ഈരാറ്റുപേട്ട-തൊടുപുഴ റൂട്ടില് പാണ്ടിയന്മാവില് കാര് അപകടത്തില്പ്പെട്ടു. ഈരാറ്റുപേട്ടയില് ഉള്ള ബന്ധുവീട് സന്ദര്ശിച്ച് മടങ്ങും വഴി ഈ വാഹനം മറ്റൊരു വാഹനത്തിന് സൈഡ് കൊടുക്കുമ്പോള് റോഡില് നിന്നും തെന്നി മാറി തിട്ടയില് ഇടിക്കുകയായിരുന്നു. സ്ത്രീകളും കുട്ടികളും അടക്കം വാഹനത്തില് ഉണ്ടായിരുന്നു.ടീം നന്മക്കൂട്ടം പ്രവര്ത്തകര് സ്ഥലത്ത് എത്തി അപകടത്തില്പ്പെട്ട വാഹനം റോഡില് നിന്നും മാറ്റി ഗതാഗതം പുന:സ്ഥാപിച്ചു. അപകടത്തില് ആര്ക്കും പരിക്കുകളില്ലാ.
ഈരാറ്റുപേട്ട വാഗമൺ റൂട്ടിൽ തീക്കോയ്ക്ക് സമീപം ചാത്തമ്പുഴയിൽ കാറുകൾ കൂട്ടിയിടിച്ചു റോഡിൽ മറിഞ് അപകടം.തീക്കോയി സ്വദേശി ദീപു, ലബ്ബക്കട സ്വദേശി സന്തോഷ് കുമാർ എന്നിവർക്ക് നിസ്സാരപരിക്കേറ്റു. ഇവരെ സമീപത്തെ സ്വകാര്യ ആശുപത്രിയിൽ പ്രവേശിപ്പിച്ചു. ഇന്ന് ഉച്ചകഴിഞ്ഞ് നാലുമണിയോടെ ആയിരുന്നു അപകടം. ടീം എമർജൻസി പ്രവർത്തകരും ഫയർഫോഴ്സും പോലീസും സ്ഥലത്തെത്തി.
കോട്ടയം ; പിഡിപി കോട്ടയം ജില്ലാ കമ്മറ്റിയുടെ നേതൃത്വത്തിൽ കോട്ടയം ഗാന്ധി സ്വകയറിൽ ജനാധിപത്യ സമര സംഗമം സംഘടിപ്പിച്ചു സംഗമം പി ഡി പി കേന്ദ്ര കമ്മറ്റിയംഗം എം എസ് നൗഷാദ് ഉത്ഘാടനം ചെയ്തു രാജ്യത്തെ ലക്ഷകണക്കിന് മനുഷ്യർക്ക് വേട്ട് അവകാശം നിഷേധിക്കുന്നതിലൂടെ പൗരത്വം ചോദ്യചെയ്യപെടുകയാണെന്നും പൗരത്വ നിഷേധം സാതന്ത്ര്യ ലംഘനമാണന്നും പിഡിപി കേന്ദ്ര കമ്മറ്റിയംഗം എം എസ് നൗഷാദ് അഭിപ്രായപെട്ടുബിഹാറിലെ ആയിരകണക്കിന് മനുഷ്യരുടെ വേട്ട് അവകാശത്തെയാണ് ഭരണകുടം നിഷേധിക്കുന്നത്അത് അത്യന്തം ഗുരുതരമായ ഭരണഘടന ലംഘനമാണെന്നും സാതന്ത്ര്യ സമര സംഗമം മുന്നറിയിപ്പ് നൽകി ജില്ലാ പ്രസിഡൻ്റ് നിഷാദ് നടയ്ക്കൽ അധ്യക്ഷത വഹിച്ചു