ഈരാറ്റുപേട്ട . തെക്കേക്കര പുതുപറമ്പിൽ (കല്ലോലിയിൽ) പി സി. നാസറുദ്ദീൻ (73) നിര്യാതനായി.ഭാര്യ. ഫാത്തിമ. നടയ്ക്കൽ വലിയവീട്ടിൽ കുടുംബാംഗം.മക്കൾ അൻസർ,അൻസിൽ (പ്രൊഫസർ ടി. കെ .എം .കോളേജ് കൊല്ലം)മരുമക്കൾ.ആയിഷ അൻസർ,ജസീറ അൻസിൽ. ഖബറടക്കം ഇന്ന് അസര് നമസ്കാര ശേഷം ഈരാറ്റുപേട്ട മുഹ്യുദ്ദീന് ജുമാ മസ്ജിദ് ഖബർസ്ഥാനിൽ
കൂട്ടിക്കൽ : പൂഞ്ഞാർ നിയോജകമണ്ഡലം വികസനത്തിൽ സംസ്ഥാനത്തിന് മാതൃകയാണെന്ന് മന്ത്രി റോഷി അഗസ്റ്റിൻ പറഞ്ഞു. പ്രകൃതിക്ഷോഭം നേരിട്ട കൂട്ടിക്കലിൽ പൂഞ്ഞാർ എംഎൽഎ സർവീസ് ആർമിയുടെ നേതൃത്വത്തിൽ റോട്ടറി ക്ലബിന്റെ സഹകരണത്തോടെ നിർമ്മാണം പൂർത്തീകരിച്ച 11 വീടുകളുടെ താക്കോൽദാന ചടങ്ങ് ഉദ്ഘാടനം ചെയ്യുകയായിരുന്നു മന്ത്രി. ഭവനരഹിതരുടെ പുനരധിവാസം സംസ്ഥാന സർക്കാരിന്റെ പ്രധാന ലക്ഷ്യങ്ങളിലൊന്നാണ്. ദുരിതബാധിതമേഖലകളിലടക്കം പൂഞ്ഞാർ എംഎൽഎ സർവീസ് ആർമിയുടെ ഇടപെടലുകൾ ഏറെ ശ്രദ്ധേയമാണ്. അഡ്വ. സെബാസ്റ്റ്യൻ കുളത്തുങ്കൽ എംഎൽഎ യുടെ നേതൃത്വത്തിൽ നിയോജകമണ്ഡലത്തിൽ വലിയ വികസന മുന്നേറ്റം കൈവരിച്ചതിനോടൊപ്പം, ജനങ്ങളുടെ കണ്ണീരൊപ്പുന്ന ക്ഷേമപ്രവർത്തനങ്ങളിലും മഹനീയ മാതൃക സൃഷ്ടിച്ചിരിക്കുകയാണ് എന്നും മന്ത്രി പറഞ്ഞു. അഡ്വ. സെബാസ്റ്റ്യൻ കുളത്തുങ്കൽ എംഎൽഎ അധ്യക്ഷത വഹിച്ചു. ഭവനനിർമ്മാണത്തിനായി 60 സെന്റ് സ്ഥലം സൗജന്യമായി നൽകിയ സി.വൈ.എ റൗഫിനെയും നിർമ്മാണ പ്രവർത്തനങ്ങൾക്ക് നേതൃത്വം നൽകിയ പി.എം നജീബിനേയും, കോൺട്രാക്ടർ ജോൺസൺ ഫിലിപ്പിനെയും, എൻജിനീയർ ബിനോയി ജോസിനെയും ജില്ലാ പഞ്ചായത്തംഗം അഡ്വ. ശുഭേഷ് സുധാകരൻ ആദരിച്ചു.പൂഞ്ഞാർ നിയോജകമണ്ഡലത്തിൽ കാരുണ്യ ഭവന പദ്ധതിയിൽ ലക്ഷ്യമിടുന്ന 10 വീടുകളുടെ നിർമ്മാണ ഉദ്ഘാടനവും സമ്മേളനത്തിൽ നടന്നു. മുൻ എംഎൽഎ കെ.ജെ തോമസ് ഗുണഭോക്താക്കൾക്ക് ഉടമസ്ഥാവകാശ രേഖകൾ കൈമാറി. റോട്ടറി ഡിസ്ട്രിക്ട് ഗവർണർ ഡോ.റ്റീന ആന്റണി മുഖ്യപ്രഭാഷണവും, പാലാ റോട്ടറി ക്ലബ്ബ് പ്രസിഡന്റ് ജോഷി വെട്ടുകാട്ടിൽ ആമുഖപ്രഭാഷണവും, പ്രോജക്ട് കോഡിനേറ്റർ റെജി ജേക്കബ് പദ്ധതി വിശദീകരണവും നടത്തി.
