പൂഞ്ഞാർ.ഭരണഘടന ദിനത്തോടനുബന്ധിച്ച് ഗൈഡൻസ് പബ്ലിക് സ്കൂളിൽ സംഘടിപ്പിച്ച നിയമബോധവത്കരന്ന സെമിനാർ ഈരാറ്റുപേട്ട മുനിസിഫ് മജിസ്ട്രേറ്റ് കോടതിയിലെ അഡ്വ.ക്രിസ്റ്റീന പി. കുര്യൻ ഉദ്ഘാടനം ചെയ്തു.മാനേജർ പി.എ ഹാഷിം അധ്യക്ഷത വഹിച്ചു. പ്രിൻസിപ്പൾ പി.എസ് മുഹമ്മദ് ഷെഫീഖ് സ്വാഗതം ആശംസിച്ചു .കെ.പി ഷെഫീഖ്, സി.ടി മഹേശ്, ജിഷ എന്നിവർ ആശംസകൾ നേർന്നു സംസാരിച്ചു
പൂഞ്ഞാർ: ആരോഗ്യകരമായ ലഘുഭക്ഷണങ്ങളും മറ്റ് അത്യാവശ്യ വസ്തുക്കളും വിദ്യാർത്ഥികൾക്ക് മിതമായ നിരക്കിൽ ലഭ്യമാക്കുന്ന ജില്ലാ കുടുംബശ്രീ മിഷന്റെ 'മാ കെയർ സെന്റർ' പദ്ധതിക്ക് പൂഞ്ഞാർ സെന്റ് ആന്റണീസ് HSS-ൽ തുടക്കമായി. പ്രിൻസിപ്പാൾ ശ്രീ. വിൽസൺ ജോസഫിന്റെ നേതൃത്വത്തിൽ വിദ്യാർത്ഥികൾ സ്വന്തമായി നിർമ്മിച്ച കിയോസ്ക് കെട്ടിടത്തിലാണ് സെന്റർ പ്രവർത്തിക്കുന്നത് എന്നതാണ് പൂഞ്ഞാറിലെ 'മാ കെയർ സെന്ററി'നെ ശ്രദ്ധേയമാക്കുന്നത്. വിദ്യാർത്ഥി കൂട്ടായ്മയുടെ ഈ നേട്ടം വിദ്യാലയത്തിന് അഭിമാനമായി. സ്കൂൾ കോമ്പൗണ്ടിൽ സ്ഥാപിച്ചിരിക്കുന്ന ഈ കിയോസ്കിലൂടെ ആരോഗ്യകരമായ ലഘുഭക്ഷണങ്ങൾ, പാനീയങ്ങൾ, സ്കൂൾ സ്റ്റേഷനറി, സാനിറ്ററി നാപ്കിൻ എന്നിവ വിദ്യാർത്ഥികൾക്കും അധ്യാപകർക്കും മിതമായ നിരക്കിൽ വാങ്ങാനാകും. പഠന സഹായത്തിനാവശ്യമായ സാധനങ്ങൾ ഉൾപ്പെടെ ലഭ്യമാക്കുന്നതുവഴി സ്കൂൾ സമയത്ത് കുട്ടികൾ പുറത്തുപോകുന്നത് പൂർണ്ണമായി ഒഴിവാക്കാൻ സാധിക്കും.സ്കൂളിന് പുറത്തുള്ള അനാരോഗ്യകരമായ ഭക്ഷണങ്ങളുടെ ഉപയോഗം തടയുന്നതിനും, വിദ്യാർത്ഥികൾ ലഹരി പദാർത്ഥങ്ങളിലേക്ക് ആകർഷിക്കപ്പെടാൻ ഇടയുള്ള സാഹചര്യങ്ങൾക്ക് കടിഞ്ഞാണിടുന്നതിനും ഈ പദ്ധതി ലക്ഷ്യമിടുന്നു. വിദ്യാർത്ഥികളുടെ സുരക്ഷയും ആരോഗ്യകരമായ ശീലങ്ങളും ഉറപ്പാക്കുന്നതിൽ ഈ സംരംഭം നിർണായക പങ്ക് വഹിക്കും. ഭക്ഷണ-പാനീയ വിതരണത്തിന് പുറമെ, വിദ്യാർത്ഥികളുടെ വീടുകളിൽ ഉൽപ്പാദിപ്പിക്കുന്ന കാർഷിക