E News

Latest News

ഈരാറ്റുപേട്ട പ്രസ് ക്ലബ്ബ് ഉദ്ഘാടനം ശനിയാഴ്ച

enews 30 October,2024

ഈരാറ്റുപേട്ട .പത്ര ദൃശ്യമാധ്യമ പ്രവർത്തകർ ചേർന്ന് ഈരാറ്റുപേട്ടയിൽ രൂപീകരിച്ച പ്രസ് ക്ലബ്ബ് നഗരസഭാ ഓഫീസിനടുത്ത് പുളിക്കീൽ ബിൽഡിംഗിൽ ശനിയാഴ്ച പ്രവർത്തണം ആരംഭിക്കുന്നു. പ്രസ് ക്ലബ്ബിൻ്റെ ഉദ്ഘാടനം ശനിയാഴ്ച ഉച്ചകഴിഞ്ഞ് 3 ന് വ്യാപാരഭവനിൽ നടക്കും. ക്ലബ്ബ് പ്രസിഡൻ്റ് പി.എ.എം. ഷരീഫ് അധ്യക്ഷത വഹിക്കും. വൈസ് പ്രസിഡൻറ് ഹസീബ് വെളിയത്ത് സ്വാഗതം പറയും . മുൻ നഗരസഭ ചെയർമാനും ഇ ന്യൂസ് എഡിറ്ററുമായ വി.എം.സിറാജ് ആമുഖ പ്രഭാഷണം നടത്തും സമ്മേളനം ആന്റോ ആന്റണി എം.പി ഉദ്ഘാടനം ചെയ്യും. പ്രസ് ക്ലബ്ബിൻ്റെ ഉദ്ഘാടനം അഡ്വ.സെബാസ്റ്റ്യൻ കുളത്തിങ്കൽ എം .എൽ .എ നിർവ്വഹിക്കും.നഗരസഭ ചെയർമാൻ സു ഹുറ അബ്ദുൽ ഖാദർ മുഖ്യ പ്രഭാഷണം നടത്തും. ഈരാറ്റുപേട്ട ബ്ലോക്ക് പഞ്ചായത്ത് പ്രസിഡൻ്റ് മറിയാമ്മ ഫെർണാണ്ടസ് ലൈബ്രറി ഉദ്ഘാടനം ചെയ്യും.ലോഗോ പ്രകാശനവും ഐഡൻ്റി കാർഡ് വിതരണോദ്ഘാടനവും നഗരസഭ വൈസ് ചെയർമാൻ അഡ്വ.മുഹമ്മദ് ഇല്യാസ് നിർവ്വഹിക്കും.പ്രവീൻ മോഹൻ (പ്രസിഡന്റ്, കേബിൾ ടി.വി ഓപറേറ്റേഴ്സ് അസോ.) മുഖ്യാതിഥി ആയിരിക്കും. ജില്ലാ പഞ്ചായത്ത് മെമ്പറന്മാരായ അഡ്വ.ഷോൺ ജോർജ്.പി.ആർ.അനുപമ, പഞ്ചായത്ത് പ്രസിഡൻ്റുമാരായജോർജ് മാത്യു ( പൂഞ്ഞാർ തെക്കേക്കര) ഗീതാ നോബിൾ (പൂഞ്ഞാർ) കെ.സി. ജെയിംസ് കവളമ്മാക്കൽ (തീക്കോയി) എൽസമ്മ തോമസ് (തലപ്പലം) ജോസുക്കുട്ടി ജോസ് (മേലുകാവ്) രജനി സുധാകരൻ (തലനാട്) സ്കറിയാച്ചൻ പൊട്ടനാനിയിൽ (തിടനാട്)ചാർളി ഐസക് പൊട്ടമുണ്ടക്കൽ ( മൂന്നിലവ്) ,ദക്ഷിണ കേരള ജം യ്യത്തുൽ ഉലമ സെക്രട്ടറി കെ.എ.മുഹമ്മദ് നദീർ മൗലവി, അരുവിത്തുറ പള്ളി വികാരി റവ ഫാദർ .സെബാസ്റ്റ്യൻ വെട്ടുകല്ലേൽ , നൈനാർ പളളി മഹല്ല് പ്രസിഡൻറ് പി ഇ മുഹമ്മദ് സക്കീർ , അങ്കളാമ്മൻ കോവിൽ പ്രതിനിധി സി.പി.ശശികുമാർ , എസ്.എൻ.ഡി.പി പൂഞ്ഞാർ ശാഖ പ്രസിഡൻ്റ് എംആർ ഉല്ലാസ് എന്നിവരും ജനപ്രതിനിധികളും വിവിധ കക്ഷി നേതാക്കളും പ്രസംഗിക്കുമെന്ന് പ്രസിഡൻ്റ് പി.എ.എം. ഷരീഫും സെക്രട്ടറി പി.കെ. ഡാനീഷും പറഞ്ഞു.

