E News

Latest News

8ാം ക്ലാസിൽ ഇനി ഓൾ പാസ് ഇല്ല; ജയിക്കാൻ മിനിമം മാർക്ക് നിർബന്ധം; അടുത്ത വർഷം മുതൽ 9ാംക്ലാസിലും മിനിമം മാർക്ക്

web 7 August,2024

തിരുവനന്തപുരം: എട്ടാം ക്ലാസിൽ ഇത്തവണ മുതൽ‌ ഓൾപാസ് ഇല്ല. ജയിക്കാൻ മിനിമം മാർക്ക് നിർബന്ധമാക്കും. അടുത്ത വർഷം മുതൽ ഒൻപതാം ക്ലാസിലും മിനിമം മാർക്ക് കൊണ്ടുവരും. മന്ത്രിസഭാ യോഗത്തിലാണ് തീരുമാനം. എഴുത്തുപരീക്ഷയ്ക്ക് ഓരോ വിഷയത്തിനും 30 ശതമാനം മാർക്കും നിർബന്ധമാക്കും. 2026-2027 വർഷത്തിൽ മിനിമം മാർക്ക് പത്താം ക്ലാസിലും നടപ്പിലാക്കും. വിദ്യാഭ്യാസ കോൺക്ലേവിന്റെ ശുപാർശ അംഗീകരിച്ചാണ് മന്ത്രിസഭ യോഗത്തിലെ ഈ തീരുമാനം. വാരിക്കോരി മാർക്ക് നൽകുന്നുവെന്നും എല്ലാവർക്കും എപ്ലസ് നൽകുന്നുവെന്നും ഇത് വിദ്യാഭ്യാസത്തിന്റെ ഗുണനിലവാരം കുറയ്ക്കുന്നുമെന്നുമുള്ള ആക്ഷേപം വ്യാപകമായി ഉയരുന്ന സാഹചര്യത്തിലാണ് സംസ്ഥാന സർക്കാർ എഡ്യൂക്കേഷൻ കോൺക്ലേവ് സംഘടിപ്പിച്ചിരുന്നു. ഈ കോൺക്ലേവിലുയർന്ന നിർദേശമാണ് മന്ത്രിസഭ യോഗം അംഗീകരിച്ചിരിക്കുന്നത്. അതിലേറ്റവും പ്രധാനപ്പെട്ട കാര്യം ഈ വർഷം എട്ടാം ക്ലാസിൽ ഓൾപാസ് ഒഴിവാക്കുന്നു എന്നതാണ്. ഓരോ വിഷയത്തിനും മിനിമം 30 ശതമാനം മാർക്ക് നിർബന്ധമാക്കും. നിലവിൽ നിരന്തര മൂല്യനിർണയത്തിനും ഒപ്പം തന്നെ വിഷയങ്ങൾക്കും കൂടി 30 ശതമാനം മതി. അതുകൊണ്ട് തന്നെ എല്ലാവരും പാസാകുന്ന സാഹചര്യമാണുള്ളത്. ഇത് മാറ്റിയിട്ടാണ് ഓരോ വിഷയങ്ങൾക്കും 30 ശതമാനം നിർബന്ധമാക്കിക്കൊണ്ടുള്ള തീരുമാനം. ഇത് കൂടാതെ എഴുത്തുപരീക്ഷക്കും വേറെ മാർക്ക് വേണം. പഠിക്കാതെ പാസാകാൻ പറ്റില്ലെന്ന രീതിയാണ് നിലവിൽ വരാൻ പോകുന്നത്. ഘട്ടഘട്ടമായിട്ടാണ് ഇത് നടപ്പിലാക്കുക. അടുത്ത വർഷം ഒൻപതാം ക്ലാസിലും പിന്നീട് 2026-27 വർഷങ്ങളിൽ പത്താം ക്ലാസിലും ഈ നിബന്ധന കൊണ്ടുവരാനാണ് തീരുമാനം.