വിഭവങ്ങളും മൂല്യവർദ്ധിത ഉൽപ്പന്നങ്ങളും വിൽക്കാനും വാങ്ങാനുമുള്ള ഒരു വിപണന കേന്ദ്രമായി കൂടി പൂഞ്ഞാർ സെന്റ് ആന്റണീസ് HSS-ലെ മാ കെയർ സെന്റർ മാറും. ഇത് കുട്ടികളിൽ സംരംഭകത്വ മനോഭാവം വളർത്താനും വീട്ടിലെ ഉൽപ്പന്നങ്ങൾക്ക് ഒരു വിപണി കണ്ടെത്താനും സഹായിക്കും.പ്രിൻസിപ്പാൾ ശ്രീ. വിൽസൺ ജോസഫ്, ടോണി പുതിയപറമ്പിൽ എന്നിവർ ഉൾപ്പെടെയുള്ളവരുടെ നേതൃത്വത്തിലാണ് പദ്ധതി വിദ്യാലയത്തിൽ യാഥാർത്ഥ്യമായത്. ജില്ലാ കുടുംബശ്രീ മിഷന്റെ ഈ സാമൂഹിക പ്രതിബദ്ധതയുള്ള പദ്ധതിക്ക് വിദ്യാലയ അധികൃതരും വിദ്യാർത്ഥികളും മികച്ച പിന്തുണയാണ് നൽകുന്നത്.
ഈരാറ്റുപേട്ട .നഗരസഭയിൽ മൽസരിക്കുന്ന മുസ്ലിം ലീഗ് സ്ഥാനാർത്ഥികളെ മുസ്ലിം ലീഗ് ജില്ലാ പ്രസിഡൻ്റ് അസീസ് ബഡായിലിൽ പ്രഖ്യാപിച്ചത്.ഈരാറ്റുപേട്ട ലീഗ് ഹൗസിൽ ചേർന്ന യോഗത്തിൽ നഗരസഭാ മുസ്ലിം ലീഗ് പ്രസിഡൻ്റ് കെ.എ മുഹമ്മദ് ഹാഷിം അധ്യക്ഷത വഹിച്ചു. ജില്ലാ പ്രസിഡൻ്റ് അസീസ് ബഡായിൽ യോഗം ഉദ്ഘാടനം ചെയ്തു.മുസ്ലിം ലീഗ് ജില്ലാ ജനറൽ സെക്രട്ടറി റഫീഖ് മണിമല മുഖ്യപ്രഭാഷണം നടത്തി, ട്രഷറർ കെ.എ.മുഹമ്മദ് അഷറഫ് ആമുഖ പ്രഭാഷണം നടത്തി. മുസ്ലിം ലീഗ് സംസ്ഥാന സെക്രട്ടറിയേറ്റ് മെമ്പർ അജ്മൽ ഖാൻ , എം.പി.സലീം ,വി പി മജീദ് ,അഡ്വ.പീരു മുഹമ്മദ് ഖാൻ , റാസി ചെറിയ വല്ലം., കണ്ടത്തിൽ സിറാജ് ,പി .എം അബ്ദുൽ ഖാദർ ,ഷഹു ബാനത്ത് ടീച്ചർ എന്നിവർ പ്രസംഗിച്ചുമുസ് ലിം ലീഗ് കൂടുതലും യുവാക്കളെയാണ് രംഗത്തിറക്കിയിരിക്കുന്നത് 29 അംഗ കൗൺസിലിൽ മുസ്ലിം ലീഗ് 16 സീറ്റിലാണ് മൽസരിക്കുന്നത്.ഈരാറ്റുപേട്ട നഗരസഭയിലെ യൂ.ഡി.എഫ് സ്ഥാനാർത്ഥികൾ വ്യാഴാഴ്ച രാവിലെ നോമിനേഷൻ നൽകും മുസ്ലിം ലീഗ് സ്ഥാനാർത്ഥികൾ വാർഡിൻ്റെ നമ്പർ, വാർഡി ന്റെ പേര്, സ്ഥാനാർത്ഥിയുടെ പേര് ക്രമത്തിൽ ചുവടെ:- 2- കല്ലൂത്താഴം -റസ്ന ഹസീർ 3- വട്ടക്കയം - കെ.എ.മാഹിൻ 4- നടുപറമ്പ് -ബീമാ നാസർ 5- മുരിക്കോലി - പി .