കോട്ടയത്തിന്റെ മറ്റൊരു ആനതാരത്തിന് കൂടി വിട. ഗജവീരൻ കിരൺ നാരായണൻകുട്ടി ചെരിഞ്ഞു. ഒൻപതര അടിക്ക് മുകളിൽ അടുത്ത ഉയരമുള്ള ആനയാണ്. ആനക്ക് കാര്യമായ ആരോഗ്യ പ്രശ്നങ്ങൾ ഇല്ലെന്നായിരുന്നു വിവരം. എസ്.എൻ.ഡി.പി യോഗം കോട്ടയം യൂണിയൻ മുൻ പ്രസിഡന്റ് കൂടിയായിരുന്നു എം മധുവിന്റെ ഉടമസ്ഥതയിലുള്ള കൊമ്പനായിരുന്നു കിരൺ നാരായണൻ കുട്ടി. ബീഹാറാണ് സ്വദേശം, കേരളത്തിൽ തെക്കും വടക്കും ജില്ലകളിലായി 100ഓളം പരിപാടികൾ, ഉത്സവങ്ങൾ, പള്ളിപ്പെരുന്നാളുകൾ, നേർച്ചകൾക്കടക്കം എഴുന്നള്ളിപ്പിച്ചിരുന്ന ആനയാണിത്. നടൻ ജയസൂര്യ നായകനായെത്തിയ തൃശ്ശൂർപ്പൂരം എന്ന ചിത്രത്തിലും നാരായണൻകുട്ടി അഭിനയിച്ചിട്ടുണ്ട്. നാരായണൻകുട്ടിയുടെ വിയോഗം ആനപ്രേമികളെയും സങ്കടത്തിലാഴ്തത്തിയിരിക്കുകയാണ്. കഴിഞ്ഞ 19നാണ് ആനപ്രേമികളെ സങ്കടത്തിലാഴ്തത്തി ഗജരാജൻ ഈരാറ്റുപേട്ട അയ്യപ്പനും ചെരിഞ്ഞത്.പാലാ പുലിയന്നൂർ ആനയൂട്ടാണ് ആന പങ്കെടുത്ത ഏറ്റവും അവസാനത്തെ പരിപാടി.