പ്രാദേശികം

എസ്. കെ. പൊറ്റക്കാട് അനുസ്മരണം സംഘടിപ്പിച്ചു.

enews 7 August,2024

ഈരാറ്റുപേട്ട.സഞ്ചാര സാഹിത്യത്തിന്റെ കുലപതി എസ്. . പൊറ്റക്കാടിന്റെ നാൽപ്പത്തി രണ്ടാം ചരമവാർഷിക ദിനത്തോടനുബന്ധിച്ച് അനുസ്മരണ യോഗം സംഘടിപ്പിച്ചു. അനന്ത സാധ്യമായ സഞ്ചാര പാതയുടെ വായനാ സുഖം പകർന്നു നൽകിയ മഹാനായ എഴുത്തുകാരൻ ഇന്നും ഒരോ സഞ്ചാരിക്കും വഴി കാട്ടിയാണ്.ഫൈൻ ആർട്സ് ക്ലബ് ഈരാറ്റുപേട്ട (ഫെയ്സ്) സാഹിത്യ വേദിയുടെ ആഭിമുഖ്യത്തിൽ ചേർന്ന യോഗത്തിൽ ഫെയ്സ് പ്രസിഡൻറ് സക്കീർ താപി, ജനറൽ സെക്രട്ടറി കെ.പി.എ. നടക്കൽ, റഫീഖ് പട്ടരുപറമ്പിൽ, ചരിത്രകാരൻ കെ.എം. ജാഫർ, ഹാഷിം ലബ്ബ, മുഹ്സിൻ. പി.എം, പി.പി.എം. നൗഷാദ്, ബിജിലി സെയിൻ, ഷബീർ കെ.എം, സലിം കുളത്തിപ്പടി എന്നിവർ സംസാരിച്ചു

കേരളം

സംസ്ഥാനത്ത് അടുത്ത മണിക്കൂറുകളിൽ എട്ട് ജില്ലകളിൽ മഴയ്ക്ക് സാധ്യത

enews 7 August,2024

തിരുവനന്തപുരം: സംസ്ഥാനത്ത് അടുത്ത മണിക്കൂറുകളിൽ എട്ട് ജില്ലകളിൽ മഴ സാധ്യതയെന്ന് കേന്ദ്ര കാലാവസ്ഥ വകുപ്പിന്‍റെ അറിയിപ്പ്.അടുത്ത 3 മണിക്കൂറിൽ കേരളത്തിലെ കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, കണ്ണൂർ. കാസർഗോഡ് ജില്ലകളിൽ ഒറ്റപ്പെട്ടയിടങ്ങളിൽ മഴയ്ക്ക് സാധ്യതയുണ്ടെന്നാണ് കേന്ദ്ര കാലാവസ്ഥ വകുപ്പ് അറിയിച്ചിട്ടുള്ളത്.

കേരളം

മുല്ലപ്പെരിയാറിൽ ജലബോംബ്, പുതിയ ഡാം വേണം'; പാർലമെന്‍റിൽ അടിയന്തര പ്രമേയത്തിന് നോട്ടീസ് നൽകി ഡീൻ കുര്യാക്കോസ്

