ഈരാറ്റുപേട്ട ഗവൺമെൻ്റ് ഹയർ സെക്കൻഡറി സ്കൂളിൽ സൗഹൃദ ക്ലബ്ബ് ആഭിമുഖ്യത്തിൽ അന്താരാഷ്ട്ര ലഹരി വിരുദ്ധ ദിനം ആഘോഷിച്ചു. പ്രിൻസിപ്പാൾ ഷീജ സലിം ഉദ്ഘാടനം ചെയ്തു.സൗഹൃദ ക്ലബ് കോർഡിനേറ്റർ സൂര്യ ബി.ആർ അധ്യക്ഷത വഹിച്ചു. മനോജ് റ്റി.ബെഞ്ചമിൻ ക്ലാസ് നയിച്ചു.സീനിയർ അസിസ്റ്റൻ്റ് ഷീജ എം. എസ്, അനീഷ് വി എന്നിവർ നേതൃത്വം നൽകി.
ഈരാറ്റുപേട്ട :ഈരാറ്റുപേട്ട ജനമൈത്രി പോലീസിന്റെയും അരുവിത്തുറ സെൻറ് ജോർജസ് കോളേജ് കൊമേഴ്സ് വിഭാഗത്തിന്റെയും ആഭിമുഖ്യത്തിൽ ലോക ലഹരി വിരുദ്ധ ദിനം വിപുലമായ പരിപാടികളുടെ സംഘടിപ്പിച്ചു.ഈരാറ്റുപേട്ട എസ് എച്ച് ഓ എ ജെ തോമസ് അധ്യക്ഷത വഹിച്ച ലഹരിവിരുദ്ധ ദിനാചരണം കോളേജ് ബർസാർ റവ ഫാ ബിജു കുന്നയ്ക്കാട്ട് ഉദ്ഘാടനം ചെയ്തു. കോളേജ് വൈസ് പ്രിൻസിപ്പൽ ഡോ ജിലു ആനി ജോൺ സെൽഫ് ഫിനാൻസ് കൊമേഴ്സ് വിഭാഗം മേധാവി അനീഷ് പി സി കോമേഴ്സ് വിഭാഗം അധ്യാപകൻ ബിനോയ് സി ജോർജ് തുടങ്ങിയവർ സംസാരിച്ചു.സംസ്ഥാന സർക്കാരിൻറെ "ജീവിതമാണ് ലഹരി " ക്യാമ്പയിൻ ഭാഗമായി സംഘടിപ്പിച്ച പരിപാടിയിൽ വിദ്യാർത്ഥികൾ ലഹരി വിരുദ്ധ പ്രതിജ്ഞ എടുത്തു. പൂഞ്ഞാർ എസ് എം വി ഹയർ സെക്കൻഡറി സ്കൂളിലെ വിദ്യാർഥികൾ അവതരിപ്പിച്ച ന്യത്ത ശില്പവും ചടങ്ങിന് മോഡി ക്കൂട്ടി
ഈരാറ്റുപേട്ട : മുസ്ലിം ഗേൾസ് ഹയർ സെക്കൻഡറി സ്കൂളിലെ മേഘമൽഹാർ മ്യൂസിക് ക്ലബ്ബിൻ്റെ ആഭിമുഖ്യത്തിൽ ലോക സംഗീത ദിനം ആചരിച്ചു. സംഗീത ഉപകരണങ്ങളുടെ പ്രദർശനം, കരോക്കെ ഗാനമേള, വൃന്ദ വാദ്യം, പോസ്റ്റർ പ്രദർശനം എന്നിവ സംഘടിപ്പിച്ചു. യുപി വിഭാഗം വിദ്യാർഥിനികൾക്കായി മേഘമൽഹാർ മ്യൂസിക് ക്ലബ്ബിൻ്റെ ആഭിമുഖ്യത്തിൽ സ്റ്റാർ സിംഗർ സീസൺ 1 എന്ന പേരിൽ മ്യൂസിക് കോമ്പറ്റീഷൻ്റെ പ്രഖ്യാപനം സ്കൂൾ ഹെഡ്മിസ്ട്രസ് എം പി ലീന നിർവഹിച്ചു. സംഗീത അധ്യാപിക സ്വപ്ന നാഥ് അധ്യക്ഷത വഹിച്ചു. മ്യൂസിക് ക്ലബ് ലീഡർ മിൻഹാ സുൽത്താന സ്വാഗതം ആശംസിച്ചു. അധ്യാപകരായ ഇ വി ശ്രീജ, ഹസീന റഹീം, കൃഷ്ണപ്രിയ പി, ആയിഷ മുഹമ്മദ് എന്നിവർ നേതൃത്വം നൽകി.
