E News

പ്രാദേശികം

ഭിന്നശേഷി നിയമനത്തിന്റെ പേരിൽ എയ്ഡഡ് സ്കൂൾ നിയമനങ്ങൾ തടസ്സപ്പെടുത്തുന്ന സർക്കാർ നയത്തിനെതിരെ അരുവിത്തുറ സെന്റ് ജോർജ് ഹയർസെക്കൻഡറി സ്കൂളിന്റെ പ്രതിഷേധം

enews 20 August,2025

അരുവിത്തുറ: സെന്റ ജോർജ് ഹയർസെക്കൻഡറി സ്കൂളിൽ ഭിന്നശേഷി നിയമനത്തിന്റെ പേരിൽ എയ്ഡഡ് സ്കൂൾ നിയമനങ്ങൾ തടസ്സപ്പെടുത്തുന്ന സർക്കാർ നയത്തിനെതിരെ അധ്യാപകരും അനധ്യാപകരും പ്രതിഷേധിച്ചു. ആഗസ്റ്റ് 23 ശനിയാഴ്ച വിവിധ രൂപതകളിലെ ടീച്ചേഴ്സ് ഗിൽഡിന്റെ നേതൃത്വത്തിൽ കോട്ടയം ഗാന്ധി സ്ക്വയറിൽ നടക്കുന്ന പ്രതിഷേധ മാർച്ചിൽ സ്കൂളിലെ മുഴുവൻ അധ്യാപകരും പങ്കെടുക്കുമെന്ന് ഹെഡ്മാസ്റ്റർ ജോബിൻ തോമസ് അറിയിച്ചു. ന്റെ പ്രതിഷേധം

പ്രാദേശികം

അരുവിത്തുറ സെൻറ് ജോർജ് കോളേജിൽ ഫ്യൂച്ചർ സ്റ്റാർസ് അധ്യാപക ശിൽപശാല .

enews 19 August,2025

അരുവിത്തുറ : അരുവിത്തുറ സെന്റ്. ജോർജ് കോളേജിൽ ഫ്യൂചർ സ്റ്റാർസ് എഡ്യൂക്കേഷണൽ പ്രോജക്ടിന്റെ ആഭിമുഖ്യത്തിൽ പൂഞ്ഞാർ നിയോജകമണ്ഡലത്തിലെ ഗവൺമെൻ്റ്, എയിഡഡ് ,സി. ബി. എസ്. സി ഹൈസ്കൂൾ, ഹയർ സെക്കൻ്ററി വിഭാഗത്തിൽ പ്പെട്ട അദ്ധ്യാപകർക്കായി ഏകദിന ശില്പശാല സംഘടിപ്പിച്ചു. ശില്പശാല അഡ്വ സെബാസ്റ്റ്യൻ കുളത്തുങ്കൽ എം എൽ എ ഉദ്ഘാടനം ചെയ്തു. ഫ്യൂചർ സ്റ്റാർസ് പ്രൊജക്റ്റ്‌ ഡയറക്ടർ ഡോ. ആൻസി ജോസഫ് അധ്യക്ഷത വഹിച്ച സമ്മേളനത്തിൽ കോളേജ് ബർസാർ റെവ. ഫാ. ബിജു കുന്നയ്ക്കാട്ട് മുഖ്യപ്രഭാഷണം നടത്തി.കോളേജ് വൈസ് പ്രിൻസിപ്പൽ ഡോ ജിലു ആനി ജോൺ ,ഫ്യൂച്ചർ സ്റ്റാർസ് എക്സിക്യൂട്ടീവ് മെമ്പർ ബിനോയി. സി. ജോർജ്, എലിസബത്ത് തോമസ്, പി. പി. എം.നൗഷാദ്,സുനിൽ കെ. എസ് എന്നിവർ സംസാരിച്ചു. പ്രമുഖ പരിശിലകൻ ജോർജ് കരുണക്കൽ ക്ലാസുകൾ നയിച്ചു.സെമിനാറിൽ 50 അധ്യാപകർ പങ്കെടുത്തു.

