E News

പ്രാദേശികം

ജനകീയ രക്തദാന സേന ഷിഹാബ് അനുസ്മരണവും അവാർഡ് ദാനവും സംഘടിപ്പിച്ചു

enews 24 September,2024

ഈരാറ്റുപേട്ട: ജനകീയ രക്തദാന സേന(PBDA,)യുടെ കോട്ടയം ജില്ലാ ചീഫ് കോഡിനേറ്ററും സെക്രട്ടറിയേറ്റ് അംഗവും ജീവകാരുണ്യ പ്രവർത്തകനുമായ ഷിഹാബ് ഈരാറ്റുപേട്ട അനുസ്മരണ സമ്മേളനം സംഘടിപ്പിച്ചു. ഷിഹാബിന്റെ കുടുംബത്തിന്റെയും, നാട്ടുകാരുടെയും, പൊതുസമൂഹത്തിന്റെയും സാന്നിധ്യത്തിൽ ഫുഡ്‌ ബുക്ക്‌ ഓഡിറ്റോറിയത്തിൽ നടന്ന സമ്മേളനം ഈരാറ്റുപേട്ട നഗരസഭ ചെയർപേഴ്സൺ സുഹറ അബ്ദുൽ ഖാദർ ഉദ്ഘാടനം ചെയ്തു. രക്തദാന സേന ചെയർമാൻ മുജീബ് റഹ്മാൻ അധ്യക്ഷത വഹിച്ചു. ട്രഷറർ നജീബ് കാഞ്ഞിരപ്പള്ളി സ്വാഗതം ആശംസിച്ചു. കേരളത്തിലെ ജനപ്രതിനിധികളിൽ ജനകീയ രക്തദാന സേനയ്ക്ക് വേണ്ടി ഏറ്റവും കൂടുതൽ തവണ രക്തം ദാനം നൽകിയ പൂഞ്ഞാർ എം.എൽ.എ അഡ്വ. സെബാസ്റ്റ്യൻ കുളത്തുങ്കലിന് പി.ബി.ഡി.എ എക്സലൻസ് അവാർഡ് നൽകി ആദരിച്ചു. അതേ വേദിയിൽ വെച്ച് വയനാട് ദുരന്തമേഖലയിൽ ദുരിതാശ്വാസ പ്രവർത്തനങ്ങളിൽ ഏർപ്പെട്ട ജനകീയ രക്തദാന സേനയുടെ മുഴുവൻ കോഡിനേറ്റർമാരെയും ജില്ലകളെയും ആദരിച്ചതിനൊപ്പം മെഡിക്കൽ എൻട്രൻസ് എക്സാമിൽ മികച്ച വിജയം കരസ്ഥമാക്കിയ ആദിൽ അൻസാരിക്കു എഡ്യൂക്കേഷൻ അഡ്വ: നഗരസഭ വൈസ് ചെയർമാൻ അഡ്വ. മുഹമ്മദ് ഇല്യാസ്, ദക്ഷിണ കേരള ജംഇയ്യത്തുൽ ഉലമ സംസ്ഥാന സെക്രട്ടറി മുഹമ്മദ് നദീർ മൗലവി, നൈനാർ പള്ളി ചീഫ് ഇമാം അഷറഫ് മൗലവി അൽ കൗസരി, വ്യാപാരി വ്യവസായി ഏകോപന സമിതി യൂണിറ്റ് സെക്രട്ടറി ടി.ടി. മാത്യു, അനസ് നാസർ (കോൺഗ്രസ്), ഫൈസൽ പി.ആർ (സി.പി.എം), എം.ജി. ശേഖരൻ (സി.പി.ഐ), മുഹമ്മദ് ഹാഷിം ( മുസ്ലിം ലീഗ്), രാജേഷ് (ബി.ജെ.പി), നിഷാദ് നടക്കൽ (പി.ഡി.പി), അനസ് പാറയിൽ (നഗരസഭാ കൌൺസിലർ), ഹസീബ് (ജമാഅത്തെ ഇസ്ലാമി), നാസർ മുണ്ടക്കയം (ഐ.എസ്.എം സംസ്ഥാന വൈസ് പ്രസിഡണ്ട്), ഡോ. സഹല ഫിർദൗസ് (കൗൺസിലർ), ഷിയാസ് മുഹമ്മദ്‌ സി.സി.എം (യൂത്ത് കോൺഗ്രസ് ജില്ലാ സെക്രട്ടറി), അക്ബർ സ്വലാഹി (ഐ.എസ്.എം ജില്ലാ പ്രസിഡണ്ട്), ഷഹീർ കരുണ (വെൽഫെയർ പാർട്ടി), മുനീർ പാലക്കാട്‌ (രക്തദാന സേന സെൻട്രൽ കമ്മിറ്റി മെമ്പർ), പ്രിൻസ് മാത്യു (രക്തദാന സേന സെക്രട്ടറി), ഷിജു കരുണാകരൻ (രക്തദാന സേന സെൻട്രൽ കമ്മിറ്റി മെമ്പർ), ഷബ്ന വയനാട് (രക്തദാന സേന സെൻട്രൽ കമ്മിറ്റി മെമ്പർ ), സുജ (ട്രിവാൻഡ്രം ജില്ലാ കോർഡിനേറ്റർ ), സന്തോഷ് വയല (രക്തദാന സേന ആന്ധ്ര/തെലുങ്കാന ചീഫ് കോഡിനേറ്റർ), ബിക്കു സ്റ്റാൻലി (രക്തദാന സേന കോട്ടയം ജില്ലാ ചീഫ് കോർഡിനേറ്റർ), ടീം എമർജൻസി പ്രവർത്തകർ എന്നിവർ ആശംസകൾ അർപ്പിച്ച് സംസാരിച്ചു.

