ഈരാറ്റുപേട്ട : തലപ്പലം പഞ്ചായത്ത് ഇളപ്പുങ്കൽ നിന്നും കളഞ്ഞു കിട്ടിയ സ്വർണമാല ഉടമസ്ഥയെ കണ്ടെത്തി തിരികെ നൽകി യുവാവ് മാതൃകയായി. നിജാബ് ചോച്ചുപറമ്പിൽ നു ആണ് ഇളപ്പുങ്കൽ ഭാഗത്തു നിന്ന് ഒരു പവൻ തൂക്കം വരുന്ന സ്വർണമാല കളഞ്ഞു കിട്ടിയത്. തലപ്പലം പഞ്ചായത്ത് പ്രസിഡന്റിന് കൈമാറിയ മാല പിന്നീട് പോലീസിന് കൈമാറുകയായിരുന്നു. തുടർന്ന് ഉടമയെ കണ്ടെത്തി വെള്ളിയാഴ്ച പോലീസ് സാന്നിധ്യത്തിൽ തിരികെ ഏൽപ്പിച്ചു. ഇളപ്പുങ്കൽ സ്വദേശിനി ഫാത്തിമയുടേതായിരുന്നു മാല
ഈരാറ്റുപേട്ട ബ്ലോക്ക് പഞ്ചായത്തിന്റെയും കേരള സംസ്ഥാന യുവജന ക്ഷേമ ബോര്ഡിന്റെയും സംയുക്താഭിമുഖ്യത്തില് ബ്ലോക്ക്തല കേരളോത്സവം 2025 ഒക്ടോബര് 18.19 (ശനി.ഞായര്) ദിവസങ്ങളിലായി സംഘടിപ്പിച്ചുതലപ്പലം പ്ലാശനാല് സെന്റ് ആന്റണീസ് ഹയര് സെക്കണ്ടറി സ്കൂള് ഗ്രൗണ്ടില് ബഹുമാനപ്പെട്ട പാലാ എം.എല്.എ ശ്രീ.മാണി സി കാപ്പന് ഉദ്ഘാടനം ചെയ്തു. ഈരാറ്റുപേട്ട ബ്ലോക്ക് പഞ്ചായത്ത് പ്രസിഡന്റ് ശ്രീമതി.മറിയാമ്മ ഫെര്ണാണ്ടസ് അദ്ധ്യക്ഷത വഹിച്ചു..വൈസ് പ്രസിഡന്റ് ശ്രീ.കുര്യന് നെല്ലുവേലില് സ്വാഗതം പറഞ്ഞു.ചടങ്ങില് തലപ്പലം ഗ്രാമപഞ്ചായത്ത് പ്രസിഡന്റ് ശ്രീ.ആനന്ദ് ജോസഫ്, ആരോഗ്യ വിദ്യാഭ്യാസ സ്റ്റാന്റിംഗ് കമ്മിറ്റി ചെയര്മാന് ശ്രീ.അജിത് കുമാര്.ബി,വികസനകാര്യ സ്റ്റാന്റിംഗ് കമ്മിറ്റി ചെയര്പേഴ്സണ് ശ്രീമതി.മേഴ്സി മാത്യു,ബ്ലോക്ക് പഞ്ചായത്ത് മെമ്പര്മാരായ ശ്രീമതി.ഓമനഗോപാലന്,ശ്രീമതി.ശ്രീകലാ.ആര്ശ്രീ.ജോസഫ് ജോര്ജ്,ശ്രീമതി.മിനി സാവിയോ,ശ്രീ.ജെറ്റോ ജോസ്,എന്നിവര് ആശംസകള് അറിയിച്ചു.ബ്ലോക്ക് പഞ്ചായത്ത് സെക്രട്ടറി ശ്രീ.സാജന്.എം,കൃതജ്ഞത അറിയിച്ചു.ജി.ഇ.ഒ ശ്രീ.ജയകൃഷ്ണന് പി.കെ,കോ ഓര്ഡിനേറ്റര് ആയിരുന്നു.സമാപന സമ്മേളനം 2025 ഒക്ടോബര് 21 ചൊവ്വാഴ്ച വൈകുന്നേരം 3 പി.എം.ന് ഈരാറ്റുപേട്ട ബ്ലോക്ക് പഞ്ചായത്ത് ഹാളില് ബഹുമാനപ്പെട്ട പൂഞ്ഞാര് എം.എല്.എ അഡ്വ.സെബാസ്റ്റ്യന് കുളത്തുങ്കല് നിര്വ്വഹിക്കും
