പൂഞ്ഞാർ ; പനച്ചികപ്പാറയിൽ വൻ എം ഡി എം എ വേട്ട..പിടിച്ചെടുത്തത് 100 ഗ്രാമിൽ കൂടുതൽ എം ഡി എം എ. 3 പേര് പിടിയിൽ പനച്ചികപ്പാറ മണ്ഡപത്തിപാറ സ്വദേശി തെക്കേടത്ത് വിമൽ രാജ്, നടക്കൽ മണിമലകുന്നേൽ ജീമോൻ എം എസ്, തീക്കോയി മാവടി മണ്ണാറാത്ത് എബിൻ റെജി എന്നിവർ ആണ് പിടിയിൽ ആയത്. ബാംഗ്ലൂരിൽ നിന്നും കടത്തികൊണ്ടുവന്നതാണ്.. ഡാൻസഫ് സംഘമാണ് പിടികൂടിയത്.. വിമലിനെ നേരത്തെ യും എം ഡി എം എ കൈവശം വച്ചതിനു പിടികൂടിയിട്ടുണ്ട്.നടപടിക്രമങ്ങൾ പുരോഗമിക്കുന്നു.
ഈരാറ്റുപേട്ട :ക്രിസ്മസിന്റെ വരവ് അറിയിച്ച് അരുവിത്തുറ സെൻറ് ജോർജ് കോളേജിൽ ബോൺ നത്താലെ -2025 ക്രിസ്മസ് ആഘോഷങ്ങൾ സംഘടിപ്പിച്ചു.വർണ്ണശബളമായ ക്രിസ്മസ്കരോളോടെ ആരംഭിച്ച ആഘോഷങ്ങളിൽ ക്രിസ്മസ് പാപ്പാ മത്സരം ക്രിസ്മസ് കരോൾ ഗാന മത്സരം കുട്ടികളുടെ വിവിധ കലാപരിപാടികൾ ,ഡിജെ തുടങ്ങിയ പരിപാടികൾ കോർത്തിണക്കിയിരുന്നു. ചടങ്ങിൽ കോളേജിൽ പ്രിൻസിപ്പൽ പ്രൊഫ. ഡോ സിബി ജോസഫ്,കോളേജ് ബർസാർ റവ ഫാ ബിജുകുന്നയ്ക്കാട്ട്,വൈസ് പ്രിൻസിപ്പൽ ഡോ ജിലു ആനി ജോൺ തുടങ്ങിയവർ വിദ്യാർത്ഥികൾക്ക് സന്ദേശം നൽകി.
അരുവിത്തുറ: ബൈബിളിൽ പ്രതിപാദിച്ചിരിക്കുന്നത് പോലെ മണലാരണ്യത്തിനു മധ്യേ ബത് ലഹേംനഗരവും പുൽക്കൂടും ഒരുക്കി അരുവിത്തുറ സെൻറ് ജോർജ് കോളേജിന്റെ പുൽക്കൂട് വ്യത്യസ്തമാകുന്നു. പുൽക്കൂടുകളിൽ സാധാരണയായി കണ്ടുവരുന്ന പച്ചപ്പിന്റെ അതിപ്രസരമില്ലാതെയാണ് പുൽക്കൂട് ഒരുക്കിയിരിക്കുന്നത്. ബൈബിളിൽ പ്രതിപാദിച്ചിരിക്കുന്ന കഥാപരിസ രത്തെ സർഗ്ഗാത്മകമായി അവതരിപ്പിച്ചിരിക്കുകയാണ് പുൽക്കൂടിൻ്റെ ശിൽപിമാരായ ഷിധിൻ ജോസഫ്, ബെൻജിത്ത് സേവ്യർ, ചാക്കോച്ചൻ, ഉണ്ണി റ്റോമിൻ,ജയ്മോൻ ജോസഫ്, അൻഡ്രൂസ് തോമസ്, അൻ്റൊ ജോസഫ്, ലിജോ ജോർജ് എന്നിവർ . പുൽക്കൂടിനെ വിദ്യാർത്ഥികളും അവേശത്തോടെ ഏറ്റെടുത്തു. പുൽക്കൂട് പൂർത്തിയായതോടെ രണ്ടുദിവസം നീണ്ടുനിൽക്കുന്ന സെൻറ് ജോർജ് കോളജിന്റെ ക്രിസ്മസ് ആഘോഷങ്ങൾക്കും തുടക്കമായി. ആഘോഷങ്ങൾ ഔദ്യോഗികമായി കോളേജ് മാനേജർ വെരി റവ ഫാ സെബാസ്റ്റ്യൻ വെട്ടുകല്ലേൽ ഉദ്ഘാടനം ചെയ്തു.