ഭക്ഷിണകേരള ജംയത്തുൽ ഉലമ മേഖല പ്രസിഡൻൻ്റ് താഹ മൗലവിഹാജി എം എ അക്ബർ OA സക്കരിയ പി കെ അൻസിം സക്കീർ കളത്തിൽ അൻസർഷാകുമ്മനം നസിർ തലയോലപ്പറമ്പ് നൗഫൽ കീഴേടം ഷിഹാബ്-കോനട്ടുപ്പറമ്പിൽ അബുകോട്ടയം മുജീബ് മഠത്തിൽ കെ പി നസീർ ബഷീർ കുമ്മനം ഇസ്മായിൽ കൂട്ടിക്കൽ തുടങ്ങിയവർ സംസാരിച്ചു
പാലാ:ഭാര്യയുമായുള്ള കലഹത്തെ തുടർന്ന് പാലാ ടൗണിൽ യുവാവ് തോട്ടിൽ ചാടി. വീണത് വെള്ളമില്ലാതിരുന്ന ഭാഗത്ത്. ഇന്ന് വൈകുന്നേരം നാലരയോടെയാണ് ഉള്ളനാട് സ്വദേശിയായ അനുരാജ് തോട്ടിലേക്ക് ചാടിയത്. പാലാ ടൗണിൽ വച്ച് അനുരാജും ഭാര്യയും തമ്മിൽ വാക്കു തർക്കം ഉണ്ടായതിനെ തുടർന്ന് ദേഷ്യത്തിൽ നിയന്ത്രണം വിട്ട് അനുരാജ് പുഴക്കര പാലത്തിന് സമീപം ളാലം തോട്ടിൽ ചാടുകയുമായിരുന്നു.വെള്ളമില്ലാത്ത ഭാഗത്തേക്ക് വീണ അനുരാജിന് പരിക്കേറ്റു. സ്ഥലത്തുണ്ടായിരുന്നവർ അറിയിച്ചതിനെത്തുടർന്ന് ഫയർഫോഴ്സ് എത്തി ഇയാളെ കരയ്ക്കെത്തിച്ചു.കൈയ്ക്കും കാലിനും ഒടിവ് സംഭവിച്ച അനുരാജിനെ പാലാ ജനറൽ ആശുപത്രിയിൽ പ്രവേശിപ്പിച്ചു
കോട്ടയം ; ജില്ലാതല സ്വാതതന്ത്ര്യദിനാഘോഷച്ചടങ്ങുകൾ ഓഗസ്റ്റ് 15 (വെള്ളി) രാവിലെ കോട്ടയം പോലീസ് പരേഡ് ഗ്രൗണ്ടിൽ നടക്കും. രാവിലെ 9.00 മണിക്ക് മൃഗസംരക്ഷണ- ക്ഷീരവികന വകുപ്പുമന്ത്രി ജെ. ചിഞ്ചുറാണി പതാക ഉയർത്തും. തുടർന്ന് സല്യൂട്ട് സ്വീകരിക്കും. പരേഡിൽ 25 പ്ലാറ്റൂണുകൾ പങ്കെടുക്കും. ചടങ്ങുകൾ രാവിലെ 8.35ന് ആരംഭിക്കും. പോലീസ്, എക്സൈസ്, വനംവകുപ്പ്, അഗ്നിരക്ഷാസേന, എന്നിവയുടെ അഞ്ചു പ്ലാറ്റൂണുകൾ, എൻ.സി.