സഹദ്.. വയസ്സ് 20.. കൊച്ചി.. മട്ടാഞ്ചേരി സ്വദേശി ആണ്..ഇല്ലിക്കൽ മല കാണാൻ വന്നതാണ് Friends മായി മൂന്നിലവ്.. മേച്ചാൽ പുഴയിൽ കുളിക്കാൻ ഇറങ്ങിയതാണ്..അല്പ സമയം മുൻപ് മുങ്ങി മരിച്ചു.. ബോഡി ഇപ്പോൾ മൂന്നിലവ് govt. ഹോസ്പിറ്റലിൽ ഉണ്ട്..
ഈരാറ്റുപേട്ട : ഈരാറ്റുപേട്ട-വാഗമൺ റോഡ് കൂടുതൽ മികച്ച നിലയിൽ നിർമ്മിക്കുന്നതിന് ഉദ്ദേശിച്ച് വീതി കൂട്ടി പണിയുന്നതിന് ആവശ്യമായ സ്ഥലമേറ്റെടുപ്പ് നടപടികൾ ത്വരിതപ്പെടുത്തിയതായി അഡ്വ. സെബാസ്റ്റ്യൻ കുളത്തുങ്കൽ എംഎൽഎ അറിയിച്ചു. റോഡ് വീതി കൂട്ടിയും, പരമാവധി വളവുകൾ നിവർത്തിയും, സംരക്ഷണ ഭിത്തികൾ നിർമ്മിച്ചും, മികച്ച സുരക്ഷിതത്വ ക്രമീകരണങ്ങൾ ഒരുക്കിയും റോഡ് പുനർ നിർമ്മിക്കുന്നതിന് 2016-17ൽ 64 കോടി രൂപ അനുവദിച്ചിരുന്നെങ്കിലും റോഡ് വീതി കൂട്ടി പണിയുന്നതിന് ആവശ്യമായ സ്ഥലമേറ്റെടുപ്പ് നടപടികൾക്ക് തുടക്കം കുറിച്ചിരുന്നില്ല.2021 ലെ അസംബ്ലി തെരഞ്ഞെടുപ്പിന് ശേഷം താൻ എംഎൽഎ ആയതിനുശേഷം ജില്ലാ കളക്ടർക്ക് കത്ത് നൽകി നടപടിക്രമങ്ങൾക്ക് തുടക്കം കുറിക്കുകയായിരുന്നു എന്നും എംഎൽഎ പറഞ്ഞു. ഇതേത്തുടർന്ന് ലാൻഡ് അക്ക്വസിഷന്‍ ആക്ട് സെക്ഷൻ 4(1) പ്രകാരം നോട്ടിഫിക്കേഷൻ പുറപ്പെടുവിച്ച് ഏറ്റെടുക്കേണ്ട സ്ഥലങ്ങൾ അളന്നു തിട്ടപ്പെടുത്തി കല്ലുകൾ സ്ഥാപിച്ച് വ്യക്തത വരുത്തി.ഇപ്രകാരം ഏറ്റെടുക്കേണ്ട സ്ഥലങ്ങൾ നിശ്ചയിച്ചതിന്റെ വെളിച്ചത്തിൽ സ്ഥലമേറ്റെടുപ്പിന് മുന്നോടിയായി സാമൂഹിക ആഘാത പഠനത്തിന് സംസ്ഥാന സർക്കാർ അനുമതി നൽകി. ഇത് പ്രകാരം ടെൻഡർ ക്ഷണിച്ച് സെന്റർ ഫോർ മാനേജ്മെന്റ് ഡെവലപ്മെന്റ് തിരുവനന്തപുരം എന്ന ഏജൻസിയെ സാമൂഹ്യ ആഘാത പഠനത്തിന് ചുമതലപ്പെടുത്തിക്കൊണ്ട് ഉത്തരവ് പുറപ്പെടുവിക്കപ്പെട്ടിട്ടുണ്ട്. 