E News

Latest News

കോട്ടയം

ഹൃദയാരോഗ്യ സന്ദേശവുമായി ലോകഹൃദയദിനാചരണം

enews 28 September,2025

കോട്ടയം: ഹൃദയാരോഗ്യം സംരക്ഷണത്തിന്റെ പ്രാധാന്യം വ്യക്തമാക്കി ജില്ലാതല ഹൃദയദിനാചരണം. ലോക ഹൃദയദിനത്തോടനുബന്ധിച്ച് കോട്ടയം മെഡിക്കൽ കോളജിൽ സംഘടിപ്പിച്ച ജില്ലാതല പരിപാടി ജില്ലാ കളക്ടർ ചേതൻകുമാർ മീണ ഉദ്ഘാടനം ചെയ്തു. കാർഡിയോളജി പുതിയ ബ്ലോക്കിൽ നടന്ന ചടങ്ങിൽ മെഡിക്കൽ കോളജ് കമ്മ്യൂണിറ്റി മെഡിസിൻ വിഭാഗം മേധാവി ഡോ.എ. ശോഭ അധ്യക്ഷത വഹിച്ചു. മെഡിക്കൽ കോളജ് ആശുപത്രി ഡെപ്യൂട്ടി സൂപ്രണ്ട് ഡോ. രതീഷ് മുഖ്യപ്രഭാഷണം നടത്തി.മെഡിക്കൽ കോളജിലെ നഴ്സുമാർക്കും ഏറ്റുമാനൂർ ബ്ലോക്കിലെ കുടുംബശ്രീ പ്രവർത്തകർക്കും കാർഡിയോ പൾമണറി റെസസിറ്റേഷനിൽ (സി.പി.ആർ) പ്രായോഗിക പരിശീലനം നൽകി. ഇന്ത്യൻ ഇൻസ്റ്റിറ്റ്യൂട്ട് ഓഫ് എമർജൻസി മെഡിക്കൽ സർവീസസിലെ പരിശീലകൻ ഡോ. അർജുൻ ജെയിംസ് നേതൃത്വം നൽകി.മെഡിക്കൽ കോളജിലെ കാർഡിയോളജി വിഭാഗം, കമ്മ്യൂണിറ്റി മെഡിസിൻ വിഭാഗം, കോട്ടയം ജില്ലാ മെഡിക്കൽ ഓഫീസ് (ആരോഗ്യം), ദേശീയ ആരോഗ്യദൗത്യം എന്നിവ സംയുക്തമായാണ് പരിപാടി സംഘടിപ്പിച്ചത്. ചടങ്ങിൽ ജില്ലാ മെഡിക്കൽ ഓഫീസർ ഡോ.എൻ. പ്രിയ, ദേശീയ ആരോഗ്യദൗത്യം ജില്ലാ പ്രോഗ്രാം മാനേജർ ഡോ. വ്യാസ് സുകുമാരൻ, കാർഡിയോളജി വിഭാഗം മേധാവി ഡോ. റൈഹാനത്തുൽ മിസിരിയ, കാർഡിയോളജി വിഭാഗത്തിലെ ഡോ.കെ. ജയപ്രകാശ്, ഡോ.എൻ. ജയപ്രസാദ്, ഐ.എം.എ. പ്രതിനിധി ഡോ. ആർ.പി. രഞ്ജിൻ,ജില്ലാ മെഡിക്കൽ ഓഫീസ് (ആരോഗ്യം) ജൂനിയർ അഡ്മിനിസ്ട്രേറ്റ് മെഡിക്കൽ ഓഫീസർ ഡോ. മാർട്ടിൻ ഗ്ലാഡ്സൺ എന്നിവർ പ്രസംഗിച്ചു.