കോട്ടയം: സിഎംഎസ് കോളജ് യൂണിയൻ തിരഞ്ഞെടുപ്പിൽ മൂന്നു പതിറ്റാണ്ടിനു ശേഷം കെഎസ്യുവിന് ജയം. 15ൽ 14 സീറ്റിലും കെഎസ്യു സ്ഥാനാർഥികൾ വിജയിച്ചു. ഫസ്റ്റ് ഡിസി പ്രതിനിധി സീറ്റ് മാത്രമാണ് നഷ്ടമായത്. ചെയർപഴ്സനായി സി. ഫഹദും ജനറൽ സെക്രട്ടറിയായി മീഖൾ എസ്.വർഗീസും തിരഞ്ഞെടുക്കപ്പെട്ടു. മറ്റു ഭാരവാഹികൾ: ബി. ശ്രീലക്ഷ്മി (വൈസ് ചെയർപഴ്സൻ), ടി.എസ്. സൗപർണിക (ആർട്സ് ക്ലബ് സെക്രട്ടറി), മജു ബാബു (മാഗസിൻ എഡിറ്റർ), അലൻ ബിജു, ജോൺ കെ.ജോസ് (യുയുസി)
ഈരാറ്റുപേട്ട. പ്രൈവറ്റ് ബസ് സ്റ്റാൻഡ് നവീകരണം ഈരാറ്റുപേട്ട നഗരത്തിനെ ആകെ ഗതാഗതാ കുരിക്കിൽ ആക്കിയെന്നും ബസ് സ്റ്റാൻഡ് ഭാഗത്തു കൂടി കാൽനട യാത്രകർക്ക് പോലും സഞ്ചരിക്കാനാവാത്ത സാഹചര്യമാണെന്നും ബി ജെ പി പൂഞ്ഞാർ മണ്ഡലം പ്രസിഡന്റ് ജോ ജിയോ ജോസഫ് ആരോപിച്ചു. സെൻട്രൽ ജംഗ്ഷനിൽ നിന്ന് വാഹനങ്ങൾ കടന്നുപോകാൻ ഏറെ സമയം കാത്തു കിടക്കേണ്ടി വരുന്ന സാഹചര്യം പ്രെതിഷേധാർഹം ആണെന്നും മുൻസിപ്പാലിറ്റി,പോലീസ് അധികൃതർ ഉടനടി നടപടികൾ സ്വീകരിച്ചില്ലെങ്കിൽ ശക്തമായ സമരപരിപാടികൾക് നേതൃത്വം നൽകാനും ബിജെപി ഈരാറ്റുപേട്ട മുൻസിപ്പൽ കമ്മറ്റി തീരുമാനിച്ചു . മുൻസിപ്പൽ കമ്മറ്റി പ്രസിഡന്റ് മുഹമ്മദ് ഷാജി അധ്യക്ഷത വഹിച്ച യോഗം മണ്ഡലം പ്രസിഡന്റ് ജോ ജിയോ ജോസഫ് ഉദ്ഘാടനം ചെയ്തു യോഗത്തിൽ രാജേഷ് പാറക്കൽ,സുമേഷ് ബാബു,സാജു വി കെ,ജോയ്സ് വേണാടൻ,തുടങ്ങിയവർ പ്രസംഗിച്ചു
ഈരാറ്റുപേട്ട: എട്ട് വർഷക്കാലത്തെ എസ് എഫ് ഐ കുത്തക തകർത്ത് അരുവിത്തുറ സെന്റ് ജോർജ് കോളേജ് യൂണിയൻ കെ എസ് യു പിടിച്ചെടുത്തു. പാർലമെന്ററി രീതിയിൽ നടന്ന തിരഞ്ഞെടുപ്പിൽ ചെയർപേഴ്സണൻ സ്ഥാനം ഉൾപ്പടെ മത്സരം നടന്ന മുഴുവൻ സീറ്റുകളും നേടിയാണ് കെ എസ് യു വിജയിച്ചത്. ആദിൽ ബഷീർ ( ചെയർപേഴ്സൺ), ആഞ്ചലീന മനോജ് ( വൈസ് ചെയർപേഴ്സൺ), ജോൺസൻ ജോണി ( ജനറൽ സെക്രട്ടറി), ഖദീജ സുഹ ( ആർട്സ് ക്ലബ് സെക്രട്ടറി), കൃഷ്ണദാസ് എ, നെബിൻ താഹ ( യൂണിവേഴ്സിറ്റി യൂണിയൻ കൗൺസിലർമാർ), ആഷ്ലിൻ ഷെയ്സ്, മീര മോഹൻ ( ബിരുദാനന്തര ബിരുദ പ്രതിനിധികൾ), നിഖിൽ സിബി ( ഒന്നാം വർഷ ഡിഗ്രി പ്രതിനിധി), ഫസിൽ യൂസഫ് ( രണ്ടാം വർഷ ഡിഗ്രി പ്രതിനിധി) അമൽ ജോയ് (മൂന്നാം വർഷ ഡിഗ്രി പ്രതിനിധി) സോന ആൻ ജോസഫ്, റിസ്വാന റഷീദ് ( വനിത പ്രതിനിധികൾ ) എന്നിവരാണ് വിജയിച്ചവർ.
ഈരാറ്റുപേട്ട - തലനാട് ഗ്രാമപഞ്ചായത്തിലെ മികച്ച കർഷകനുള്ള അവാർഡ് നേടിയ ഈരാറ്റുപേട്ട നൗഫൽ ബാക്കവിയെ ദക്ഷിണ കേരള ജംഇയ്യത്തുൽ ഉലമ കോട്ടയം ജില്ലാ കമ്മിറ്റി ആദരിച്ചു. ഈരാറ്റുപേട്ട റഹ്മത്ത് ജുമാ മസ്ജിദിലെ ചീഫ് ഇമാമും തലനാട് സ്വദേശിയുമായ നൗഫൽ ബാഖവി പാട്ടത്തിന് എടുത്ത ഭൂമിയിലും സ്വന്തം ഭൂമിയിലും വാഴ ,കപ്പ .ചേന ,ചേമ്പ് എന്നിവ സമ്മിശ്രമായി കൃഷി ചെയ്ത് വിജയിപ്പിച്ചാണ് തലനാട് പഞ്ചായത്തിലെ മികച്ച സമ്മിശ്ര കർഷകനുള്ള കൃഷിവകുപ്പ് നൽകുന്ന 2025ലെ അവാർഡിന് അർഹനായത്. ഈരാറ്റുപേട്ട നൈനാർ മഹല്ല് ജമാഅത്ത് കോൺഫറൻസ് ഹാളിൽ ജില്ലാ പ്രസിഡണ്ട് അബ്ദുൾ നാസർ മൗലവി അൽ കൗസരിയുടെ അധ്യക്ഷതയിൽ കൂടിയ സമ്മേളനം ജമാഅത്ത് ഫെഡറേഷൻ സംസ്ഥാന വർക്കിംഗ് പ്രസിഡണ്ടും ഹജ്ജ് കമ്മിറ്റി മെമ്പറുമായ ഹാജി മുഹമ്മദ് സക്കീർ ഉദ്ഘാടനം ചെയ്തു. ദക്ഷിണ കേരള ജംഇയ്യത്തുൽ ഉലമ കോട്ടയം ജില്ലാ സെക്രട്ടറി പാറത്തോട് നാസർ മൗലവി, ഈരാറ്റുപേട്ട നൈനാർ മസ്ജിദ് ചീഫ് ഇമാം അഷ്റഫ് മൗലവി അൽ കൗസരി , ജംഇയ്യത്തുൽ ഉലമ മീനച്ചിൽ താലൂക്ക് പ്രസിഡണ്ട് അബ്ദുസ്സലാം മൗലവി ബാഖവി, മുഹിയുദ്ദീൻ ജുമാ മസ്ജിദ് ചീഫ് ഇമാം സുബൈർ മൗലവി, ഇബ്രാഹിംകുട്ടി മൗലവി,ഡി കെ എൽ എം മേഖലാ സെക്രട്ടറി ഹാഷിം മന്നാനി ,ഷാനവാസ് ഖാൻ മൗലവി തുടങ്ങിയവർ പ്രസംഗിച്ചു.
