ഈരാറ്റുപേട്ട .നഗരോൽവ വേദിയിൽ നടന്ന സാഹിത്യ സമ്മേളനം തലപ്പലം പഞ്ചായത്ത് പ്രസിഡന്റ് അനുപമ വിശ്വനാഥ് ഉദ്ഘാടനം ചെയ്തു.പുസ്തകോത്സവ സമിതി ചെയർമാൻ വി.ടി ഹബീബ്അധ്യക്ഷത വഹിച്ചു.പ്രശസ്ത കവി മുരുകൻ കാട്ടാക്കട മുഖ്യപ്രഭാഷണം നടത്തി.റെജി വർഗീസ് മേക്കാടൻ , വി.എം സിറാജ്,റാഷിദ് ഖാൻ , പി എം മുഹ്സിൻ ,പി പി എം നൗഷാദ് ,എസ് എഫ് ജബ്ബാർ ,കെ എം ജാഫർ ,ഹാഷിം പുളിക്കൽ ,എം.എഫ് അബ്ദുൽ ഖാദർ ,വി റഷീദ്,സമീർ കെ എ എന്നിവർ സംസാരിച്ചു.
ഈരാറ്റുപേട്ട: നാട്ടുനന്മയുടെ പ്രതീകങ്ങളായി മാറാൻ ഓരോ യുവാക്കളും ശ്രമിക്കണമെന്ന് മുൻ ഡി ജി പി അലക്സാണ്ടർ ജേക്കബ്. ഈരാറ്റുപേട്ട നഗരോത്സവത്തോടനുബന്ധിച്ച് നടന്ന യുവജന സെമിനാറിൽ ഉദ്ബോധന പ്രസംഗം നടത്തുകയായിരുന്നു അദ്ദേഹം. ശാസ്ത്ര സാങ്കേതിക രംഗത്തെ അദ്ഭുതകരമായ വളർച്ച മാനവികതയിലധിഷ്ഠിതമാകണമെന്നും അദ്ദേഹം പറഞ്ഞു. സെമിനാറിൽ നഗരോത്സവം ചീഫ് കോർഡിനേറ്റർ വി എം സിറാജ് അധ്യക്ഷത വഹിച്ചു.യുവജനക്ഷേമ ബോർഡ് മെമ്പർ ടി ടി ജിസ്മോൻ സെമിനാർ ഉദ്ഘാടനം ചെയ്തു. എരുമേലി റേഞ്ച് ഫോറസ്റ്റ് ഓഫീസർ ബി അജയൻ, മുസ്ലിം യൂത്ത് ലീഗ് സംസ്ഥാന ഉപാധ്യക്ഷൻ കെ എ മാഹിൻ, യൂത്ത് കോൺഗ്രസ് ജില്ലാ സെക്രട്ടറി ഡോ വിനു ജോർജ്, ഡി വൈ എഫ് ഐ ബ്ലോക്ക് പ്രസിഡൻ്റ് അമീർ ഖാൻ, ഫ്രാറ്റേണിറ്റി ജില്ലാ സെക്രട്ടറി മുനീർ കണ്ടത്തിൽ, റാഷിദ്ഖാൻ, പി പി എം നൗഷാദ് \കൗൺസിലർമാരായ അനസ് പാറയിൽ, റിയാസ് വാഴമറ്റം, സജീർ ഇസ്മായിൽ എന്നിവർ സംസാരിച്ചു.എന്നിവർ പ്രസംഗിച്ചു.