enews 7 August,2024

മുല്ലപ്പെരിയാർ ഡാം ഡീ കമ്മീഷൻ ചെയ്യണം എന്നാവശ്യപ്പെട്ട് ഡീൻ കുര്യാക്കോസ് എം പി പാര്‍ലമെന്‍റില്‍ അടിയന്തര പ്രമേയത്തിന് നോട്ടീസ് നൽകി. മുല്ലപ്പെരിയാറിലുള്ളത് ജലബോംബാണെന്നും പുതിയ ഡാം വേണമെന്നും ഡീൻ കുര്യാക്കോസ് മാധ്യമങ്ങളോട് പറഞ്ഞു. കേരള, തമിഴ്നാട് മുഖ്യമന്ത്രിമാരുമായി കേന്ദ്ര സർക്കാർ ഇക്കാര്യം സംസാരിക്കണമെന്നും തമിഴ്നാട് മുഖ്യമന്ത്രി എം കെ സ്റ്റാലിനുമായി സംസാരിക്കാൻ മുഖ്യമന്ത്രി തയ്യാറാകണമെന്നും ഡീൻ കുര്യാക്കോസ് ആവശ്യപ്പെട്ടു. മുല്ലപ്പെരിയാർ അണകെട്ടിൻ്റെ സമീപത്ത് താമസിക്കുന്ന ജനങ്ങളുടെ ജീവൻ വലിയ അപകടത്തിലാണെന്നും ലോകത്തിലെ തന്നെ ഏറ്റവും വലിയ പഴക്കം ചെന്ന മുല്ലപ്പെരിയാർ ഡാം ഡീകമ്മീഷൻ ചെയ്യണമെന്നും ലക്ഷകണക്കിന് ജനങ്ങൾക്ക് ഭീഷണിയുള്ള ഈ വിഷയം സഭ നടപടി ക്രമങ്ങൾ നിർത്തിവെച്ച് അടിയന്തരമായി ചർച്ച ചെയ്യണമെന്നും ആവശ്യപ്പെട്ടാണ് ഡീൻ കുര്യാക്കോസ് എംപി അടിയന്തര പ്രമേയത്തിന് നോട്ടീസ് നൽകിയിരിക്കുന്നത്. വയനാട്ടിൽ അടുത്തിടെ ഉണ്ടായ ഉരുൾപൊട്ടൽ 500 ഓളം പേരുടെ ജീവനാണ് കവർന്നതെന്നും ഒരു ഗ്രാമത്തെ പോലും ഇല്ലാതാക്കുകയും ചെയ്യുകയുണ്ടായി. കേരളത്തിലെ 5 ജില്ലകളിലായി 5 ദശലക്ഷം ജനങ്ങൾക്ക് ഭീഷണിയായി കൊണ്ടിരിക്കുന്ന ഈ പ്രശ്നം സഭ ഗൗരവമായി തന്നെ ചർച്ച ചെയ്യെണമെന്നും ഡീൻ കുര്യാക്കോസ് നോട്ടീസിൽ ആവശ്യപ്പെട്ടു.

പ്രാദേശികം

ഈരാറ്റുപേട്ട ഡിപ്പോയ്ക്ക് പുതിയ ബസുകൾ അനുവദിച്ചില്ല. പ്രതിഷേധം വ്യാപകം.