പ്രാദേശികം

ഇരപ്പാംകുഴി-കടുക്കപറമ്പ് പാലവും അപ്രോച്ച് റോഡും ഉദ്ഘാടനം ചെയ്തു

enews 28 September,2025

ഈരാറ്റുപേട്ട: തടവനാൽ ഡിവിഷന്റെ ചിരകാലാഭിലാഷമായിരുന്ന ഇരപ്പാംകുഴി തോടിന് കുറുകേയുള്ള പാലത്തിന്റേയും അപ്രോച്ച് റോഡിന്റേയും ഉദ്ഘാടനം അഡ്വ. സെബാസ്റ്റ്യൻ കുളത്തുങ്കൽ എം.എൽ.എ നിർവഹിച്ചു. കടുക്കാപറമ്പിനേയും ഇരപ്പാംകുഴിയേയും ബന്ധിപ്പിച്ചിരുന്ന ചെറിയ ഇടവഴി വികസിപ്പിച്ച് വാഹന ഗതാഗത സൌകര്യമുള്ള റോഡും പാലവും നിർമിക്കുകയെന്നത് പ്രദേശത്തുകാരുടെ ദീർഘകാലമായ ആവശ്യമായിരുന്നു. 10 ലക്ഷം രൂപ എം.എൽ.എ ഫണ്ടും മൂന്നര ലക്ഷം രൂപ മുനിസിപ്പൽ ഫണ്ടും ഉപയോഗിച്ചാണ് നിർമാണ പ്രവൃത്തികൾ പൂർത്തീകരിച്ചത്. വാർഡ് കൌൺസിലർ പി.ആർ. ഫൈസൽ അധ്യക്ഷത വഹിച്ചു. നഗരസഭാ പ്രതിപക്ഷ നേതാവ് അനസ് പാറയിൽ, സി.പി.എം ഏരിയാ സെക്രട്ടറി ഷിജു, എൽ.ഡി.എഫ് കൺവീനർ നൗഫൽഖാൻ, കേരള കോൺഗ്രസ് മണ്ഡലം സെക്രട്ടറി പി.പി.എം. നൗഷാദ് പുളിക്കത്താഴെ, വ്യാപാരി വ്യവസായി ഏകോപന സമിതി യൂണിറ്റ് സെക്രട്ടറി അൻസാരി പ്ലാമൂട്ടിൽ, ഹയാത്തുദ്ദീൻ മദ്രസ മാനേജർ നൗഷാദ് കിണറ്റുംമൂട്ടിൽ എന്നിവർ സംസാരിച്ചു. സ്ഥലം വിട്ടു നൽകിയ നൌഷാദ് കിണറ്റുംമൂട്ടിൽ, വാർഡ് കൌൺസിലർ പി.ആർ. ഫൈസൽ, ബഷീർ പാറയിൽ, കോൺട്രാക്ടർ സുലൈമാൻ എന്നിവരെ മൊമന്റോ നൽകി എം.എൽ.എ ആദരിച്ചു. സി.പി.എം ബ്രാഞ്ച് സെക്രട്ടറി ഉനൈസ് തൈപ്പറമ്പിൽ സ്വാഗതവും അനസ് കടുക്കപറമ്പിൽ നന്ദിയും പറഞ്ഞു.

പ്രാദേശികം

കർഷക രക്ഷയ്ക്ക് എൽ.ഡി.എഫ് വീണ്ടും അധികാരത്തിൽ എത്തേണ്ടത് കാലഘട്ടത്തിന്റെ ആവശ്യം -സ്റ്റീഫൻ ജോർജ്

Enews 27 September,2025

പൂഞ്ഞാർ :കർഷക രക്ഷയ്ക്ക് എൽഡിഎഫ് വീണ്ടും അധികാരത്തിൽ എത്തേണ്ടത് കാലഘട്ടത്തിന്റെ ആവശ്യം Dr സ്റ്റീഫൻ ജോർജ് എക്സ് എംഎൽഎകേരള കോൺഗ്രസ് എം പൂഞ്ഞാർ തെക്കേക്കര മണ്ഡലം സമ്മേളനം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം... പൂഞ്ഞാർ തെക്കേക്കര മണ്ഡലം കമ്മിറ്റിയുടെ പുതിയ ഓഫീസ് ഉദ്ഘാടനവും പ്രകടനവും ഇതോടൊപ്പം നടത്തി.... മണ്ഡലം കമ്മിറ്റി ഓഫീസ് അഡ്വ.. സെബാസ്റ്റ്യൻ കുളത്തുങ്കൽ എംഎൽഎ ഉദ്ഘാടനം ചെയ്തു..പതാക ഉയർത്തൽ കേരള കോൺഗ്രസ് എം പൂഞ്ഞാർ നിയോജകമണ്ഡലം പ്രസിഡണ്ട് അഡ്വ. സാജൻ കുന്നത്ത് നിർവഹിച്ചു...... മണ്ഡലം സമ്മേളനത്തിൽ മണ്ഡലം പ്രസിഡണ്ട് ദേവസ്യാച്ചൻ വാണിയപുര അധ്യക്ഷത വഹിച്ചു.... കേരള കോൺഗ്രസ് എം ജില്ലാ പ്രസിഡണ്ട് പ്രൊഫ. ലോപ്പസ് മാത്യു, സ്റ്റിയറിങ് കമ്മിറ്റി അംഗം ജോർജുകുട്ടി ആഗസ്തി, സണ്ണി വടക്കേ മുളഞ്ഞാൽ, സംസ്ഥാന കമ്മിറ്റി അംഗം ജാൻസ് വയലികുന്നേൽ, നിയോജകമണ്ഡലം ജനറൽ സെക്രട്ടറി സോജൻ ആലക്കുളം ജോസ് കാനാട്ട്, , തോമസ് കട്ടക്കൽ, സാജു പുല്ലാട്ട്,ജോഷി മൂഴിയാങ്കൽ,പഞ്ചായത്ത് മെമ്പർ റെജി ഷാജി, റോയ് വിളക്കുന്നേൽ, സണ്ണി വാവലാങ്കൽ, ജേക്കബ്, സാബു പൂണ്ടികുളം, ജോസ് കോലോത്ത്, ജെയിംസ് മാറാമറ്റം,ജോസ് കോട്ടയിൽ, ബെന്നി കുളത്തിനാൽ , അഡ്വ. അലൻ വാണിയപുര,ജോസ് വടകര, മോനച്ചൻ പുത്തൻപുര, ജസ്റ്റിൻ കുന്നുംപുറം,, തോമസ് കു ന്നിക്കൽ മാത്തച്ചൻ കോക്കാട്ട്, ബേബിച്ചൻ വാണിയപുര., ജോസഫ് എടയൊടിയിൽ, ജോണി തടത്തിൽ, സണ്ണി മടി ക്യാങ്കൽ, വക്കച്ചൻ തട്ടാം പറമ്പിൽ , സിബി വരവുകാലായിൽ, ജോണി മുണ്ടാട്ട്, ജോർജുകുട്ടി കുഴിവേലിപ്പറമ്പിൽ, ജോമി മുടങ്ങാശ്ശേരിയിൽ , ജോബി പടന്ന മാക്കൽ, ജോയ് വാണിയപുര, സാൻജോ കയ്യാണിയിൽ, വിൻസന്റ് കളപ്പുര, ജയ്സൺ പഴം പുരക്കകൽ, അജു ലൂക്കോസ്, ജോർജുകുട്ടി കുറ്റ്യനി,ബെന്നി വടക്കേൽ, എമ്മാനുവൽ കുഴിവേലിപ്പറമ്പിൽ, ടോമി ചെറുകര, തുടങ്ങിയവർ പ്രസംഗിച്ചു...