ചടങ്ങിൽ കോളേജ് പ്രിൻസിപ്പൽ പ്രൊഫ. ഡോ. സിബി ജോസഫ് കോളേജ് ബർസാർ റവ. ഫാ ബിജു കുന്നയ്ക്കാട്ട് , വൈസ് പ്രിൻസിപ്പൽ ഡോ ജിലു ആനി ജോൺ തുടങ്ങിയവർ സംസാരിച്ചു. ചൊവ്വാഴ്ച്ച വിദ്യാർത്ഥികൾക്കായി വിപുലമായ ക്രിസ്മസ് ആഘോഷങ്ങളാണ് ക്യാമ്പസിൽ സംഘടിപ്പിച്ചിരിക്കുന്നത്.
ഈരാറ്റുപേട്ട: ഉഴവൂർ സെന്റ് പീറ്റേഴ്സ് കോളേജ് ഗ്രൗണ്ടിൽ നടന്ന രണ്ടാമത് ബഡ്സ് കായിക മേളയിൽ (ബഡ്സ് ഒളിംമ്പിയ 2.0) ഈരാറ്റുപേട്ട നഗരസഭ പ്രതീക്ഷാ ബി.ആർ.സിക്ക്(ബഡ്സ് സ്കൂൾ) സെക്കന്റ് ഓവറോൾ. ജില്ലയിലെ വിവിധ ബഡ്സ് സ്ഥാപനങ്ങളിൽ നിന്നായി 250 ഓളം കുട്ടികൾ പങ്കെടുത്ത മേളയിൽ സബ്ജൂനിയർ, ജൂനിയർ വിഭാഗത്തിൽ റണ്ണറപ്പും, 60 പോയിന്റും നേടിയാണ് രണ്ടാം സ്ഥാനക്കാരായത്..
ഈരാറ്റുപേട്ട ബ്ലോക്ക് പഞ്ചായത്ത് ഭരണസമിതി യുടെ (2025 - 2030) സത്യപ്രതിജ്ഞ ചടങ്ങ് 21.12.2025 രാവിലെ 10.00 മണിക്ക് ഈരാറ്റുപേട്ട ബ്ലോക്ക് പഞ്ചായത്ത് ഹാളിൽ വച്ച് നടത്തപ്പെട്ടു. വരണാധികാരി ശ്രീ. സാജു ജേക്കബ്, (ജില്ലാ പട്ടികജാതി വികസന ഓഫീസർ, കോട്ടയം) തെരെഞ്ഞെടുക്കപ്പെട്ട ജനപ്രതിനിധികളിൽ ഏറ്റവും മുതിർന്ന അംഗമായ ശ്രീ. പ്രേംജി.ആർ (12 തലപ്പലം) ന് സത്യവാചകം ചൊല്ലിക്കൊടുത്തു. തുടർന്ന് മറ്റ് അംഗങ്ങളായ ശ്രീ.ജോയി സ്കറിയ (01 – മേലുകാവ് ), ശ്രീ.സ്റ്റാൻലി മാണി (02-മൂന്നിലവ്), ശ്രീമതി.സോളി ഷാജി (03 –തലനാട്), ശ്രീ.മോഹനൻ കുട്ടപ്പൻ (04 – തീക്കോയി), ശ്രീ.റോജി തോമസ് (05-കല്ലേക്കുളം), ശ്രീമതി. ബീന മധുമോൻ (06 -പാതാമ്പുഴ), ശ്രീ.ക്ലിന്റ് അരീപ്ലാക്കൽ (07 –വളതൂക്ക്), ശ്രീമതി. ഗീതാനോബിൾ (08 – പൂഞ്ഞാർ), ശ്രീമതി. മേഴ്സി മാത്യൂ (09- കൊണ്ടൂർ), ശ്രീമതി.