90 ദിവസത്തിനുള്ളിൽ ലാൻഡ് അക്ക്വസിഷൻ റീഹാബിലിറ്റേഷൻ ആൻഡ് റീസെറ്റിൽമെന്റ് ആക്ട് 2013 പ്രകാരമുള്ള നടപടിക്രമങ്ങൾ പൂർത്തീകരിച്ച് റിപ്പോർട്ട് സമർപ്പിക്കുന്നതിനാണ് ഏജൻസിയോട് നിർദ്ദേശിച്ചിട്ടുള്ളത് . റിപ്പോർട്ട് സമർപ്പിക്കുന്ന മുറയ്ക്ക് LARR ആക്ട് 2013 പ്രകാരo 11(1) നോട്ടിഫിക്കേഷൻ പുറപ്പെടുവിച്ച് സ്ഥലമേറ്റെടുപ്പിനുള്ള നടപടിക്രമങ്ങൾ പൂർത്തീകരിക്കുന്നതാണ്. മറ്റു തടസ്സങ്ങൾ വരാത്ത പക്ഷം ഒരു വർഷത്തിനുള്ളിൽ ടെൻഡർ നടപടികളിലേയ്ക്ക് എത്തിക്കുന്നതിന് കഴിയുമെന്നും എംഎൽഎ കൂട്ടിച്ചേർത്തു. 64 കോടി രൂപ ഉപയോഗിച്ചുള്ള നവീകരണ പ്രവർത്തനങ്ങൾ യാഥാർത്ഥ്യമാകുന്നതോടുകൂടി വാഗമൺ റോഡ് കേരളത്തിലെ തന്നെ ഏറ്റവും നല്ല മലയോര ഹൈവേ ആയി മാറും. അതുവഴി വാഗമൺ ടൂറിസം കേന്ദ്രം അതിന്റെ വികസനത്തിന്റെ ഉന്നതിയിലേയ്ക്കും കുതിക്കും. റോഡ് അന്താരാഷ്ട്ര നിലവാരത്തിലാക്കുന്നതോടൊപ്പം വാഗമണ്ണിൽ റോപ്പ് വേയും, കേബിൾ കാറും ഉൾപ്പെടെ എല്ലാ ആധുനിക ടൂറിസം സൗകര്യങ്ങളും ഒരുക്കുന്നതിനുള്ള വിശദമായ ടൂറിസം പ്രോജക്ട് തയ്യാറാക്കി ഗവൺമെന്റിന് സമർപ്പിക്കുമെന്നും എംഎൽഎ അറിയിച്ചു.
ചേനപ്പാടിക്ക് പിന്നാലെ നെടുംകുന്നം, കറുകച്ചാൽ മേഖലയിൽ ഭൂമിക്കടിയിൽ നിന്ന് മുഴക്കവും കു ലുക്കവും അനുഭവപ്പെട്ടു. ചൊവ്വാഴ്ച രാത്രി 9.55-ഓടെ യായിരുന്നു ഇടിമുഴക്കത്തിന് സമാനമായി സെക്കന്റെ കൾ നീണ്ടു നിന്ന മുഴക്കം ഉണ്ടായത്. കൂടാതെ നിലത്തു നിന്നും തരിപ്പ് അനുഭവപ്പെട്ടതായും ആളുകൾ പറയുന്നു. ജനാലകളും വീട്ടുപകരണങ്ങളുമടക്കം കുലുങ്ങിയ തോടെയാണ് പലരും വിവരമറിഞ്ഞത്. കറുകച്ചാൽ, നെ ടുംകുന്നം, മാന്തുരുത്തി, പുതുപ്പള്ളിപ്പടവ്, മുഴുവൻ കുഴി, നിലംപൊടിഞ്ഞ ഭാഗങ്ങളിലാണ് ഉഗ്ര ശബ്ദത്തോടെ മുഴക്കവും കുലുക്കവും ഉണ്ടായത്. ഭൂമികുലു ക്കമെന്ന് കരുതി ആളു കൾ വീടിന് പുറത്തേ ക്ക് ഇറങ്ങി നിന്നു. ഇതുമായി ബന്ധപ്പെട്ട് പഠനം നടത്തി ജനങ്ങളുടെ ആശങ്ക അകറ്റണമെന്ന് ജന പ്രതിനിധ്ികളും പൊതു പ്രവര്ത്തകരും ആവശ്യപെട്ടു
കോട്ടയം: അടച്ചുപൂട്ടിയ കോട്ടയം പാസ്പോര്ട്ട് സേവാകേന്ദ്രം എത്രയും പെട്ടെന്ന് പുനഃസ്ഥാപിക്കണമെന്ന് പ്രവാസി കേരളാ കോൺഗ്രസ് (എം) കോട്ടയം ജില്ല കമ്മിറ്റി ആവശ്യപ്പെട്ടു. കുടുംബമായി ജോലിക്കും കുടിയേറ്റത്തിനുമൊക്കെ കോട്ടയം പാസ്പോർട്ട് ഓഫീസിനെ ആശ്രയിച്ചിരുന്ന മൂന്ന് ജില്ലകളിലെ സാധാരണക്കാരെ പാസ്പോർട്ട് കേന്ദ്രത്തിന്റെ അടച്ചുപൂട്ടൽ സരമായിത്തന്നെ ബാധിച്ചിട്ടുണ്ട്. ഇത്തരത്തിലുള്ള കേന്ദ്രസർക്കാരിന്റെ പ്രവാസിവിരുദ്ധനയങ്ങൾ സാധാരണ ജനങ്ങൾക്ക് വളരെയേറെ ബുദ്ധിമുട്ടുണ്ടാക്കുമെന്നു പാർട്ടി കേന്ദ്ര കമ്മറ്റി ഓഫീസിൽ കൂടിയ യോഗം ആശങ്കപ്പെട്ടു. നാട്ടിൽ തിരിച്ചെത്തിയ പ്രവാസിമലയാളികളെ സർക്കാരുകൾ അവഗണിക്കെരുതെന്ന് യോഗം ആവശ്യപ്പെട്ടു. പ്രവാസി കേരളാ കോൺഗ്രസ് (എം) സംഘടന ശക്തിപ്പെടുത്തുന്നതിന്റെ ഭാഗമായി മണ്ഡലം, നിയോജകമണ്ഡലം തലങ്ങളിൽ വിവിധ ഭാരവാഹികളെ തെരഞ്ഞെടുത്തു. വരുന്ന ജില്ലാ സമ്മേളനത്തിനുള്ള ഒരുക്കങ്ങൾ ത്വരിതഗതിയിൽ ആക്കുവാൻ കമ്മറ്റി തീരുമാനമെടുത്തു. ജില്ലാ പ്രസിഡന്റ് ജോണി അബ്രഹാം, ജനറൽ സെക്രട്ടറി ജോർജ് കാഞ്ഞമല, ട്രഷറർ ഡോ ബ്ലസ്സൻ സിബി ഏബ്രഹാം, സെക്രട്ടറി ബിജോ ഫ്രാൻസിസ്, നിയോജകമണ്ഡലം പ്രസിഡന്റുമാരായ ബാബു ഉള്ളാട്ടിൽ, ബിനോയ്‌ മുക്കാടൻ, ഷാജി പോൾ, ജോൺ മാത്യു, ജോർജ് വർഗീസ്, കുര്യച്ഛൻ പാറനാകാല, തോമസ് കെ. പി, ബിനോയ്‌ ജെയിംസ്, മധു വാകത്താനം, സോനു സി മാത്യു എന്നിവർ പങ്കെടുത്തു സംസാരിച്ചു.
കോട്ടയം∙ നാട്ടകം മണിപ്പുഴ ജംക്‌ഷനു സമീപം എംസി റോഡരികിൽ ലുലു ഗ്രൂപ്പ് നിർമിക്കുന്ന ലുലു മിനി മാളിന്റെ നിർമാണം അതിവേഗം പുരോഗമിക്കുന്നു.ഹൈപ്പർമാർക്കറ്റിനു പ്രാധാന്യം നൽകിയുള്ള മാളാണു നിർമിക്കുന്നത്. ഡിസംബറോടെ നിർമാണം പൂർത്തിയാക്കി അടുത്തവർഷം മാർച്ചോടെ ഉദ്ഘാടനം നടത്താനാണു ലക്ഷ്യം. 30000 ചതുരശ്ര മീറ്റർ വലുപ്പമുള്ള കെട്ടിടത്തിൽ താഴെ രണ്ടു നിലകൾ പാർക്കിങിനാണ്. അഞ്ഞൂറോളം കാറുകൾക്കും അതിലധികം ഇരുചക്രവാഹനങ്ങൾക്കും പാർക്ക് ചെയ്യാം.500 പേർക്കിരിക്കാവുന്ന ഫുഡ് കോർട്ട്, 10 ഭക്ഷണ ഔട്‌ലെറ്റുകൾ എന്നിവയുണ്ടാകും. 800 ചതുരശ്ര മീറ്റർ പ്രദേശം ഗെയിമുകൾക്കും മറ്റു വിനോദങ്ങൾക്കുമായി മാറ്റിയിട്ടുണ്ട്.
