ഈരാറ്റുപേട്ട: പൂഞ്ഞാർ സെന്റ് ആന്റണീസ് സ്കൂളിൽ നടന്ന സബ്ജില്ലാതല അറബി കലോത്സവത്തിൽ ഓവറോൾ ചാമ്പ്യന്മാരായി കടുവാമുഴി പി.എം.എസ്.എ.പി.ടി.എം എൽ.പി സ്കൂൾ വിദ്യാർത്ഥികൾ സിനിമാതാരം മീനാക്ഷിയിൽ നിന്ന് ഓവറോൾ ട്രോഫി ഏറ്റുവാങ്ങുന്നു. കലോത്സവത്തിൽ മികച്ച വിജയം കൈവരിച്ച വിദ്യാർത്ഥികളെയും - അധ്യാപകരെയും പി.ടി.എ കമ്മറ്റിയും രക്ഷകർത്താക്കളും പ്രദേശവാസികളും ചേർന്ന് അഭിനന്ദിച്ചു
ഈരാറ്റുപേട്ട ; നടയ്ക്കൽ കുഴിവേലി മഴവിൽ റസിഡൻ്റ്സ് അസോസിയേഷൻ കുടുംബ സംഗമം 2025 വിപുലമായ പരിപാടികളോടെ നടന്നു .ആൻ്റോ ആൻ്റണി എം.പി സംഗമം ഉദ്ഘാടനം ചെയ്തു . മഴവിൽ പ്രസിഡൻ്റ് പി.എം മുഹമ്മദ് ആരിഫ് അദ്ധ്യക്ഷനായിരുന്നു .അഡ്വ. സെബാസ്റ്റ്യൻ കുളത്തുങ്കൽ എം എൽ എ മുഖ്യ പ്രഭാഷണം നടത്തി നഗരസഭ ചെയർപേഴ്സൺ സുഹ്റ അബ്ദുൽ ഖാദർ അനുഗ്രഹ പ്രഭാഷണം നടത്തി .മാധ്യമ പ്രവർത്തകൻ ഷിഹാസ് അന്തു കലാ സന്ധ്യ ഉദ്ഘാടനം ചെയ്തു . വി.ടി.ഹബീബ് ,താഹാ പാറയിൽ ,മുഹമ്മദ് അസ് ലം , റിയാസ് റഷീദ് ,കെ.കെ.മുഹമ്മദ് സാദിക് , ഹബീബ് കപ്പിത്താൻ ,റൂബിന നാസർ , റസീന അബ്ദുൽ കരീം , ,ആദില ഹബീബ്എന്നിവർ സംസാരിച്ചു ക്യാൻസർ പ്രതിരോധ മാർഗങ്ങളെ കുറിച്ച് കൊല്ലം ട്രാവൻകുർ മെഡിക്കൽ കോളേജ് ഓങ്കോളജി വിഭാഗം ഡയറക്ടർ ഡോ.സമീർ സലാഹുദ്ദീൻ ക്ളാസ് നയിച്ചു .600 അംഗങ്ങൾ പങ്കെടുത്ത സംഗമത്തിൽ വിവിധ കലാപരിപാടികൾ ,മത്സരങ്ങൾ എന്നിവ അരങ്ങേറി
ഡ്രസ്സ് ബാങ്ക് ഈരാറ്റുപേട്ടയുടെ 3 ആം വാർഷിക ആഘോഷം ഈരാറ്റുപേട്ട വ്യാപാരിഭവനിൽ വെച്ച് നടന്നു.പൂഞ്ഞാർ എം എൽ എ അഡ്വ. സെബാസ്റ്റ്യൻ കുളത്തുങ്കൽ ഉൽഘാടനം നിർവഹിച്ച ചടങ്ങിന് ഡ്രസ്സ് ബാങ്ക് എക്സിക്യൂട്ടീവ് അംഗം ഫാത്തിമ ശമ്മാസ് അധ്യക്ഷ സ്ഥാനം വഹിച്ചു. സ്ഥാപനത്തിന്റെ സെക്രെട്ടറി റിതാ ഇർഫാൻ സ്വാഗതം ആശംസിച്ചു.മുനിസിപ്പൽ ചെയർപേഴ്സൺ സുഹറ അബ്ദുൽഖാദർ മുഖ്യ പ്രഭാഷണം നടത്തി.മുഖ്യ അതിഥികളായ ഇൻഫ്ലുൻസർ സാറ സെറീന ഇർഫാൻ നവാസ് എന്നിവർ പങ്കെടുത്തു.ഡ്രസ്സ് ബാങ്കിന്റെ രക്ഷാധികാരി റയീസ് പടിപ്പുരക്കൽ നന്ദി അറിയിച്ചു.ഈരാറ്റുപേട്ടയുടെ മറ്റു സന്നദ്ധ സംഘടനകൾ ആദരിക്കുകയും ചെയിതു.