Enews 6 August,2024

ഈരാറ്റുപേട്ട :സുരക്ഷിത യാത്രയ്ക്കായി കോട്ടയം ജില്ലയിലേക്ക് പുതുതായി അനുവദിക്കുന്ന 39 കെ.എസ്.ആർ ടി സി ബസുകളിൽ ഒന്നു പോലും ഈരാറ്റുപേട്ട ഡിപ്പോയ്ക്ക് അനുവദിക്കാത്തതിൽ വ്യാപക പ്രതിഷേധം.കഴിഞ്ഞ എട്ട് വർഷമായി ഈരാറ്റുപേട്ട ഡിപ്പോയ്ക്ക് ഒരു പുതിയ ബസു പോലും അനുവദിച്ചിട്ടില്ലായെന്ന് നാട്ടുകാർ പറയുന്നു. എന്നാൽ പുതുതായി പാലാ ഡിപ്പോയ്ക്ക് 14 ബസും എരുമേലിക്ക് 8 ബസും കോട്ടയത്തിന് 8 ബസും പൊൻകുന്നത്തിന് 2 ബസും ചങ്ങനാശേരിക്ക് 6 ബസും വൈക്കത്തിന് 1 ബസുമാണ് അനുവദിച്ചിട്ടുള്ളത്. ഈരാറ്റുപേട്ട കെ.എസ്.ആർ.ടി.സി ഡിപ്പോയെ അധികൃതർ അവഗണിക്കുന്നതായി വർഷങ്ങളായുള്ളആക്ഷപമാണ്. .ദിവസം 51 സർവീസുകളാണ് ഇവിടെ നിന്ന് മുമ്പ് സർവ്വീസ് നടത്തിയിരുന്നത്. ഇപ്പോൾ 30 സർവ്വീ സുകളായി ചുരുങ്ങി .കൊവിഡ് മറവിൽ 20 ഓളംബസുകൾ മറ്റുഡിപ്പോകളിലേക്ക് കൊണ്ടുപോയി. പിന്നിട് പകരം ലഭിച്ചത് പഴയ ബസുകളാണ്.ഈ ബസുകൾ മലയോര മേഖലയിലേക്ക് സർവീസ് നടത്തുവാൻ പര്യാപ്തമല്ല. പഴക്കം ചെന്ന ബസുകളും ബസുകളുടെ കുറവും പൊതുഗതാഗത്തെ മാത്രം ആശ്രയിക്കുന്ന സാധാരണക്കാരെ ദുരിതത്തിലാഴ്ത്തി. ഇത് ഡിപ്പോയുടെ വരുമാനത്തെയും പ്രതികൂലമായി ബാധിച്ചു. വാഗമൺ,കോട്ടയം, എർണാകുളം,ആലപ്പുഴ തിരുവനന്തപുരം ,കോഴിക്കോട്, പാലക്കാട് തുടങ്ങിയ പ്രദേശങ്ങളിലെയും ഗ്രാമീണ മേഖലകളായ തലനാട്, മുണ്ടക്കയം, അടിവാരം ചേന്നാട് എന്നീ സർവ്വീസുകളും പലതും മുടങ്ങുന്നു. ബസ്സുകളുടെ കുറവ് കാരണംകെ.എസ്.ആർ.ടി.സി മാത്രം സർവ്വീസ് നടത്തുന്ന കോട്ടയം - ഈരാറ്റുപേട്ട ദേശസാൽകൃത റൂട്ടിൽ ഇപ്പോൾകടുത്ത യാത്രാക്ലേശമാണ് ഉണ്ടായിരിക്കുന്നത്. കോട്ടയം കളക്ടറേറ്റിലേക്കും റെയിൽവേ സ്റ്റേഷനിലേക്കും മെഡിക്കൽ കോളേജിലേക്കും യാത്ര ചെയ്യുന്നവർക്ക് ഇത് ദുരിതമാണ് സമ്മാനിക്കുന്നത്. അതു കൊണ്ട് ഈരാറ്റുപേട്ട ഡിപ്പോയ്ക്ക് ആവശ്യത്തിന് പുതിയ ബസുകൾ അനുവദിക്കണമെന്ന് നാട്ടുകാർ ആവശ്യപ്പെടുന്നു.

കോട്ടയം

കോട്ടയം ജില്ലയിൽ ഖനനപ്രവർത്തനത്തിന്ഓഗസ്റ്റ് 10 വരെ വിലക്ക്

Enews 6 August,2024

കോട്ടയം: ജില്ലയിൽ മഴ മുന്നറിയിപ്പുകൾ നിലനിൽക്കുന്നതിനാലും പുഴകളിലെയും നദികളിലെയും ജലനിരപ്പ് ഉയർന്നു വെള്ളപ്പൊക്ക സാഹചര്യം നിലനിൽക്കുന്നതിനാലും കോട്ടയം ജില്ലയിലെ എല്ലാവിധ ഖനനപ്രവർത്തനങ്ങളും ഓഗസ്റ്റ് 10 വരെ നിരോധിച്ച് ജില്ലാ ദുരന്തനിവാരണ അതോറിട്ടി ചെയർപേഴ്‌സണായ ജില്ലാ കളക്ടർ ജോൺ വി. സാമുവൽ ഉത്തരവായി.