സി. സീനിയർ, ജൂനിയർ ഡിവിഷനുകളിലായി ആറു പ്ലാറ്റൂണുകൾ, സ്റ്റുഡന്റ് പോലീസ് കേഡറ്റിന്റെ ആറു പ്ലാറ്റൂണുകൾ, സ്കൗട്ട്, ഗൈഡ്സ് വിഭാഗത്തിൽനിന്ന് നാലു പ്ലാറ്റൂണുകൾ, ജൂനിയർ റെഡ്ക്രോസ് വിഭാഗത്തിൽ രണ്ടു പ്ലാറ്റൂണുകൾ, എന്നിവയ്ക്കൊപ്പം രണ്ടു ബാൻഡ് പ്ലാറ്റൂണുകളും പരേഡിൽ അണിനിരക്കും. ഗാന്ധിനഗർ പോലീസ് സ്റ്റേഷൻ ഇൻസ്പെക്ടർ ടി. ശ്രീജിത്ത് ആണ് പരേഡ് കമാൻഡർ. ജില്ലാ പോലീസ് ആസ്ഥാനത്തെ (ഡി.എച്ച്.ക്യൂ)റിസർവ് സബ് ഇൻസ്പെക്ടർ പി.എം. സുനിൽ ആണ് സെക്കൻഡ് ഇൻ കമാൻഡ്. ഡി.എച്ച്.ക്യൂ . പ്ലാറ്റൂണിനെ റിസർവ് സബ് ഇൻസ്പെക്ടർ ബിറ്റു തോമസ്, കേരള സിവിൽ പോലീസ് പ്ലാറ്റൂണിനെ ചങ്ങനാശേരി പോലീസ് സ്റ്റേഷൻ സബ് ഇൻസ്പെക്ടർ ആർ.പി. ടിനു, വനിതാ പോലീസ് പ്ലാറ്റൂണിനെ കോട്ടയം ഈസ്റ്റ് സ്റ്റേഷൻ സബ് ഇൻസ്പെക്ടർ ജി. പ്രീതി, എക്സൈസ് പ്ലാറ്റൂണിനെ കാഞ്ഞിരപ്പള്ളി റേഞ്ച് ഓഫീസിലെ എക്സൈസ് ഇൻസ്പെക്ടർ സുധി കെ. സത്യപാലൻ, ഫോറസ്റ്റ് പ്ലാറ്റൂണിനെ വണ്ടൻപതാൽ ഡെപ്യൂട്ടി റേഞ്ച് ഫോറസ്റ്റ് ഓഫീസർ എസ്. സുനിൽകുമാർ എന്നിവർ നയിക്കും. എൻ.സി.സി. സീനിയർ ആർമി പെൺകുട്ടികളുടെ വിഭാഗത്തിൽ കോട്ടയം ബസേലിയസ് കോളജ്, കോട്ടയം സി.എം.എസ്. കോളജ്, കോട്ടയം എം.ഡി. സെമിനാരി എച്ച്.എസ്. ആൺകുട്ടികളുടെ വിഭാഗത്തിൽ കോട്ടയം എം.ഡി. സെമിനാരി എച്ച്.എസ്. എന്നീ സ്കൂളുകളുടെ പ്ലാറ്റൂണുകൾ അണിനിരക്കും. എൻ.സി.സി. ജൂനിയർ ആർമി പെൺകുട്ടികളുടെയും ആൺകുട്ടികളുടെയും വിഭാഗത്തിൽ വടവാതൂർ ജവഹർ നവോദയ സ്കൂളിലെ പ്ലാറ്റൂണുകൾ ഉണ്ടാകും. സ്റ്റുഡന്റ് പോലീസ് കേഡറ്റ് വിഭാഗത്തിൽ കോട്ടയം ബേക്കർ മെമ്മോറിയൽ ജി.എച്ച്.എസ്, കഞ്ഞിക്കുഴി മൗണ്ട് കാർമൽ ജി.എച്ച്.എസ്, ഏറ്റുമാനൂർ മോഡൽ റെസിഡൻഷ്യൽ സ്കൂൾ, മണർകാട് സെന്റ് മേരീസ് എച്ച്.എസ്.എസ്, കോട്ടയം എം.ഡി. സെമിനാരി സ്കൂൾ, സി.എം.എസ്. എച്ച്.എസ്. കോട്ടയം, സ്കൗട്ട്സ് വിഭാഗത്തിൽ കോട്ടയം ഹോളി ഫാമിലി എച്ച്.എസ്.