എരുമേലി:കോട്ടയം ജില്ലാതല പട്ടയമേളയും എരുമേലി തെക്ക് സ്മാർട്ട് വില്ലേജ് ഓഫീസിന്റെ ഉദ്ഘാടനവും റവന്യൂ-ഭവന നിർമാണവകുപ്പ് മന്ത്രി അഡ്വ. കെ. രാജൻ ഓൺലൈനിൽ നിർവഹിച്ചു. ജില്ലയിലെ വിവിധ താലൂക്കുകളിൽ നിന്നുള്ള 317 പേർക്കാണ് പട്ടയം നൽകിയത്. സർക്കാർ കഴിഞ്ഞ ഒൻപതു വർഷത്തിനിടെ 4.13 ലക്ഷം പട്ടയങ്ങൾ വിതരണം ചെയ്തെന്ന് മന്ത്രി പറഞ്ഞു. ഈ സർക്കാരിന്റെ കാലത്തുതന്നെ അഞ്ചു ലക്ഷം പേർക്ക് പട്ടയം നൽകും. ഡിജിറ്റൽ സർവേ പൂർത്തിയാകുന്നതോടെ ക്രയവിക്രയ തട്ടിപ്പ് പൂർണമായും ഇല്ലാതാകുമെന്നും അദ്ദേഹം കൂട്ടിച്ചേർത്തു. എരുമേലി അസംപ്ഷൻ ഫൊറോനാപ്പള്ളി ഓഡിറ്റോറിയത്തിൽ നടന്ന ചടങ്ങിൽ അഡ്വ. സെബാസ്റ്റ്യൻ കുളത്തുങ്കൽ എംഎൽഎ. അധ്യക്ഷത വഹിച്ചു. ചങ്ങനാശേരി പുതൂർപള്ളി അബ്ദുൾമജീദും ഭാര്യ ആരിഫാ മജീദും ചേർന്ന് എം.എൽ.എയിൽ നിന്ന് ആദ്യ പട്ടയം ഏറ്റുവാങ്ങി. പട്ടയം കിട്ടിയവരിൽ 227 പേരും പൂഞ്ഞാർ നിയോജകമണ്ഡലത്തിൽ നിന്നുള്ളവരാണ്. എ.ഡി.എം. എസ്. ശ്രീജിത്ത്, കാഞ്ഞിരപ്പള്ളി ബ്ലോക്ക് പഞ്ചായത്ത് പ്രസിഡൻറ് അജിത രതീഷ്, എരുമേലി ഗ്രാമപഞ്ചായത്ത് പ്രസിഡൻറ് മറിയാമ്മ സണ്ണി, വൈസ് പ്രസിഡൻറ് സെയ്ദ് മുഹമ്മദ്, ബ്ലോക്ക് പഞ്ചായത്തംഗം ജൂബി അഷ്റഫ്, ഗ്രാമപഞ്ചായത്തംഗങ്ങളായ ജെസ്ന നജീബ്, ഷാനവാസ്, കാഞ്ഞിരപ്പള്ളി തഹസീൽദാർ എ.എസ്. ബിജിമോൾ, കാഞ്ഞിരപ്പള്ളി തഹസീൽദാർ(എൽ.ആർ) പി.എസ്. സുനിൽകുമാർ, സ്വാഗതസംഘം ചെയർമാൻ വി.പി. സുഗതൻ, രാഷ്ട്രീയ പാർട്ടി പ്രതിനിധികളായ ടി.ഡി. സോമൻ, വി.എൻ. വിനോദ്, റെജി അമ്പാറ, ബിനോ ജോൺ ചാലക്കുഴി, അനിയൻ എരുമേലി, അനസ് പുത്തൻവീട്, സലിം വാഴമറ്റം, ജോസ് പഴയതോട്ടം, പി.കെ. റസാഖ്, ഉണ്ണിരാജ് പത്മാലയം, മോഹനൻ പഴറോഡ് എന്നിവർ പ്രസംഗിച്ചു.