പ്രാദേശികം

കൊല്ലം ശൂരനാട് നിന്നും വിങ്ങുന്ന വേദനയുമായി ടീം നന്മക്കൂട്ടത്തെ കാണാന്‍ ഹാറുന്റെ കുടുംബം ഈരാറ്റുപേട്ടയില്‍

enews 24 September,2024

ഈരാറ്റുപേട്ട: മൂന്നിലവ് കാടപ്പുഴ വെള്ളച്ചാട്ടം കാണാന്‍ കൊല്ലം ശൂരനാട് സ്വദേശികളായ ഹാറുനും സുഹൃത്തുകളും കഴിഞ്ഞ ബുധനാഴ്ച്ച എത്തിയിരുന്നു. ദൗര്‍ഭാഗ്യവെച്ചാല്‍ ഹാരിസിന്റെ മകന്‍ ഹാറൂന്‍ വഴുതി വെള്ളക്കെട്ടിലേക്ക് വീഴുകയായിരുന്നു. സംഭവ അറിഞ്ഞയുടനെ നാട്ടുകാര്‍ സ്ഥലത്തെത്തിയെങ്കിലും കണ്ടെടുക്കാന്‍ കഴിഞ്ഞില്ല ഉടനെ നന്മക്കൂട്ടം ഓഫീസില്‍ വിവരം ലഭിച്ചയുടനെ തന്നെ ടീം അംഗങ്ങളായ ഹാരിസും അമീറും ആഴമേറിയ വെള്ളക്കെട്ടില്‍ മുങ്ങി ഹാറുന്റെമൃതദേഹം കണ്ടെത്തി. പോസ്റ്റ്മാര്‍ട്ടം കഴിഞ്ഞ കുടുംബാങ്ങള്‍ക്ക് കൈമാറുന്നതുവരെ ടീം അംഗമായ സിസിഎം അബ്ദുല്‍ ഖാദറും അവരോടൊപ്പം തന്നെയുണ്ടായിരന്നു. വീഡിയോ കാണാം https://www.facebook.com/share/v/7kZf85mRLKNLNtpW/?mibextid=GOdwvm വിങ്ങുന്ന വേദനയുമായി ഹാറുന്റെ കുടുംബാംഗങ്ങളും മറ്റുള്ളവരും ടീ നന്മക്കൂട്ടം നടത്തിയ സാഹസിക പ്രകടനത്തിന് നന്ദി അറിയിക്കന്‍ ഇന്ന് ഓഫീസിലെത്തി. ഞങ്ങളുടെ കുട്ടി മരണപ്പെട്ടു എന്നകേട്ടപ്പോള്‍ തന്നെ സ്വന്തം ജീവനുകള്‍ പണയപ്പെടുത്തി മുന്നിട്ടിറങ്ങിവരെ നേരില്‍ കാണ് നന്ദി അറിയിക്കണമെന്ന് ഞങ്ങള്‍ക്ക് തോന്നിയത് കൊണ്ടാണ് വേദന മാറും മുമ്പെ എത്തിയതെന്ന് കൊല്ലം ശൂരനാട് നിന്നെത്തിയെ സംഘം പറഞ്ഞു. ടീമിന്റെ വര്‍ത്ത അവരുടെ ഫേയ്‌സ്ബുക്കിലൂടെ കണ്ട്. അവരുടെ പേജ് കയറി നോക്കിയപ്പേഴ് ഇവരെ പ്രശംസിക്കാന്‍ ഫോണില്‍ വിളിച്ചാല്‍ പോര ടീം അംഗങ്ങളെ നേരില്‍ കാണാണ്‍ തന്നെ വന്നതെന്നും ടീം നടത്തിവരുന്ന പ്രവര്‍ത്തിനങ്ങള്‍ക്ക് ഒരു മൊമന്റോയില്‍ മാത്രം ഒതുങ്ങിന്നതല്ല. ഇരുടെ പ്രവര്‍ത്തനങ്ങള്‍ക്ക് ദൈവതമ്പുരാന്‍ എല്ലാവിത അനുഗ്രങ്ങളും നല്‍കട്ടെ എന്ന് പ്രാര്‍ത്ഥിച്ചുമാണ് പിതാവ് ഹാരിസ്, ആലുക്ക ശൂരനാട്, ബദര്‍ ശൂരനാട്, സുബൈര്‍ താഴത്ത് ഷെമീര്‍ സാര്‍, സക്കീര്‍ പലവിള, ഷെഫീഖ്, അന്‍സാരി, ലത്തീഫ്, ദിലീപ് തുടങ്ങിയവര്‍ തിരിച്ച് യാത്ര തിരിച്ചത്. ടീം നന്മക്കൂട്ടം അഗങ്ങളായ അഫ്സല്‍, ജഹനാസ്, റമീസ്, അഷ്റഫ്, സജി, ഈരാറ്റുപേട്ട ഫയര്‍ഫോഴ്സ് തുടങ്ങിയവര്‍ നാട്ടുകാരോടപ്പെ തിരച്ചലില്‍ പങ്കാളിയായിരുന്നു.

പ്രാദേശികം

തനിമ പൂക്കളം 2024 സൗഹൃദ സംഗമം സംഘടിപ്പിച്ചു.