അരുവിത്തുറ: ലോക ഭക്ഷ്യ ദിനത്തോടനുബന്ധിച്ച് അരുവിത്തുറ സെൻറ് ജോർജസ് കോളേജിലെ ഫുഡ് സയൻസ് ഡിപ്പാർട്ട്മെൻറ് സംഘടിപ്പിച്ച ഭക്ഷ്യ സുരക്ഷ പരിശീലന ക്ലാസ്സിൽ പങ്കെടുത്ത് പരിശീലനം നേടി സിപിഎഎസ് കോളേജ് ഓഫ് ടീച്ചർ എജുക്കേഷൻ ഈരാറ്റുപേട്ടയിലെ വിദ്യാർത്ഥികൾ. ദൈനംദിന ജീവിതത്തിൻറെ ഭാഗമായി ഭക്ഷ്യസുരക്ഷ ഉറപ്പുവരുത്തുകയും "മെച്ചപ്പെട്ട ഭക്ഷണത്തിലൂടെ മെച്ചപ്പെട്ട ഭാവിക്കായി കൈകോർക്കാം " എന്ന ലോക ഭക്ഷ്യ ദിനത്തിന്റെ സന്ദേശം മുൻനിർത്തിയായിരുന്നു പരിശീലനം സംഘടിപ്പിച്ചത്. ഫുഡ് സയൻസ് ഡിപ്പാർട്ട്മെന്റിലെ അധ്യാപകനായബിൻസ് കെ തോമസ്, എംഎസ്സ സി ഫുഡ് ടെക്നോളജി വിദ്യാർത്ഥി കെവിൻ തോമസ് മാത്യു, ബിഎസ്സി ഫുഡ് സയൻസ് വിദ്യാർത്ഥികളായ അഗസ്റ്റിൻ വടക്കേൽ എലിസബത്ത് ഷൈജു എന്നിവർ ക്ലാസുകൾ നയിച്ചു. പരിശീലന പരിപാടിയിൽ പങ്കെടുത്തവർക്കുള്ള സർട്ടിഫിക്കറ്റുകൾ അരുവിത്തുറ സെൻറ് ജോർജസ് കോളേജ് പ്രിൻസിപ്പൽ പ്രൊഫ. ഡോ. സിബി ജോസഫ് വിതരണം ചെയ്തു.
ഈരാറ്റുപേട്ടയിൽ കെഎസ്ഇബി ഉദ്യോഗസ്ഥന് മർദ്ദനം.ഇന്ന് ഉച്ചക്ക് 12:45 ഓട് കൂടി കെഎസ്ഇബി ഈരാറ്റുപേട്ട ഇലക്ട്രിക്കൽ സെക്ഷനിൽ ജോലി ചെയ്യുന്ന ഹബീബിന്, കുടിശ്ശിക വരുത്തിയ വൈദ്യുതി കണക്ഷൻ വിച്ഛേദിക്കുന്നതിനിടെ ക്രൂരമായ മർദ്ദനമേറ്റു. ഈരാറ്റുപേട്ട കോസ്വേ പാലത്തിനടുത്തുള്ള വീട്ടിൽ വൈദ്യുതി കുടിശിക വരുത്തിയ ഉപഭോക്താവിനോട് കുടിശ്ശിക അടയ്ക്കുന്നതും ആയി ബന്ധപ്പെട്ട് സംസാരിക്കുന്നതിനിടെ യാതൊരു പ്രകോപനവും ഇല്ലാതെ അസഭ്യ വാക്കുകൾ പറയുകയും വയറ്റിൽ ചവിട്ടുകയും തലയിലും മൂക്കിലും ശക്തമായി ഇടിക്കുകയും താഴെ വീഴ്ത്തുകയും ചെയ്തു എന്നാണ് ആരോപണം. തുടർന്ന് ശാരീരിക അസ്വാസ്ഥ്യം അനുഭവപ്പെട്ട ലൈൻ മാനേ സഹപ്രവർത്തകർ ഈരാറ്റുപേട്ട ഗവൺമെന്റ് ആശുപത്രിയിൽ എത്തിക്കുകയും തുടർ ചികിത്സയ്ക്കായി അഡ്മിറ്റ് ചെയ്യുകയും ചെയ്തു.