പ്രാദേശികം

കോട്ടയം ജില്ലയിൽ 39 KSRTC ബസ്സുകൾ അനുവദിച്ചതിൽ ഈരാറ്റുപേട്ടയെ അവഗണിച്ചതിൽ പ്രതിഷേധിച്ച് വെൽഫെയർ പാർട്ടി മണ്ഡലം പ്രസി: ഫിർദൗസ് റെഷിദ് , മുൻസിപ്പൽ പ്രസിഡൻ്റ് വീഎം ഷഹിർ എന്നിവർ KSRTC ATO ക്ക് നിവേദനം നൽകി

Enews 6 August,2024

ഈരാറ്റുപേട്ട :സ്വകാര്യ ബസ്സുകൾ സർവ്വീസ് നടത്തുന്ന റൂട്ടുകൾ KSRTC ഏറ്റെടുത്തതിൻ്റെ ഭാഗമായി (ടേക്ക് ഓവർ സർവ്വീസ് ) കോട്ടയം ജില്ലയിലെ എല്ലാ ഡിപ്പോൾ ക്കും ബസ്സുകൾ അനുവദിക്കുന്നത് മായി ബനധപ്പെട്ട് ഈരാറ്റുപേട്ട ഡിപ്പോയെ മാത്രം ഒഴിവാക്കിയതായി പത്രമാധ്യമങ്ങളിൽ നിന്നും അറിയാൻ കഴിഞ്ഞു, ഇത് യാഥാർത്ഥ്യമെങ്കിൽ ഈരാറ്റുപേട്ടയോട് കടുത്ത അവഗണനയാണ് മാനേജ്മെൻ്റ് നടത്തിയിരിക്കുന്നത് മലയോര മേഖലയിലെ ആയിരക്കണക്കിന് വിദ്യാർത്ഥികളും പൊതുജനങ്ങളും ആശ്രയിക്കുന്ന ഒരു പ്രധാനപ്പെട്ട ഡിപ്പോ എന്ന നിലയിൽ ഈരാറ്റുപേട്ടയെ അവഗണിച്ചത് നീതീകരിക്കാനാവില്ല, ഈരാറ്റുപേട്ട ഡിപ്പോക്ക് ആവശ്യമായ ബസ്സുകൾ അനുവദിക്കാൻ വേണ്ട നടപടി താങ്കളുടെ ഭാഗത്ത് നിന്നും ഉണ്ടാകണമെന്ന് അഭ്യർത്ഥിക്കുന്നു. വിഷയം ഉടൻ പരിഹരി ച്ചില്ലെങ്കിൽ പ്രക്ഷേഭ പരിപാടികളുമായി മുന്നോട്ട് പോകും

പ്രാദേശികം

അരുവിത്തുറ കോളേജിൽ പ്ലെസ്മെന്റ് സെൽ ഉദ്ഘാടനം ചെയ്തു.

Enews 6 August,2024

അരുവിത്തുറ : അരുവിത്തുറ സെന്റ് ജോർജസ്സ് കോളേജിലെ ഈ വർഷത്തെ കരിയർ ആൻഡ് പ്ലേസ്‌മെന്റ് സെൽ പ്രവർത്തനങ്ങൾ കോട്ടയം ട്രിപ്പിൾ ഐ ടി ഡീൻ ഡോ എബിൻ രാജ് ഉദ്ഘാടനം ചെയ്തു. ആർട്ടിഫിഷ്യൽ ഇന്റലിജിൻസ് ന്റെ വിവിധ സാധ്യതകളെ കുറിച്ച് അദ്ദേഹം ക്ലാസ്സ്‌ നയിച്ചു. കോളേജ് പ്രിൻമ്പിപ്പൽ പ്രൊഫ ഡോ സിബി ജോസഫ് അദ്ധ്യക്ഷത വഹിച്ച ചടങ്ങിൽ കോളേജ് ബർസർ ഫാ ബിജു കുന്നാക്കാട്ട്, പ്ലേസ്‌മെന്റ് ഓഫീസർമാരായ ബിനോയ് സി ജോർജ്, ഡോ ജമിനി ജോർജ് തുടങ്ങിയവർ സംസാരിച്ചു. കോളേജിലെ പ്ലെയ്സ്സ്മെൻ്റ് സെൽ വഴി 100 ൽ പരം വിദ്യാർത്ഥികൾ ഈ വർഷം രാജ്യത്തിനകത്തും പുറത്തുമുള്ള പ്രമുഖ കമ്പനികളിൽ ജോലി നേടിയിരുന്നു.

Latest News

Follow Us

Popular News