പ്രാദേശികം

കോട്ടയം ജില്ല അഷറഫ് കൂട്ടായ്മയുടെ ആഭിമുഖ്യത്തിൽ ഈരാറ്റുപേട്ട മേഖലയിൽ മണ്ഡല രൂപീകരണവും സൗഹൃദ സംഗമവും നടന്നു

enews 19 August,2025

ഈരാറ്റുപേട്ട ; കോട്ടയം ജില്ല അഷറഫ് കൂട്ടായ്മയുടെ ആഭിമുഖ്യത്തിൽ ഈരാറ്റുപേട്ട മേഖലയിൽ മണ്ഡല രൂപീകരണവും സൗഹൃദ സംഗമവും നടക്കുകയുണ്ടായി സംഗമത്തിൽ നെയ്നാർ പള്ളിക്കത്തീബ് അഷ്റഫ് കൗസരി ഉദ്ഘാടനം ചെയ്യുകയും ഷറഫ് നദ്‌വി ഖിറാഅത്ത് ഓതുകയും അധ്യക്ഷനായി കോട്ടയം ജില്ലാ പ്രസിഡൻറ് അഷ്റഫ് പായിപ്പാട് സന്ദേശം നൽകിയും തുടർന്ന് നടന്ന പൊതു യോഗത്തിൽ സെക്രട്ടറി അഷറഫ് ഏന്തയാർ ജില്ലാ ട്രഷറർ അഷറഫ് കൊച്ചു വീട്ടിൽ തുടങ്ങിയവർ സംസാരിക്കുകയും മണ്ഡല രൂപീകരണം നടത്തുകയും ചെയ്തു സാമൂഹ്യ പ്രവർത്തകർ അഷ്റഫ് കൂട്ടിയെ ആദരിക്കുകയും ചെയ്തു.

പ്രാദേശികം

നിവേദനം നൽകി

Enews 18 August,2025

ഈരാറ്റുപേട്ട.പ്രൈവറ്റ് ബസ്റ്റാൻ്റ് ഭാഗത്ത ഗതാഗത തടസ്സം നീക്കാനുള്ള നടപടികൾ സ്വീകരിക്കണമെന്നാവശ്യപ്പെട്ട് ഫെയ്സ്. പൊളിച്ചിട്ട് മാസങ്ങൾ കഴിഞ്ഞിട്ടും, പുതിയ ബസ്റ്റാൻ്റ് പണി അനിശ്ചിതമായി നീളുന്നതിലും, നിലവിലുള്ള താൽക്കാലിക സംവിധാനങ്ങൾ തികച്ചും അപര്യാപ്തമാണെന്നതിലും പ്രതിഷേധിച്ചു കൊണ്ടും, എത്രയും പെട്ടന്ന് പുതിയ ബസ്റ്റാൻ്റ് കെട്ടിടത്തിൻ്റെ പണി ആരംഭിക്കണമെന്നും, നിലവിലുള്ള ബസ്റ്റാൻ്റ് ഗ്രൗണ്ട് പൂർണ്ണമായും ലെവൽ ചെയ്ത് ബസ്സുകൾ റോഡിലിട്ടു തിരിക്കുന്ന സാഹചര്യം ഒഴിവാക്കി ബസ്സുകൾ ഗ്രൗണ്ടിലൂടെ കയറിയിറങ്ങി പോകുന്നതിനുള്ള സൗകര്യം എത്രയും പെട്ടന്ന് ചെയ്യേണ്ടതാണെന്നും കാണിച്ചാണ് ഈരാറ്റുപേട നഗരസഭാ ചെയർപെഴ്സനും , നഗരസഭാ സെക്രട്ടറിക്കും ഫൈൻ ആർട്ട്സ് ക്ലബ് ഈരാറ്റുപേട്ട.(ഫെയ്സ് ) നിവേദനം നൽകിയത്. നഗരസഭാ ഭരണ, പ്രതിപക്ഷകക്ഷികൾ ഈ വിഷയത്തിൽ കാണിക്കുന്ന നിരുത്തരവാദ സമീപനങ്ങൾ തുടരുന്ന പക്ഷം നിക്ഷ്പക്ഷരായ ജനങ്ങളെ സംഘടിപ്പിച്ച് പ്രത്യക്ഷ സമരപരിപാടികളുമായി മുന്നോട്ടു പോകുമെന്ന് ഫെയ്സ് നേതൃത്വം അധികാരികളെ അറിയിച്ചു. ഫെയ്സ് പ്രസിഡന്റ് കെ.പി.എ. നടക്കൽ, ജനറൽ സെക്രട്ടറി ഹാഷിം ലബ്ബ, എക്സിക്യൂട്ടിവ് അംഗങ്ങളായ പി.പി.എം. നൗഷാദ്, ജലീൽ കണ്ടത്തിൽ എന്നിവരാണ് നിവേദനം നൽകിയത്