എസ്., കോട്ടയം എം.ഡി. സെമിനാരി, ഗൈഡ്സ് വിഭാഗത്തിൽ കോട്ടയം ബേക്കർ മെമ്മോറിയൽ ജി.എച്ച്.എസ്, കോട്ടയം മൗണ്ട് കാർമൽ ജി.എച്ച്.എസ്., ജൂനിയർ റെഡ് ക്രോസ് വിഭാഗത്തിൽ കഞ്ഞിക്കുഴി മൗണ്ട് കാർമൽ ജി.എച്ച്.എസ്., കോട്ടയം എം.ഡി. സെമിനാരി എച്ച്.എസ്.എസ് എന്നീ പ്ലാറ്റൂണുകൾ പങ്കെടുക്കും. ഏറ്റുമാനൂർ മോഡൽ റെസിഡൻഷ്യൽ സ്കൂൾ, കോട്ടയം മൗണ്ട് കാർമൽ ജി.എച്ച്.എസ് എന്നീ സ്കൂളുകൾ ബാൻഡ് പളാറ്റൂണുകളായി അണിനിരക്കും. ജില്ലാ പോലീസ് ആസ്ഥാനത്തെ അസിസ്റ്റന്റ് സബ് ഇൻസ്പെക്ടർ വിൽസൺ വി. ജോൺ ആയിരിക്കും ബാൻഡ് മാസ്റ്റർ. കോട്ടയം മൗണ്ട് കാർമൽ ജി.എച്ച്.എസ്, ബേക്കർ മെമ്മോറിയൽ ജി.എച്ച്.എസ്. എന്നിവർ ദേശഭക്തി ഗാനങ്ങൾ അവതരിപ്പിക്കും. പരേഡ് റിഹേഴ്സൽ തിങ്കൾ, ചൊവ്വ ദിവസങ്ങളിൽ പോലീസ് പരേഡ് ഗ്രൗണ്ടിൽ നടന്നിരുന്നു. ബുധനാഴ്ച രാവിലെ ഡ്രസ് റിഹേഴ്സലും നടത്തി ഒരുക്കങ്ങൾ പൂർത്തിയാക്കി.
എരുമേലി : കെഎസ്ആർടിസി എരുമേലി ഡിപ്പോ പ്രവർത്തിക്കുന്ന സ്ഥലവും കെട്ടിടവും ഒഴിഞ്ഞു നൽകണമെന്ന് പാലാ സബ് കോടതിയുടെ വിധിയെ തുടർന്ന് ഉണ്ടായിട്ടുള്ള പ്രതിസന്ധി സംബന്ധിച്ചും ഇത് സംബന്ധമായി അടിയന്തരമായി ഹൈക്കോടതിയിൽ അപ്പീൽ നൽകി അനുകൂല വിധി സമ്പാദിക്കേണ്ടതിന്റെ ആവശ്യകത ചൂണ്ടിക്കാട്ടിയും, ഗതാഗത വകുപ്പ് മന്ത്രി കെ.ബി ഗണേഷ് കുമാറിന് അഡ്വ. സെബാസ്റ്റ്യൻ കുളത്തുങ്കൽ എംഎൽഎ നിവേദനം നൽകി. ഇതോടൊപ്പം നിലവിൽ ഡിപ്പോയുടെ ഓഫീസ് പ്രവർത്തിക്കുന്ന കെട്ടിടം അപകടാവസ്ഥയിൽ ആയതിനാൽ അവിടെ ഓഫീസ് പ്രവർത്തിക്കുന്നത് സുരക്ഷിതമല്ലെന്നും, അടിയന്തരമായി ഓഫീസ് മാറ്റി സ്ഥാപിക്കുവാൻ നടപടികൾ സ്വീകരിക്കണമെന്ന് മന്ത്രിയോട് ആവശ്യപ്പെട്ടിട്ടുണ്ട് എന്നും എംഎൽഎ അറിയിച്ചു.