ഈരാറ്റുപേട്ട: വെള്ളാപ്പള്ളിപ്പറമ്പിൽ പരേതനായ പരീതിന്റെ മകൻ ഡോക്ടർ കൊച്ചുമുഹമ്മദ് (82) കാലിഫോർണിയായിൽ അന്തരിച്ചു. ദീർഘകാലമായി അമേരിക്കയിൽ താമസിച്ചു വരികയായിരുന്നു.ഭാര്യ ഹെസ് ല മുഹമ്മദ്,മക്കൾ .സോണിയ മുഹമ്മദ്, സൈറ മുഹമ്മദ് കാലിഫോർണിയയിൽ ഖബറടക്കി.
ഈരാറ്റുപേട്ട: നടയ്ക്കൽ വെട്ടിക്കൽ പരേതനായ അബ്ദുൽ റഹീമിന്റെ മകൻ അനിൽ (അനി വെട്ടിക്കൽ49) ബഹ്റൈനിൽ അന്തരിച്ചു. ഭാര്യ: രഹന ഈരാറ്റുപേട്ട കീഴേടത്ത് കുടുംബാംഗം. മക്കൾ: നദാ അനിൽ, മുഹമ്മദ് നഹിയാൻ, നൈറാ ബൾക്കീസ്. ബുധനാഴ്ച എട്ടിന് ഫൗസിയാ ഓഡിറ്റോറിയത്തിൽ പൊതുദർശനത്തിന് ശേഷം ഖബറടക്കം 9.30 ന് ഈരാറ്റുപേട്ട മുഹിയുദ്ദീൻ പള്ളി ഖബർസ്ഥാനിൽ
ഫൂർഖാൻപള്ളി മുൻ ഇമാം അലി റഷാദി ഉസ്താദിന്റെ കുടുംബത്തിന് ഈരാറ്റുപേട്ട മേഖല നിർമ്മിച്ചു നൽകുന്ന വീടിൻറെ രണ്ടാംഘട്ട പ്രവർത്തനത്തിന് തുടക്കം കുറിച്ചു. ഇന്ന് രാവിലെ നടന്ന ചടങ്ങിന് മേഖലാ പ്രസിഡണ്ട് നൗഫൽ ബാഖവി തലനാട് നേതൃത്വം കൊടുക്കുകയും മുഹിയുദ്ദീൻ ജുമാമസ്ജിദ് ചീഫ് ഇമാം സുബൈർ മൗലവി ദുആ നിർവഹിക്കുകയുംമേഖലാ സെക്രട്ടറി ഹാഷിം മന്നാനി സിദ്ദീഖിയ്യ പ്രിൻസിപ്പൽ അബ്ദുസ്സലാം മൗലവി, ഭവന നിർമ്മാണ കമ്മിറ്റി കൺവീനർ അഷ്റഫ് നദ്വി മറ്റ് മേഖല ഭാരവാഹികൾ, ഉസ്താദുമാർ ,പ്രസ്തുത സ്ഥലം സംഭാവന ചെയ്ത അബ്ദുൽ കരീം പഴയം പള്ളിൽ തുടങ്ങിയവർ ചടങ്ങിൽ പങ്കെടുത്തു
പെരുന്നിലം :പ്ലാത്തോട്ടത്തിൽ പരേതനായ വർക്കിച്ചന്റെ മകൻ ജോമോൻ നിര്യാതനായി. സംസ്കാരം ഇന്ന് (7/8/23 തിങ്കൾ )2.30pm ന് പയ്യാനിത്തോ ട്ടത്തിലുള്ള സഹോദരിയുടെ വീട്ടിൽ ആരംഭിച്ച് അരുവിത്തുറ പള്ളിയിൽ സംസ്കരിക്കുന്നതുമാണ്. മാതാവ് ചിന്നമ്മ പെരുന്നിലം കൊച്ചമ്പഴത്തുങ്കൽ കുടുംബാംഗ മാണ്.