ധന്യ ജോസ് (10- പിണ്ണാക്കനാട്), ശ്രീമതി അജിതാ മോഹൻദാസ് (11- തിടനാട്), ശ്രീ. ജോഷി ജോഷ്വാ (13- പ്ലാശ്ശനാൽ), കുമാരി.ആൻ മരിയ അമൽ (14 – കളത്തുകടവ് എന്നിവർക്ക് ശ്രീ. പ്രേംജി.ആർ സത്യവാചകം ചൊല്ലിക്കൊടുത്തു. തുടർന്ന് ഈരാറ്റുപേട്ട ബ്ലോക്ക് പഞ്ചായത്ത് ഭരണസമിതിയുടെ (2025 -2030) ആദ്യ യോഗം മുതിർന്ന അംഗമായ ശ്രീ. പ്രേംജി.ആർ ന്റെ അദ്ധ്യക്ഷതയിൽ ബ്ലോക്ക് പഞ്ചായത്ത് കോണ്ഫറൻസ് ഹാളിൽ വച്ച് രാവിലെ 11.00 മണിക്ക് ചേർന്നു. പ്രസ്തുത യോഗത്തിൽ തദ്ദേശ സ്വയംഭരണ സ്ഥാപനങ്ങളിലെ പ്രസിഡന്റ്, വൈസ് പ്രസിഡന്റ് എന്നിവരുടെ തെരഞ്ഞെടുപ്പ് സംബന്ധിച്ച് സംസ്ഥാന തെരഞ്ഞെടുപ്പ് കമ്മീഷന്റെ മാർഗ്ഗ നിർദ്ദേശങ്ങൾ ഉൾക്കൊള്ളുന്ന സർക്കുലർ ബ്ലോക്ക് പഞ്ചായത്ത് സെക്രട്ടറി ശ്രീ.സാജൻ.എം വായിച്ച് അവതരിപ്പിച്ചു.11.30 ന് യോഗം അവസാനിച്ചു.
കോട്ടയം: ജില്ലയിലെ നഗരസഭകള്, ബ്ലോക്ക് പഞ്ചായത്തുകള്,ഗ്രാമപഞ്ചായത്തുകള്, എന്നിവിടങ്ങളിലേക്ക് തെരഞ്ഞെടുക്കപ്പെട്ട ജനപ്രതിനിധികള് സത്യപ്രതിജ്ഞ ചെയ്തു. ഓരോ തദ്ദേശ സ്ഥാപനത്തിലെയും ഏറ്റവും മുതിര്ന്ന അംഗം ആദ്യം വരണാധികാരി മുന്പാകെ സത്യപ്രതിജ്ഞ ചെയ്തു. തുടര്ന്ന് ഈ അംഗം മറ്റുള്ളവര്ക്ക് സത്യപ്രതിജ്ഞ ചൊല്ലിക്കൊടുക്കുകയായിരുന്നു. സത്യപ്രതിജ്ഞയ്ക്കുശേഷം അംഗങ്ങളുടെ ആദ്യയോഗം ചേര്ന്നു. ജോയി മന്നാമല (ഏറ്റുമാനൂര്),അബ്ദുള് സലാം റാവുത്തര്(വൈക്കം),സാലി മാത്യു (കോട്ടയം), പ്രസന്നകുമാരി ടീച്ചര് (ചങ്ങനാശേരി), ഷാജു തുരുത്തന്(പാലാ),സുബൈര് വെള്ളാപ്പള്ളില്(ഈരാറ്റുപേട്ട) എന്നിവരാണ് നഗരസഭകളില് ആദ്യം സത്യപ്രതിജ്ഞ ചെയ്തത്. ഏറ്റുമാനൂര് ബ്ലോക്ക് പഞ്ചായത്തില് അയ്മനം ഡിവിഷനില് നിന്നുമുള്ള നാസര് ചാത്തന്കോട്ടുമാലിക്ക് കോട്ടയം ആര്.ഡി.ഒ. ജിനു പുന്നൂസ് സത്യപ്രതിജ്ഞ ചൊല്ലിക്കൊടുത്തു.ഗ്രാമപഞ്ചായത്തുകളില് ചിന്നമ്മ പാപ്പച്ചന് (അയ്മനം),എ.