ഇതിനായി കെഎസ്ആർടിസി ബസ് സ്റ്റാൻഡിനു സമീപമുള്ള ദേവസ്വം ബോർഡിന്റെ ബഹുനില കെട്ടിടത്തിൽ നിന്നും മൂന്ന് മുറികൾ വിട്ടുകിട്ടിയാൽ സൗകര്യപ്രദമാണെന്ന് ചൂണ്ടിക്കാട്ടുകയും ഇതിനായി ദേവസ്വം ബോർഡിനെ സമീപിക്കണമെന്ന് ആവശ്യപ്പെടുകയും ചെയ്തിട്ടുണ്ട്. ഇപ്രകാരം കെഎസ്ആർടിസി സ്ഥലം വിട്ട് ഒഴിയണം എന്നുള്ള കോടതിവിധിയ്ക്ക് സ്റ്റേ ഉത്തരവ് സമ്പാദിക്കാനായി എംഎൽഎ നൽകിയ നിവേദനത്തെ തുടർന്ന് അപ്പീൽ നൽകാൻ മന്ത്രി നിർദേശം നൽകി. അതോടൊപ്പം കെഎസ്ആർടിസിയുടെ ഓഫീസ് പ്രവർത്തിക്കുന്ന കെട്ടിടത്തിന്റെ ശോച്യാവസ്ഥ പരിഗണിച്ച് ഓഫീസ് മാറ്റി സ്ഥാപിക്കുന്നതിന് ആവശ്യമായ നടപടികൾ സ്വീകരിക്കുന്നതാണെന്നും മന്ത്രി അറിയിച്ചതായി എംഎൽഎ പറഞു.
കോട്ടയം: തെരഞ്ഞെടുപ്പുകളിലെ ക്രമക്കേടുകള്ക്കെതിരെയും വോട്ടര് പട്ടികയിലെ ക്രമക്കേട് ചോദ്യം ചെയ്ത എംപിമാരെ അറസ്റ്റ് ചെയ്ത നടപടിക്കെതിരെയും പ്രതിഷേധിച്ചുകൊണ്ട് എഐവൈഎഫ് ജില്ലാ കമ്മറ്റി നൈറ്റ് മാര്ച്ച് സംഘടിപ്പിച്ചു. സിപിഐ ജില്ലാ കൗണ്സിലംഗം ജോണ് വി ജോസഫ് ഉദ്ഘാടനം ചെയ്തു. എഐവൈഎഫ് ജില്ലാ പ്രസിഡന്റ് കെ രഞ്ജിത്ത് അധ്യക്ഷനായി. ജില്ലാ സെക്രട്ടറി ഷമ്മാസ് ലത്തീഫ്, ബിനു ബോസ്, സന്തോഷ് കേശവനാഥ്, എൻ എൻ വിനോദ്, അജിത്ത് വാഴൂർ, നന്ദു ജോസഫ്, നിഖിൽ ബാബു, സന്തോഷ് കൃഷ്ണൻ, അഖിൽ കെ യു, ദീപുരാജൻ തുടങ്ങിയവർ പങ്കെടുത്തു.
കോട്ടയം ജില്ലയുടെ അൻപതാമത് കളക്ടറായി ചേതൻ കുമാർ മീണ ബുധനാഴ്ച (ഓഗസ്റ്റ് 13) രാവിലെ ചുമതലയേൽക്കും. രാവിലെ 10.00ന് കളക്ട്രേറ്റിലെത്തുന്ന അദ്ദേഹത്തിന് സ്ഥാനമൊഴിയുന്ന ജില്ലാ കളക്ടർ ജോൺ വി. സാമുവൽ ചുമതല കൈമാറും. ന്യൂഡൽഹി കേരള ഹൗസ് അഡീഷണൽ റസിഡന്റ് കമ്മിഷണർ ചുമതല നിർവഹിച്ചുവരികയായിരുന്നു ചേതൻ കുമാർ മീണ.