enews 23 September,2024

ഈരാറ്റുപേട്ട .സൗന്ദര്യമുള്ള ജീവിതത്തിന് എന്ന മുദ്രാവാക്യവുമായി കലാസാഹിത്യരംഗത്ത് കേരളത്തിൽ ഉടനീളം പ്രവർത്തിച്ചുവരുന്ന തനിമ കലാസാഹിത്യ വേദിയുടെ ഈരാറ്റുപേട്ട ചാപ്റ്റർ സംഘടിപ്പിച്ച പൂക്കളം 24 സൗഹൃദ സംഗമം ഓണ സ്മരണകളാലും കലാ പരിപാടികളാലും ശ്രദ്ധേയമായി.പ്രൊഫസർ എം ജി ചന്ദ്രശേഖരൻ ഉദ്ഘാടനം നിർവഹിച്ച പരിപാടിയിൽ ഇ. മുഹമ്മദ് (റിട്ടയേഡ് എച്ച് എം) സൗഹൃദ പൂക്കളം വരയ്ക്കലിന് തുടക്കമിട്ടുകൊണ്ട് ഓണ സ്മരണകൾ പുതുക്കി. ജയൻ തലനാട്, പൂഞ്ഞാർ സഹോദരങ്ങളായ സന്തോഷ്, സതീഷ് എന്നിവർ ചേർന്ന് സംഗീത വിരുന്നൊരുക്കി.കലാ, സാഹിത്യ, സാംസ്കാരിക രംഗത്തെ പ്രമുഖർ ഓണ സ്മരണകൾ പങ്കിട്ട് പൂക്കളം തീർത്തു. ഓണക്കഥകളും കവിതകളും, ഗാനങ്ങളും ചേർന്ന് സൗഹൃദ സംഗമം ഈരാറ്റുപേട്ടയ്ക്ക് നവ്യാനുഭൂതി പകർന്നുനൽകി.തനിമ കലാസാഹിത്യ വേദി ഈരാറ്റുപേട്ട ചാപ്റ്റർ പ്രസിഡൻറ് അൻസാർ അലിഅധ്യക്ഷത വഹിച്ച യോഗത്തിൽ പ്രോഗ്രാം കോഡിനേറ്റർ എസ് എഫ് ജബ്ബാർ സ്വാഗതം അർപ്പിച്ചു. ജനറൽ സെക്രട്ടറി അമീൻ ഒപ്ടിമ കോർഡിനേറ്റർമാരായ ഷാഹുൽ ഹമീദ്, നസീർ കണ്ടത്തിൽ, നാസർ പി എസ്, റഷീദ നിജാസ്, ഹസീന ടീച്ചർ എന്നിവർ എന്നിവർ സൗഹൃദ സംഗമത്തിന് നേതൃത്വം നൽകി.

പ്രാദേശികം

സീതി സാഹിബ് മെമ്മോറിയൽ പ്രസംഗ മത്സരം.

enews 23 September,2024

പൂഞ്ഞാർ.ഗൈഡൻസ് പബ്ലിക് സ്കൂളിൽ കഴിഞ്ഞ അഞ്ച് വർഷമായി നടത്തി വരുന്ന സീതി സാഹിബ് ഇൻ്റർ സ്കൂൾ പ്രസംഗ മത്സരം ഒക്ടോബർ 26 ശനിയാഴ്ച നടത്താൻ തീരുമാനിച്ചിരിക്കുന്നു. എൽ.പി,യു.പി, ഹൈസ്കൂൾ വിഭാഗങ്ങൾക്കായി നടത്തുന്ന മത്സരത്തിൽ പങ്കെടുക്കാൻ താല്പര്യമുള്ളവർ 9072501353 എന്ന നമ്പറിൽ ബന്ധപ്പെടുക.