പി. ഗോപി (കുമരകം), മാത്യു എം. പടപ്പന് (ആര്പ്പൂക്കര),ജോസ് അമ്പലക്കുളം(അതിരമ്പുഴ), സിജി രാജു(നീണ്ടൂര്), പി.എ. അബ്ദുള് കരീം (തിരുവാര്പ്പ്) എന്നിവര് ആദ്യം പ്രതിജ്ഞ ചൊല്ലി. വൈക്കം ബ്ലോക്ക് പഞ്ചായത്തില് ചെമ്മനത്തുകര ഡിവിഷനില് നിന്നുള്ള കെ.കെ. ശശികുമാര് ആദ്യം സത്യപ്രതിജ്ഞ ചെയ്തു. വരണാധികാരിയായ സഹകരണസംഘം ജോയിന്റ് രജിസ്ട്രാര് (ജനറല്)പി.പി. സലീം സത്യവാചകം ചൊല്ലിക്കൊടുത്തു.ഗ്രാമപഞ്ചായത്തുകളില് പോള്സണ് ജോസഫ് (ടി.വി. പുരം), പി.പി. പദ്മനന്ദനന് (മറവന്തുരുത്ത്), വി.ടി. ജയശ്രീ (വെച്ചൂര്), സുശീലകുമാരി (തലയാഴം),കെ.ജെ. സണ്ണി (ചെമ്പ്),കെ.ജി. രാജു(ഉദയനാപുരം) എന്നിവരാണ് ആദ്യം സത്യപ്രതിജ്ഞ ചൊല്ലിയത്. പാമ്പാടി ബ്ലോക്ക് പഞ്ചായത്തില് പാമ്പാടി ഡിവിഷനില് നിന്നുള്ള മേരിക്കുട്ടി മര്ക്കോസാണ് ആദ്യം സത്യപ്രതിജ്ഞ ചൊല്ലിയത്. വരണാധികാരിയായ സര്വേ ഡെപ്യൂട്ടി ഡയറക്ടര് എം.എ. ആഷ ചൊല്ലിക്കൊടുത്തു.ബ്ലോക്ക് പഞ്ചായത്ത് പരിധിയിലുള്ള പഞ്ചായത്തുകളില് എം.എസ്. രാജു(അകലക്കുന്നം),അബ്ദുല് കരീം (എലിക്കുളം),ലിസി എബ്രഹാം(കിടങ്ങൂര്), ആന്റണി തുപ്പലഞ്ഞിയില് (കൂരോപ്പട),തോമസ് തടത്തിമാക്കല് (മണര്കാട്),ഏലിയാമ്മ മത്തായി(മീനടം), ഫിലിപ്പോസ് തോമസ് (പാമ്പാടി), റോസമ്മ ടീച്ചര്(പള്ളിക്കത്തോട്) എന്നിവരാണ് ആദ്യം സത്യപ്രതിജ്ഞ ചൊല്ലിയത്. മാടപ്പള്ളി ബ്ലോക്ക് പഞ്ചായത്തില് ഇന്ഡസ്ട്രിയല് നഗര് ഡിവിഷനില് നിന്നുള്ള ഇ.സി. അച്ചാമ്മ ആദ്യം സത്യപ്രതിജ്ഞ ചൊല്ലി. വരണാധികാരിയായ ഡെപ്യൂട്ടി കളക്ടര് (ആര്.ആര്.) സോളി ആന്റണി സത്യപ്രതിജ്ഞ ചൊല്ലിക്കൊടുത്തു. ഗ്രാമപഞ്ചായത്തുകളില് തോമസ് സ്കറിയ (മാടപ്പള്ളി), ജോസഫ് തോമസ് (പായിപ്പാട്),തോമസ് കുര്യന് പാറവേലില് (വാകത്താനം), റോസമ്മ ദേവസ്യ മണമേല് (വാഴപ്പള്ളി), ജയിംസ് ജോസഫ് പതാരംചിറ(തൃക്കൊടിത്താനം) എന്നിവരാണ് ആദ്യം സത്യപ്രതിജ്ഞ ചൊല്ലിയത്. കടുത്തുരുത്തി ബ്ലോക്ക് പഞ്ചായത്തില് ആയാംകുടി ഡിവിഷനില് നിന്നുള്ള ജോസ് പുത്തന്കാലായ്ക്ക് ഡെപ്യൂട്ടി കളക്ടര് (എല്.