ഈരാറ്റുപേട്ട: ഈരാറ്റുപേട്ട ഫാമിലി ഹെല്ത്ത് സെന്ററിൽ നഗരസഭ വാര്ഷിക പദ്ധതിയില് ഉള്പെടുത്തി പുതുതായി സജ്ജീകരിച്ച എക്സ്റേ യൂനിറ്റിന്റെ ഉദ്ഘാടനം അഡ്വ. ഹാരിസ് ബിരാന് എം.പി നിര്വഹിച്ചു. നഗരസഭ ചെയര്പേഴ്സണ് സുഹറ അബ്ദുല് ഖാദര് അധ്യക്ഷത വഹിച്ചു. എല്ലാവിധ സംവിധാനങ്ങളും സൗകര്യങ്ങളും നിലവിലുണ്ടെങ്കിലും സാങ്കേതികമായ ചില കാരണങ്ങള് ഉന്നയിച്ച് താലൂക്ക് ഹോസ്പിറ്റലായി ഉയര്ത്താത്ത ഈ ആശുപത്രിയിൽ ദിവസവും ഈരാറ്റുപേട്ടയിലേയും പരിസര പ്രദേശങ്ങളിലേയും 400 ല് രോഗികൾ ചികിത്സക്കായി സമീപിക്കുന്നുണ്ട്. ദിനേന എത്തുന്ന രോഗികള്ക്ക് ആവശ്യമായ രീതികളില് നഗരസഭയുടെ പരിധിക്കുള്ളില് നിന്നുകൊണ്ട് നഗരസഭയുടെ സേവനമേഖലയിൽ ഉൾപ്പെടുത്താവുന്ന ഫണ്ടുകൾ ഉപയോഗിച്ച് ആവശ്യമായ സൌകര്യങ്ങൾ ഒരുക്കാൻ പരമാവധി ശ്രമിക്കുന്നുണ്ടെന്ന് ചെയർപേഴ്സൻ ചൂണ്ടിക്കാട്ടി. അതിന്റെ ഭാഗമായാണ് എക്സ്റേ യൂനിറ്റ് യാഥാര്ത്യമാക്കാന് സാധിച്ചതെന്ന് അവർ പറഞ്ഞു. പ്രാഥമികാരോഗ്യ കേന്ദ്രത്തിലേക്കുള്ള എല്ലാ അടിസ്ഥാന സൗകര്യ വികസനങ്ങളും നഗരസഭയുടെ മേൽനോട്ടത്തിൽ നടത്തി വരുന്നതായും സുഹ്റ അബ്ദുൽ ഖാദർ അറിയിച്ചു.ആരോഗ്യ സ്റ്റാന്റിങ്ങ് കമ്മറ്റി ചെയർമാന് ഷെഫ്ന അമീന് സ്വാഗതം പറഞ്ഞു. നഗരസഭാ വൈസ് ചെയർമാന് അന്സര് പുള്ളോലി മുഖ്യപ്രഭാഷണം നടത്തി. അസീസ് ബഡായില്, കൗണ്സിലർമാരായ അഡ്വ. വി.എം മുഹമ്മദ് ഇല്ല്യാസ്, നാസര് വെള്ളുപറമ്പില്, അനസ് പാറയില്, നൗഫല് എസ്.കെ, അബ്ദുല് ലത്തീഫ്, ലീന ജയിംസ്, റിയാസ് പ്ലാമൂട്ടില്, ഫാസില അബ്സാര്, നൗഫിയ ഇസ്മായില്, കെ.എ മുഹമ്മദ് ഹാഷിം, എ.എം.എ. ഖാദര്, പി.എച്ച്. നൗഷാദ്, അഡ്വ. വിപി നാസര്, എച്ച്.എം.സി അംഗങ്ങള് തുടങ്ങിയവര് സംസാരിച്ചു. മെഡിക്കല് ഓഫീസര് ഡോക്ടര് രശ്മി നന്ദി പറഞ്ഞു.