പ്രാദേശികം

ഹൃദയാരോഗ്യ ബോധവൽക്കരണത്തിനായി ഈരാറ്റുപേട്ടയിൽ മാരത്തോൺ സംഘടിപ്പിച്ചു

Enews 27 September,2025

ഈരാറ്റുപേട്ട: സെപ്റ്റംബർ 29 ലോക ഹൃദയദിനമായി ആചരിക്കുന്നതിന്റെ ഭാഗമായി ഹൃദയാരോഗ്യത്തെ കുറിച്ച് ജനങ്ങളെ ബോധവൽക്കരിക്കുക എന്ന ലക്ഷ്യത്തോടെ ഡിവൈൻ എജുക്കേഷണൽ സെന്റർ, സൺറൈസ് ഹോസ്പിറ്റലുമായി ചേർന്ന് ഈരാറ്റുപേട്ടയിൽ മിനി മാരത്തോൺ സംഘടിപ്പിച്ചു. മുസ്‌ലിം ഗേൾസ് ഹയർ സെക്കണ്ടറി സ്‌കൂളിന് മുന്നിൽ നഗരസഭാ വൈസ് ചെയർമാൻ അൻസർ പുള്ളോലിൽ ഫ്ലാഗ്ഓഫ് ചെയ്ത മാരത്തോൺ നഗരം ചുറ്റി സൺറൈസ് ഹോസ്പിറ്റൽ അങ്കണത്തിൽ സമാപിച്ചു. ഈരാറ്റുപേട്ടയിലെ സന്നദ്ധ സംഘടനകൾ, വിവിധ ക്ലബുകൾ, കോളേജ് വിദ്യാർത്ഥികൾ അടക്കം നിരവധി ആളുകൾ മാരത്തോണിൽ പങ്കെടുത്തു. സൺറൈസ് ഹോസ്പിറ്റൽ അങ്കണത്തിൽ ചേർന്ന സമാപന പരിപാടിയിൽ ആശുപത്രി സി.ഇ.ഒ പ്രകാശ് മാത്യു, എം.ഇ.എസ് കോളേജ് പ്രിൻസിപ്പൽ ഹലീൽ മുഹമ്മദ്, ഡിവൈൻ എജുക്കേഷൻ സെന്റർ ഡയറക്ടർ അൻസർ ഫാറൂഖി, ഡിവൈൻ ഖുർആൻ അക്കാദമി ചീഫ് ഇൻസ്ട്രക്ടർ അഫ്സൽ വാസിദ് മൗലവി, പ്രോഗ്രാം കോ ഓർഡിനേറ്റർ അബ്ദുൽ സത്താർ തുടങ്ങിയവർ സംസാരിച്ചു.

ജനറൽ

വിജയുടെ റാലിക്കിടെ വൻ ദുരന്തം, മരണ സംഖ്യ ഉയരുന്നു,

Enews 27 September,2025

തമിഴ്നാട് കരൂരിൽ തമിഴക വെട്രിക് കഴകം നേതാവ് വിജയിയുടെ റാലിക്കിടെ വൻ ദുരന്തം. തിക്കിലും തിരക്കിലും പെട്ട് 32 പേർ മരിച്ചു. മരിച്ചവരിൽ 14 സ്ത്രീകളും 6 കുട്ടികളും ഉൾപ്പെട്ടിട്ടുണ്ട്. കരൂർ വേലുച്ചാമിപുരത്താണ് അപകടം നടന്നത്. തമിഴ്നാട് മുഖ്യമന്ത്രി എംകെ സ്റ്റാലിൻ കരൂരിലെത്തും. ആശങ്കാ ജനകമായ സാഹചര്യമെന്നും അടിയന്തര സഹായങ്ങൾ ലഭ്യമാക്കുന്നതായും മുഖ്യമന്ത്രി പ്രതികരിച്ചു. ഉച്ചയ്ക്ക് തുടങ്ങേണ്ടിയിരുന്ന പരിപാടി ഏറെ വൈകിയാണ് തുടങ്ങിയത്. ആൾക്കൂട്ടം അനിയന്ത്രിതമായി എത്തിയപ്പോൾ, നിയന്ത്രിക്കാൻ സംഘാടകർക്ക് കഴിഞ്ഞില്ല. പ്രസംഗം പകുതിയിൽ നിർത്തിയെങ്കിലും, അപ്പോഴേക്കും സ്ഥിഗതികൾ കൈവിട്ടുപോവുകയായിരുന്നു. 58 പേർക്കാണ് തിക്കിലും തിരക്കിലും പെട്ട് പരുക്കേറ്റത്. 17 പേരുടെ പരുക്ക് ഗുരുതരമാണെന്ന് മുൻ മന്ത്രി സെന്തിൽ ബാലാജി അറിയിച്ചു. ആശങ്കാ ജനകമായ സാഹചര്യമെന്നും അടിയന്തര സഹായങ്ങൾ ലഭ്യമാക്കുന്നതായും മുഖ്യമന്ത്രി എംകെ സ്റ്റാലിൻ പ്രതികരിച്ചു.

