ഈരാറ്റുപേട്ട: പാൽ വിതരണ വാഹനം മറിഞ്ഞ് ഡ്രൈവറും സെയിൽസ്മാനും അത്ഭുതകരമായി രക്ഷപ്പെട്ടു. ഇന്ന് പുലർച്ചെ തിടനാട് - വെയിൽകാണാംപാറ കൊടും വളവിലാണ് അപകടം. കൊല്ലത്തുനിന്നും വിതരണം ചെയ്യുന്ന എ വൺ പാൽവാഹനമാണ് 5 മണിയോടെ മറിഞ്ഞത്. ഡ്രൈവർ കൊല്ലo മൈനാഗപ്പള്ളി സ്വദേശി സനൽ, സെയിൽ സ്മാൻ ശാസ്താംകോട്ട സ്വദേശി ശ്രീ രാജ് എന്നിവരാണ് പരിക്കുകളില്ലാതെ രക്ഷപ്പെട്ടത്. വൈദ്യുതിപോസ്റ്റ് ഒടിഞ്ഞതിനാൽ ഈ പ്രദേശത്ത് വൈദ്യുതി വിതരണം മുടങ്ങി.
ഈരാറ്റുപേട്ട. ജനയുഗം തിരുവനന്തപുരം ബ്യൂറോ ചീഫ് രശ്മി പി എസ് (38) അന്തരിച്ചു. തിടനാട് പുതുപ്പറമ്പിൽ പി എൻ സുകുമാരൻ നായരുടെയും ഇന്ദിര ദേവിയുടെയും മകളാണ്. ഓണത്തിന് മാതാ പിതാക്കളുടെ ഒപ്പം ഓണമാഘോഷിക്കാൻ എത്തിയതായിരുന്നു. രാവിലെയോടെ ദേഹസ്വാസ്ഥ്യം ഉണ്ടായതിനെ തുടർന്ന് ഈരാറ്റുപേട്ടിയിലെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. ഭർത്താവ് ദീപക് പ്രസാദ് ടൈംസ് ഓഫ് ഇന്ത്യയിൽ ഫോട്ടോ ഗ്രാഫർ ആണ് സുസ്മി പി എസ് സഹോദരിയും (പൂഞ്ഞാർ ) സനൂപ് സഹോദരി ഭർത്താവ്. ശവസംസ്കാരം തിങ്കളാഴ്ച 3ന് തിടനാടുള്ള വീട്ടുവളപ്പിൽ. ഭൗതീക ശരീരം തിങ്കളാഴ്ച 9 ന് വീട്ടിൽ എത്തിക്കും.
കാഞ്ഞങ്ങാട് റെയിൽവേ ട്രാക്ക് മുറിച്ചുകടക്കുന്നതിനിടെ മൂന്നു പേർ ട്രെയിൻ തട്ടി മരിച്ചു. കോട്ടയം ചിങ്ങവനം സ്വദേശികളായ ആലീസ് തോമസ് (63), ചിന്നമ്മ (68), ഏയ്ഞ്ചൽ (30) എന്നിവരാണു മരിച്ചത്. ഇന്ന് വൈകിട്ട് ഏഴു മണിയോടാണ് സംഭവം. കള്ളാറിൽ വിവാഹച്ചടങ്ങിൽ പങ്കെടുത്തശേഷം കോട്ടയത്തേയ്ക്കു മടങ്ങുന്നതിനായി റെയിൽവേ സ്റ്റേഷനിലേക്ക് വരുന്നതിനിടയിലായിരുന്നു സംഭവം.