എം. അബ്ദുൽ ഖാദർ 9- കാരയ്ക്കാട് - സി.പി. അബ്ദുൽ ബാസിത്ത് 10- തേവരുപാറ -അഫ്സൽ വെള്ളൂപറമ്പിൽ 11- കുറ്റിമരംപറമ്പ് .ഷക്കീല ടീച്ചർ 12-' പത്താഴപ്പടി .റഷീദ് അണ്ണായിപ്പറമ്പിൽ 14- 'മുളന്താനം .അമീൻ പിട്ടയിൽ 15- കൊല്ലംപറമ്പ് .അബ്സാർ മുരിക്കോലിൽ 16- സഫാ നഗർ .തസ്ലിൻ സിറാജ് 17- കുഴിവേലി .അഡ്വ വി പി . നാസർ 18- ശാസ്താംകുന്ന് .സൈഫുനിസ സാദിക്ക് 19 മറ്റയ്ക്കാട് .സാജിദ് ഇഞ്ചക്കാട് 20- വഞ്ചാങ്കൽ .നാസിയ നസീർ 21- ടൗൺ .അൻവർ അലിയാർ
കോട്ടയം തലനാട് പഞ്ചായത്ത് ചോനമലയിൽ കടന്നൽ കുത്തേറ്റ് മധ്യവയസ്കൻ മരിച്ചു. താളനാനിക്കൽ ജസ്റ്റിൻ (50) ആണ് മരിച്ചത്. സ്വന്തം കൃഷിയിടത്തിൽ ജോലിയിൽ ഏർപ്പെട്ടിരിക്കെ കടന്നൽ ആക്രമിക്കുകയായിരുന്നു. സംസാരശേഷിയില്ലാത്ത ആളാണ് ജസ്റ്റിൻ. ഗുരുതരമായി പരിക്കേറ്റ ജസ്റ്റിൻ ഓടി സമീപത്ത് വീട്ടിലെത്തി. തുടർന്ന് തലനാട് സബ് സെൻന്ററിലേക്ക് എത്തിച്ചു. അപ്പോഴേക്കും ശരീരം നിറം മാറിയിരുന്നു. തുടർന്ന് ഈരാറ്റുപേട്ടയിലെ സ്വകാര്യ ആശുപത്രിയിൽ എത്തിച്ചെങ്കിലും മരണം സംഭവിച്ചു. മൃതദേഹം പാലാ ജനറൽ ആശുപത്രിയിൽ പോസ്റ്റ്മോർട്ടം നടത്തും.
ഈരാറ്റുപേട്ട :തദ്ദേശ സ്വയംഭരണ തിരഞ്ഞെടുപ്പിലേക്കുള്ള ഈരാറ്റുപേട്ട ലോക്കൽ കമ്മിറ്റിക്ക് കീഴിലുള്ള ഇടതുപക്ഷ ജനാധിപത്യ മുന്നണിയുടെ സിപിഐ സ്ഥാനാർത്ഥികളെ പ്രഖ്യാപിച്ചു. സിപിഐ പൂഞ്ഞാർ മണ്ഡലം സെക്രട്ടറി അഡ്വക്കേറ്റ് പിഎസ് സുനിൽ യോഗം ഉദ്ഘാടനം ചെയ്തു. ജില്ലാ കമ്മിറ്റി അംഗം ഷമ്മാസ് ലത്തീഫ് അധ്യക്ഷത വഹിച്ചു .ലോക്കൽ സെക്രട്ടറി K I നൗഷാദ് സ്വാഗതം പറഞ്ഞു. ജില്ലാ കമ്മിറ്റി അംഗം ഇ കെ മുജീബ്, എൽഡിഎഫ് കൺവീനർ നൗഫൽ ഖാൻ, അസിസ്റ്റൻറ് സെക്രട്ടറി എം എം മനാഫ് തുടങ്ങിയവർ സംസാരിച്ചു. കല്ലുത്താഴം, നടുപറമ്പ്, കാട്ടാമല, നടക്കൽ, വഞ്ചാങ്കൽ, ടൗൺ, മുത്താരംകുന്ന്, കൊണ്ടൂർമല ഡിവിഷനുകളിലെ സിപിഐ സ്ഥാനാർത്ഥികള ആണ് ഇന്ന് പ്രഖ്യാപിച്ചത്.