പ്രാദേശികം

അരുവിത്തുറ കോളേജിൽ പ്ലേസ്മെന്റ് സെൽ പ്രവർത്തനോദ്ഘാടനവും കരിയർ ഗൈഡൻസ് സെമിനാറും.

Enews 18 August,2025

അരുവിത്തുറ :വിദ്യാർത്ഥികൾക്ക് തൊഴിലവസരങ്ങളുടെ അക്ഷയ ഖനി ഒരുക്കാൻ അരുവിത്തുറ സെൻ്റ് ജോർജസ് കോളേജിലെ പ്ലേസ്മെന്റ് സെല്ലിൻ്റെ പുതിയ അധ്യയന വർഷത്തെ പ്രവർത്തനങ്ങൾക്ക് തിരി തെളിഞ്ഞു.പ്ലേസ്മെന്റ് സെല്ലിൻ്റെയും കരിയർ സെമിനാറിന്റെയും ഉദ്ഘാടനം ഇന്ത്യൻ ഇൻസ്റ്റിറ്റ്യൂട്ട് ഓഫ് ഇൻഫർമേഷൻ ടെക്നോളജി വലവൂരിലെ ഇലക്ട്രോണിക്സ് ആൻഡ് കമ്മ്യൂണിക്കേഷൻ വിഭാഗം പ്രൊഫസർ ഡോ മിലിന്ത് തോമസ് തേമാലിൽ ഉദ്ഘാടനം ചെയ്തു. ബിരുദാനന്തര വിദ്യാഭ്യാസവും തൊഴിലവസര സാധ്യതകളും എന്ന വിഷയത്തിൽ അദ്ദേഹം ക്ലാസ് നയിച്ചു.കോളേജ് ബർസാർ റവ ഫാ ബിജു കുന്നയ്ക്കാട്ട് അധ്യക്ഷത വഹിച്ച ചടങ്ങിൽ കോളേജ് വൈസ് പ്രിൻസിപ്പൽ ഡോ ജിലു ആനി ജോൺ,പ്ലേസ്മെന്റ് സെൽ കോഡിനേറ്റർമാരായ ഡോ ജെമിനി ജോർജ് ബിനോയ് സി ജോർജ് ,അനീഷ് പി സി തുടങ്ങിയവരും സംസാരിച്ചു.കഴിഞ്ഞവർഷം കലാലയത്തിൽ നിന്നും പ്ലേസ്മെന്റ് സെല്ലിലൂടെ നൂറോളം വിദ്യാർത്ഥികൾ വിവിധ അന്താരാഷ്ട്ര കമ്പനികളിൽ ഉദ്യോഗം നേടിയിരുന്നു.