എ) കെ.പി. ദീപ സത്യപ്രതിജ്ഞ ചൊല്ലിക്കൊടുത്തു. ഗ്രാമപഞ്ചായത്തുകളില് ജോസ് മുണ്ടുകുന്നേല് (കടുത്തുരുത്തി),ബാബു ജോര്ജ് തയ്യില് (കല്ലറ), ജോണ് തറപ്പേല് (തലയോലപ്പറമ്പ്),സുജത രമണന് (മുളക്കുളം), ടി.ബി. ബേബി( വെള്ളൂര്), ശോഭ ഗോപിനാഥന് നായര് ( ഞീഴൂര്)എന്നിവര് ആദ്യം പ്രതിജ്ഞ ചൊല്ലി. ഉഴവൂര് ബ്ലോക്ക് പഞ്ചായത്തില് കോതനല്ലൂര് ഡിവിഷനില് നിന്നുള്ള ടി.എസ്. ബാബുവാണ് വരണാധികാരിയായ ജില്ലാ ലേബര് ഓഫീസര് മിനോയ് ജയിംസ് മുന്പാകെ ആദ്യം സത്യപ്രതിജ്ഞ ചെയ്തത്. ഗ്രാമപഞ്ചായത്തുകളില് കെ.എം. തങ്കച്ചന് (ഉഴവൂര്), ലിസമ്മ മത്തച്ചന് (രാമപുരം), കെ.എ. ജോസഫ് (മരങ്ങാട്ടുപിള്ളി), ജോര്ജ് ജി. ചെന്നേലില് (കുറവിലങ്ങാട്),വത്സ രാജന് (വെളിയന്നൂര് ), ശ്യാമളകുമാരി(കാണക്കാരി), കെ.എന്. തങ്കപ്പന്(മാഞ്ഞൂര്)എന്നിവരാണ് ആദ്യം സത്യപ്രതിജ്ഞ ചൊല്ലിയത്. ഈരാറ്റുപേട്ട ബ്ലോക്ക് പഞ്ചായത്തില് തലപ്പലം ഡിവിഷനില് നിന്നുള്ള ആര്. പ്രേംജി ആദ്യം സത്യപ്രതിജ്ഞ ചൊല്ലി. വരണാധികാരിയായ ജില്ലാ പട്ടികജാതി വികസന ഓഫീസര് സാജു ജേക്കബ് സത്യവാചകം ചൊല്ലിക്കൊടുത്തു. ഗ്രാമപഞ്ചായത്തുകളില് എബി ലൂക്കോസ് കിഴക്കേത്തോട്ടം (പൂഞ്ഞാര്), സേവ്യര് കണ്ടത്തിന്കര (തിടനാട്), ജോസഫ് മാത്യു (തലപ്പലം), ജോണി ആലാനി (തലനാട്), അലക്സ് ടി ജോസഫ് (മേലുകാവ്), ലീന ജോസഫ് പോര്ക്കാട്ടില് (തീക്കോയി), മിനര്വാ മോഹന് (പൂഞ്ഞാര് തെക്കേക്കര), ഇത്തമ്മ മാത്യു പല്ലാട്ട്(മൂന്നിലവ്) എന്നിവര് ആദ്യം പ്രതിജ്ഞ ചൊല്ലി. ളാലം ബ്ലോക്ക് പഞ്ചായത്തില് ഭരങ്ങാനം ഡിവിഷനില് നിന്നുള്ള അല്ഫോന്സാ ജോസ് വെട്ടിക്കല് ആദ്യം സത്യപ്രതിജ്ഞ ചൊല്ലി. വരണാധികാരിയായ പാലാ റവന്യൂ ഡിവിഷണല് ഓഫീസര് കെ.