ഈരാറ്റുപേട്ട ; കുടുംബം കുട്ടിയുടെ അവകാശം എന്ന വേറിട്ട ശീർഷകത്തിൽ കേരളാടിസ്ഥാനത്തിൽ പ്രവർത്തിച്ചുകൊണ്ടിരിക്കുന്ന ദി ലൈറ്റ് ചാരിറ്റബിൾ ട്രസ്റ്റ് കേരളയുടെ ഈരാറ്റുപേട്ട ചാപ്റ്റർ രൂപീകരണം പുത്തൻപള്ളി മിനി ഹാളിൽ വെച്ച് നടന്നു. കിംസ് ഹോസ്പിറ്റൽ ഫൗണ്ടർ ഡയറക്ടർ ഡോക്ടർ എം എ മുഹമ്മദ് യോഗം ഉദ്ഘാടനം ചെയ്തു. ട്രസ്റ്റ് സംസ്ഥാന ചെയർമാൻ സഫറലി ഇസ്മാഈൽ അധ്യക്ഷത വഹിച്ച യോഗത്തിൽ ഹാഷിർ നദ്വി സ്വാഗതം പറഞ്ഞു . ദി ലൈറ്റ് ചാരിറ്റബിൾ ട്രസ്റ്റ് മാനേജിംഗ് ട്രസ്റ്റി ഡോക്ടർ അബ്ദുൽ അഹദ് മദനി മുഖ്യപ്രഭാഷണം നടത്തി. സംസ്ഥാന ഓർഗനൈസിങ് സെക്രട്ടറി താജുദ്ദീൻ സ്വലാഹി ആമുഖഭാഷണം നിർവഹിച്ചു. പുത്തൻപള്ളി ചീഫ് ഇമാം അലി ബാഖവി, മുനിസിപ്പൽ കൗൺസിലർ നാസർ വെള്ളൂപറമ്പിൽ, ദി ലൈറ്റ് ചാരിറ്റബിൾ ട്രസ്റ്റ് വൈസ് ചെയർമാൻ സലീം തോട്ടുങ്ങൽ,k v v e s ഈരാറ്റുപേട്ട പ്രസിഡന്റ് എ എം എ ഖാദർ എന്നിവർ ആശംസകൾ നേർന്ന് സംസാരിച്ചു. തുടർന്ന് നടന്ന ചാപ്റ്റർ രൂപീകരണ തെരഞ്ഞെടുപ്പ് ദി ലൈറ്റ് ചാരിറ്റബിൾ ട്രസ്റ്റ് സംസ്ഥാന സെക്രട്ടറി ഇ ഐ മുജീബ് നിയന്ത്രിച്ചു. മുഖ്യ രക്ഷാധികാരികളായി ഡോക്ടർ എം എ മുഹമ്മദ്, അബ്ദുൽ ഖാദർ അജ്മി എന്നിവരെയും രക്ഷാധികാരികളായി കെ എ റഷീദ് മറ്റക്കൊമ്പനാൽ, പി എച്ച് ജാഫർ പുതുപ്പറമ്പിൽ, കൊച്ചുമുഹമ്മദ് പൊന്തനാൽ, വഹാബ് പേരകത്തുശേരി, മജീദ് വട്ടക്കയം എന്നിവരെയും ചെയർമാനായി ഹാഷിർ നദ്വിയെയും വൈസ് ചെയർമാൻമാരായി എ എം എ ഖാദർ, നാസർ വെള്ളുപ്പറമ്പിൽ, നവാസ് ഉപ്പാപ്പ വീട്ടിൽ എന്നിവരെയും ജനറൽ സെക്രട്ടറിയായി സത്താർ വെള്ളുപ്പറമ്പിലിനേയും ജോയിൻ സെക്രട്ടറിമാരായി അബ്ദുൽ ഖാദർ മറ്റക്കൊമ്പനാൽ, പരിക്കൊച്ച് വെള്ളൂപറമ്പിൽ(മോനി), സിറാജ് കണ്ടത്തിൽ എന്നിവരെയും ട്രഷററായി കൊച്ചുമുഹമ്മദ് മറ്റകൊമ്പനാലിനെയും തെരഞ്ഞെടുത്തു. ജനറൽ സെക്രട്ടറി സത്താർ വെള്ളൂ പറമ്പിൽ നന്ദി പറഞ്ഞു.