ഈരാറ്റുപേട്ട : മുസ്ലിം ഗേൾസ് ഹയർസെക്കൻഡറി സ്കൂളിൽ വിവിധ ക്ലബ്ബുകളുടെ ആഭിമുഖ്യത്തിൽ ഭക്ഷ്യദിനം വിപുലമായ പരിപാടികളോടെ ആചരിച്ചു. എസ് പി സി, സാഫ്, ഗൈഡിങ്, ജെ ആർ സി, ലിറ്റിൽ കൈറ്റ്സ് എന്നീ ക്ലബ്ബുകളുടെ നേതൃത്വത്തിൽ ഫുഡ് ഫെസ്റ്റ് സംഘടിപ്പിച്ചു. പാരമ്പര്യ വിഭവങ്ങൾ, നാടൻ പലഹാരങ്ങൾ, ജ്യൂസുകളും സാലഡുകളും തുടങ്ങിയ വിഭാഗങ്ങളിൽ വ്യത്യസ്ത വിഭവങ്ങൾ കുട്ടികൾ തയ്യാറാക്കി അവതരിപ്പിച്ചു. വിദ്യാർഥിനികളെ ബോധവൽക്കരിക്കുന്നതിന് പോഷക സമ്പുഷ്ടമായ സമീകൃതാഹാരത്തിൻ്റെ പ്രതീകമായ ഫുഡ് പ്ലേറ്റ് സ്റ്റാളിൽ സജ്ജമാക്കി. കൂടാതെ ചീരപരിചയം എന്ന പേരിൽ സാഫിന്റെ നേതൃത്വത്തിൽ സംഘടിപ്പിച്ച പ്രത്യേക കൗണ്ടറിൽ വിവിധയിനം നാടൻ ചീരകളുടെ പ്രദർശനവും നടന്നു. എസ് പി സിയുടെ നേതൃത്വത്തിൽ ഒരുവയറൂട്ടാം പദ്ധതിയുടെ ഭാഗമായി കരുണ അഭയകേന്ദ്രത്തിലേക്ക് പൊതിച്ചോറുകൾ എസ് പി സി കേഡറ്റുകൾ ശേഖരിച്ച് കൈമാറി. കോട്ടയം ജില്ലാ വിദ്യാഭ്യാസ ഡെപ്യൂട്ടി ഡയറക്ടർ ഹണി.ജി.അലക്സാണ്ടർ ഫുഡ് ഫെസ്റ്റ് സന്ദർശിച്ചു. ഹെഡ്മിസ്ട്രസ് എംപി ലീന, അധ്യാപകരായ മുഹമ്മദ് ലൈസൽ, പി എസ് റമീസ്, മാഹിൻ സി എച്ച്, ജ്യോതി പി നായർ, ഖദീജ ഫൈസൽ, ഷൈനാസ്, പി ജി ജയൻ, മുക്താർ നജീബ്, കെ എസ് ഷെരീഫ്, എന്നിവർ നേതൃത്വം നൽകി.