ഈരാറ്റുപേട്ട: മുസ്‌ലീം ഗേൾസ് ഹയർ സെക്കന്ററി സ്കൂൾ ഒമ്പതാം ക്ലാസ്സ് വിദ്യാർത്ഥിനിയായ കാശ്മീര ഷിറാസ് രചിച്ച ജന്നിഫർ ക്രിസ്‌റ്റോ എന്ന ഇംഗ്ലീഷ് നോവൽ പ്രകാശനം ചെയ്തു. സ്കൂൾ അങ്കണത്തിലെ നീർമാതളത്തണലിൽ നടത്തിയ ചടങ്ങിൽ കേരളാ ഗവ: ചീഫ് വിപ്പ് ഡോ:എൻ. ജയരാജ് പുസ്തകത്തിന്റെ കോപ്പി പ്രൊഫ.എം. കെ ഫരീദിന് നൽകിക്കൊണ്ടാണ് പ്രകാശനം നടത്തിയത്. നഗരസഭാദ്ധ്യക്ഷ സുഹു റാ അബ്ദുൽ ഖാദർ അദ്ധ്യക്ഷത വഹിച്ചു. മുൻ നഗരസഭാ ചെയർമാൻമാരായ റ്റി.എം. റഷീദ്, വി.എം സിറാജ്, എന്നിവർ ആ മുഖ പ്രഭാഷണം നടത്തി.പി.പി.എം നൗഷാദ്, ജാഫർ കെ.എം, എം.എഫ് അബ്ദുൽ ഖാദർ, ഷിനു മോൾ . കെ എ , ആന്റണി മാർട്ടിൻ ജോസഫ്, ഹാഷിം പുളിക്കീൽ , അഡ്വ.വി.പി നാസർ,എസ്.എഫ് ജബ്ബാർ , എന്നിവർ ആശംസകൾ നേർന്നു. കുമാരികാശ്മീര ഷിറാസ് മറുപടി പ്രസംഗം നടത്തി. ഹെഡ് മിസ്ട്രസ് എം.പി ലീന സ്വാഗതവും, ഷിറാസ് കമാൽ നന്ദി യുംപറഞ്ഞു.
ഈരാറ്റുപേട്ട . നഗരസഭയുടെ വാർഷിക പദ്ധതിയിൽ ഉൾപ്പെടുത്തി 26 ലക്ഷം മുടക്കി നടപ്പിലാക്കിയ കൊല്ലംപറമ്പ് മേജർ കുടിവെള്ള പദ്ധതിയുടെ ഉൽഘാടനം ഈരാറ്റുപേട്ട മുനിസിപ്പൽ ചെയർപേഴ്സൺ സുഹ്‌റ അബ്‌ദുൽഖാദർ നിർവഹിച്ചു. 14 ആംവാർഡ് കൗൺസിലർ ഫാസില അബ്സാർ അദ്ധ്യക്ഷത വഹിച്ചു. 13 ആംവാർഡ് കൗൺസിലർ ഷെഫ്ന ആമീൻ സ്വാഗതം പറഞ്ഞു നഗരവൈസ് ചെയർമാൻ അഡ്വ.മുഹമ്മദ് ഇല്ല്യാസ്, പി. എം അബ്‌ദുൽഖാദർ, നാസർ വെള്ളൂപ്പറമ്പിൽ, അബ്സാർ മുരുക്കോലിൽ, ആമീൻ പിട്ടയിൽ, സിറാജ് കണ്ടത്തിൽ എന്നിവർ സംസാരിച്ചു
ഈരാറ്റുപേട്ട: സാമ്പത്തിക പ്രയാസം നേരിടുന്ന സാധാരണക്കാർക്ക് തുല്യതയില്ലാത്ത സേവനമാണ് സംഗംമം സൊസൈറ്റി നിർവഹിക്കുന്നതെന്ന് മാണി സി കാപ്പൻ എം എൽ എ പറഞ്ഞു.സംഗമം മൾട്ടി സ്റ്റേറ്റ് കോ ഓപ്പറേറ്റീവ് ക്രെഡിറ്റ് സൊസൈറ്റി, യുടെ 2023 വർഷത്തെ ഓഹരി നിക്ഷേപ സമാഹരണ ക്യാമ്പയിനിന്റെ (ഗോൾ 2023 ) ബ്രാഞ്ച് തല ഉദ്ഘാടനം നിർവഹിച്ച് കൊണ്ട് സംസാരിക്കുക യായിരുന്നു അദ്ദേഹം. ബ്രാഞ്ച് കൺവീനർ എ.എം.എ ഖാദർ അദ്യക്ഷതവഹിച്ചു .യോഗത്തിൽ 2021 - 2022 വർഷത്തെ ഷെയർ ലാഭവിഹിത വിതരണ ഉദ്ഘാടനം അരുവിത്തുറ സെൻ്റ് ജോർജ് ഫൊറോന പള്ളി വികാരി റവ. ഫാദർ അഗസ്റ്റിൻ പാലക്കപ്പറമ്പിൽ നിർവഹിച്ചു.യോഗത്തിൽ പി.എ അബ്ദുൽഹകീം,റഊഫ്മേത്തർ,കെ.എച്ച് അജീബ്,റ്റി.റ്റിമാത്യൂ,ഷരീഫ് കണ്ടത്തിൽ,വിനോദ് ബി നായർ ,എ.എം എ സമദ് , ഫെനിൽ സി.എ എന്നിവർസംസാരിച്ചു.
