തെക്കേക്കര വലിയവീട്ടിൽ (തോട്ടുങ്കൽ) ഖാൻകുട്ടി (74) നിര്യാതനായി. വ്യവസായിയും ഗോൾഡൻ കേബിൾ നെറ്റ്വർക്ക് മാനേജിംഗ് പാർട്ട്ണറുമായ സിറാജ് ഖാൻ്റ പിതാവാണ്. ഭാര്യ റഹിയാനത്ത് . സുധീർഖാൻ, നവാസ്ഖാൻ,അൻസിൽഖാൻ, തസ്നി എന്നിവരാണ് മക്കൾ. ജാമാതാവ് മൻസൂർ പാറനാനി . കബറടക്കം വൈകുന്നേരം മഗ്രിബ് നമസ്കാരത്തിനു ശേഷം തെക്കേക്കര മുഹ്യിദ്ദീൻ പള്ളി ഖബർസ്ഥാനിൽ
ഈരാറ്റുപേട്ട തിടനാട് റോഡിൽ എട്ടാം മൈലിന് സമീപം വളവിൽ ചരക്ക് ലോറി മറിഞ്ഞു. വേഗത്തിൽ എത്തിയ ലോറി വളവ് തിരിയുന്നതിനിടെ ഒരു വശത്തേക്ക് മറിയുകയായിരുന്നു. ലോറി ഇടിച്ചു ഇലക്ട്രിക് പോസ്റ്റും തകർന്നു. അപകടത്തെത്തുടർന്ന് ലോറിയുടെ ഓയിൽ റോഡിൽ പൊട്ടിയൊഴുകി. തമിഴ്നാട്ടിൽ നിന്നും കോഴിത്തീറ്റയുമായി കാഞ്ഞിരപ്പള്ളി ഭാഗത്തേക്ക് പോകുകയായിരുന്നു ലോറി . ഉതുമൽപേട്ടിൽ നിന്നുമാണ് വാഹനം എത്തിയത്. വേഗത കൂടിയതാണ് അപകടത്തിന് കാരണമായത്. ഡ്രൈവർ മുഹമ്മദ് ജഗരിയയ്ക്കും ഒപ്പം ഉണ്ടായിരുന്ന ആൾക്കും നിസ്സാര പരിക്കേറ്റു. റോഡ് സൈഡിൽ തിട്ടയോട് ചേർന്ന് വാഹനം മറിഞ്ഞതിനാൽ ഗതാഗക്കുരുക്ക് ഉണ്ടായില്ല. ഈരാറ്റുപേട്ട ഫയർഫോഴ്സസ് സ്ഥലത്തെത്തി റോഡിൽ പരന്നൊഴുകിയ ഓയിൽ കഴുകി നീക്കം ചെയ്തു. തിടനാട് പോലീസും സ്ഥലത്തെത്തി.
കോട്ടയം : ‘വിശ്വാസ വിശുദ്ധി സംതൃപ്ത കുടുംബം’ എന്ന സന്ദേശമുയർത്തി വിസ്ഡം ഇസ്ലാമിക് ഓർഗനൈസേഷൻ സംഘടിപ്പിക്കുന്ന ഫാമിലി കോൺഫറൻസ് 2025 ജനുവരി 26 ന് ഈരാറ്റുപേട്ടയിൽ സംഘടിപ്പിക്കും. വർദ്ധിച്ചുവരുന്ന ആത്മീയ ചൂഷണങ്ങൾ, കൊലപാതകങ്ങൾ, കുറ്റകൃത്യങ്ങൾ, ലഹരി, സ്ത്രീ പീഡനം, സാമ്പത്തിക തട്ടിപ്പുകൾ, ആത്മഹത്യ തുടങ്ങി സമകാലികമായി കുടുംബങ്ങൾ അനുഭവിക്കുന്ന