ഈരാറ്റുപേട്ട : മുസ്ലിം ഗേൾസ് ഹയർസെക്കൻഡറി സ്കൂളിലെ എസ് പി സി യൂണിറ്റിൻ്റെ നേതൃത്വത്തിൽ ഈരാറ്റുപേട്ട കരുണ അഭയകേന്ദ്രത്തിലെ അന്തേവാസികൾക്കായി ഒരുനേരത്തെ ഉച്ചഭക്ഷണം നൽകുന്ന' ഒരുവയറൂട്ടാം ' പദ്ധതിയ്ക്ക് തുടക്കമായി. ലോക ഭക്ഷ്യദിനത്തിൽ സ്കൂളിൽ നടന്ന ചടങ്ങിൽ എസ് പി സി കേഡറ്റുകൾ സമാഹരിച്ച പൊതിച്ചോറുകൾ ഹെഡ്മിസ്ട്രസ് എം പി ലീന കരുണ അഭയകേന്ദ്രം പ്രതിനിധി യൂസഫ് പുതുപ്പറമ്പിലിന് കൈമാറി. കമ്മ്യൂണിറ്റി പോലീസ് ഓഫീസർ പി എസ് റമീസ്, അധ്യാപകനായ മുഹമ്മദ് ലൈസൽ, എസ് പി സി ജൂനിയർ, സീനിയർ കേഡറ്റുകൾ ചടങ്ങിൽ പങ്കെടുത്തു. കരുണ അഭയ കേന്ദ്രത്തിലേക്കായി 73 പൊതിച്ചോറുകൾ കേഡറ്റുകൾ സമാഹരിച്ചു. തുടർന്ന് എല്ലാ വ്യാഴാഴ്ച്ചകളിലും പൊതിച്ചോറുകൾ ശേഖരിച്ച് നൽകും
ഈരാറ്റുപേട്ട നഗരസഭയിൽ ലൈഫ് ഭവനപദ്ധതി പ്രകാരം 2019 -20 കാലഘട്ടത്തിൽ 595 വീടുകൾ ഹഡ്കോ ഫിനാൻസ് സ്ഥാപനത്തിൽ നിന്നും 10 കോടി 94 ലക്ഷം രൂപ വായ്പ്പ എടുത്ത് തിരിച്ചടവ് കാലാവധി വർഷം 63 ലക്ഷം എന്ന വ്യവസ്ഥയിൽ 13 വർഷത്തേക്ക് എടുക്കുകയാണ് ഉണ്ടായത് .അത് കൊണ്ട് തന്നെ തൊട്ടടുത്ത ഡി.പി ആർ. ൽ ഉൾപ്പെട്ട 347 പേർക്ക് ഭവനസഹായം നൽകുവാൻ കേന്ദ്ര-സംസ്ഥാന സർക്കാറുകൾ അനുമതി നൽകിയില്ല .എന്നാൽ ഭവന പദ്ധതി യാത്ഥാർത്ഥ്യം ആക്കുവാൻ നഗരസഭ കൗൺസിൽ ഐക്യ കണ്ഠേന തീരുമാനിച്ച് നഗരസഭ തനത് ഫണ്ടിൽ നിന്നും 6 കോടി 50 ലക്ഷം രൂപയുടെ പ്രൊജക്റ്റ് ജില്ലാ പ്ലാനിംഗ് കമ്മിറ്റിക്ക് നൽകുകയും എന്നാൽ ഡി.പി.സി ഈ പദ്ധതിക്ക് അംഗീകാരം നൽകിയില്ല. ഈ സാഹചര്യത്തിൽ മറ്റു മാർഗ്ഗങ്ങളെ കുറിച്ച് ആലോചിക്കുവാനും നഗരസഭ തീരുമാനിച്ചിട്ടുണ്ട്. ഈ കാലയളവിനുള്ളിൽ 4 കോടി 38 ലക്ഷം രൂപ വായ്പ്പ ഇനത്തിൽ തിരിച്ചടക്കുവാനും ഭരണസമിതിക്ക് സാധിച്ചതായി നഗരസഭ ചെയർപേഴ്സൺ സുഹുറ അബ്ദുൽ ഖാദർ അറിയിച്ചു. എന്നാൽ പി.എം.എ വൈ പദ്ധതിയിൽ ഉൾപ്പെട്ട 96 കുടുംബങ്ങളിൽ ഒന്നാം ഘട്ടം 56 പേർക്ക് 2 കോടി 38 ലക്ഷം രൂപ നൽകുവാൻ സാധിച്ചു. രണ്ടാം ഘട്ടം 46 പേർക്ക് 1 കോടി 60 ലക്ഷം രൂപയുടെ ഭവന നിർമ്മാണം നടത്തുന്നതിൻ്റെ തുക കൈമാറ്റം ബഹു. ആൻ്റോ ആൻ്റണി എം.