ഈരാറ്റുപേട്ട: തലപ്പലം മേലമ്പാറയിൽ മധ്യവയസ്ക കൊല്ലപ്പെട്ട കേസിൽ ഒപ്പം താമസിച്ചിരുന്ന യുവാവിനെ പോലീസ് അറസ്റ്റ് ചെയ്തു. തലപ്പലം മേലമ്പാറ ഭാഗത്ത് കൊച്ചുപുരയ്ക്കൽ വീട്ടിൽ ബിജുമോൻ കെ.ജി (42)എന്നയാളെയാണ് ഈരാറ്റുപേട്ട പോലീസ് അറസ്റ്റ് ചെയ്തത്. ഇയാൾ ഇന്ന് വെളുപ്പിനെ 2:30 മണിയോടുകൂടി ഇയാളുടെ ഒപ്പം താമസിച്ചു വന്നിരുന്ന തങ്കമണി എന്ന് വിളിക്കുന്ന ഭാർഗവിയെ കൊലപ്പെടുത്തുകയായിരുന്നു. ഇന്ന് പുലർച്ചയോടുകൂടി ഇരുവരും തമ്മിൽ വാക്കുതർക്കം ഉണ്ടാവുകയും തുടർന്ന് ഇയാൾ വിറക് കമ്പും, കമ്പി പാരയും ഉപയോഗിച്ച് ഇവരെ ആക്രമിച്ചു കൊലപ്പെടുത്തുകയുമായിരുന്നു. ഈരാറ്റുപേട്ട സ്റ്റേഷൻ എസ്.എച്ച്.ഓ ബാബു സെബാസ്റ്റ്യന്റെ നേതൃത്വത്തിലാണ് ഇയാളെ അറസ്റ്റ് ചെയ്തത്.
കോട്ടയം: കാഞ്ഞിരപ്പള്ളി മേഖലയില്‍ ഭൂമിക്കടിയില്‍ നിന്ന് വീണ്ടും മുഴക്കവും ശബ്ദവും കേട്ട് നാട്ടുകാർ പരിഭ്രാന്തരായി. ചേനപ്പാടി ഭാഗത്ത് പുലര്‍ച്ചെ അഞ്ചരയോടെയാണ് നാട്ടുകാര്‍ മുഴക്കം കേട്ടത്.തിങ്കളാഴ്ച പകലും രാത്രിയും ചൊവ്വാഴ്ച പുലര്‍ച്ചെയുമാണ് സമാനമായ നിലയില്‍ ശബ്ദം കേട്ടത്. കാഞ്ഞിരപ്പള്ളി, എരുമേലി പഞ്ചായത്തുകളില്‍ ഉള്‍പ്പെട്ട പ്രദേശങ്ങളിലാണ് അന്ന് ഭൂമിക്കടിയില്‍ നിന്ന് മുഴക്കവും ശബ്ദവും കേട്ടത്.നാട്ടുകാര്‍ വിവരമറിയിച്ചതിന്റെ അടിസ്ഥാനത്തില്‍ സംസ്ഥാന ജിയോളജി വകുപ്പ് ഉദ്യോഗസ്ഥര്‍ സ്ഥലത്തെത്തി പരിശോധന നടത്തി. വിദഗ്ധ പരിശോധനയ്ക്കായി നാഷണല്‍ സെന്റര്‍ ഫോര്‍ എര്‍ത്ത് സയന്‍സ് ഉദ്യോഗസ്ഥര്‍ എത്താനിരിക്കേയാണ് വീണ്ടും പ്രദേശത്ത് മുഴക്കം അനുഭവപ്പെട്ടത്.
കോട്ടയം ജില്ലയിലെ എരുമേലി ഗ്രാമപഞ്ചായത്തിലെ ചേനപ്പാടി പ്രദേശത്ത് ഭൂമിക്കടിയിൽ നിന്നും മുഴക്കങ്ങൾ കേൾക്കുന്നതായി പ്രദേശവാസികൾ. തിങ്കളാഴ്ച പകലും, രാത്രിയിലുമാണ് പല പ്രദേശങ്ങളിൽ നിന്നും മുഴക്കം കേട്ടതെന്ന് നാട്ടുകാർ പറഞ്ഞു.വിവരം അടിയന്തരമായി ജില്ലാ ഭരണകൂടത്തെയും,ദുരന്തനിവാരണ വിഭാഗത്തെയും, ജില്ലാ ജിയോളജി വിഭാഗത്തെയും അറിയിച്ചതായി എം.എൽ.എ സെബാസ്റ്റ്യൻ കുളത്തുങ്കൽ പറഞ്ഞു. ചൊവ്വാഴ്ച രാവിലെ ജിയോളജി വിദഗ്ധർ സ്ഥലത്തെത്തി പരിശോധനകൾ നടത്തും.