പ്രാദേശികം

അരുവിത്തുറ കോളേജിൽ ബൗദ്ധിക സ്വത്തവകാശ നിയമ സെമിനാർ

enews 23 September,2024

അരുവിത്തുറ : അരുവിത്തുറ സെന്റ് ജോർജസ്സ് കോളേജ് കെമിസ്ട്രി വിഭാഗത്തിൻ്റെയും ഇൻ്റല്ജച്ച്വൽ പ്രോപ്പർട്ടി സെല്ലിൻ്റെയും ആഭിമുഖ്യത്തിൽ ബൗദ്ധീക സ്വത്തവകാശ സെമിനാർ സംഘടിപ്പിച്ചു. കാഞ്ഞിരപ്പള്ളി അമൽ ജ്യോതി എഞ്ചിനിയറിംഗ് കോളേജ് അസിസ്റ്റൻ്റ് ഫ്രൊഫ. എബി വർഗ്ഗീസ് സെമിനാറിൽ മുഖ്യ പ്രഭാഷണം നടത്തി.ഇന്നൊവേഷൻ ആണ് പുരോഗതിയുടെ കാതൽ. നമ്മുടെ ആശയങ്ങൾ സംരക്ഷിക്കപ്പെടുന്നുവെന്ന് ഉറപ്പാക്കുന്നത് നവീകരണത്തെ പോലെ തന്നെ പ്രധാനമാണ്. അവിടെയാണ് ബൗദ്ധിക സ്വത്തവകാശം ഒരു പ്രധാന പങ്ക് വഹിക്കുന്നതെന്ന് അദ്ധേഹം പറഞ്ഞു. ചടങ്ങിൽ കോളേജ് പ്രിൻസിപ്പൽ പ്രൊഫ. ഡോ സിബി ജോസഫ്,കോളേജ് ബർസാർ ഫാ. ബിജു കുന്നക്കാട്ട് കെമിസ്ട്രി വിഭാഗം മേധാവി ഡോ ഗ്യാബിൾ ജോർജ് തുടങ്ങിയവർ സംസാരിച്ചു.

പ്രാദേശികം

ഈരാറ്റുപേട്ട മുസ്ലിം ഗേൾസ് സ്കൂളിൽ പ്രഭാത ഭക്ഷണ പദ്ധതിക്ക് തുടക്കമായി.

enews 23 September,2024

ഈരാറ്റുപേട്ട .മുസ്ലിം ഗേൾസ് ഹയർ സെക്കണ്ടറി സ്കൂളിൽ വളരെ ദൂരത്ത് നിന്ന് സ്കൂളിൽ പഠിക്കുവാൻ എത്തുന്ന വിദ്യാർത്ഥികൾക്ക് സ്കൂളിൻ്റെ ഡയമണ്ട് ജൂബിലി ആഘോഷത്തിൻ്റെ ഭാഗമായി സൗജന്യമായി പ്രഭാത ഭക്ഷണം നൽകുന്ന പദ്ധതിക്ക് തിങ്കളാഴ്ച രാവിലെ 8.30ന് തുടക്കമായി. സ്കൂൾ നടത്തിപ്പ് കാരയായ മുസ് ലിം എഡ്യൂക്കേഷണൽ ട്രസ്റ്റാണ് പി ടി.എ യുടെയും അധ്യാപകരുടെയും സഹകരണത്തോടെ ഇങ്ങനെ ഒരു മാതൃക പദ്ധതിക്ക് തുടക്കം കുറിച്ചത്. 60 കുട്ടികൾക്കാണ് ഇന്ന് ഭക്ഷണം നൽകിയത്. ഡയമണ്ട് ജൂബിലി ആഘോഷത്തിൻ്റെ ഭാഗമായി ജൂൺ മുതൽ 60 വിദ്യാർത്ഥികൾക്ക് മാസം തോറും ആയിരം രൂപ സ്കോളർഷിപ്പ് നൽകുന്ന പദ്ധതിയും നിലവിലുണ്ട്. അഞ്ചാം ക്ലാസ് മുതൽ പ്ലസ് ടൂ വരെ 1900തോളം പെൺകുട്ടികൾ ഈ സ്കൂളിൽ പഠിക്കുന്നുണ്ട്. ഇന്ന് ഇഡലിയായിരുന്നു പ്രഭാത ഭക്ഷണം. ഒരോ ദിവസവും വിത്യസ്ത വിഭവങ്ങളാണ് വിദ്യാർത്ഥികൾക്ക് പ്രഭാത ഭക്ഷണമായി നൽകുന്നത്. 60 വിദ്യാർത്ഥികൾക്ക് ഇന്ന് ഭക്ഷണം നൽകിയത്.സൗജന്യ പ്രഭാത ഭക്ഷണവിതരണോൽഘാടനം എം.ഇ.റ്റി ചെയർമാൻ പ്രൊഫ.എം.കെ.ഫരീദ് ഉദ്ഘാടനം ചെയ്തു. ട്രസ്റ്റ് സെക്രട്ടറി പി.കെ. കൊച്ചുമുഹമ്മദ് പൊന്തനാൽ അധ്യക്ഷത വഹിച്ചു. നഗരസഭാ കൗൺസിലർ പി.എം.അബ്ദുൽ ഖാദർ ,പ്രിൻസിപ്പൾ പി.പി.താഹിറ, ഹെഡ്മിസ്ട്രസ് എം.പി ലീന, പി.ടി.എ പ്രസിഡൻ്റ് തസ്നി മുഹമ്മദ് എന്നിവർ സംസാരിച്ചു.