പി നിർവ്വഹിച്ചു.ചടങ്ങിൽ നഗരസഭ ചെയർപേഴ്സൻ സുഹ്റ അബ്ദുൽ ഖാദർ അദ്ധ്യക്ഷത വഹിച്ചു. നഗരസഭ വൈസ് ചെയർമാൻ അൻസർ പുള്ളോലിൽ സ്വാഗതം ആശംസിച്ചു. യോഗത്തിൽ കൗൺസിലർമാരായ പി. എം .അബ്ദുൽ ഖാദർ ,അഡ്വ. മുഹമ്മദ് ഇല്യാസ് ,എസ്.കെ നൗഫൽ ,ഫാസില അബ്സാർ ,ഷെഫ് ന അമീൻ ,സുനിത ഇസ്മായിൽ ,റുബീന നാസർ ,റിയാസ് പ്ലാമൂട്ടിൽ ,സുനിൽ കുമാർ ,ഫസിൽ റഷീദ് ,വിവിധ രാഷ്ട്രീയ കക്ഷി നേതാക്കളായ പി.എച്ച് നൗഷാദ് ,അനസ് നാസർ ,ഷിയാസ് സി.സി.എം ,റഷീദ് വടയാർ ,കെ.ഇ.എ ഖാദർ ,അബ്സാർ മുരിക്കോലി ,യൂസുഫ് ഹിബ ,ഹസീബ് വെളിയത്ത് ,ഷെഹീർ കരുണ എന്നിവർ പങ്കെടുത്തു .യോഗത്തിന് നഗരസഭ സൂപ്രണ്ട് അരുൺകുമാർ കൃതഞ്ജത അർപ്പിച്ചു.
.webp)
കോട്ടയം: തദ്ദേശ സ്വയംഭരണ തെരഞ്ഞെടുപ്പിനായി ജില്ലയിലെ ഗ്രാമപഞ്ചായത്തുകളിലെ സംവരണ വാര്ഡുകള് നിശ്ചയിക്കുന്നതിനുള്ള നറുക്കെടുപ്പ് വ്യാഴാഴ്ച(ഒക്ടോബര് 16) പൂര്ത്തിയാകും. ബുധനാഴ്ച 16 ഗ്രാമപഞ്ചായത്തുകളിലെ നറുക്കെടുപ്പ് നടന്നു. ഈരാറ്റുപേട്ട, പാമ്പാടി ബ്ലോക്കുകളില് ഉള്പ്പെടുന്ന ഗ്രാമപഞ്ചായത്തുകളിലെ സംവരണ വാര്ഡുകളാണ് ജില്ലാ കളക്ടര് ചേതന്കുമാര് മീണയുടെ നേതൃത്വത്തില് ബുധനാഴ്ച കളക്ടേറ്റില് നിര്ണയിച്ചത്. ഇതോടെ ജില്ലയിലെ 53 ഗ്രാമപഞ്ചായത്തുകളിലെ നറുക്കെടുപ്പ് പൂര്ത്തിയായി. വാഴൂര്, പള്ളം, കാഞ്ഞിരപ്പളളി ബ്ലോക്കുകളില് ഉള്പ്പെട്ട 18 ഗ്രാമപഞ്ചായത്തുകളിലെ നറുക്കെടുപ്പ് വ്യാഴാഴ്ച്ച കളക്ടറേറ്റിലെ വിപഞ്ചിക ഹാളില് നടക്കും. ജില്ലയിലെ നഗരസഭകളിലെ സംവരണനറുക്കെടുപ്പ് വ്യാഴാഴ്ച കളക്ടറേറ്റിലെ തൂലിക ഹാളിലാണ്. ബുധനാഴ്ച നിര്ണയിച്ച സംവരണ വാര്ഡുകളുടെ വിശദാംശങ്ങള് ചുവടെ. (ഗ്രാമപഞ്ചായത്ത്, സംവരണ വിഭാഗം, സംവരണ നിയോജക മണ്ഡലത്തിന്റെ നമ്പരും പേരും എന്ന ക്രമത്തില്) 1. പൂഞ്ഞാര് പട്ടികജാതി സംവരണം:5-നെല്ലിയ്ക്കച്ചാല്. സ്ത്രീ സംവരണം :2 - പെരുന്നിലം ഈസ്റ്റ്,7- തണ്ണിപ്പാറ, 8-പുളിയ്ക്കപ്പാലം, 10 -വളതൂക്ക്, 11 -ചേന്നാട്, 12 -നെടുന്താനം, 14 -മണിയംകുളം. 