ഡ്രൈവർ ഉറങ്ങിപ്പോയി കാർ കിടങ്ങൂരിലെ തട്ടുകടയിലേക്കു പാഞ്ഞു കയറി 5 പേർക്ക് പരിക്ക് ;പരിക്കേറ്റവരിൽ തെക്കുംതല ഫിലിം ഇൻസ്റ്റിറ്റ്യൂട്ടിലെ രണ്ട് വിദ്യാർത്ഥികളും
പാലാ:ഏറ്റുമാനൂർ പൂഞ്ഞാർ ഹൈവേയിൽ കിടങ്ങൂരിൽ തട്ടുകടയിലേക്ക് കാർ നിയന്ത്രണം വിട്ട് ഇടിച്ചു കയറി അപകടത്തിൽ 5 പേർക്ക് പരിക്കേറ്റു. പരിക്ക് ഗുരുതരമല്ല. ഇന്നലെ രാത്രിയിലാണ് സംഭവം. പാലാ ഭാഗത്തുനിന്നും വന്ന കാർ നിയന്ത്രണം വിട്ടു തട്ടുകടയിൽ ഭക്ഷണം കഴിച്ചു കൊണ്ടിരുന്നവരുടെ ഇടയിലേക്ക് ഇടിച്ച് കയറുകയായിരുന്നു. പരുക്കേറ്റവരിൽ തെക്കുംതല ഫിലിം ഇൻസ്റ്റിറ്റ്യൂട്ടിലെ 2 വിദ്യാർത്ഥികളും ഉൾപ്പെടുന്നു .. തിരുവനന്തപുരം സ്വദേശി അശ്വിൻ കൃഷ്ണ (23) കോഴിക്കോട് സ്വദേശി ഭവ്യ രാജ് ( 28 ) എന്നിവർക്കാണ് പരുക്കേറ്റത്. പുലർച്ചെ കിടങ്ങൂർ ജംഗ്ഷനു സമീപത്ത് വച്ചാണ് അപകടം