ഈരാറ്റുപേട്ട: ഈരാറ്റുപേട്ട നഗരസഭയുടെയും കേരള വ്യാപാരി വ്യവസായി ഏകോപന സമിതി ഈരാറ്റുപേട്ട യൂണിറ്റിന്റെ നേതൃത്വത്തിൽ സംഘടിപ്പിക്കുന്ന നഗരോത്സവ വേദിയിലേക്കുള്ള കോമ്പോ എൻട്രി പാസ് വിൽപ്പന ഈരാറ്റുപേട്ട നഗരസഭയിൽ ആരംഭിച്ചു. ഈരാറ്റുപേട്ട നഗരസഭ ആരോഗ്യകാര്യ സ്റ്റാൻഡിങ് കമ്മിറ്റി ചെയർപേഴ്സൺ സഹല ഫിർദൗസ് പാസ് കൈമാറി ഉദ്ഘാടനം നിർവഹിച്ചു. നഗരസഭാ പ്രതിപക്ഷ നേതാവ് അനസ് പാറയിൽ അധ്യക്ഷത വഹിച്ചു. ഹരിത കേരളം മിഷൻ റിസോഴ്സ് പേഴ്സൺ അൻഷാദ് ഇസ്മായിൽ പങ്കെടുത്തു. 10 പ്രവേശനങ്ങൾ അനുവദിക്കുന്ന 200രൂപ മുഖവില വരുന്ന പാസ് 150 രൂപയ്ക്കാണ് വിൽക്കുന്നത്. ഹരിത കർമ്മ സേന മുഖാന്തിരം ആവശ്യക്കാർക്ക് പാസ് ലഭിക്കുന്നതാണ്.
ഈരാറ്റുപേട്ട : കെഎസ്ആർടിസി ഡിപ്പോയിൽ നിന്നും ഗ്രാമപ്രദേശങ്ങളിലേക്ക് ഓടിക്കൊണ്ടിരുന്ന ഒറ്റ വണ്ടികളും സ്റ്റേബസ്സുകളും ദീർഘദൂര ബസ്സുകളും 70 ശതമാനവും വെട്ടിക്കുറച്ച് സാധാരണ യാത്രക്കാരായ ജനങ്ങളെ ദ്രോഹിക്കുന്ന കോർപ്പറേഷൻ അധികാരികളുടെ ജനദ്രോഹ നടപടികൾ തിരുത്തണമെന്ന് ആവശ്യപ്പെട്ടുകൊണ്ട് സിപിഐയുടെ നേതൃത്വത്തിൽ നടത്തിയ മാർച്ച് ജില്ലാ എക്സിക്യൂട്ടീവ് അംഗം സഖാവ് ബാബു കെ ജോർജ്ജ് ഉദ്ഘാടനം ചെയ്തു. ലാഭകരമായി പ്രവർത്തിച്ചുവന്നിരുന്ന ഡിപ്പോയിലെ ഷെഡ്യൂളുകൾ വെട്ടിക്കുറച്ചും മരവിപ്പിച്ചും ഈരാറ്റുപേട്ട ഡിപ്പോ ഇപ്പോൾ ശവപ്പറമ്പിന് തുല്യമാക്കിയിരിക്കുന്നു എന്ന് നേതാക്കൾ വിമർശിച്ചു. ഉള്ള വണ്ടികൾ തന്നെ നന്നാക്കി ഓടിക്കാതെ ഗ്യാരേജിൽ വെറുതെ ഇട്ട് നശിപ്പിക്കുകയാണ് കർണാടക,തമിഴ്നാട് മലബാർ പ്രദേശങ്ങൾ തെക്കൻ കേരളം എന്നിവിടങ്ങളിലേക്കും ഈരാറ്റുപേട്ടയിൽ നിന്നും സൂപ്പർഫാസ്റ്റും, ഫാസ്റ്റും സൂപ്പർ എക്സ്പ്രസ് ഓർഡിനറി അടക്കം നിരന്തരം ഓടി സജീവമായിരുന്ന ഡിപ്പോയാണ് അധികാരികളുടെ അശാസ്ത്രീയമായ നീക്കങ്ങളിലൂടെ ഇത്തരത്തിൽ തകർത്തു കളഞ്ഞിരിക്കുന്നത് പൊതുഗതാഗത മേഖലയായ കെ എസ് ആർ ടി സിയെ ആരോഗ്യമേഖല പോലെ തന്നെ സേവനമേഖലയായി കണ്ട് സർക്കാർ ഗൗരവപൂർവ്വം ഇടപെട്ട് കെഎസ്ആർടിസിയെ സംരക്ഷിച്ച് നിലനിർത്തണമെന്നും ഈരാറ്റുപേട്ട ഡിപ്പോയെ മുൻകാലത്തെ പോലെ ലാഭകരമായ തരത്തിൽ സജീവമാക്കി പ്രവർത്തിപ്പിക്കാൻ അധികാരികളും എം.ഡിയും അടിയന്തരമായി ഇടപെടണമെന്നും നേതാക്കൾ ധർണ്ണയിൽ ആവശ്യപ്പെട്ടു. പാർട്ടി മണ്ഡലം സെക്രട്ടറി ഈ. കെ മുജീബ് അധ്യക്ഷത വഹിച്ചു, ജില്ലാ കമ്മിറ്റി അംഗം എംജി ശേഖരൻ മണ്ഡലം അസിസ്റ്റന്റ് സെക്രട്ടറി അഡ്വക്കറ്റ് പി എസ് സുനിൽ, എഐടിയുസി മണ്ഡലം സെക്രട്ടറി പി എസ് ബാബു, കെ എസ് രാജു തുടങ്ങിയവർ പ്രസംഗിച്ചു. ഈരാറ്റുപേട്ട ലോക്കൽ സെക്രട്ടറി കെ ഐ നൗഷാദ് ധർണ്ണയ്ക്ക് നന്ദി പറഞ്ഞു. കെ എസ് നൗഷാദ്, കെ എം പ്രശാന്ത്, ജോസ് മാത്യു, ഓമന മണികണ്ഠൻ നായർ, നൗഫൽ ഖാൻ,ആർ രതീഷ്, വിനോദ് പുതനപ്രക്കുന്നേൽ, കെ ആർ വിജയൻ, കെ ആർ രാജേഷ്, മുഹമ്മദ് ഹാഷിം തുടങ്ങിയവർ മാർച്ചിനും ധർണ്ണക്കും നേതൃത്വം നൽകി
ഈരാറ്റുപേട്ട: ചിരിയും ചിന്തയും കൂട്ടിയിണക്കുന്ന സവിശേഷ പരിപാടിയായ മൺഡേ മ്യൂസിംഗ്സ് ഈരാറ്റുപേട്ട എംഇഎസ് കോളജിൽ എല്ലാ തിങ്കളാഴ്ച്ചയും നടത്തിവരുന്നു. വൈകുന്നേരങ്ങളിൽ ക്ലാസ് സമയം കഴിഞ്ഞ് തെരഞ്ഞെടുത്ത വിദ്യാർഥികൾക്ക് വേണ്ടി നടത്തുന്ന ഈപരിപാടിയിൽ, വിവിധ സാമൂഹിക വിഷയങ്ങളിലുള്ള ചർച്ചകൾ, സംഗീതം, അനുഭവവിവരണങ്ങൾ, വിവിധതരം ഗെയ്‌മുകൾ തുടങ്ങിയവ സമ്മിശ്രമായി ഉൾപ്പെടുത്തിയിരിക്കുന്നു വിദ്യാർത്ഥികളുടെ കലാപരമായ കഴിവുകളുടെയും ചിന്താശേഷിയുടെയും പരിപോഷണം ലക്ഷ്യം വെക്കുന്ന താണ് മൺഡേ മ്യൂസിംഗ്സ് എന്ന സവിശേഷ പരിപടി. പ്രിൻസിപ്പൽ പ്രഫ . എ എം റഷീദ് നേതൃത്വം നൽകുന്നു.