ഈരാറ്റുപേട്ട . ഫണ്ട് വിനിയോഗത്തിൻ്റെ കാര്യത്തിലും അനുവദിക്കുന്ന ഫണ്ടുകൾ മുഴുവൻ വിനയോഗിക്കുന്നതിലും ഒന്നാമതാണ് ഈരാറ്റുപേട്ട നഗരസഭ യെന്ന് അഡ്വ.ഹാരിസ് ബീരാൻ എം.പി' പറഞ്ഞു.ഫണ്ടുകളുടെ അപര്യാപ്ത് തന്നെയാണ് പല വികസനങ്ങളും മുടങ്ങുന്നത്. ഹാരിസ് ബീരാൻ എം.പി.യുടെ 55 ലക്ഷം രൂപയുടെ ഫണ്ട് ഉപയോഗിച്ച് നഗരസഭ നിർമ്മിക്കുന.പി.കെ. അലിയാർ. മെമ്മോറിയൽ കമ്മ്യൂണിറ്റി ഡവലപ്മെന്റ സെന്റർ നിർമാണ ഉദ്ഘാടനം നിർവ്വഹിച്ചു കൊണ്ട് സംസാരിക്കുകയായിരുന്നു. ഹാരിസ് ബീരാൻ. ഈരാറ്റുപേട്ട കുടുംബാരോഗ്യ കേന്ദ്രത്തിൽ നഗരസഭ ഫണ്ട് ഉപയോഗിച്ച് വാങ്ങിയ എക്സ്റേ യൂണിറ്റിൻ്റെ ഉദ്ഘാടനവും ഹാരിസ് ബീരാൻ എം.പി. നിർവ്വഹിച്ചു. ചെയർ പേഴ്സൻ. സുഹ്റാ അബ്ദുൽ ഖാദർ അധ്യക്ഷത വഹിച്ചു. മുസ്ലിം ലീഗ് ജില്ലാ പ്രസിഡൻ്റ് അസീസ് ബഡായിൽ ,ജനറൽ സെക്രട്ടറി റഫീഖ് മണിമല, ജില്ലാ ട്രഷറർ കെ.എ.മുഹമ്മദ് അഷറഫ്, നഗരസഭ വൈസ് ചെയർമാൻ അൻസർ പുള്ളോലിൽ, നാസർ വെള്ളൂ പറമ്പിൽ ,അഡ്വ വി.എം. മുഹമ്മദ് ഇല്യാസ് . . അഡ്വ.വി.പി.നാസർ, ഡോ.സഹല ഫിർ ദൗസ്. ഷഫ് ന അമീൻ,എസ്.കെ. നൗഫൽ. ഫാസില അബ്സാർ ,കെ.എ.മുഹമ്മദ് ഹാഷിം ,പി.എച്ച് നൗഷാദ് ,റാസി ചെറിയ വല്ലം.സുനിൽകുമാർ വി.എം.സിറാജ്, സി.പി. ബാസിത്, വി.പി.മജീദ് എന്നിവർ പ്രസംഗിച്ചു.