വെല്ലുവിളികളും പരിഹാര മാർഗങ്ങളും കോൺഫറൻസിൽ ചർച്ച ചെയ്യും. കോൺഫറൻസിന് മുന്നോടിയായി അയൽക്കൂട്ടങ്ങൾ, തസ്ഫിയ, സന്ദേശ പ്രയാണയാത്ര, ടേബിൾടോക്ക് തുടങ്ങി വിപുലമായ പ്രചാരണ പ്രവർത്തനങ്ങൾ സംഘടിപ്പിക്കും. സംഘാടകസമിതി രൂപീകരണയോഗം വിസ്ഡം ഇസ്ലാമിക് ഓർഗനൈസേഷൻ ജില്ലാ ജോയിന്റ് സെക്രട്ടറി അബ്ദുൽജലീൽ ഉദ്ഘാടനം ചെയ്തു. ജില്ലാ പ്രസിഡന്റ് നൗഷാദ് കെ.എം അധ്യക്ഷത വഹിച്ചു. ജില്ലാ സെക്രട്ടറി ഷെമീൽ എൻ.എ റിപ്പോർട്ട് അവതരിപ്പിച്ചു. സാബിർ പി.എ, നിയാസ് മുഹമ്മദ് എന്നിവർ സംസാരിച്ചു. സംഘാടകസമിതി ഭാരവാഹികളായി സക്കീർ ഹുസൈൻ മൗലവി (ചെയർമാൻ), അബ്ദുൽ ഷുക്കൂർ, നൗഷാദ് കെ.എം, അബ്ദുൽ സലാം സ്വലാഹി, റഹീം ഈരാറ്റുപേട്ട, ബഷീർ വാഴമുട്ടം (വൈസ് ചെയർമാന്മാർ), സാബിർ പി.എ (ജനറൽ കൺവീനർ), സഈദ് അൽഹികമി, ആസിഫ് അൽഹികമി, ഫയാസ്, അർസൽ, തൗസീഫ് (ജോയിന്റ് കൺവീനർമാർ), സബ്കമ്മിറ്റികൾ: പ്രോഗ്രാം -ഫിറോസ് സ്വലാഹി (ചെയർമാൻ), അജ്മൽ അൽഹികമി (കൺവീനർ). ഫിനാൻസ് -ഷെമീൽ എൻ.എ (ചെയർമാൻ), മുഹമ്മദ് യൂസുഫ് (കൺവീനർ). പബ്ലിസിറ്റി- അഫ്സൽ കാഞ്ഞിരപ്പള്ളി(ചെയർമാൻ), ഹാഷിം ഈരാറ്റുപേട്ട(കൺവീനർ). രജിസ്ട്രേഷൻ - സിറാജ് മുണ്ടക്കയം(ചെയർമാൻ), അബൂബക്കർ(കൺവീനർ). വെന്യൂ -നവാസ് പി.എ (ചെയർമാൻ), റമീസ് ആർ.എച്ച്.എം (കൺവീനർ). ഐടി- ബിലാൽ സൈനുദ്ധീൻ (ചെയർമാൻ), റാഷിദ് പി.എ (കൺവീനർ). വളന്റിയർ- അബ്ദുൽ ജലീൽ (ചെയർമാൻ), ജാസർ (കൺവീനർ). റൂട്ട്സ് - ഫൈസൽ കങ്ങഴ (ചെയർമാൻ), അബ്ദുൽ റഹ്മാൻ (കൺവീനർ). ഫുഡ് - അബ്ദുൽ സലാം (ചെയർമാൻ),അഫ്സൽ പി.എസ്.എം (കൺവീനർ). അനുബന്ധ പരിപാടികൾ - അനീർഷാ കുമ്മനം (ചെയർമാൻ), സഹദ് ഇബ്രാഹിം(കൺവീനർ) എന്നിവരെ തെരഞ്ഞെടുത്തു.