കേരളം

തദ്ദേശ തിരഞ്ഞെടുപ്പിൽ തിങ്കളാഴ്ച മുതൽ വീണ്ടും വോട്ട് ചേർക്കാം; ഒക്ടോബർ 14 വരെയാണ് അവസരം

Enews 27 September,2025

തദ്ദേശ ഭരണ തിരഞ്ഞെടുപ്പിൽ തിങ്കളാഴ്ച മുതൽ വീണ്ടും വോട്ട് ചേർക്കാം. ഒക്ടോബർ 14 വരെയാണ് വോട്ട് ചേർക്കാൻ അവസരം. ഒക്ടോബർ 25 ന് അന്തിമ വോട്ടർ പട്ടിക പ്രസിദ്ധീകരിക്കും. 2025 ജനുവരി 1 നോ അതിന് മുൻപോ 18 വയസ് തികഞ്ഞെവർക്ക് വോട്ട് ചേർക്കാം. തിരഞ്ഞെടുപ്പിന് മുൻപ് വോട്ടർ പട്ടിക പുതുക്കുന്നതിന് മുന്നോടിയായാണ് വീണ്ടും വോട്ട് ചേർക്കാൻ അവസരം നൽകുന്നത്‌ നവംബർ ഡിസംബർ മാസങ്ങളിലാണ് തദ്ദേശ തിരഞ്ഞെടുപ്പ് നിശ്ചയിച്ചിരിക്കുന്നത്. തിരഞ്ഞെടുപ്പിന് മുൻപ് വോട്ടർ പട്ടിക പുതുക്കുമെന്നും വോട്ട് ചേർക്കാൻ അവസരം നൽകുമെന്നും സംസ്ഥാന തിരഞ്ഞെടുപ്പ് കമ്മിഷണർ വ്യക്തമാക്കിയിരുന്നു. സെപ്റ്റംബർ രണ്ടിന് അംഗീകരിച്ച കരട് വോട്ടർ പട്ടിക അടിസ്ഥാനമാക്കിയാണ് വോട്ടർ പട്ടിക പുതുക്കൽ നടക്കുന്നത്. ഈ വോട്ടർ പട്ടികയിൽ ഇടംപിടിക്കുന്ന എല്ലാവർക്കും സവിശേഷ നമ്പർ നൽകുമെന്ന് സംസ്ഥാന തിരഞ്ഞെടുപ്പ് കമ്മിഷൻ അറിയിച്ചിട്ടുണ്ട്. 2020ലെ തദ്ദേശ തിരഞ്ഞെടുപ്പിനായി തയാറാക്കിയ അന്തിമ വോട്ടർ പട്ടികയിൽ 2,76,56,579 (2.76 കോടി) വോട്ടർമാരുണ്ടായിരുന്നു. ഈ മാസം ആദ്യം പുറത്തുവിട്ട കരട് വോട്ടർ പട്ടികയിൽ രണ്ട് കോടി 83 ലക്ഷം പേരാണ് ഉള്ളത്. 6,55,553 വോട്ടർമാരുടെ വർധനവാണ് ഉണ്ടായിരിക്കുന്നത്. വാർഡ് പുനർവിഭജനത്തിന് ശേഷം പുതിയ വാർഡുകളിലെ പോളിങ് സ്റ്റേഷൻ അടിസ്ഥാനത്തിലാണ് പുതുക്കിയ കരട് വോട്ടർ പട്ടിക യാറാക്കിയിരുന്നത്.