പ്രാദേശികം

വഖഫ് നിയമ ഭേദഗതി ബില്ലിനെതിരെ സംയുക്ത മഹല്ല് ജമാഅത്ത് പ്രതിഷേധ സംഗമം ഈരാറ്റുപേട്ടയിൽ

enews 30 October,2024

ഈരാറ്റുപേട്ട: വഖഫ് നിയമ ഭേദഗതി ബിൽ പിൻവലിക്കണമെന്നാവശ്യപ്പെട്ടുകൊണ്ടും മദ്രസകൾക്കെതിരെയുള്ള കേന്ദ്രസർക്കാർ നീക്കത്തിൽ പ്രതിഷേധിച്ചു കൊണ്ടും നാളെ (വെള്ളി) വൈകിട്ട് 5 ന് ഈരാറ്റുപേട്ട സംയുക്ത മഹല്ല് ജമാഅത്ത് കമ്മിറ്റിയുടെ നേതൃത്വത്തിൽ നൈനാർ മസ്ജിദ് അൽ മദീനാ സമുച്ചയത്തിനു സമീപം പ്രതിഷേധ സംഗമം സംഘടിപ്പിക്കുന്നു.സാമൂഹ്യ സുരക്ഷയും സാധുസംരക്ഷണവും കുടുംബ ഭദ്രതയും ലക്ഷ്യംവച്ചു കൊണ്ട് ദൈവപ്രീതിക്കായി ദാനം ചെയ്യപ്പെട്ട വസ്തുക്കൾ സംരക്ഷിക്കുന്നതിനായി 1913 ൽബ്രീട്ടീഷ് അധിനിവേശകാലത്ത് നിലവിൽവന്നതും, സ്വാതന്ത്ര്യത്തിനു ശേഷം 1954 ൽ ഇന്ത്യൻ പാർലമെൻറ് പാസാക്കിയതുമാണ് വഖഫ് നിയമങ്ങൾ. 1964, 1969, 1984, 1995 വർഷങ്ങളിൽ ഭേദഗതി ചെയ്യപ്പെടുകയും 2006 ൽ നിയമിക്കപ്പെട്ട സംയുക്ത പാർലമെൻററി സമിതിയുടെ ശുപാർശ പ്രകാരം 2013 ൽ സമഗ്രമായി പൂർത്തീകരിക്കപ്പെട്ടതുമായ നിയമമാണ് ഇപ്പോൾ ഇന്ത്യയിൽ പ്രാബല്യത്തിലുള്ളത്. 10 വർഷക്കാലം ഒന്നും രണ്ടും മോദിസർക്കാരുകൾ നിശബ്ദമായി അംഗീകരിച്ചതും യാതൊരു സാമൂഹ്യ വിപത്തുകളുമില്ലാതെ രാജ്യത്തുനിലനിന്നതുമായ വഖഫ് നിയമങ്ങൾ 11 വർഷങ്ങൾ പിന്നിട്ടപ്പോൾ ഭേദഗതിയ്ക്കു വിധേയമാക്കിയതിനു പിന്നിലെ നിക്ഷിപ്ത താൽപര്യങ്ങൾ ഇപ്പോൾ വ്യക്തമായിക്കഴിഞ്ഞു.ദാനംചെയ്യപ്പെട്ട വസ്തുക്കൾ കയ്യേറി, കുറുക്കുവഴികളിലൂടെ ദാതാക്കളുടെ പിൻഗാമികളെ പ്രലോഭിപ്പിച്ചും മറ്റും നിയമവിധേയമാക്കാൻ ശ്രമിച്ചു സ്വന്തമാക്കിയ ആളുകളുടെ സംരക്ഷണത്തിനാണ് ഭേദഗതിനിയമം വന്നിട്ടുള്ളതെന്ന യാഥാർത്ഥ്യം പകൽ പോലെ വ്യക്തമായിക്കഴിഞ്ഞു. ഈ പ്രശ്നത്തെ വർഗ്ഗീയവൽക്കരിച്ച് , സാമുദായിക സ്പർധ വളർത്തി രാഷ്ട്രീയ നേട്ടമുണ്ടാക്കാൻ ശ്രമിക്കുന്ന കപടമതേതരവാദികളുടെ വലയിൽ കുടുങ്ങാതിരിക്കാൻ എല്ലാവരും ശ്രദ്ധിക്കേണ്ടതാണ്.സുബൈർ മൗലവിയുടെ അധ്യക്ഷതയിൽ ചേരുന്ന പ്രതിഷേധസംഗമം ദക്ഷിണ കേരളാ ജംഇയ്യത്തുൽ ഉലമാ സംസ്ഥാന സെക്രട്ടറി മുഹമ്മദ് നദീർ മൗലവി ഉദ്ഘാടനം ചെയ്യും. അഷറഫ് കൗസരി, അലി ബാഖവി എന്നിവർ പ്രസംഗിക്കും.പ്രതിഷേധ സംഗമത്തിൻറെ വിജയത്തിനായി മുഴുവൻ ജനങ്ങളും സഹകരിക്കണമെന്ന് കേരളാ മുസ്ലിം ജമാഅത്ത് ഫെഡറേഷൻ സംസ്ഥാന വർക്കിംഗ് പ്രസിഡൻറ് മുഹമ്മദ് സക്കീർ, മുഹിയദ്ദീൻ മസ്ജിദ് മഹല്ല് പ്രസിഡൻറ് അഫ്സാർ പുള്ളോലിൽ, പുത്തൻപള്ളി ജമാഅത്ത് പ്രസിഡൻറ് മുഹമ്മദ് സാലിഹ് എന്നിവർ അഭ്യർത്ഥിച്ചു.