ഈരാറ്റുപേട്ട :ഗവ. ഹയർ സെക്കന്ററി സ്കൂളിൽ ഹയർ സെക്കന്ററി വിഭാഗത്തിൽ പുതിയതായി അനുവദിച്ച എൻ. എസ്. എസ്, സ്കൗട്ട് & ഗൈഡ് യൂണിറ്റുകളുടെ ഉദ്ഘാടനം നാളെ 31 വെള്ളി 2.30 ന് പൂഞ്ഞാർ എം. എൽ. എ. അഡ്വ.സെബാസ്റ്റ്യൻ കുളത്തുങ്കൽ നിർവഹിക്കും.ഈരാറ്റുപേട്ട മുനിസിപ്പാലിറ്റി ചെയർ പേഴ്സൺ സുഹ്റ അബ്ദുൾഖാദർ അധ്യക്ഷത വഹിക്കും. ഈരാറ്റുപേട്ട മുനിസിപ്പാലിറ്റി വൈസ്. ചെയർമാൻ അൻസാർ പുള്ളോലിൽ മുഖ്യ പ്രഭാഷണം നടത്തും. എൻഎസ് എസ് റീജീയണൽ പ്രോഗ്രാം കൺവീനർ രാഹുൽ ആർ,എൻ എസ് എസ് സന്ദേശം നൽകും. ഭാരത് സ്കൗട്ട്സ് & ഗൈഡ്സ് കാഞ്ഞിരപ്പള്ളി ജില്ലാ സെക്രട്ടറി അജയൻ പി.എസ് സ്കൗട്ട്സ് & ഗൈഡ്സ് സന്ദേശം നൽകും.എൻഎസ് എസ് ക്ലസ്റ്റർ കൺവീനർ സിന്ധു ജി.നായർ എൻഎസ് എസ് പ്രോഗ്രാം ഓഫീസർ സിന്ധു പി.ജി, സ്കൗട്ട്സ് ഓഫീസർ സൈമൺ വി.എസ് ,ഗൈഡ്സ് ഓഫീസർ കൃഷ്ണ മണി എൻഎന്നിവർ പദ്ധതി അവതരണം നടത്തും.വിദ്യാഭ്യാസ കാര്യ സ്റ്റാന്റിംഗ് കമ്മറ്റി ചെയർ പേഴ്സൺ സുഹാനാ ജിയാസ്,ഡിവിഷൻ കൗൺസിലർ ഫാത്തിമ മാഹിൻ,പി.റ്റി എ പ്രസിഡന്റ് മുജീബ് മഠത്തിപ്പറമ്പിൽ,പി.റ്റി എ വൈസ് പ്രസിഡന്റ് അനസ് പാറയിൽ,ഈരാറ്റുപേട്ട ലോക്കൽ അസോസിയേഷൻ സെക്രട്ടറി സജന സഫറു,പ്രിൻസിപ്പാൾ ഷീജ. എസ്,ഹെഡ്മിസ്ട്രസ് സിസി പൈകടയിൽ,സ്റ്റാഫ് സെക്രട്ടറി അഗസ്റ്റിൻ സേവ്യർഎന്നിവർ ആശംസകൾ അർപ്പിക്കും.