എം. ജോസ്കുട്ടി സത്യവാചകം ചൊല്ലിക്കൊടുത്തു. ഗ്രാമപഞ്ചായത്തുകളില് തങ്കച്ചന് കുന്നുംപുറം (കടനാട്), കെ.ടി.തോമസ് (ഭരണങ്ങാനം), ആലീസ് ജോയി മറ്റം(കൊഴുവനാല്), ഓമന സോമന് ഇട്ടിക്കുന്നേല് (മീനച്ചില്), ചാക്കോ താന്നിയാനിയ്ക്കല് (മുത്തോലി), വത്സമ്മ തങ്കച്ചന്(കരൂര്) എന്നിവര് ആദ്യം സത്യപ്രതിജ്ഞ ചൊല്ലി. പള്ളം ബ്ലോക്ക് പഞ്ചായത്തില് നീറിക്കാട് ഡിവിഷനില് നിന്നുള്ള കെ.സി. ഐപ്പ് ആണ് സത്യപ്രതിജ്ഞ ചൊല്ലിയത്. വരണാധികാരിയായ ഡെപ്യൂട്ടി കളക്ടര് ഉഷാകുമാരി സത്യപ്രതിജ്ഞ ചൊല്ലിക്കൊടുത്തു. ഗ്രാമപഞ്ചായത്തുകളില് ജോയി പൊറ്റത്തില് (അയര്ക്കുന്നം), കെ.ബി. ഗിരീശന്(പുതുപ്പള്ളി), ഡോ. ഇ.കെ. വിജയകുമാര് (പനച്ചിക്കാട്), രാജഗോപാല് (കുറിച്ചി), സിസി ഗോപി(വിജയപുരം) എന്നിവരാണ് ആദ്യം പ്രതിജ്ഞ ചൊല്ലിയത്. വാഴൂര് ബ്ലോക്ക് പഞ്ചായത്തില് തെക്കേത്തുകവല ഡിവിഷനില് നിന്നുള്ള അഡ്വ. ജയാ ശ്രീധര് ആദ്യം സത്യപ്രതിജ്ഞ ചൊല്ലി. വരണാധികാരിയായ ജില്ലാ സപ്ലൈ ഓഫീസര് ബി. സജിനി സത്യപ്രതിജ്ഞ ചൊല്ലിക്കൊടുത്തു. ഗ്രാമപഞ്ചായത്തുകളില് മോഹന്കുമാര് കൂഴിക്കുന്നേല്(ചിറക്കടവ്), പി. വിജയകുമാരി(കങ്ങഴ), കെ.ജെ. ജോണ് (നെടുംകുന്നം), ജലജ മോഹന് (വെള്ളാവൂര്), പ്രഫ. എസ്. പുഷ്കലാദേവി (വാഴൂര്) എന്നിവരാണ് ആദ്യം സത്യപ്രതിജ്ഞ ചൊല്ലിയത്. കാഞ്ഞിരപ്പള്ളി ബ്ലോക്ക് പഞ്ചായത്തില് ആനയ്ക്കല് ഡിവിഷനില്നിന്നുള്ള ബേബി വട്ടയ്ക്കാടിന് വരണാധികാരിയായ എല്.എസ്.ജി.ഡി അസിസ്റ്റന്റ് ഡയറക്ടര് എസ്. ശംഭു സത്യപ്രതിജ്ഞ ചൊല്ലിക്കൊടുത്തു. ഗ്രാമപഞ്ചായത്തുകളില് ജോണ് മാത്യു (കാഞ്ഞിരപ്പള്ളി), ത്രേസ്യാമ്മ ചാക്കോ (എരുമേലി), ജേക്കബ് ചാക്കോ (കൂട്ടിക്കല്), പീതാംബരന് (കോരൂത്തോട്), കെ.എ. അസീസ് (പാറത്തോട് ), മിനി മാത്യു(മണിമല), റോയി കപ്പലുമാക്കല് (മുണ്ടക്കയം) എന്നിവരാണ് ആദ്യം പ്രതിജ്ഞ ചൊല്ലിയത്.