പ്രാദേശികം

യുവത്വത്തിന്റെ ഉൾത്തുടിപ്പുകളുമായി അരുവിത്തുറ സെൻറ് ജോർജ് കോളേജ് യൂണിയൻ ഉദ്ഘാടനം.

enews 29 October,2024

അരുവിത്തുറ :അരുവിത്തുറ സെൻറ് ജോർജസ് കോളേജിന്റെ 2024 -25 അധ്യായന വർഷത്തെ യൂണിയൻ പ്രവർത്തനങ്ങളുടെ ഉദ്ഘാടനം ക്യാമ്പസിൽ നടന്നു . പ്രശസ്ത യുവ സംഗീതജ്ഞൻ ഹന്നാൻ ഷാ യൂണിയൻ പ്രവർത്തനങ്ങളുടെ ഉദ്ഘാടനം നിർവഹിച്ചു. പ്രിൻസിപ്പൽ പ്രൊഫസർ ഡോ സിബി ജോസഫ് അധ്യക്ഷത വഹിച്ച ചടങ്ങിൽ കോളേജ് ബർസാർ റവ. ഫാ. ബിജു കുന്നയ്ക്കാട്ട്, കോളേജ് വൈസ് പ്രിൻസിപ്പൽ ഡോ. ജിലു ആനി ജോൺ, യൂണിയൻ സ്റ്റാഫ് കോഡിനേറ്റർ ഡോ.ജോബി ജോസഫ്,കോളേജ് യൂണിയൻ ചെയർമാൻ ജിത്തു വിനു, യൂണിയൻ വൈസ് ചെയർപേഴ്സൺ സോനാമോൾ ജോസഫ് തുടങ്ങിയവർ സംസാരിച്ചു. യൂണിയൻ ഉദ്ഘാടനത്തിൻ്റെ ഭാഗമായി പ്രത്യേക സംഗീത പരിപാടിയും സംഘടിപ്പിച്ചിരുന്നു.