മണിപ്പൂരിലെ ക്രൈസ്തവ വേട്ടയ്ക്കെതിരെ എസ് ഡി പി ഐ നേതൃത്വത്തിൽ പ്രതിഷേധറാലിയും ജന സംഗമവും നടത്തി. പി എം സി ജംഗ്ഷനിൽ നിന്നാരംഭിച്ച പ്രകടനം തെക്കേക്കര സെൻട്രൽ ജംഗ്ഷൻ വഴി മുട്ടം ജംഗ്ഷനിൽ സമാപിച്ചു. തുടർന്ന് നടന്ന സമാപന സമ്മേളനം എസ് ഡി പി ഐ സംസ്ഥാന പ്രസിഡന്റ് മൂവാറ്റുപുഴ അഷറഫ് മൗലവി ഉദ്ഘാടനം ചെയ്തു. അതേസമയം, അരുവിത്തുറ സെന്റ് ജോർജ് ചർച്ച് വികാരി ഫാ ഡോ അഗസ്റ്റിൻ പാലയ്ക്കപറമ്പിലിനെ പരിപാടിയിൽ പങ്കെടുപ്പിക്കാനുള്ള എസ് ഡി പി ഐ യുടെ നീക്കം വിജയിച്ചില്ല. പരിപാടിയിൽ വികാരിയച്ഛൻ പങ്കെടുക്കുമുന്നറിയിച്ച് വലിയ പ്രചാരണവും പാർട്ടി നൽകിയിരുന്നു. എന്നാൽഈരാറ്റുപേട്ടയിൽ രാഷ്ട്രീയ പാർട്ടി നടത്തുന്ന മണിപ്പൂർ പ്രതിഷേധ റാലിക്ക് അരുവിത്തുറ പള്ളിയുമായി യാതൊരു ബന്ധവുമില്ലെന്ന് വികാരി ഫാ അഗസ്റ്റിൻ പാലയ്ക്കപ്പറമ്പിൽ അറിയിച്ചു. വിലപിക്കുന്ന മണിപ്പൂർ ജനതയ്ക്കയി അരുവിത്തുറ പള്ളി വികാരിയച്ചൻ്റെ നേതൃത്വത്തിൽ പ്രത്യേക ജപമാല പ്രാർത്ഥനയും ഇതേ സമയം നടന്നു
നിര്യാതനായി ഈരാറ്റുപേട്ട : നടക്കൽ പുഴക്കരയിൽ സിയാദ് 42 നിര്യാതനായി ഭാര്യ കൂറുമുളം തടത്തിൽ കുടുംബാഗം അമീന മക്കൾ ഫയ ഫാത്തിമ ഖൻസാഹ് അബ്ദുള്ള പുത്തൻ പള്ളി ഖബർസ്ഥാനിൽ ഖബറടക്കം നടത്തി.
ഈരാറ്റുപേട്ട രാഹുൽ ഗാന്ധിയെ അയോഗ്യനാക്കിയ കോടതി വിധി സുപ്രീംകോടതി സ്റ്റേ ചെയ്തതിൽ ആഹ്ലാദം പ്രകടിപ്പിച്ച് കോൺഗ്രസ് ഈരാറ്റുപേട്ട മുനിസിപ്പൽ കമ്മറ്റിയുടെ നേതൃത്വത്തിൽ ടൗണിൽ പ്രകടനവും സമ്മേളനവും നടത്തി കോൺഗ്രസ് പൂഞ്ഞാർ ബ്ലോക്ക് പ്രസിഡന്റ് അഡ്വ. സതീഷ്കുമാർ സമ്മേളനം ഉട്ഘാടനം ചെയ്തു . മണ്ഡലം പ്രസിഡന്റ് അനസ് നാസർ അദ്ധ്യക്ഷനായി. അഡ്വ. വിഎം മുഹമ്മദ് ഇല്യാസ് , പിഎച്ച് നൗഷാദ് , എസ് എം കബീർ എന്നിവർ പ്രസംഗിച്ചു. കെഇഎ ഖാദർ, നൗഷാദ് വട്ടക്കയം, മുഹമ്മദ് ഖാൻ നൗഫൽ, അഭിരാം ബാബു, റഷീദ് അൻസർ, ഹലീൽ അബ്ദുൽക്കരീം ,സക്കീർ നിസാം, ഷിജു വികെ, മാഹിൻ , പരീത് എന്നിവര് നേതൃത്വം നൽകി