പ്രാദേശികം

ഫ്രീഡം കപ്പ് ടീം കാർ മാക്സി ന്

Enews 18 August,2025

ഈരാറ്റുപേട്ട .കേരള വ്യാപാരി വ്യവസായി ഏകോപന സമിതി ഈരാറ്റുപേട്ട യുത്ത് വിംഗ് യൂണിറ്റ് സം ഘടിപ്പിച്ച ടി നസറുദ്ധീൻ മെമ്മോറിയൽ ഫ്രീഡം കപ്പിന്റെ വിന്നേഴ്സ് ആയ ടീം കാർമാക്സിനു ഈരാറ്റുപേട്ട യൂണിറ്റ് വൈസ് പ്രസിഡന്റ്‌ റൗഫ് മേത്തർ 50001 രൂപ ക്യാഷ് പ്രൈസും ടി നസറുദ്ധീൻ മെമ്മോറിയൽ ട്രോഫിയും നൽകുന്നു..റണ്ണർസ് അപ്പായ ന്യൂ സ്റ്റാർ മുണ്ടക്കയത്തിന് 30001 രൂപ ക്യാഷ് പ്രൈസും പി. എ.മുഹമ്മദ്‌ സാഹിബ്‌ മെമ്മോറിയൽ ട്രോഫിയും തേർഡ് പ്രൈസ് ടീം ചമ്പക്കരയ്ക്ക് 10001 രൂപയും പി കെ അലിയാർ മെമ്മോറിയൽ ട്രോഫിയുംവ്യാപാരി വ്യവസായ എകോപന സമിതി യൂണിറ്റ് വൈസ് പ്രസിഡൻ്റ് റഊഫ് മേത്തർ വിതരണം ചെയ്തു . യുത്ത് വിംഗ് പ്രസിഡന്റ്‌ മനാഫ് അബ്ദുൽ സലാം, ട്രഷറെർ നിയാസ് വടയാർ, വഹാബ് പോഗോ, നാസിം SRK, റിയാസ് female, സഹിൽ Red tag എന്നിവർ സന്നിഹിതരായിരുന്നു..

പ്രാദേശികം

വെറുപ്പിനെതിരെ ശബ്ദിക്കുവാൻ ഖുർആൻ പ്രചോദനം നൽകുന്നു – വെളിച്ചം സംസ്ഥാന സംഗമം

Enews 17 August,2025

ഈരാറ്റുപേട്ട: മനുഷ്യരെ വിഭജിച്ച് വെറുപ്പ് വിതയ്ക്കുന്ന പ്രവണതകളെ ഖുർആൻ ശക്തമായി എതിർക്കുന്നു; പരസ്പര സ്നേഹത്തിനും മനുഷ്യരെയെല്ലാം ആദരിക്കാനും അത് പ്രചോദനം നൽകുന്നു," എന്ന് വെളിച്ചം ഖുർആൻ സംസ്ഥാന സംഗമം അഭിപ്രായപ്പെട്ടു. നടയ്ക്കൽ ബറകത്ത് ഓഡിറ്റോറിയത്തിൽ നടന്ന സംഗമം രാവിലെ ഹിഫ്ള് മത്സരത്തോടെ ആരംഭിച്ചു. തുടർന്ന് നടന്ന ഉദ്ഘാടന സെഷനിൽ കെ.എൻ.എം മർകസുദ്ദഅവയുടെ ജനറൽ സെക്രട്ടറി എം. അഹമദ്കുട്ടി മദനി സമ്മേളനം ഉദ്ഘാടനം ചെയ്തു. അഡ്വ. സെബാസ്റ്റ്യൻ കുളത്തുങ്കൽ എം.എൽ.എ മുഖ്യാതിഥിയായി പങ്കെടുത്തു. സി.എം. മൗലവി മുഖ്യപ്രഭാഷണം നടത്തി. പുസ്തക പ്രകാശനം മുഹമ്മദ് സക്കീർ നിർവഹിച്ചു. വിവിധ വിഷയങ്ങളിലുള്ള പഠനസമ്മേളനത്തിൽ കെ.എൻ. സുലൈമാൻ മദനി, സൽമ അൻവാരിയ, നൗഷാദ് കാക്കവയൽ എന്നിവർ പ്രബന്ധങ്ങൾ അവതരിപ്പിച്ചു. സമാന്തര വേദിയിൽ ബാലസംഗമവും നടന്നു. ഉച്ചതിരിഞ്ഞ് നടന്ന മെഗാ ക്വിസ് പ്രേക്ഷകരെ ആകർഷിച്ചു. സമാപനസമ്മേളനം ഐ.എസ്.എം സംസ്ഥാന പ്രസിഡന്റ് ഡോ. അൻവർ സാദത്ത് ഉദ്ഘാടനം ചെയ്തു. വെളിച്ചം ഇരുപത്തിയൊന്നാം ഘട്ടം സുഹ്റ അബ്ദുൽഖാദർ ലോഞ്ച് ചെയ്തു. ബാലവെളിച്ചം ടി.പി. ഹുസൈൻകോയ പ്രകാശനം ചെയ്തു. വിവിധ പുരസ്കാരങ്ങളും സംഗമത്തിൽ വിതരണം ചെയ്തു.