പ്രാദേശികം

ഈരാറ്റുപേട്ട നഗരസഭ നടപ്പാക്കിയ ട്രാഫിക് പരിഷ്കാരങ്ങളിൽ ഉള്ള അപാകതകൾ പരിഹരിക്കണമെന്ന് ആവശ്യപ്പെട്ടുകൊണ്ട് എൽഡിഎഫ് ഈരാറ്റുപേട്ട മുനിസിപ്പൽ കമ്മിറ്റിയുടെ നേതൃത്വത്തിൽ നഗരസഭ ചെയർപേഴ്സനെ സന്ദർശിച്ച ആവശ്യങ്ങൾ അടങ്ങിയ നിവേദനം നൽകി

enews 29 October,2024

ഈരാറ്റുപേട്ട നഗരസഭ നടപ്പാക്കിയ ട്രാഫിക് പരിഷ്കാരങ്ങളിൽ ഉള്ള അപാകതകൾ പരിഹരിക്കണമെന്ന് ആവശ്യപ്പെട്ടുകൊണ്ട് എൽഡിഎഫ് ഈരാറ്റുപേട്ട മുനിസിപ്പൽ കമ്മിറ്റിയുടെ നേതൃത്വത്തിൽ നഗരസഭ ചെയർപേഴ്സനെ സന്ദർശിച്ച ആവശ്യങ്ങൾ അടങ്ങിയ നിവേദനം നൽകി .ഈരാറ്റുപേട്ട പുളിക്കൻസ്മാളിനു മുന്നിൽ ബസ്റ്റോപ്പിൽ എല്ലാ ബസ്സുകളും നിർത്തി ആളെ ഇറക്കുന്നതിനും നിലവിൽ അവിടെ നിൽക്കുന്ന ആളുകളെ മാത്രം കയറ്റി പെട്ടെന്ന് തന്നെ ബസ് പോകുന്നതിനുള്ള ക്രമീകരണം നടപ്പാക്കുക കാഞ്ഞിരപ്പള്ളി ഭാഗത്ത് നിന്ന് വരുന്ന ബസ്സുകൾക്ക് അരുവിത്തുറപ്പള്ളിയുടെ മുൻപിൽ ബസ്റ്റോപ്പ് ഉണ്ട് കൂടാതെ സെൻട്രൽ ജംഗ്ഷനിൽ പുളിക്കൻസ്സ്മാളിന് മുന്നിലെ സ്റ്റോപ്പ് ഉണ്ട് ഇതിനിടയ്ക്ക് കാഞ്ഞിരപ്പള്ളി ബസ് സ്റ്റോപ്പിന് ഗതാഗതക്കുരുക്ക് ഉണ്ടാക്കുന്ന തരത്തിൽ ഉള്ള സിറ്റി സെന്ററിന് മുന്നിലെ പുതിയ ബസ്റ്റോപ്പ് ഒഴിവാക്കുക ഈരാറ്റുപേട്ട കെഎസ്ആർടിസി സ്റ്റാൻഡ് മുതൽ വടക്കേക്കര പാലം വരെയും സെൻട്രൽ ജംഗ്ഷൻ മുതൽ പ്രൈവറ്റ് ബസ്റ്റാൻഡ് വരെയും ഇരുവശങ്ങളിലേയും ഓട്ടോറിക്ഷ സ്റ്റാൻഡുകൾ ഒഴികെയുള്ള വാഹന പാർക്കിംഗ് ഒഴിവാക്കുക പെരിന്നിലംബിൽഡിങ്ങിനു മുന്നിൽ ട്രാഫിക് ഗതാഗതക്കുരുക്കുണ്ടാക്കുന്ന അനധികൃത ബസ്റ്റോപ്പ് ഒഴിവാക്കുക തെക്കേക്കര കോസ് വെയിൽ അഹമ്മദ് കുരിക്കൽ നഗർ മുതൽ കോസ് വേ പാലം വരെയുള്ള ഭാഗങ്ങളിൽ ഇരുവശവും പാർക്കിംഗ് ഒഴിവാക്കുക സെൻറ് ജോർജ് കോളേജ് റോഡിൽ അരുവിത്തറ ജംഗ്ഷൻ മുതൽ പോസ്റ്റ് ഓഫീസ് വരെ ഇരു വശങ്ങളിലുമുള്ള വാഹന പാർക്കിംഗ് ഒഴിവാക്കുക പോസ്റ്റോ ഓഫീസിനു ശേഷം ഒരു സൈഡിൽ വാഹന പാർക്കിംഗ് നടപ്പാക്കുക ഈരാറ്റുപേട്ടയിൽ നിലവിലുള്ള 19 ഓട്ടോറിക്ഷ സ്റ്റാൻഡുകളും അംഗീകൃത രേഖകളിൽ ആക്കുക കൂടുതലുള്ള