ഈരാറ്റുപേട്ട: കേരള ഖരമാലിന്യ പരിപാലന പദ്ധതിയുടെ ഭാഗമായി ഈരാറ്റുപേട്ട നഗരസഭയും ജില്ലാ പ്രോജക്ട് മാനേജ്മെന്റ് യൂണിറ്റുമായി ചേർന്ന് സംഘടിപ്പിച്ച ‘ശുചിത്വ സംഗമം ആരവം’ ശ്രദ്ധേയമായി. 2025 ഫൗസിയ ഓഡിറ്റോറിയത്തിൽ വെച്ചാണ് പരിപാടി നടന്നത്. ഹരിതകർമ്മ സേനാംഗങ്ങളും ശുചീകരണ തൊഴിലാളികളും ഒത്തുചേർന്നാണ് സംഗമം സംഘടിപ്പിച്ചത്. നഗരസഭാ ചെയർപേഴ്സൺ സുഹ്റ അബ്ദുൽ ഖാദർ പരിപാടിയുടെ ഉദ്ഘാടനം നിർവ്വഹിച്ചു. ചടങ്ങിൽ ആരോഗ്യ സ്റ്റാന്റിംഗ് കമ്മറ്റി ചെയർപേഴ്സൺ ഷെഫ്ന അമീൻ അധ്യക്ഷത വഹിച്ചു. കൗൺസിലർ സുനിൽ കുമാർ സ്വാഗതമാശംസിച്ചു.ആശംസകൾ അർപ്പിച്ച് സ്റ്റാന്റിംഗ് കമ്മറ്റി ചെയർമാൻ പി.എം അബ്ദുൽ ഖാദർ, ഫാസില അബ്സാർ, അബ്ദുൽ ലത്തീഫ്, സുനിത ഇസ്മയിൽ, ഷൈമ റസാഖ്, ബോബി ജേക്കബ്, ഐസക് ജോൺ എന്നിവർ സംസാരിച്ചു. തുടർന്ന്, ശുചിത്വ രംഗത്തെ പ്രവർത്തനങ്ങൾക്ക് ഊർജ്ജം പകരുന്ന മോട്ടിവേഷൻ ക്ലാസുകൾ നടന്നു. ശുചിത്വ മിഷൻ റിസോഴ്സ് പേഴ്സൺ ശ്രീമതി.എ.ആർ. അജിത, KSWMP സോഷ്യൽ എക്സ്പെർട്ട് ശ്രീ. ബിനു ജോർജ്, KSWMP എഞ്ചിനീയർ സിമി റോസ് ജോർജ് എന്നിവർ ക്ലാസുകൾക്ക് നേതൃത്വം നൽകി.പരിപാടിയിൽ പങ്കെടുത്തവർക്ക് നഗരസഭ ക്ലീൻ സിറ്റി മാനേജർ ശ്രീ. രാജൻ ടി. നന്ദി അറിയിച്ചു. ഖരമാലിന്യ പരിപാലന രംഗത്ത് നഗരസഭയുടെ സുപ്രധാന കാൽവെയ്പാണ് ഈ ശുചിത്വ സംഗമം.