2 മേലുകാവ് പട്ടികവര്ഗ്ഗ സ്ത്രീ സംവരണം: 10 -കിഴക്കന്മറ്റം, 13 -കുരിശിങ്കല്. പട്ടികജാതി സംവരണം:12 -ചാലമറ്റം. പട്ടികവര്ഗ സംവരണം:9 - കൈലാസം,11 - പയസ്മൗണ്ട്. സ്ത്രീ സംവരണം:2 - വടക്കുംഭാഗം, 5 - മേലുകാവുമറ്റം,6 - കോണിപ്പാട്, 7 - വാകക്കാട്, 14 - കുളത്തിക്കണ്ടം. 3 തീക്കോയി പട്ടികജാതി സംവരണം:9 - വേലത്തുശ്ശേരി. സ്ത്രീ സംവരണം:1 - അറുകോണ്മല, 2 -തീക്കോയി ടൗണ്,3 - മംഗളഗിരി, 7 - വെള്ളികുളം, 8 - മലമേല്, 11 - ചേരിമല, 13 - പഞ്ചായത്ത് ജംഗ്ഷന്. 4 മൂന്നിലവ് പട്ടികവര്ഗ സ്ത്രീ സംവരണം: 2 -വാളകം,7 -നരിമറ്റം. പട്ടികവര്ഗ സംവരണം:6 -മങ്കൊമ്പ്,12 -തഴയ്ക്കവയല്. സ്ത്രീ സംവരണം:3 - മേച്ചാല്, 4 - പഴുക്കക്കാനം,5 -വെളളറ,11 -പുതുശ്ശേരി,13 - മൂന്നിലവ്. 5 പൂഞ്ഞാര് തെക്കേക്കര പട്ടികജാതി സംവരണം:8 - കുന്നോന്നി സ്ത്രീ സംവരണം:1 - പൂഞ്ഞാര് ടൗണ്, 2 - കല്ലേക്കുളം, 3 - പെരിങ്ങളം, 6 - ആറ്റിനാല്, 9 - പാതാമ്പുഴ, 10 - ചോലത്തടം,14 - കടൂപ്പാറ, 15 - പാലത്തിങ്കല്. 6. തിടനാട് പട്ടികജാതി സംവരണം:1 - അമ്പാറനിരപ്പേല്. സ്ത്രീ സംവരണം:2 - കൊണ്ടൂര്, 4 - വെയില്കാണാംപാറ, 8 - വാരിയാനിക്കാട്, 9 - ചേറ്റുതോട്, 12 - ചേരാനി, 14 - മാടമല,15 - തിടനാട്, 16 - മൂന്നാംതോട്. 7 തലപ്പലം* പട്ടികജാതി സംവരണം:12 - കീഴമ്പാറ സ്ത്രീ സംവരണം :2 - അഞ്ഞൂറ്റിമംഗലം,4 - പൂവത്താനി,5 - ഇളപ്പുങ്കല്,6 - ഇടകിളമറ്റം,8 - ഇഞ്ചോലിക്കാവ്,9 - പനയ്ക്കപ്പാലം, 11 - മേലമ്പാറ. 8. തലനാട് പട്ടികവര്ഗ സ്ത്രീ സംവരണം: 14 - തലനാട് സെന്റര്. പട്ടികജാതി സംവരണം:13 - വടക്കുംഭാഗം പട്ടികവര്ഗ സംവരണം:9 - തീക്കോയി എസ്റ്റേറ്റ്. സ്ത്രീ സംവരണം:2 - ഇലവുംപാറ,4 - മേലടുക്കം, 7 - വെള്ളാനി,8 - അട്ടിക്കളം,10 - മരവിക്കല്ല്, 12 - അയ്യമ്പാറ. 9 അകലക്കുന്നം പട്ടികജാതി സംവരണം:15 - മണല് സ്ത്രീ സംവരണം:1 - പട്യാലിമറ്റം,4 - കരിമ്പാനി, 5 -ഇടമുള, 7 - കാഞ്ഞിരമറ്റം, 8 - ക്ടാക്കുഴി, 9-ചെങ്ങളം, 10-തെക്കുംതല, 14- മറ്റക്കര. 10 എലിക്കുളം പട്ടികജാതി സംവരണം:2 - ഉരുളികുന്നം സ്ത്രീ സംവരണം:1 - ഞണ്ടുപാറ,3 - വട്ടന്താനം, 8 - വഞ്ചിമല, 9 - പനമറ്റം,10 - വെളിയന്നൂര്,12 - രണ്ടാംമൈല്, 13 - മഹാത്മാനഗര്, 16 -ഇളങ്ങുളം, 17- മടുക്കക്കുന്ന്. 11 കൂരോപ്പട പട്ടികജാതി സംവരണം:6 -മാടപ്പാട് സ്ത്രീ സംവരണം:3 - കണ്ണാടിപ്പാറ,4 - എരുത്തുപുഴ,7 - ഇടയ്ക്കാട്ടുകുന്ന്, 8 - പാനാപ്പളളി, 9 - നടേപ്പീടിക, 10 - പുത്തന്കണ്ടം,11 - കോത്തല, 13 - കുപ്പത്താനം, 14-പങ്ങട, 18- കൂരോപ്പട ടൗണ്. 12. മണര്കാട് പട്ടികജാതി സംവരണം:14 - വെണ്ണാശേരി സ്ത്രീ സംവരണം:2 - കോട്ടമുറി,3 - നടയ്ക്കല്, 4 - മാലം, 5 - ചേലകുന്ന്, 9 - പാണ്ഡവര്കളരി,11 - ഐ.ടി.സി, 15 - മണര്കാട്, 16 - ഐരാറ്റുനട,17 - നിരമറ്റം, 19 - കണിയാംകുന്ന്. 13. പാമ്പാടി പട്ടികജാതി സംവരണം:21 - പത്താഴക്കുഴി. സ്ത്രീ സംവരണം:1 - ഗ്രാമറ്റം,2 - പുറകുളം,4 - പൊന്നപ്പന്സിറ്റി,5 - കാട്ടാംകുന്ന്,6 - താന്നിമറ്റം, 7 - പോരാളൂര്,9 - ഓര്വയല്, 14 - കയത്തുങ്കല്,15 - പറക്കാവ്, 17 - കുറിയന്നൂര്ക്കുന്ന്, 18 - പള്ളിക്കുന്ന്. 14. പള്ളിക്കത്തോട് പട്ടികജാതി സംവരണം:14 - പള്ളിക്കത്തോട് സെന്ട്രല് സ്ത്രീ സംവരണം:4 - ആനിക്കാട്,5 - വേരുങ്കല്പാറ, 8 - കയ്യൂരി,9 - മന്ദിരം,11 - കൊമ്പാറ, 12 - മൈലാടിക്കര,13 - മുക്കാലി, 15-കല്ലാടംപൊയ്ക. 15 കിടങ്ങൂര് പട്ടികജാതി സംവരണം:16 - പിറയാര് സ്ത്രീ സംവരണം: 1 - പടിഞ്ഞാറെ കൂടല്ലൂര് ,5 കുമ്മണ്ണൂര്, 7 - പെരിങ്ങോറ്റി, 8 ചെമ്പിളാവ് , 10- എന്ജിനീയറിംഗ് കോളജ്, 11 - കിടങ്ങൂര് സൗത്ത്,14 - ശിവക്കുളങ്ങര, 15 - പുഞ്ചപ്പാടം. 16 മീനടം പട്ടികജാതി സംവരണം:1 - ചീരംകുളം സ്ത്രീ സംവരണം:3 - തകിടി, 4 - മുണ്ടിയാക്കല്,6 - മഞ്ഞാടി, 10 - സ്പിന്നിംഗ് മില്,11 - പി എച്ച് സി,13 - പഞ്ചായത്ത് ഓഫീസ് വാര്ഡ്, 14 - ഞണ്ടുകുളം.