ഓട്ടോറിക്ഷകൾക്ക് ഉൾക്കൊള്ളുന്നതിനുള്ള അധിക സ്റ്റാൻഡുകൾ അനുവദിക്കുക ഓട്ടോറിക്ഷകൾക്ക് കളം നമ്പറും പെർമിറ്റും ഐഡി കാർഡ് നൽകുക മീനച്ചിലാറിന്റെ ഇരുവശവും ഉള്ള മാലിന്യങ്ങൾ നീക്കം ചെയ്യുക ഈരാറ്റുപേട്ട പ്രൈവറ്റ് ബസ്റ്റാൻഡിൽ യാത്രക്കാർ മൂക്ക് പൊത്തി പിടിച്ചു കൊണ്ടാണ് യാത്ര ചെയ്യുന്നത് പരിസരത്തുള്ള മലമൂത്ര വിസർജനം കർശനമായി നിരോധിക്കുക കംഫർട്ട് സ്റ്റേഷന്റെ പ്രവർത്തനം മുഴുവൻ സമയവും ഉണ്ടെന്ന് ഉറപ്പുവരുത്തുക പ്രൈവറ്റ് ബസ് സ്റ്റാൻഡിൽ നിന്നുള്ള കക്കൂസ് മാലിന്യം പേറുന്ന മിനിച്ചിൽ ആറിന്റെ തീരത്തുള്ള സെപ്റ്റിക് ടാങ്ക് അവിടുന്ന് നീക്കം ചെയ്യുക സൗകര്യമായ പ്രദമായ സ്ഥലത്ത് ഈരാറ്റുപേട്ടയിൽ പേ ആൻഡ് പാർക്ക് ആരംഭിക്കുക നഗരസഭ നടപ്പാക്കിയ മറ്റു ട്രാഫിക് പരിഷ്കാരങ്ങൾക്ക് എൽഡിഎഫ് മുനിസിപ്പൽ കമ്മിറ്റിയുടെ പൂർണ്ണ പിന്തുണയുണ്ട് നിലവിൽ ഈരാറ്റുപേട്ട സെൻട്രൽ ജംഗ്ഷനിൽ എല്ലാ പ്രൈവറ്റ് ബസ്സുകളും നിർത്തി ആളെ കയറ്റി ഇറക്കുന്നുണ്ട് എന്നാൽ ആദ്യം നിർദേശം നൽകിയ കെഎസ്ആർടിസി ആളുകളെ കേറ്റാതെ പോകുന്നത് ഈ ട്രാഫിക് പരിഷ്കരണത്തിന്റെ ഭാഗമായാണ് അതുകൊണ്ട് പൂഞ്ഞാർ പാതാമ്പുഴ അടിവാരം മേലെടുക്കം തലനാട് കട്ടപ്പന അടുക്കം തുടങ്ങിയ മലയോര മേഖലകളിലെ ആശ്രയിക്കുന്നത് കെഎസ്ആർടിസി ബസ്സുകളാണ് അവയ്ക്ക് സെൻട്രൽ ജംഗ്ഷനിൽ നിലവിൽ ബസ്സുകൾ കാത്ത്നിൽക്കുന്ന ആളുകളെ കയറ്റുന്നതിനുള്ള സംവിധാനം ഒരുക്കുക തുടങ്ങിയ ആവശ്യങ്ങളാണ് എൽഡിഎഫ് ഈരാറ്റുപേട്ട മുനിസിപ്പൽ കമ്മിറ്റി നഗരസഭാ ചെയർപേഴ്സണെ കണ്ട് ഭരണസമിതിയെ ബോധിപ്പിച്ചത് എൽഡിഎഫിന്റെ ന്യായമായ ആവശ്യങ്ങൾ നിവേദനമായി നൽകുന്ന തിന് എൽഡിഎഫ് കൺവീനർ സഖാവ് നൗഫൽ ഖാൻ, സിപിഐഎം പ്രതിനിധി KN ഹുസൈൻ, കേരള കോൺഗ്രസ് എം പ്രതിനിധി സോജൻ ആലക്കുളം, ജനതാദൾ പ്രതിനിധി അക്ബർ നൗഷാദ്, ഐ എൻ എൽ പ്രതിനിധി കബീർ കീഴേടംനാഷണൽ ലീഗ് പ്രതിനിധി നവാസ് തുടങ്ങിയവർ പങ്കെടുത്തു പൂഞ്ഞാർ മണ്ഡലത്തിലെ വിവിധ പഞ്ചായത്തുകളെ കൂടി ബാധിക്കുന്ന പരിഷ്കരണത്തിൽ വേണ്ട അപാകതകൾ പരിഹരിക്കാനുള്ള നടപടി കൂടി ഉണ്ടാകണമെന്ന് എൽഡിഎഫ് ആവശ്യപ്പെട്ടു

