏറെ കാര്യങ്ങൾ ചെയ്യാനുണ്ട്. ഈ സംഗമം അതിന് ഉപകരിക്കട്ടെ എന്ന് അദ്ദേഹം പറഞ്ഞു. മാനേജർ പി.എ ഹാഷിം അധ്യക്ഷത വഹിച്ചു. പ്രിൻസിപ്പാൾ പി.എസ് മുഹമ്മദ് ഷെഫീഖ് സ്വാഗതം പറഞ്ഞു.നഗരസഭ കൗൺസിലർ റൂബിനാ നാസർ, കെ.എ അൻസാരി, കെ.എ ഷെരീഫ്, വി.എ നജീബ്, പി.ഇ ഇർഷാദ്, ഇൽമുന്നീസാ ഷാഫി,താജുദ്ദീൻ എന്നിവർ സംസാരിച്ചു. പ്രമുഖ മോട്ടിവേഷൻ ട്രൈനർ ജിജോ ചിറ്റടി ക്ലാസ്സ് നയിച്ചു

പ്രാദേശികം

ഈരാറ്റുപേട്ടയിലെ മഹല്ലുകൾ കേരളത്തിനു മാതൃക മന്ത്രി അബ്ദു റഹ്മാൻ

enews 16 January,2025

ഈരാറ്റുപേട്ട: ആരോഗ്യ പരിപാലന രംഗത്ത് ഈരാറ്റുപേട്ട പി.എം.സി. ആശുപത്രിയുടെ പ്രവർത്തനങ്ങൾ ശ്രദ്ധേയമെന്ന് മന്ത്രി അബ്ദു റഹ്മാൻ. കേരളത്തിലെ മഹല്ല് ജമാഅത്തുകൾക്ക് മാതൃകയാക്കാവുന്ന സേവന പ്രവർത്തനങ്ങളാണ് ഈരാറ്റുപേട്ടയിലെ മൂന്ന് മഹല്ലുകൾ കേന്ദ്രീകരിച്ച് സംഘടിപ്പിച്ചിട്ടുള്ളതെന്നും അദ്ദേഹം പ്രസ്താവിച്ചു.വക്കഫ് ബോർഡിൻ്റെ അംഗീകാരത്തോടുകൂടി പ്രവർത്തിക്കുന്ന ഈസ്ഥാപനം കേരളത്തിൽ പ്രഥമസ്ഥാനത്താണെന്നും വക്കഫ്കാര്യ മന്ത്രി പറഞ്ഞു. ആശുപത്രി അങ്കണത്തിൽ നൽകിയ സ്വീകരണ യോഗത്തിൽ ചെയർമാൻ മുഹമ്മദ് സക്കീർ അദ്ധ്യക്ഷത വഹിച്ചു. സെബാസ്റ്റ്യൻ കുളത്തുങ്കൽ എം.എൽ.എ. , ജനറൽ സെക്രട്ടറി സലിം കിണറ്റിൻമൂട്ടിൽ, മഹല്ല് പ്രസിഡൻറുമാരായ സാലി നടുവിലേടത്ത്, അഫ്സാർ പുള്ളോലിൽ, മഖാം ഭാരവാഹികളായ പി.എച്ച്. അൻസാരി,ഫൈസൽ വെട്ടിയാംപ്ലാക്കൽ, വി.പി.മജീദ് ,അഡ്വ എ.എസ്.സലീം. ഡോ.ഷാഹിൻ ഷൗക്കത്ത് എന്നിവർ സംസാരിച്ചു.

പ്രാദേശികം

അരുവിത്തുറ കോളേജിൽ പ്രയുക്തി 2025 തൊഴിൽ മേള

enews 16 January,2025

അരുവിത്തുറ :കോട്ടയം ജില്ല എംപ്ലോയ്മെന്റ് എക്സ്ചേഞ്ച് എംപ്ലോയബിലിറ്റി സെന്ററും നാഷണൽ എംപ്ലോയ്മെന്റ് സർവിസും അരുവിത്തുറ കോളേജും സംയുക്തമായി 30ഓളം കമ്പനികൾ പങ്കെടുക്കുന്ന തൊഴിൽ മേള ‘പ്രയുക്തി 2025’ ഈ മാസം 25 ആം തിയതി ശനിയാഴ്ച കോളേജിൽ വച്ച് നടത്തുന്നു. പ്ലസ് ടു, ഡിപ്ലോമ ,ഡിഗ്രി, പി ജി തുടങ്ങി വിദ്യാഭ്യാസ യോഗ്യത ഉള്ള 40 വയസിൽ താഴെ പ്രായമുള്ള യുവജനങ്ങൾക്ക് വിവിധ കമ്പനി കളിൽ ഇന്റർവ്യൂ വിൽ പങ്കെടുത്ത് ജോലി നേടാവുന്നതാണ്. ബാങ്കിംഗ്, ഫിനാൻസ് , ഐ ടി, ടൂറിസം, റിട്ടയിൽ, ഓട്ടോമൊബൈൽ, ഹോസ്പിറ്റലിറ്റി തുടങ്ങി നിരവധി മേഖലകളിലെ കമ്പനികൾ ഫെയറിൽ പങ്കെടുക്കുന്നു. 25ആം തിയതി രാവിലെ 9.30 ന് പൂഞ്ഞാർ എം എൽ എ അഡ്വ സെബാസ്റ്റ്യൻ കുളത്തുങ്കൽ അധ്യക്ഷത വഹിക്കുന്ന യോഗത്തിൽ വച്ച് ശ്രീ ആന്റോ ആന്റണി എം പി മേള ഉത്ഘാടനം ചെയ്യും. പങ്കെടുക്കുവാൻ ആഗ്രഹിക്കുന്നവർ ബിയോഡാറ്റായും സർട്ടിഫിക്കറ്റ് കോപ്പികളും ആയി കോളേജിൽ എത്തേണ്ടതാണ്.Mob: 9447028664

പ്രാദേശികം

Follow Us

Popular News