ഈരാറ്റുപേട്ട: തനിമകലാസാഹിത്യ വേദിയുടെ ആഭിമുഖ്യത്തിൽ നവംബർ ഒന്നു മുതൽ 30 വരെ നടക്കുന്ന 'നല്ല മലയാളം' ഭാഷാ പരിശീലന പദ്ധതി രണ്ടാംഘട്ടത്തിന്റെ ഭാഗമായി യുപി സ്കൂൾ വിദ്യാർത്ഥികൾക്കായി സംഘടിപ്പിച്ച 'എന്റെ കേരളം' പ്രശ്നോത്തരി 2025 ജില്ലാ തല മത്സരം ഈരാറ്റുപേട്ട അൽമനാർ പബ്ലിക് സ്കൂളിൽ വച്ച് നടന്നു. മത്സരത്തിൽ വിവിധ സ്കൂളുകൾ പങ്കെടുത്തു. തനിമ ജില്ലാ സെക്രട്ടറി അമീൻ മുഹമ്മദ് ചോദ്യകർത്താവായ മത്സരത്തിൽ തീക്കോയി സെൻമേരിസ്കൂളിന് ഒന്നാം സ്ഥാനവും ഈരാറ്റുപേട്ട മുസ്ലിം ഗേൾസ് ഹയർസെക്കൻഡറി സ്കൂളിന് രണ്ടാം സ്ഥാനവും ഗൈഡൻസ് പബ്ലിക് സ്കൂളിൾ പൂഞ്ഞാറിന് മൂന്നാം സ്ഥാനവും ലഭിച്ചു. വിജയികൾക്ക് സമ്മാനം വിതരണം ചെയ്തു.പരിപാടിയിൽ അൻസാർ അലി, ഷാഹുൽഹമീദ്, എസ് എഫ് ജബ്ബാർ, റഷീദ നിജാസ് തുടങ്ങിയവർ പങ്കെടുത്തു.
ഈരാറ്റുപേട്ട :അരുവിത്തുറ സെൻറ് ജോർജ് കോളേജ് സെൽഫ് ഫിനാൻസ് കൊമേഴ്സ് വിഭാഗത്തിൻ്റെ ആഭിമുഖ്യത്തിൽ സംഘടിപ്പിച്ച ദേശീയതല കൊമേഴ്സ് ആൻഡ് മാനേജ്മെൻറ് ഫെസ്റ്റ് യുവത്വത്തിൻറെ ആഘോഷമായി മാറി. രാജ്യത്തെ വിവിധ ഹയർസെക്കൻഡറി സ്കൂളുകളിൽ നിന്നായി 1000 ത്തോളം വിദ്യാർത്ഥികൾ ഫെസ്റ്റിൻ്റെ ഭാഗമായി മത്സര ങ്ങളുടെ ഉദ്ഘാടനം കോളേജ് മാനേജർ വെരി റവ. ഫാ.സെബാസ്റ്റ്യൻ വെട്ടുകല്ലേൽ നിർവ്വഹിച്ചു.ചടങ്ങിൽ കോളേജ് പ്രിൻസിപ്പൽ പ്രൊഫ. ഡോ.സിബി ജോസഫ്.ബര്സാർ റവ. ഫാ. ബിജു കുന്നയ്ക്കാട്ട്, വൈസ് പ്രിൻസിപ്പൽ ഡോ. ജിലു ആനി ജോൺ സെൽഫ് ഫിനാൻസ് കൊമേഴ്സ് വിഭാഗം മേധാവി അനീഷ് പി.സി തുടങ്ങിയവർ സംസാരിച്ചു ബെസ്റ്റ് മാനേജ്മെൻ്റ് ടീം, 3 x 3 ഫുട്ബോൾ , ട്രഷർ ഹണ്ട് , എന്നി മത്സരങ്ങളും കോളേജിലെ മാസ് കമ്മ്യൂണിക്കേഷൻ വിഭാഗത്തിന്റെ ആഭിമുഖ്യത്തിൽ സ്പോട്ട് ഫോട്ടോഗ്രഫി, ന്യൂസ് റീഡിങ് മത്സരങ്ങളും ഫിലിം ഫെസ്റ്റിവലും സംഘടിപ്പിച്ചു.വിവിധ മത്സരങ്ങളുമായി ബന്ധപെട്ട് 50000 രൂപ ക്യാഷ് അവാർഡുകളും നൽകി . അധ്യാപകനായ ജോസ് കുര്യൻ്റെ നേതൃത്വത്തിൽഏറ്റവും കൂടുതൽ പോയിൻറ് കരസ്ഥമാക്കി ചാവറ സി എം ഐ പബ്ലിക് സ്കൂൾ ഫെസ്റ്റിന്റെ ഓവറോൾ ചാമ്പ്യൻഷിപ്പ് നേടി.
ഈരാറ്റുപേട്ട .അഡ്വ. സെബാസ്റ്റ്യൻ കുളത്തുങ്കൽ എംഎൽഎ നേതൃത്വം നൽകുന്ന സർവീസ് ആർമി പൂഞ്ഞാറിന്റെ നേതൃത്വത്തിൽ പൂഞ്ഞാർ നിയോജകമണ്ഡലത്തിലെ വിവിധ പഞ്ചായത്തുകളിലായി 10 നിർധന കുടുംബങ്ങൾക്ക് നിർമ്മിച്ചു നൽകുന്ന ഭവനങ്ങളുടെ ശിലാസ്ഥാപന കർമ്മം അഡ്വ. സെബാസ്റ്റ്യൻ കുളത്തുങ്കൽ എംഎൽഎ അതാത് സ്ഥലങ്ങളിൽ നടന്ന ചടങ്ങുകളിൽ വച്ച് നിർവഹിച്ചു. വിവിധ കമ്പനികളുടെ സി എസ് ആർ ഫണ്ട് ഉപയോഗിച്ചും, ഉദാരമതികളായ വ്യക്തികളുടെ സ്പോൺസർഷിപ്പിലൂടെയുമാണ് നിർധന കുടുംബങ്ങൾക്കുള്ള ഈ ഭവനങ്ങൾ നിർമ്മിച്ചു നൽകുന്നത്. ഈരാറ്റുപേട്ട - കടുവാമുഴി , പൂഞ്ഞാർ തെക്കേക്കര- കല്ലേക്കുളം, ചേരിമല, പൂഞ്ഞാർ ടൗൺ , ചേന്നാട്, മണിയംകുളം തീക്കോയി- മംഗളഗിരി, കൂവപ്പള്ളി, ചേനപ്പാടി പൂഞ്ഞാർ - മണിയംകുന്ന് എന്നിവിടങ്ങളിലാണ് ഭവന നിർമ്മാണങ്ങളുടെ ശിലാസ്ഥാപന കർമ്മം നിർവഹിച്ചത്. കഴിഞ്ഞ നാലര വർഷത്തോളമായി അഡ്വ. സെബാസ്റ്റ്യൻ കുളത്തുങ്കൽ എംഎൽഎയുടെ നേതൃത്വത്തിൽ വിവിധ സേവന സന്നദ്ധ പ്രവർത്തനങ്ങൾ നടത്തിവരുന്ന സംഘടനയാണ് എംഎൽഎ സർവീസ് ആർമി പൂഞ്ഞാർ. വിദ്യാഭ്യാസ മേഖലയിൽ മികവ് കൈവരിക്കുന്നതിന് ഫ്യൂച്ചർ സ്റ്റാർസ്, തൊഴിൽ രഹിതർക്ക് തൊഴിൽ ലഭ്യമാക്കാൻ പൂഞ്ഞാർ ജോബ്സ്, കാർഷിക മേഖലയിലെ മുന്നേറ്റത്തിന് സംസ്ഥാന കൃഷി വകുപ്പുമായി ചേർന്ന് ഫല സമൃദ്ധി , നിർധനരായ കിടപ്പുരോഗികൾക്ക് പ്രതിമാസ ചികിത്സാ സഹായവും മരുന്നും ഭക്ഷ്യ കിറ്റുകളും നൽകുന്ന കാരുണ്യ സ്പർശം പദ്ധതി എന്നീ പ്രവർത്തനങ്ങളും എംഎൽഎ സർവീസ് ആർമി പൂഞ്ഞാറിന്റെ നേതൃത്വത്തിൽ നടന്നുവരുന്നു. ഇതോടൊപ്പം കാരുണ്യ ഭവന നിർമ്മാണ പദ്ധതിയുടെ ഭാഗമായി ഇതിനോടകം കൂട്ടിക്കലിലെ പ്രളയ ദുരിതബാധിതർക്ക് നിർമ്മിച്ച് നൽകിയ 11 വീടുകൾ ഉൾപ്പെടെ ആകെ 14 വീടുകൾ നിർമ്മിച്ച് താക്കോൽ കൈമാറി കഴിഞ്ഞു