കേരളം

ഓഫീസ് സമയത്ത് കൂട്ടായ്മകളും സാംസ്‌കാരിക പരിപാടികളും വേണ്ട; സര്‍ക്കാര്‍ ഉത്തരവിറക്കി

enews 29 October,2024

സർക്കാർ ഓഫീസുകളിൽ ഡ്യൂട്ടി സമയത്ത് വകുപ്പ് അടിസ്ഥാനത്തിലുള്ള കൂട്ടായ്മകൾ ഒഴിവാക്കണമെന്ന് ആവശ്യപ്പെട്ട് ഉത്തരവിറക്കി. സാംസ്‌കാരിക പരിപാടികൾക്ക് അടക്കം വിലക്കേർപ്പെടുത്തിയാണ് സർക്കാർ ഉത്തരവിറക്കിയത്. ഇക്കാര്യങ്ങൾ സ്ഥാപന മേലധികാരികൾ പ്രത്യേകം ശ്രദ്ധിക്കണമെന്നും ഉത്തരവിൽ പറയുന്നു. സർക്കാർ ജീവനക്കാരുടെ പെരുമാറ്റച്ചട്ടങ്ങൾക്കും സർക്കാർ നിർദ്ദേശങ്ങൾക്കും അനുസൃതമല്ലാതെ ഓഫീസ് പ്രവർത്തനങ്ങൾക്ക് തടസമുണ്ടാക്കുന്ന രീതിയിൽ ഓഫീസുകളിൽ കൾച്ചറൽ ഫോറങ്ങൾ നടക്കുന്നത് സർക്കാരിന്റെ ശ്രദ്ധയിൽപ്പെട്ടിട്ടുണ്ടെന്നും ഉത്തരവിൽ ചൂണ്ടിക്കാട്ടുന്നു.

പ്രാദേശികം

ബൈക്ക് ഇടിച്ച് 5 വയസുകാരിക്ക് പരിക്ക്

enews 29 October,2024

ഈരാറ്റുപേട്ടയിൽ റോഡ് കുറുകെ കടക്കുന്നതിനിടെ ബൈക്ക് ഇടിച്ച് 5 വയസുകാരിക്ക് പരിക്ക്.ഈരാറ്റുപേട്ട സ്വദേശി ഹന്ന മറിയത്തെ ചേർപ്പുങ്കൽ മാർ സ്ലീവാ മെഡിസിറ്റിയിൽ പ്രവേശിപ്പിച്ചു.രാവിലെ 9 മണിയോടെ ഈരാറ്റുപേട്ട ഭാഗത്ത് വച്ചായിരുന്നു അപകടം.

ജനറൽ

സിനിമ എഡിറ്റര്‍ നിഷാദ് യൂസഫ് മരിച്ച നിലയിൽ

web desk 29 October,2024

കൊച്ചി: പ്രശസ്ത സിനിമാ എഡിറ്റര്‍ നിഷാദ് യൂസഫ് അന്തരിച്ചു. കൊച്ചിയിൽ ആയിരുന്നുഅന്ത്യം.നിരവധി മലയാള സിനിമകൾ എഡിറ്റ് ചെയ്തിട്ടുണ്ട്. 2022 -ൽ തല്ലുമാല സിനിമയുടെ എഡിറ്റിങ്ങിന് മികച്ച എഡിറ്റർക്കുള്ള സംസ്ഥാന അവാർഡ് ലഭിച്ചിട്ടുണ്ട്. ചാവേർ, ഉണ്ട, സൗദി വെള്ളക്ക,ഓപ്പറേഷൻ ജാവ തുടങ്ങിയവയാണ് മറ്റ് പ്രധാന ചിത്രങ്ങൾ

പ്രാദേശികം

പനയ്ക്കപ്പാലത്ത് നിരവധി വാഹനാപകടവും മരണങ്ങളും സംഭവിച്ചതിനെ തുടർന്ന് പൊതുമരാമത്ത് പോലീസ് മോട്ടോർ വകുപ്പ് ഉദ്യോഗസ്ഥരും നടപടി ആരംഭിച്ചു.

