കോട്ടയം : വിശുദ്ധ ഖുർആനിൻന്റെ ആശയ പ്രപഞ്ചത്തെ പരിചയപ്പെടുത്തുക എന്ന ലക്ഷ്യത്തിൽ എസ് വൈ എസ് സംസ്ഥാന കമ്മിറ്റി സംഘടിപ്പിക്കുന്ന ഖുർആൻ സമ്മേളനം സെപ്തംബർ 19 ന് കോട്ടയത്ത് മാമ്മൻ മാപ്പിള ഹാളിൽ നടക്കും. ഖുർആൻ അടിസ്ഥാനമാക്കിയുള്ള ചർച്ച , പ്രബന്ധാവതരണം , പ്രഭാഷണം എന്നിവയാണ് പരിപാടിയുടെ ഭാഗമായി ഉണ്ടാകുക. രാവിലെ ഒൻപതു മുതൽ വൈകീട്ട് 6 വരെ നടക്കുന്ന ഖുർആൻ സമ്മേളനത്തിന് പ്രമുഖ പണ്ഡിതൻമാർ നേതൃത്വം നൽകും.
രാവിലെ 9 മണിക്ക് കേരള മുസ് ലിം ജമാഅത്ത് ജില്ല പ്രസിഡണ്ട് റഫീഖ് അഹ്മദ് സഖാഫി പതാക ഉയർത്തുന്നതോടെ പരിപാടികൾ ആരംഭിക്കും. ഉച്ചക്ക് 1.30 വരെ നടക്കുന്ന പഠനം സെഷനിൽ വിവിധ വിഷയങ്ങളിൽ ശാഫി സഖാഫി മുണ്ടമ്പ്ര , ഡോ. മുഹമ്മദ് ഫാറൂഖ് നഈമി , ഡോ. ഉമറുൽ ഫാറൂഖ് സഖാഫി , ഡോ. ഫൈസൽ അഹ്സനി രണ്ടത്താണി , ഇബ്റാഹിം സഖാഫി പുഴക്കാട്ടിരി , അബ്ദുല്ല ബുഖാരി പഠനങ്ങൾ അവതരിപ്പിക്കും. ഉച്ചക്ക് ശേഷം നടക്കുന്ന സമാപന സമ്മേളനത്തിൽ എസ് വൈ എസ് സംസ്ഥാന പ്രസിഡണ്ട് സയ്യിദ് ത്വാഹ സഖാഫി അധ്യക്ഷത വഹിക്കും. ഇന്ത്യൻ ഗ്രാൻ്റ് മുഫ്തി കാന്തപുരം എ.പി അബൂബക്കർ മുസ് ലിയാർ മുഖ്യപ്രഭാഷണം നിർവ്വഹിക്കും . ഹജ്ജ് കമ്മിറ്റി ചെയർമാൻ സി. മുഹമ്മദ് ഫൈസി ,എസ് വൈ എസ് സംസ്ഥാന ജനറൽ സെക്രട്ടറി ഡോ. എ.പി അബ്ദുൽ ഹകീം അസ്ഹരി , റഹ് മത്തുല്ലാഹ് സഖാഫി എളമരം പ്രഭാഷണം നടത്തും.
കേരള സഹകരണ വകുപ്പ് മന്ത്രി വി.എൻ വാസവൻ , എം.പി ഫ്രാൻസിസ് ജോർജ് , എം എൽ എ തിരുവഞ്ചൂർ രാധാകൃഷ്ണൻ മുഖ്യാഥികളായി പങ്കെടുക്കും. എ. ത്വാഹ മുസ് ലിയാർ കായംകുളം , എച്ച് ഇസ്സുദ്ദീൻ സഖാഫി കൊല്ലം ,എം അബ്ദുർറഹ്മാൻ സഖാഫി തിരുവനന്തപുരം , ഡോ. മുഹമ്മദ് കുഞ്ഞി സഖാഫി കൊല്ലം , വി.എച്ച് അലിദാരിമി , ടി.കെ അബ്ദുൽ കരീം സഖാഫി ഇടുക്കി , എം.പി അബ്ദുൽ ജബ്ബാർ സഖാഫി , സിദ്ദീഖ് സഖാഫി നേമം , എ. സൈഫുദ്ദീൻ ഹാജി , അശ്റഫ് ഹാജി അലങ്കാർ , സുബൈർ സഖാഫി തലയോലപ്പറമ്പ്, ലബീബ് സഖാഫി മുണ്ടക്കയം സംബന്ധിക്കും. ഉമർ ഓങ്ങല്ലൂർ സ്വാഗതവും , കൺവീനർ എംഎ ഷാജി നന്ദിയും പറയും.എഴുപതു വർഷം പൂർത്തിയാക്കുന്ന എസ് വൈ എസ് 2024 പ്ലാറ്റിനം ഇയറായി ആഘോഷിക്കുകയാണ്." ഉത്തരവാദിത്തം ; മനുഷ്യപ്പറ്റിൻ്റെ രാഷ്ട്രീയം " എന്ന പ്രമേയത്തിൽ പ്ലാറ്റിനം ഇയറിനോടനുബന്ധിച്ച് വിവിധ പരിപാടികൾ സംഘടിപ്പിക്കുന്നുണ്ട് അതിൻ്റെ ഭാഗമായാണ് ഖുർആൻ സമ്മേളനം നടക്കുന്നത്.