പ്രാദേശികം

കുടുംബയോഗം ചേർന്നു.

enews 23 September,2024

ഈരാറ്റുപേട്ട -തുതു പള്ളി സാലിമ കുടുംബയോഗം മറ്റയ്ക്കാട്. എം.പി.മുഹമ്മദ് കുട്ടിയുടെ വസതിയിൽ ചേർന്നു. എസ്. എസ്.എൽ.സി. പ്ലസ്ടൂ, ബി.ടെക് പരീക്ഷകളിൽ ഉന്നത വിജയം നേടിയ വിദ്യാത്ഥികളെ ആദരിച്ചു. ഭാരവാഹികൾ പ്രസിഡന്റ് എം.പി.മുഹമ്മദ് കുട്ടി, സെക്രട്ടറി കെ.പി. റിയാസ്. ഖജാൻജി എസ്.എം. ഷാഹിദ്. വൈസ് പ്രസിഡൻ്റ്മാർ - ഹംസ തീക്കോയി , കബീർ വി.എം. ജോ:സെക്രട്ടറിമാർ- ഇസ്മായിൽ, ഹംസ. ഒറ്റയിൽ

പ്രാദേശികം

ഈരാറ്റുപേട്ട മിനി സിവിൽ സ്റ്റേഷൻ സ്ഥലം ഏറ്റെടുപ്പ് അന്തിമ ഘട്ടത്തിൽ

enews 23 September,2024

ഈരാറ്റുപേട്ട: ഏറെ തർക്കങ്ങൾക്കും വിവാദങ്ങൾ ഒടുവിൽ ഈരാറ്റുപേട്ട മിനി സിവിൽസ്റ്റേഷൻ സ്ഥലം ഏറ്റെടുപ്പ് അന്തിമ ഘട്ടത്തിലെത്തി. ഇക്കഴിഞ്ഞ ദിവസംപൂഞ്ഞാർ എം.എൽ.എ. അഡ്വ: സെബാസ്റ്റ്യൻ കുളത്തുങ്കൽ, ജില്ലാ കലക്ടർ ജോൺ വി.സാമുവൽ , ജില്ലാ പോലീസ്‌ മേധാവി ഷാഹുൽ ഹമിദ്എന്നിവർ സ്ഥലം സന്ദർശിച്ച് തർക്കത്തിന് പരിഹാരമാക്കുകയായിരുന്നു.മിനിസിവിൽ ഇല്ലാത്ത ഏകനിയോജകമണ്ഡലമായ പൂഞ്ഞാറിൽ 2022 ലെ സംസ്ഥാന ബഡ്ജറ്റിൽ 10 കോടി രൂപ അനുവദിക്കുകയും ഈരാറ്റുപേട്ട പോലീസ്‌സ്റ്റേഷന്റെ കൈവശമിരിക്കുന്ന രണ്ടേമുക്കാൽ ഏക്കർ സർക്കാർ പുറംമ്പോക്ക് ഭൂമി യിൽനിന്നും സിവിൽ സ്റേറഷന് ആവശ്യമായസ്ഥലത്തിന് റവന്യൂ വകുപ്പുമായി ബന്ധപ്പെടുകയുംഎന്നാൽഅന്നത്തെ കോട്ടയം ജില്ലാപോലീസ് മേധാവി ഈരാറ്റുപേട്ടയിൽ മതസ്പർദ്ദ ,ക്രമസമാധാനം, ഭീകരപ്രവർത്തനം എന്നീ വയിൽ അധിക കേസുകൾ നിലനിൽക്കുന്നതായും അതുകൊണ്ട് പ്രസ്തുത