Eneww 29 October,2024

തലപ്പലം:പനയ്ക്കപ്പാലത്ത് നിരവധി വാഹനാപകടവും മരണങ്ങളും സംഭവിച്ചതിനെ തുടർന്ന് പൊതുമരാമത്ത് പോലീസ് മോട്ടോർ വകുപ്പ് ഉദ്യോഗസ്ഥരും നടപടി ആരംഭിച്ചു. പാലത്തിന്റെ ഇരുവശങ്ങളിലും ബാരിക്കേടുകളും റമ്പിൾ ട്രിപ്പുകളും 200 മീറ്റർ ദൂരത്തിൽ മഞ്ഞ വരകളും അപായ സൂചനാ ബോർഡുകളും സ്ഥാപിക്കുകയും ചെയ്തു നിരന്തര വാഹനാപകടങ്ങൾ നടക്കുന്നത് കഴിഞ്ഞ മാസങ്ങളിൽ കൂടിയ മിനിച്ചിൽ താലൂക്ക് വികസന സമതിയോഗങ്ങളിൽ നിരന്തരംവികസ സമതിയംഗങ്ങളായ പീറ്റർ പന്തലാനി ജില്ലാ പഞ്ചായത്ത് അംഗം അഡ്വ ഷോൺ ജോർജ് തലപ്പലം ഗ്രാമ പഞ്ചായത്ത് പ്രസിഡന്റ് എൽ സമ്മ ജോസഫും നല്കിയ പരാതിയെ തുടർന്നാണ് സമതി അദ്ധ്യക്ഷൻ കൂടിയായാ എം ൽഎ മാണി സി കാപ്പൻ ഉദ്യോഗസ്ഥർക്ക് നിർദ്ദേശം നടപടി വേഗത്തിലാക്കിയത്. തുടർന്ന് ഇന്നലെ കൂടിയ തലപ്പലം ഗ്രാമ പഞ്ചായത്ത് ട്രാഫിക് കമറ്റിയിൽ എടുത്ത തീരുമാനത്തിൽ കാഴ്ച മറയ്ക്കുന്ന റോഡ് സൈഡിലെ പാഴ്മരങ്ങൾ മുറിച്ചു PWD അധികാളെ ചുമതലപ്പെടുത്തി.പ്ലാശനാൽ റോഡിന്റെ 100 മീറ്റർ ഭാഗവും പാലത്തിനോട് ചേർന്നുള്ള താഴ്ന്ന ഭാഗവും മണ്ണിട്ട് ഉയർത്തി വാഹനങ്ങൾ പരസ്പരം കാണത്തക്കവിധൻ റോഡ് പണി യുന്നതിന് ആവശ്യമായ എസ്റ്റിമേറ്റ് എടുത്ത് നടപടി തുടങ്ങണം ജംഗ്ഷനിൽ റിഫള് ട്റുകൾ സ്ഥാപിക്കുകയുo ചെയ്യും പോലീസ് നിരീക്ഷണ ക്യാമറ സ്ഥാപിക്കുകയും രാവിലെ 8.30 മുതൽ . 11.00 വരെയുo ഉച്ചകഴിഞ്ഞ് 3.30 മുതൽ 5.30 വരെയും ട്രാഫിക് പോലിസിനെ നിയമിക്കും പാലത്തിനോട് ചേർന്ന് കാഴ്ച മറയ്ക്കുന്ന വിധത് വിധത്തിൽ പടുതാ ഷഡ് കെട്ടി താമസമാക്കിയ കുടുംബത്തെ പഞ്ചായത്തിന്റെ മേൽനോട്ടത്തിൽ മാറ്റി പാർപ്പിക്കാൻ നടപടി സ്വീകരിക്കണം രാഷ്ട്രയ പാർട്ടികളുടെയുംട്രേഡ് യൂണിയനുകളുടെയും കൊടിമരങ്ങളും പ്രചാരണ ബോർഡുകളും മാറ്റി സ്ഥാപിക്കുന്നതിന് നടപടി സ്വീകരിക്കും.

Latest News

Follow Us

Popular News