ഈരാറ്റുപേട്ട: ഈരാറ്റുപേട്ട ബ്ലോക്ക് പഞ്ചായത്ത് ദുരന്തനിവരാണവുമായി ബന്ധപ്പെട്ട് എമിര്ജന്സി റെസ്പോണ്സബിള് ടീം (ERT) അംഗങ്ങള്ക്കുള്ള പരിശീലനം നടത്തി. ബ്ലോക്ക് പഞ്ചായത്ത് പ്രസിഡന്റ് മറിയാമ്മ ഫെര്ണ്ണാണ്ടസ് ഉദ്ഘാടനം ചെയ്തു. ക്ഷേമകാര്യ സ്റ്റാന്റിംഗ് കമ്മിറ്റി ചെയര്പേഴ്സണ് ബിന്ദു സെബാസ്റ്റ്യന് അദ്ധ്യക്ഷത വഹിച്ചു. ആരോഗ്യ വിദ്യാഭ്യാസ സ്റ്റാന്റിംഗ് കമ്മിറ്റി ചെയര്മാന് അജിത്കുമാര്.ബി മെമ്പര്മാരായ ജോസഫ് ജോര്ജ്, ജെറ്റോ ജോസ് എന്നിവരും, ബ്ലോക്ക് പരിധിയിലെ നന്മക്കൂട്ടം, ടീം എമര്ജന്സി, ടെന്സിംഗ് നേച്ചര് ക്ലബ്, വിവിധ സന്നദ്ധസംഘടനകള്, ആരോഗ്യ പ്രവര്ത്തകര്, ജനപ്രതിനിധികള്, ജീവനക്കാര് തുടങ്ങിയവരും പങ്കെടുത്തു. ഫയര് & റെസ്ക്യൂ വിഭാഗത്തില് ഈരാറ്റുപേട്ട ഫയര്സ്റ്റേഷനിലെ ഫയര്മാന് സതീഷും, കില റിസോഴ്സ് പേഴ്സണ് അബ്ദുള് റഹീമും ക്ലാസ്സുകള് എടുത്തു.
അഹമ്മദാബാദ് വിമാന അപകടത്തിൽ മരിച്ച രഞ്ജിത. ജി.നായരുടെ മൃതദേഹം പുല്ലാട് ശ്രീ വിവേകാനന്ദ ഹൈസ്കൂളില് പൊതുദർശനത്തിന് വച്ചപ്പോൾ സംസ്ഥാന സർക്കാരിനു വേണ്ടി മന്ത്രി വി.എൻ വാസവൻ അന്ത്യോപചാരം അർപ്പിക്കുന്നു തിരുവനന്തപുരം: അഹമ്മദാബാദ് വിമാനാപകടത്തിൽ മരിച്ച പത്തനംതിട്ട സ്വദേശി രഞ്ജിതയുടെ മൃതദേഹം കേരളത്തിലെത്തിച്ചു. തിരുവനന്തപുരം വിമാനത്താവളത്തിൽ എത്തിച്ച മൃതദേഹം രഞ്ജിതയുടെ ജന്മനാടായ പുല്ലാട്ടേക്ക് കൊണ്ടുപോയി. മന്ത്രിമാരായ വി ശിവൻകുട്ടി, ജി ആർ അനിൽ, സിപിഐഎം ജനറൽ സെക്രട്ടറി എം എ ബേബി, സിപിഐഎം സംസ്ഥാന സെക്രട്ടറി എം വി ഗോവിന്ദൻ, കോണ്ഗ്രസ് നേതാവ് തിരുവഞ്ചൂർ രാധാകൃഷ്ണൻ, ബിജെപി നേതാവ് എസ് സുരേഷ് തുടങ്ങിയവർ വിമാനത്താവളത്തിൽ എത്തി അന്തിമോപചാരം അർപ്പിച്ചു. ഉച്ചയ്ക്ക് രണ്ടരവരെ ശ്രീ വിവേകാനന്ദ സ്കൂളിൽ പൊതുദർശനമുണ്ടാകും. ശേഷം സംസ്കാരം വൈകിട്ട് നാലരയ്ക്ക് വീട്ടുവളപ്പിൽ നടക്കും. ഇന്നലെ അമ്മയുടെ ഡിഎന്എ സാമ്പിളുമായി പൊരുത്തപ്പെട്ടതോടെയാണ് രഞ്ജിതയുടെ മൃതദേഹം തിരിച്ചറിഞ്ഞത്. ഇതോടെ മൃതദേഹം നാട്ടിലേക്ക് എത്തിക്കുകയായിരുന്നു.