ഈരാറ്റുപേട്ട : തീക്കോയി ഗ്രാമപഞ്ചായത്ത് ഒന്നാം വാർഡിലെ തീക്കോയി പള്ളിവാതിൽ-പാറമട - കൊല്ലംമ്പാറ റോഡ് വർഷങ്ങളായി ടാറിങ്ങോ കോൺക്രീറ്റിങ്ങോ ഇല്ലാതെ വാഹന യാത്ര സാധ്യമാകാത്ത വിധം ദുരിത സാഹചര്യത്തിലായിരുന്നു. വലിയ കയറ്റിറക്കവും,വളവുകളും ഉള്ള ഈ ഈ റോഡിൽ ഒരു തരത്തിലും വാഹനഗതാഗതം സാധ്യമായിരുന്നില്ല. പ്രദേശവാസികൾ പൂർണ്ണമായും കാൽനടയായാണ് ശ്രായം റോഡിൽ എത്തി വാഹനങ്ങളിൽ കയറിയിരുന്നത്. വിദ്യാർത്ഥികളും, പ്രായമായവരും , രോഗികളും ഉൾപ്പെടെയുള്ളവർ ഇതുമൂലം ഏറെ ദുരിതമനുഭവിച്ചിരുന്നു. വൃദ്ധരോഗികളെയും മറ്റും എടുത്തുകൊണ്ടാണ് ആശുപത്രിയിലും മറ്റും കൊണ്ടു പോയിക്കൊണ്ടിരുന്നത്. പ്രദേശവാസികൾ ഈ ദുരിത യാത്രയുടെ സാഹചര്യം അഡ്വ. സെബാസ്റ്റ്യൻ കുളത്തുങ്കൽ എംഎൽഎ യെ ധരിപ്പിക്കുകയും നിവേദനം നൽകുകയും ചെയ്തതിനെ തുടർന്ന് എംഎൽഎ ആസ്തി വികസന ഫണ്ടിൽ നിന്നും 10 ലക്ഷം രൂപ അനുവദിച്ച് റോഡ് കോൺക്രീറ്റ് ചെയ്യുകയായിരുന്നു. ഇതോടെ ദീർഘനാളായി പ്രദേശവാസികൾ അനുഭവിച്ചിരുന്ന യാത്രാദുരിതത്തിന് പരിഹാരമായി. റോഡിന്റെ ഔപചാരിക ഉദ്ഘാടനകർമ്മം അഡ്വ. സെബാസ്റ്റ്യൻ കുളത്തുങ്കൽ എംഎൽഎ നിർവഹിച്ചു. വാർഡ് മെമ്പർ സിറിൽ റോയിയുടെ അധ്യക്ഷതയിൽ ചേർന്ന യോഗത്തിൽ സാജു പുല്ലാട്ട്, ജോഷി കൊല്ലംപാറ , ജോൺസൺ പുതനപ്രകുന്നേൽ, ജോളി സെബാസ്റ്റ്യൻ അഴകത്തേൽ, ബാബു വർക്കി മേക്കാട്ട്, ജോസുകുട്ടി കല്ലൂർ,സി.വി ജോസഫ് ചങ്ങഴശ്ശേരിൽ, ടി. കെ ബാലകൃഷ്ണൻ തെക്കേടത്ത്, ഡേവിസ് പാമ്പ്ലാനി, ജൂവൽ സെബാസ്റ്റ്യൻ, നോബി കാടൻകാവിൽ, ടോം രാജൻ തുടങ്ങിയവർ പ്രസംഗിച്ചു.
ഈരാറ്റുപേട്ട: ആനക്കാരൻ സഹദ് നിര്യാതനായി. കുഴിവേലിലാണ് താമസം. ദീർഘനാളായി അസുഖം ബാധിച്ച് ചികിത്സയിലായിരുന്നു. ഖബറടക്കം നാളെ രാവിലെ 10 മണിക്ക് ഈരാറ്റുപേട്ട പുത്തൻപള്ളിയിൽ
തിരുവനന്തപുരം: പുതിയ വൈദ്യുതി കണക്ഷൻ ഉൾപ്പെടെയുള്ള അപേക്ഷകൾ ഡിസംബർ 1 മുതൽ ഓണ്ലൈനിൽ മാത്രം. വൈദ്യുതി കണക്ഷൻ ഉൾപ്പെടെയുള്ള സേവനങ്ങൾ ലഭ്യമാകുന്നതിൽ ചിലപ്പോഴെങ്കിലും കാലതാമസമുണ്ടാകുന്നു എന്ന ഉപഭോക്താക്കളുടെ പരാതി പരിഗണിച്ച് അപേക്ഷകൾ പൂർണ്ണമായും ഓൺലൈനാക്കാൻ തീരുമാനിച്ചതെന്ന് കെഎസ്ഇബി അറിയിച്ചു. പുതിയ കണക്ഷനും മറ്റ് സേവനങ്ങൾക്കുമുള്ള ആപ്ലിക്കേഷനുകൾ ഡിസംബർ 1 മുതൽ ഓൺലൈനായി മാത്രമായിരിക്കും സ്വീകരിക്കുകയെന്നാണ് അറിയിപ്പ്. സെക്ഷൻ ഓഫീസിൽ നേരിട്ടുള്ള പേപ്പർ അപേക്ഷകൾ പൂർണ്ണമായും ഒഴിവാക്കും. ആദ്യം അപേക്ഷിക്കുന്നവർക്ക് ആദ്യം സേവനം എന്ന നിലയിൽ മാത്രം അപേക്ഷകൾ പരിഗണിക്കുന്നു എന്ന് ഉറപ്പാക്കുമെന്നും കെഎസ്ഇബി അറിയിച്ചു.അപേക്ഷാ ഫോം കെഎസ്ഇബിയുടെ ഉപഭോക്തൃ സേവന വെബ് സൈറ്റായ WSS.KSEB.IN ൽ മലയാളത്തിലും ഇംഗ്ലീഷിലും ലഭ്യമാക്കും. അപേക്ഷാ ഫീസടച്ച് രണ്ട് പ്രവൃത്തി ദിവസത്തിനുള്ളിൽ എസ്റ്റിമേറ്റെടുക്കും. എസ്റ്റിമേറ്റിന് അനുസരിച്ചുള്ള പണമടച്ചാൽ ഉടൻ സീനിയോറിറ്റി നമ്പരും സേവനം ലഭ്യമാകുന്ന ഏകദേശ സമയവും എസ് എം എസ്/വാട്സാപ് സന്ദേശമായി ലഭിക്കും. അപേക്ഷയുടെ പുരോഗതി ഓൺലൈനായി ട്രാക്ക് ചെയ്യാനും കഴിയുമെന്ന് കെഎസ്ഇബി വിശദീകരിച്ചു.
ഈരാറ്റുപേട്ടയിൽ സിജി നടപ്പാക്കുന്ന ഗ്രാമദീപം യൂണിറ്റുകളുടെ ആദ്യ സംഗമം ഗ്രാമിക2k24 അൽമനാർ സ്കൂൾ ഓഡിറ്റോറിയത്തിൽ നടന്നു.നവംബർ 24 ന് 2 മണിക്ക് നടന്ന സംഗമം രക്ഷിതാക്കളുടെയും കുട്ടികളുടെയും പങ്കാളിത്തം കൊണ്ട് ശ്രദ്ധേയമായി.13 യൂണിറ്റുകളിൽ നിന്നും 92 കുട്ടികളും 53 രക്ഷിതാക്കളും പങ്കെടുത്തു . CWC ഈരാറ്റുപേട്ട യൂണിറ്റ് പ്രസിഡന്റ് നസീറ എൻ ന്റെ അദ്ധ്യക്ഷതയിൽ ചേർന്ന സമ്മേളനത്തിൽ സെക്രട്ടറി റസീന ജാഫർ സ്വാഗതം ആശംസിച്ചു. തുടർന്ന് നടന്ന അദ്ധ്യക്ഷ പ്രസംഗത്തിൽ power of thoughts എന്ന കഥയിലൂടെ വിലയേറിയ സന്ദേശം അദ്ധ്യക്ഷ കുട്ടികൾക്ക് പകർന്നു. CWC ഈരാറ്റുപേട്ട യൂണിറ്റ് എക്സിക്യൂട്ടീവ് അംഗവും ഗ്രാമദീപം കോർഡിനേറ്ററുമായ തസ്നീം കെ മുഹമ്മദ് ഗ്രാമദീപം പ്രവർത്തനങ്ങളുടെ അവലോകനം നടത്തി. ഗ്രാമദീപം എന്ത്, എന്തിന്, എങ്ങനെ എന്ന് രക്ഷിതാക്കൾക്കും കുട്ടികൾക്കും വേണ്ടിയുള്ള കൃത്യമായ അവതരണമായി ഈ അവലോകനം. തുടർന്ന് ഈരാറ്റുപേട്ട മുനിസിപ്പാലിറ്റി ചെയർപേഴ്സൺ ശ്രീമതി സുഹ്റ അബ്ദുൽഖാദർ സമ്മേളനം ഉദ്ഘാടനം നടത്തി. സിജിയുടെ മുൻകാലപ്രവർത്തനങ്ങളെ കുറിച്ചും ഗ്രാമദീപം പ്രവർത്തനങ്ങളിൽ അതിയായ സന്തോഷം അറിയിച്ചും ഗ്രാമദർശകുമാരെ അഭിനന്ദിച്ചും സംസാരിച്ചു. സെപ്റ്റംബറിൽ ആരംഭിച്ച ഗ്രാമദീപം യൂണിറ്റുകളിൽ പലസമയങ്ങളിൽ നടത്തിയ മത്സരങ്ങളിൽ വിജയികളായാവർക്ക് സമ്മാനങ്ങൾ വിതരണം ചെയ്തു. ഈരാറ്റുപേട്ട മുനിസിപ്പാലിറ്റി വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ ശ്രീമതി സുഹാന ജിയാസ് സമ്മാനദാനം നിർവഹിക്കുകയും ആശംസകൾ അറിയിക്കുകയും ചെയ്തു. CWC കോട്ടയം ജില്ല സെക്രട്ടറി നഷീന ഇസ്മായിൽ ആശംസകൾ അർപ്പിച്ചു.സിജി ക്ലസ്റ്റർ 3 ചെയർമാൻ പ്രൊഫ. എ. എം റഷീദ്, സിജി ഗ്രാമദീപം ജില്ല കോർഡിനേറ്റർ പി പി എം നൗഷാദ്, സിജി കോട്ടയം ജില്ല പ്രസിഡണ്ട് എം എഫ് അബ്ദുൽഖാദർ തുടങ്ങിയവർ സാന്നിധ്യമായി.CWC ഈരാറ്റുപേട്ട യൂണിറ്റ് ജോയിന്റ് സെക്രട്ടറി തസ്ലീമ റാഫിയുടെ നന്ദി പ്രകാശനത്തോടെ പൊതുയോഗം അവസാനിച്ചു തുടർന്ന് സമ്മേളനത്തിന്റെ ലക്ഷ്യമായ രക്ഷിതാക്കൾക്കും കുട്ടികൾക്കും വേണ്ടിയുള്ള ട്രെയ്നിങ് പ്രോഗ്രാമുകളിലേക്ക് കടന്നു.പ്രശസ്ത സൈക്കോളജിസ്റ്റും സിജി HR ട്രെയ്നറുമായ അബിൻ സി ഉബൈദ് രക്ഷിതാക്കൾക്ക് വേണ്ടി effective parenting എന്ന വിഷയത്തിൽ ക്ലാസ്സ് നയിച്ചു. 3,4,5,6 ക്ലാസ്സിലെ കുട്ടികൾക്ക് CWC എക്സിക്യൂട്ടീവ് അംഗവും അധ്യാപികയും ട്രൈനറുമായ ഹസീന ബുർഹാൻ, 7,8,9 ക്ലാസ്സിലെ കുട്ടികൾക്ക് സിജി HR ജില്ല കോർഡിനേറ്ററും മോട്ടിവേഷൻ സ്പീക്കറും ആയ അമീൻ മുഹമ്മദ് തുടങ്ങിയവർ ക്ലാസ്സുകൾ നയിച്ചു.
പൊൻകുന്നം: ചെപ്പൂമ്പാറയിൽ ഇന്നലെ രാത്രിയിലാണ് സംഭവം. പത്തു പേരടങ്ങുന്ന സംഘം കൊച്ചു കുട്ടിയേയും സ്ത്രീകളെയുമടക്കം ഉപദ്രവിക്കുകയും. പരിക്കേൽപ്പിക്കുകയും ചെയ്തു. കാർ നിർത്തിയപ്പോൾ വാഹനത്തിൽ വന്നു തട്ടി എന്ന് ആരോപിച്ചായിരുന്നു മദ്യപിച്ചിരുന്ന സംഘം സ്ത്രീയെയും കുട്ടിയെയും ഉപദ്രവിച്ചത്. ഹൈവേ പോലീസ് പൊൻകുന്നം പോലീസ് സ്റ്റേഷനിൽ എത്തിക്കുകയും പരിക്കുപറ്റിയവരെ കാഞ്ഞിരപ്പള്ളി താലൂക്ക് ആശുപത്രിയിലേക്ക് മാറ്റുകയും ചെയ്തു. സംഭവത്തിന് ആസ്പദമായ മുഴുവൻ പേർക്കെതിരെയും. കേസെടുത്ത് അന്വേഷണം ആരംഭിക്കുമെന്ന്. പൊൻകുന്നം പോലീസ് അറിയിച്ചു.