ഈരാറ്റുപേട്ട .എംപ്ലോയീസ് ഫോറം ഫോർ എഡ്യുക്കേഷൻ കൾച്ചർ ആൻഡ് ട്രെയിനിംഗ് ( എഫക്ട് ) ആഭിമുഖ്യത്തിൽ മെറിറ്റ് സ്കോളർഷിപ്പ് വിതരണവും , മികച്ച വിജയം നേടിയ വിദ്യാർത്ഥികൾക്ക് വിദ്യാഭ്യാസ അവാർഡും വിതരണം ചെയ്തു . എഫക്ടിൻ്റെയും ഈരാറ്റുപേട്ട നൈനാർ പള്ളിയുടെയും സംയുക്ത ആഭിമുഖ്യത്തിൽ സൗജന്യ ഇൻഫർമേഷൻ സെൻ്ററിനും തുടക്കമായി . ജമാഅത്ത് ഫെഡറേഷൻ സംസ്ഥാന വർക്കിംഗ് പ്രസിഡൻറ് പി.ഇ മുഹമ്മദ് സക്കീർ യോഗം ഉദ്ഘാടനം ചെയ്തു .എഫക്ട് ചെയർമാൻ വി.ടി ഹബീബ് അദ്ധ്യക്ഷനായി .നൈനാർ പള്ളി ചീഫ് ഇമാം അഷറഫ് മൗലവി മുഖ്യ പ്രഭാഷണം നടത്തി . പുത്തൻപള്ളി ഇമാം ബി.എച്ച് അലി മൗലവി ഇൻഫർമേഷൻ സെൻറർ ഉദ്ഘാടനം ചെയ്തു .മുഹ്യിദ്ദീൻ പള്ളി ഇമാം വിപി സുബൈർ മൗലവി ,വ്യാപാരി വ്യവസായി ഏകോപന സമിതി പ്രസിഡൻറ് എ എം എ ഖാദർ ,പുത്തൻപള്ളി പ്രസിഡൻ്റ് മുഹമ്മദ് സാലി ,മുഹ്യിദ്ദിൻ പള്ളി പ്രസിഡൻ്റ് അഫ്സാറുദ്ദീൻ , ,മുഹമ്മദ് ഉനൈസ് മൗലവി ,ഹാഷിർ നദ് വി ,അബ്ദുൽ വഹാബ് , ഡോ. കെ.എ സവാദ് , തൽഹ നദ് വി ,താഹാ കറുകാഞ്ചേരിൽ ,അൻസർ മാങ്കുഴക്കൽ ,സത്താർ മറ്റക്കാട് ,സിറാജ് പടിപ്പുരയ്ക്കൽ ,നദീർ വലിയ വീട്ടിൽ ,എന്നിവർ പ്രസംഗിച്ചു .
ഈരാറ്റുപേട്ട. സിപിഎം ഈരാറ്റുപേട്ട ലോക്കൽ കമ്മിറ്റിയുടെ നേതൃത്വത്തിൽ സഖാവ് സീതാറാം യെച്ചൂരി അനുശോചനയോഗം സംഘടിപ്പിച്ചു. ഏരിയ സെക്രട്ടറി കുര്യാക്കോസ് ജോസഫ് , ലോക്കൽ കമ്മിറ്റി സെക്രട്ടറി പി.ആർ ഫൈസൽ, സിപിഐ ജില്ലാ കമ്മിറ്റി ആംഗം എം ജി ശേഖരൻ, ഐ എൻ എൽ ജില്ലാ സെക്രട്ടറി റഫീഖ് പട്ടര്പറമ്പിൽ, പി ഡിപിജില്ലാ പ്രസിഡൻ്റ് നിഷാദ് നടക്കൽ, എൽഡിഎഫ് കൺവീനർ നൗഫൽ ഖാൻ,കേരളാ കോണ്ഗ്രസ് മണ്ഡലം പ്രസിഡൻ്റ് അഡ്വ ജെയിംസ് വലിയവീട്ടിൽ, കോൺഗ്രസ് മണ്ഡലം പ്രസിഡൻ്റ് അനസ് നാസർ, മുസ്ലിം യൂത്ത് ലീഗ് സംസ്ഥാന വർക്കിംഗ് കമ്മിറ്റീ മെമ്പർ അബ്സർ മുരിക്കോലിൽ, വ്യാപാരി വ്യവസായി ഏകോപനസമിതി യൂണിറ്റ് പ്രസിഡൻ്റ് എ എംഎ ഖാദർ, മുനിസിപ്പല് കൗൺസിലർ അനസ് പാറയിൽ, തുടങ്ങി സമൂഹിക രാഷ്ട്രീയ രംഗത്തെ പ്രമുഖർ പങ്കെടുത്തു
ഏറ്റുമാനൂർ- പൂഞ്ഞാർ ഹൈവേ ചേർന്ന് കടുവാമുഴി ഭാഗത്ത് ഈരാറ്റുപേട്ട മുനിസിപ്പാലിറ്റി 8 ലക്ഷം രൂപ മുടക്കി നിർമ്മാണം ആരംഭിക്കുന്ന ഓപ്പൺ ജിംനേഷ്യം പദ്ധതിയുടെ നിർമ്മാണ ഉദ്ഘാടനം ബഹു: മുനിസിപ്പിൽ ചെയർപേർസൺ സുഹ്റ അബ്ദുൾഖാദർ നിർവ്വഹിക്കുന്നു , കൗൺസിലന്മാരായ നാസർ വെള്ളൂപ്പറമ്പിൽ , റിയാസ് പ്ലാംമൂട്ടിൽ, അനസ് പാറയിൽ,സജീർ ഇസ്മായിൽ,കോൺട്രാക്റ്റർ ഷംന റിയാസ് എന്നിവർ സമീപം
യൂസുഫ് (62)വെളളാപ്പള്ളിൽ(ഡ്രൈവർ)പത്താഴപ്പടി ഖബറടക്കം: പുത്തൻപള്ളി 1 മണി