കേന്ദ്രാവിഷ്കൃത പദ്ധതികളായ AMRUT, NULM എന്നിവയുടെ സംയോജന പദ്ധതിയായ അമൃത് മിത്ര പദ്ധതി പ്രകാരം ഈരാറ്റുപേട്ട നഗരസഭാ പരിധിയിലെ വാട്ടർ ക്വാളിറ്റി ടെസ്റ്റിംഗ് ജോലികള്ക്കായി കുടുംബശ്രീ അയൽക്കൂട്ട അംഗങ്ങളെ ഒരു വർഷത്തേക്ക് താത്കാലികമായി നിയമിക്കുന്നു. ഒഴിവുകളുടെ എണ്ണം വാട്ടർ ക്വാളിറ്റി ടെസ്റ്റിംഗ് - 3 അപേക്ഷിക്കുന്നതിനുള്ള യോഗ്യത 1. അപേക്ഷകര് ഈരാറ്റുപേട്ട നഗരസഭയിലെ അയല്ക്കൂട്ടാംഗം ആയിരിക്കണം. 2. നഗരസഭാ പരിധിയില് യാത്ര ചെയ്ത് ജോലി നിര്വ്വഹിക്കുന്നതിന് ആവശ്യമായ ശാരീരിക ക്ഷമത ഉണ്ടാവണം. 3. അപേക്ഷകര് 45 വയസ്സിന് താഴെ പ്രയമുള്ളവരായിരിക്കണം. 4. അപേക്ഷകര് എട്ടാം ക്ലാസ്സ് പാസ്സായിരിക്കണം. 5. അപേക്ഷകര് ഡിജിറ്റല് സാക്ഷരത ഉള്ളവരായിരിക്കണ. 6. അപേക്ഷകക്ക് സജീവമായ ഒരു ബാങ്ക് അക്കൌണ്ട് ഉണ്ടായിരിക്കണം. 7. ക്രിമിനല് അല്ലെങ്കില് സാമൂഹിക വിരുദ്ധ ട്രാക്ക് റെക്കോര്ഡ് ഉണ്ടാവാന് പാടില്ല. 8. സമാനമായ പ്രവര്ത്തനങ്ങളില് മുന്പരിചയമുള്ളവര്ക്കും, പരിശീലനം ലഭിച്ചവര്ക്കും മുന്ഗണന ഉണ്ടായിരിക്കും. 9. പദ്ധതിയുടെ ഭാഗമായുള്ള പരിശീലനങ്ങളില് പങ്കെടുക്കാന് സന്നദ്ധരായിരിക്കണം. മേല് പറഞ്ഞ യോഗ്യതകള് പാലിക്കുന്നവര് നഗരസഭാ കുടുംബശ്രീ ഓഫീസില് നിന്നും ലഭിക്കുന്ന അപേക്ഷാ ഫോം പൂരിപ്പിച്ച് ആവശ്യമായ രേഖകള് സഹിതം 30.06.2025 വൈകീട്ട് 4 മണിക്കകം കുടുംബശ്രീ ഓഫീസില് സമര്പ്പിക്കേണ്ടതാണ്. കൂടുതല് വിവരങ്ങള്ക്ക് കുടുംബശ്രീ ഓഫീസുമായി ബന്ധപ്പെടാവുന്നതാണ്. (ഫോ :-9446932283) അപേക്ഷാ ഫോമിനൊപ്പം സമര്പ്പിക്കേണ്ട രേഖകള് 1. ആധാര് കാര്ഡ് പകര്പ്പ്. 2. വിദ്യാഭ്യാസ യോഗ്യത തെളിയിക്കുന്ന സർട്ടിഫിക്കറ്റ് പകര്പ്പ്. 3. ADS ചെയർപേഴ്സൺ നൽകുന്ന അയൽക്കൂട്ട അംഗം ആണെന്ന സാക്ഷ്യപത്രം