ഈരാറ്റുപേട്ട :കേരളാ സംസ്ഥാന യുവജനക്ഷേമ ബോർഡും ഇരാറ്റുപേട്ട നഗരസഭയും സംയുക്തമായി സംഘടിപ്പിക്കുന്ന കേരളോത്സവം 2025ഷട്ടിൽ ബാഡ്മിന്റൺ മത്സരങ്ങൾഈരാറ്റുപേട്ട ഫ്രൈഡേ ക്ലബ്ബ് ബാഡ്മിന്റൺ ഇൻഡോർ സ്റ്റേഡിയത്തിൽ സംഘടിപ്പിച്ചു.മൂന്ന് ദിവസങ്ങളിലായി നടന്ന മത്സരം 24-ാം തിയതി വൈകുന്നേരം ഈരാറ്റുപേട്ട ഫ്രൈഡേ ക്ലബ്ബ് ബാഡ്മിന്റൺ ഇൻഡോർ സ്റ്റേഡിയത്തിൽ വെച്ച് നഗരസഭ ചെയർപേഴ്സൺ ശ്രീമതി സുഹ്റ അബ്ദുൽ ഖാദർ ഉൽഘാടനം ചെയ്തു.ചടങ്ങിൽ നഗരസഭ വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ സുഹാന ജിയാസ്,പ്രതിപക്ഷ നേതാവ് അനസ് പാറയിൽ,ആരോഗ്യകാര്യ സ്റ്റാൻഡിങ് കമ്മിറ്റി ചെയർപേഴ്സൺ ഷെഫ്ന അമീൻ,മുനിസിപ്പൽ കൗൺസിലർ സുനിൽ കുമാർ, കേരളോത്സവം കോർഡിനേറ്റർ ആഷിക്ക് എന്നിവർ സംബന്ധിച്ചു. പുരുഷ വിഭാഗം മത്സരങ്ങളിൽ ഈരാറ്റുപേട്ട ഫ്രൈഡേ ക്ലബ്ബും,വനിതാ വിഭാഗം മത്സരങ്ങളിൽ ഈരാറ്റുപേട്ട എം.ഇ.എസ് കോളേജും ഓവറോൾ ചാമ്പ്യൻഷിപ്പ് കരസ്ഥമാക്കി. 16 ടീമുകൾ പങ്കെടുത്ത പുരുഷ വിഭാഗം ഡബിൾസിൽ ഈരാറ്റുപേട്ട ഫ്രൈഡേ ക്ലബ്ബിന്റെ സമീർ,ഷഹീർ എന്നിവർ ഒന്നാം സ്ഥാനവും, അബാൻ,അസീം എന്നിവർ രണ്ടാം സ്ഥാനവും കരസ്തമാക്കി.12 ടീമുകൾ പങ്കെടുത്ത പുരുഷ വിഭാഗം സിംഗിൾസിൽ,ഈരാറ്റുപേട്ട ഫ്രൈഡേ ക്ലബ്ബിന്റെ അൻവർ ഷാ ഒന്നാം സ്ഥാനവും,അസീം അനസ് രണ്ടാം സ്ഥാനവും നേടി. 8 ടീമുകൾ പങ്കെടുത്ത വനിതാ വിഭാഗം ഡബിൾസിൽ ഈരാറ്റുപേട്ട എം.ഇ.എസ് കോളേജിലെ ഫർസാന കെ.എം,ഫിദാ മോൾ എന്നിവർ ഒന്നാം സ്ഥാനവും,റിഷാന റാഷിദ്, കെ.എസ് ഷാബിന എന്നിവർ രണ്ടാം സ്ഥാനവും കരസ്തമാക്കി. മത്സരത്തിൽ വിജയിച്ച ടീമുകൾ കോട്ടയത്ത് വച്ച് നടക്കുന്ന ജില്ലാതല കേരളോത്സവം മത്സരങ്ങളിൽ ഈരാറ്റുപേട്ട നഗരസഭയെ പ്രതിനിധീകരിച്ച് മത്സരിക്കും.
കാഞ്ഞിരപ്പള്ളി:കാഞ്ഞിരപ്പള്ളി കപ്പാട് അച്ഛനെയും മകനെയും വീടിനുള്ളിൽ തൂങ്ങി മരിച്ച നിലയിൽ കണ്ടെത്തി. കപ്പാട് മാക്കൽ തങ്കച്ചൻ (63) മകൻ അഖിൽ (29) എന്നിവരെയാണ് വീടിനുള്ളിൽ രണ്ട് മുറികളിലായി തൂങ്ങി മരിച്ച നിലയിൽ കണ്ടെത്തിയത്.. ഇരുവരും മാത്രമാണ് വീട്ടിൽ താമസിച്ച് വന്നിരുന്നത്. ഉച്ചയോടെ അയൽവാസികളാണ് ആദ്യം സംഭവം അറിയുന്നത്. പൊൻകുന്നം പോലീസ് സ്ഥലത്തെത്തിയിട്ടുണ്ട്. സംഭവത്തിൽ മറ്റ് ദുരൂഹതകളില്ലന്നാണ് പ്രാഥമിക നിഗമനം