പ്രാദേശികം

മിനി മാസ്റ്റ് ലൈറ്റ് ഉദ്ഘാടനം ചെയ്തു.

Enews 17 August,2025

പൂഞ്ഞാർ : മണിയംകുന്ന് പള്ളി ജംഗ്ഷനിൽ അഡ്വ. സെബാസ്റ്റ്യൻ കുളത്തുങ്കൽ എംഎൽഎ യുടെ പ്രത്യേക വികസന നിധിയിൽ നിന്നും രണ്ട് ലക്ഷം രൂപ വിനിയോഗിച്ച് സ്ഥാപിച്ച മിനി മാസ്റ്റ് ലൈററ്റിന്റെ ഉദ്ഘാടനം ഗ്രാമപഞ്ചായത്ത് വൈസ് പ്രസിഡന്റ് തോമസുകുട്ടി കരിയാപുരയിടത്തിന്റെ അധ്യക്ഷതയിൽ അഡ്വ. സെബാസ്റ്റ്യൻ കുളത്തുങ്കൽ എംഎൽഎ ഉദ്ഘാടനം ചെയ്തു. പള്ളി, സ്കൂൾ തുടങ്ങിയ പൊതു സ്ഥാപനങ്ങൾ ഉൾപ്പെടെ സ്ഥിതിചെയ്യുന്ന ഈ പ്രദേശത്ത് രാത്രി കാലങ്ങളിൽ വെളിച്ചം ഇല്ലാതിരുന്നത് പ്രദേശവാസികൾക്ക് ഏറെ ബുദ്ധിമുട്ട് സൃഷ്ടിച്ചിരുന്നു. വിജയ തുടർന്ന് നാട്ടുകാർ നൽകിയ നിവേദനം പരിഗണിച്ചാണ് എംഎൽഎ മിനി മാസ്റ്റ് ലൈറ്റ് സ്ഥാപിക്കുന്നതിന് ഫണ്ട് അനുവദിച്ചത്. ഉദ്ഘാടന യോഗത്തിൽ വാർഡ് മെമ്പർ ഉഷ കുമാരി,മണിയംകുന്ന് പള്ളി വികാരി ഫാ.ജോർജ് തെരുവിൽ , മണിയംകുന്ന് സെന്റ് ജോസഫ് സ്കൂൾ സ്കൂൾ ഹെഡ്മിസ്ട്രസ് സി.റ്റീന, പൊതുപ്രവർത്തകരായ ജോയി കിടങ്ങത്താഴെ, ജോയി വിളക്കുന്നേൽ,സെറീഷ് പുറപ്പന്താനം ജോർജ്ചെമ്പകത്തിനാൽ,സാബുമുതിരേന്തിക്കൽ,ജോണി കിഴക്കേത്തോട്ടം, അപ്പച്ചൻ വെട്ടുകല്ലുംപുറം തുടങ്ങിയവർ പ്രസംഗിച്ചു.

പ്രാദേശികം

Follow Us

Popular News