സർക്കാർ ഭൂമിയിൽ തീവ്രവാദ വിരുദ്ധട്രൈയിനിoഗ് കേന്ദ്രം നിർമ്മിക്കണമെന്നുള്ള റിപ്പോർട്ട്നൽകിയത് ഏറെ വിവാദങ്ങൾക്കും ചർച്ചകൾക്കുംവഴി തെളിച്ചിരുന്നു. ഇതു സംബന്ധിച്ച് കേസുകളുടെ എണ്ണവും കേസ് നമ്പരും ചോദിച്ചു കൊണ്ട് നിരവധി വിവരാവകാശ പ്രവർത്തകർ വിവരാവകാശ അപേക്ഷകൾ പൊലീസ് വകുപ്പിന് നൽകിയെങ്കിലും ഇതുവരെയും അപേക്ഷകർക്ക് മറുപടി ലഭിയിട്ടില്ല.പുഞ്ഞാർഎം.എൽ.എ.യുടെ ഇടപെടലിന്‌ തുടർന്ന് ഇക്കഴിഞ്ഞ ജൂലൈ 4 ന് മുഖ്യമന്ത്രിപിണറായി വിജയൻ തിരുവനന്തപുരത്ത് വിളിച്ചു ചേർത്ത റവന്യൂ, ആഭ്യന്തരവകുപ്പ് ഉന്നത ഉദ്യോഗസ്ഥന്മാരുടെയോഗത്തിൽ 50 സെന്റ് സ്ഥലംഈരാറ്റുപേട്ട മിനി സിവിൽ സ്റ്റേഷന് വിട്ടുകൊടുക്കണമെന്ന് റവന്യൂ . വകുപ്പിന് നിർദ്ദേശം നൽകുകയുണ്ടായി. തുടർന്ന് സ്ഥല നിർണ്ണയം സംബന്ധിച്ച് ചില തർക്കങ്ങൾ .പോലീസ് വകുപ്പ് ഉന്നയിച്ചതിനെ തുടർന്ന് നിലനിന്നതിനെ ജില്ലാ കളക്ടറും പോലീസ് മേധാവിയും ഇക്കഴിഞ്ഞദിവസം പൊലീസ് സ്റ്റേഷന് സമീപത്തെ സർക്കാർ സ്ഥലം സന്ദർശിച്ച് തർക്കം പരിഹരിക്കുകയായിരുന്നു.തുടർന്ന് ജില്ലാ കളക്ടർ പൊതുമരാമത്ത് വകുപ്പി ന് മിനി സിവിൽ കെട്ടിടം സംബന്ധിച്ച്സ്കെച്ചും പ്ലാനും തയ്യാറാക്കാൻ നിർദ്ദേശം നൽകി.എം.എൽ.എ. അഡ്വ.സെബാസ്റ്റ്യൻ കുളത്തിങ്കൽ,ഈരാറ്റുപേട്ട മുനിസിപ്പൽചെയർ പേഴസൻ സുഹുറഅബ്ദുൽ ഖാദർ, മീനച്ചിൽ തഹസിൽദാർ ലിറ്റി മോൾതോമസ്, അഡിഷനൽ എസ്.പി.വിനോദ് കുമാർപാലാ ഡി.വൈ.എസ്.പി. സദൻ വിവിധ രാഷ്ട്രീയ പാർട്ടി പ്രതിനിധികൾ എന്നിവർ ഉദ്യോഗസ്ഥ സംഘത്തോടൊപ്പം ഉണ്ടായിരുന്നു.

പ്രാദേശികം

Follow Us

Popular News