ഈരാറ്റുപേട്ട : സമഗ്ര ഖരമാലിന്യ പരിപാലന രൂപരേഖ തയ്യാറാക്കുന്നതിന് ഈരാറ്റുപേട്ട നഗരസഭയുടെ നേതൃത്വത്തിൽ കൂടിയാലോചന യോഗം സംഘടിപ്പിച്ചു. ഈരാറ്റുപേട്ട വ്യാപാര ഭവനിൽ നടത്തിയ യോഗം സെബാസ്റ്റ്യൻ കുളത്തുങ്കൽ എം.എൽ.എ ഉദ്ഘാടനം ചെയ്തു. നഗരസഭാ അധ്യക്ഷ സുഹറ അബ്ദുൽ ഖാദർ അധ്യക്ഷത വഹിച്ചു. യോഗത്തിൽ നഗരസഭാ പരിധിയിലെ ഖരമാലിന്യങ്ങൾ സംസ്കരിക്കുന്നതിനുള്ള കരട് പ്ലാൻ അവതരിപ്പിച്ചു. ജനകീയ ചർച്ചകൾക്ക് ശേഷം ഉയർന്നു വന്ന പൊതുജനാഭിപ്രായങ്ങൾ കൂടി കണക്കിലെടുത്ത് അന്തിമ റിപ്പോർട്ട് തയ്യാറാക്കി നഗരസഭയ്ക്ക് സമർപ്പിക്കും. നഗരസഭാ സെക്രട്ടറി എസ്. സുമയ്യ ബീവി വിഷയാവതരണം നടത്തി. ഡി. പി. എം.യു ഡെപ്യൂട്ടി ഡിസ്ട്രിക്ട് കോ - ഓർഡിനേറ്റർ റീനു ചെറിയാൻ, ടി. എസ്. സി കമ്മ്യൂണിക്കേഷൻ എക്സ്പേർട്ട് ഐസക് ജോൺ എന്നിവർ രൂപരേഖ അവതരിപ്പിച്ചു. ചടങ്ങിൽ നഗരസഭ ആരോഗ്യകാര്യ സ്ഥിരം സമിതി അധ്യക്ഷ ഡോ. സഹ് ല ഫിർദോസ്, നഗരസഭാംഗങ്ങളായ നാസർ വെള്ളൂപറമ്പിൽ, അനസ് പാറയിൽ, എസ്. കെ. നൗഫൽ, നൗഫിയ ഇസ്മായിൽ, ഈരാറ്റുപേട്ട എസ്.എച്ച്.ഒ ബാബു സെബാസ്റ്റ്യൻ എന്നിവർ സംസാരിച്ചു. കെ.എസ്.ഡബ്ലിയു.എം.പി പ്രതിനിധികളായ എസ്. എസ്. സജിത് കുമാർ, ഇ. എം സാലിഹ, കിരൺ ശശി, ബിനു ജോർജ്, ഡോ. സച്ചിൻ ശർമ്മ, ശ്യാം ദേവദാസ്, സിമി റോസ് ജോർജ് എന്നിവർ ചർച്ചകൾക്ക് നേതൃത്വം നൽകി. വിവിധ റസിഡൻസ് അസോസിയേഷൻ പ്രതിനിധികൾ, കുടുംബശ്രീ പ്രവർത്തകർ, ഹരിത കർമ്മ സേനാംഗങ്ങൾ, വിവിധ വകുപ്പ് പ്രതിനിധികൾ, നഗരസഭാ ആരോഗ്യ വിഭാഗം ജീവനക്കാർ, സാമൂഹിക സാംസ്കാരിക രാഷ്ട്രീയ രംഗങ്ങളിലെ പ്രമുഖർ തുടങ്ങിയവർ പങ്കെടുത്തു.