ഈരാറ്റുപേട്ട: അൽ മനാർ പബ്ലിക് സ്കൂൾ 38-ാം വാർഷികാഘോഷം 'മെഹ്ഫിലെ മനാർ 2k25' ചൊവ്വാഴ്ച രാവിലെ ഒമ്പതു മുതൽ സ്കൂൾ ഗ്രൗണ്ടിൽ നടക്കും. സ്കൂൾ അങ്കണത്തിൽ പി.ടി.എ പ്രസിഡന്റ് ഷാനവാസ് പാലയംപറമ്പിൽ പതാക ഉയർത്തും. വൈകുന്നേരം 6.30 ന് പിന്നണി ഗായകൻ അൻസാർ ഇസ്മായിൽ കലാപരിപാടികൾ ഉദ്ഘാടനം ചെയ്യും. ഐ.ജി.ടി ട്രസ്റ്റ് ചെയർമാൻ എ.എം. അബ്ദുസമദ് അധ്യക്ഷത വഹിക്കും.
ഈരാറ്റുപേട്ട :സമഗ്ര റേഡിയോളജി വിഭാഗത്തിന് തുടക്കം കുറിച്ച് കൊണ്ട് ഈരാറ്റുപേട്ട സൺറൈസ് ഹോസ്പിറ്റൽ . കേന്ദ്ര സർക്കാർ, ഇ.എസ്.ഐ, നാവികസേന, എഫ്.സി.ഐ, ദക്ഷിണ റെയിൽവേ, ലക്ഷദ്വീപ് ഭരണകൂടം എന്നിവയുടെ അസിസ്റ്റന്റ് സോളിസിറ്റർ ജനറലായും സീനിയർ സ്റ്റാൻഡിങ് കൗൺസിലായും സേവനമനുഷ്ഠിച്ച അഡ്വക്കേറ്റ് ശ്രീ T P M ഇബ്രാഹിം ഖാൻ തിരി കൊളുത്തി ഉദ്ഘാടനം നിർവ്വഹിച്ച വേദിയിൽ ഹോസ്പിറ്റൽ ക്ലസ്റ്റർ സി.ഇ.ഓ ശ്രീ പ്രകാശ് മാത്യു , സി. ഒ. ഒ ശ്രീ സുഭാഷ് തോട്ടുവേലിൽ റേഡിയോളജി സ്പെഷ്യലിസ്റ് ഡോ. മെറീന മാത്യു , എന്നിവർ സന്നിഹിതർ ആയിരുന്നു. അന്താരാഷ്ട്ര നിലവാരമുള്ള ആരോഗ്യസേവനങ്ങൾ പൊതുജനങ്ങൾക്ക് ലഭ്യമാക്കുക എന്ന ലക്ഷ്യത്തോടെ, ഈരാറ്റുപേട്ട സൺറൈസ് ഹോസ്പിറ്റലിൽ അത്യാധുനിക സാങ്കേതികവിദ്യകളോടെയുള്ള സമഗ്ര റേഡിയോളജി വിഭാഗം സജ്ജമായി. ജർമ്മൻ സാങ്കേതികവിദ്യയിൽ ആർട്ടിഫിഷ്യൽ ഇൻ്റലിജൻസിൻ്റെ (AI) സഹായത്തോടെ പ്രവർത്തിക്കുന്ന 3 ടെസ്ല ഇമേജിംഗ് ക്വാളിറ്റിയുള്ള 51 ചാനൽ 'ഡീപ് സ്കാൻ' എംആർഐ (MRI) ഉൾപ്പെടെയുള്ള വിപുലമായ സൗകര്യങ്ങളാണ് ഇവിടെ ഒരുക്കിയിരിക്കുന്നത്. സാധാരണ എംആർഐ സ്കാനുകളെ അപേക്ഷിച്ച് അതി വേഗത്തിൽ അതീവ വ്യക്തതയുള്ള ചിത്രങ്ങൾ നൽകാനും ഈ ഹീലിയം ഫ്രീ 51 ചാനൽ ഡീപ് സ്കാനിന് സാധിക്കും. ആർട്ടിഫിഷ്യൽ ഇൻ്റലിജൻസിൻ്റെ സഹായത്തോടെ ശരീരത്തിലെ കോശങ്ങളുടെയും തന്മാത്രകളുടെയും തലത്തിൽ വരെ വിവരങ്ങൾ ശേഖരിക്കാൻ സാധിക്കുന്നതിനാൽ, രോഗങ്ങൾ പ്രാരംഭഘട്ടത്തിൽ തന്നെ കണ്ടെത്താൻ ഇത് സഹായിക്കുന്നു. തലച്ചോറ്, സുഷുമ്നാ നാഡി എന്നിവയിലെ സൂക്ഷ്മമായ മാറ്റങ്ങളും ക്യാൻസർ പോലുള്ള രോഗങ്ങളുടെ വ്യാപ്തിയും കൃത്യമായി തിരിച്ചറിയാൻ ഈ സാങ്കേതികവിദ്യ പ്രയോജനകരമാണ്. ഗർഭസ്ഥശിശുവിന്റെ മുഖചലനങ്ങളും രൂപവും തത്സമയം കാണാൻ സഹായിക്കുന്ന 4D ഫീറ്റൽ ഫേസ് സ്കാൻ സൗകര്യവും ഇപ്പോൾ ഈരാറ്റുപേട്ട സൺറൈസ് ഹോസ്പിറ്റലിൽ ലഭ്യമാണ്. Ai സഹായത്തോടെ പ്രവർത്തിക്കുന്ന ഈ സംവിധാനം കുഞ്ഞിന്റെ വളർച്ചയും ആരോഗ്യവും കൂടുതൽ കൃത്യതയോടെ വിലയിരുത്താൻ ഡോക്ടർമാരെ സഹായിക്കുന്നു. കൂടാതെ, 96 സ്ലൈസ് സിടി സ്കാൻ (96 Slice CT): ട്രോമാ , സ്ട്രോക്ക് , ആന്തരിക രക്തസ്രാവം എന്നിവക്ക് ഒരു മിനിറ്റിനുള്ളിൽ കൂടുതൽ വ്യക്തതയുള്ള സ്കാനിംഗ് റിപ്പോർട്ടുകൾ ലഭ്യമാക്കുന്നു.മമ്മോഗ്രാം: സ്തനാർബുദം നേരത്തെ കണ്ടെത്തുന്നതിനായി അത്യാധുനിക ഡിജിറ്റൽ മമ്മോഗ്രാം സൗകര്യം സജ്ജമാണ്.ഡിജിറ്റൽ എക്സ്-റേ: കുറഞ്ഞ റേഡിയേഷനിൽ ഉയർന്ന നിലവാരമുള്ള ചിത്രങ്ങൾ നൽകുന്ന ഡിജിറ്റൽ എക്സ്-റേ സംവിധാനം. എന്നിവയുടെ പ്രവർത്തനവും ആരംഭിച്ചതോടെ ഈരാറ്റുപേട്ട സൺറൈസ് ഹോസ്പിറ്റലിലെ റേഡിയോളജി വിഭാഗം ഒരു സമഗ്രഹ വിഭാഗമായ മാറിയിക്കുകയാണ് .രോഗനിർണ്ണയ രംഗത്തെ കൃത്യത ഉറപ്പാക്കുന്നതിനും രോഗികൾക്ക് മികച്ച ചികിത്സാ അനുഭവം നൽകുന്നതിനും ഈ അത്യാധുനിക സംവിധാനങ്ങൾ വലിയ മാറ്റങ്ങൾ കൊണ്ടുവരുമെന്ന് ഹോസ്പിറ്റൽ മാനേജ്മെന്റ് അറിയിച്ചു. വിദഗ്ദ്ധരായ റേഡിയോളജിസ്റ്റുകളുടെയും ടെക്നീഷ്യന്മാരുടെയും സേവനം 24 മണിക്കൂറും ലഭ്യമായിരിക്കും.