കോട്ടയം

തീക്കോയി ഗ്രാമപഞ്ചായത്തിൽ സോളാർ നിരീക്ഷണ ക്യാമറകൾ സ്ഥാപിക്കുവാൻ നടപടിയായി

Enews 27 September,2025

തീക്കോയി : തീക്കോയി ഗ്രാമപഞ്ചായത്തിന്റെ പരിധിയിൽ വരുന്ന ആനിയിളപ്പ് മുതൽ വഴിക്കടവ് കുരിശുമല വരെയുള്ള 17 സ്ഥലങ്ങളിൽ നിരീക്ഷണ ക്യാമറകൾ സ്ഥാപിക്കുന്നതിനുള്ള ടെൻഡർ അംഗീകാരമായി. ഗ്രാമ-ജില്ലാ പഞ്ചായത്തുകളുടെ 2025-26 വാർഷിക പദ്ധതി പ്രകാരം നാലരലക്ഷം രൂപ വിനിയോഗിച്ചാണ് ക്യാമറകൾ സ്ഥാപിക്കുന്നത്. ഗ്രാമപഞ്ചായത്തിന്റെ ടൂറിസ്റ്റ് പ്രദേശങ്ങളിൽ മാലിന്യ പ്രശ്നങ്ങൾ രൂക്ഷമായതിന്റെ പശ്ചാത്തലത്തിലാണ് ഗ്രാമപഞ്ചായത്ത് പദ്ധതി നടപ്പാക്കുന്നത്. ഒരാഴ്ചയ്ക്കുള്ളിൽ 17 സ്ഥലങ്ങളിലും ക്യാമറകൾ സ്ഥാപിക്കും. 12 സ്ഥലങ്ങളിൽ സോളാർ നിരീക്ഷണ ക്യാമറകളും അഞ്ച് സ്ഥലങ്ങളിൽ 30 മീറ്റർ പരിധി വരെയുള്ള വിഷ്വലുകൾ ലഭിക്കുന്ന ഐ.പി ക്യാമറകളുമാണ് സ്ഥാപിക്കുന്നത്. എ.ഐ ക്യാമറകൾ, ഹ്യൂമൻ ഡിറ്റക്ഷൻ അലാറം, ടു വേ ഓഡിയോ തുടങ്ങിയ സംവിധാനങ്ങൾ അടങ്ങിയിട്ടുള്ള നിരീക്ഷണ ക്യാമറകളാണ് സ്ഥാപിക്കുന്നത്. ഗ്രാമപഞ്ചായത്ത്‌ ഈ പദ്ധതികൾ നടപ്പിലാക്കുന്നുവെന്നറിഞ്ഞ് രാഷ്ട്രീയ ലക്ഷ്യങ്ങൾ മുന്നിൽകണ്ട് ഗ്രാമപഞ്ചായത്തിലെ ടൂറിസ്റ്റ് മേഖലയിലെ വികസനങ്ങൾ അട്ടിമറിക്കുന്നതിന് വേണ്ടി ചില തൽപരകക്ഷികൾ സാമൂഹ്യ മാധ്യമങ്ങളിൽ അടിസ്ഥാനരഹിത വാർത്തകൾ പ്രചരിപ്പിക്കുകയാണെന്ന് ഗ്രാമപഞ്ചായത്ത് പ്രസിഡന്റ് കെ.സി. ജയിംസ് അറിയിച്ചു.

പ്രാദേശികം

പൂർവ്വ വിദ്യാർത്ഥികൾ ഗവണ്മെന്റ് ടെക്നിക്കൽ സ്കൂളിന് വാട്ടർ കൂളർ സമർപ്പിച്ചു

Enews 27 September,2025

ഈരാറ്റുപേട്ട: ഗവണ്മെന്റ് ടെക്നിക്കൽ സ്കൂളിന്റെ 2002 - 2005 ബാച്ച് പൂർവ്വ വിദ്യാർത്ഥികൾ സ്കൂളിന് വാട്ടർ കൂളർ സമർപ്പിച്ചു. രാവിലെ 10 മണിക്ക് നടന്ന ചടങ്ങിൽ, സ്കൂൾ സൂപ്രണ്ട് ഇൻ ചാർജ് വിബിൻ സാർ ഔപചാരികമായി വാട്ടർ കൂളർ ഏറ്റുവാങ്ങി. നസിബ് വട്ടക്കയം, അജീബ് ഖാൻ, മുഫീദ് എന്നിവർ ഫണ്ട് സമഹാരണത്തിന് നേതൃത്വം നൽകി. റോബർട്ട്, മുബീൻ, നസീർ, അജ്മൽ തുടങ്ങിയവർ സംസാരിച്ചു. പൂർവ്വ വിദ്യാർത്ഥികളുടെ മുൻ വിദ്യാലയത്തോട് കാണിക്കുന്ന സ്നേഹത്തിനും കരുത്തലിനും സ്കൂൾ സ്റ്റാഫ് അംഗങ്ങൾ നന്ദി പ്രകടിപ്പിച്ചു. കൂടുതൽ വിപുലമായ രീതിൽ പൂർവ്വ വിദ്യാർത്ഥി കൂട്ടായ്മ ഒരുക്കേണ്ട ആവശ്യകതയും ചർച്ചയിൽ പ്രതിപാദിക്കപ്പെട്ടു.

Latest News

Follow Us

Popular News